على ضفاف الليل تنساب الأحلام
وكن الهوى قامت تهادىٰ طيوفه
اقلط وقلبي لك مثل بدوٍ كرام
ارحب هلابك وانت اغلى ضيوفه
طاريك شوقٍ ينعش القلب وهيام
وذكرك له النفس العزيزه شغوفه
نرسم أمل ونقول الأفراح قدام
عل وعسى المشتاق يرتاح جوفه
واتخيلك بين الحقيقه والأوهام
يااغلى هوى بالقلب عيني تشوفه
ومن يامن الدنيا ودورات الأيام
وإلا الدهر لامن دهتنا صروفه

لكن غلاك يقر الأجفان وتنام
عيني وهي للنوم كانت عيوفه
وتهب نسمات الغلا وكن الأنسام
تنثر بقلبي أمن وتزيل خوفه
وأمشي بدرب الحب واحث الاقدام
واكسر حواجز كل زماني واطوفه
والقى مكانٍ غايم وروض وخيام
روضة غلا بأشواق قلبي محفوفه
تمطر علي الحب وتمر الأعوام
غيم ٍ يصب الشوق وألمس كفوفه
لوحة غلا قلبي لها صار رسام
ريضان حبٍ ماتورات طيوفه
سحابةٍ تمطر غلا والمطر دام
سيلٍ جرى والزرع زانت قطوفه
أحلام حققنا وماصارت أحلام
حكم القدر وأمر الزمان وظروفه

م/ن