منتديات قصايد ليل - عرض مشاركة واحدة

10-11-2010

الساعة 8...فليل ..
يلسو سوالف وسهر وسارو السنما وبعدين يلسو في الكوفي..خلصت سهرتهم..خلاص الساعة 8 ترخصو الشباب وسارو بيتهم ....وفي السيارة ..
حمد:سعيد ...
سعيد:هلا...
حمد:سعيد ..شو رايك باجر نسير عند قوم أمايا شيخة ؟؟
سعيد يثاوب: والله على راحتك...
حمد..يطالعة مستغرب:غريبة مب متحمس ...
سعيد:والله مادري يا حمد..أريد أرد عندهم بس لو ردينا بقولون شو قال الدكتور وبعدين لازم يوم اليمعة تسير الدختر والسبت العملية ..شو بتقولهم ؟؟؟
حمد:عادي منقولهم عندنا شغل ..
سعيد يطالعة بنص عين:شو هالشغل إلى من أسبوع ما خلص؟؟؟؟
حمد: ويا ويهك بعد أي شغل شغل...منألف لهم شغل..
سعيد: أنا ملييييييييييت من الجذب وتأليف ..خلنا لين ما تخلص العملية احسن ....
حمد: والله كيفك ...
سعيد: يالله ننزل..
وصلو البيت بس حمد يلس في السيارة ..وسعيد دخل داخل..حمد كان يبا يشوف أهله قبل العملية عشان لو إستواله شىء يكون مسلم عليهم وعلى الأاقل شايفنهم بس صدقة سعيد كيف برد مرة ثانية ..بقولون شو هالشغل إلى ما يلست غير يومين ورديت لندن مرة ثانية وبسه من الجذب لأنه بينكشف ..ومش كل مرة بتسلم الجرة ...
نزل من السيارة ودخل البيت وقفل الباب.. ويوم سار الصاله ..لقى سعيد منسدح على الكرسي وماد ريولة على الطاولة.. ويبدل في القنوات ..
حمد:أيييييييه عنبوه بسك من السهر قم رقد....
سعيد..يحك راسة:ما يايني رقاد .....وبعدين أحيد برنامج إيي في هالوقت حلو .
حمد...سار المطبخ ....ويكلمة بصوت عالي:أي برنامج؟؟؟؟
سعيد:صه لقيتة.......
حمد..عند الباب المطبخ ...ماسك الغرشة الماي والكوبات في إيدة :تبا شىء من المطبخ؟؟؟؟؟
سعيد:شىء برنقلز؟؟
حمد..لف ورى ويطالع :لالالالالا ...ما ظني..
سعيد:أممممم...هات آيس كريم ..
حمد:أي نكه تبا؟؟؟
سعيد:أحيد شىء كاكاو.......لو شىء هاتة لو ماشىء أريد فراولة .
حمد:أوكيييييية ..
سعيد:وهات وياك ثلج ..........وجان شىء فيتامين سي..وبعد هات وياك كندر
حمد:ههههههههه...شو رايك أيب المطبخ كلة عندك؟؟
سعيد:ههههه ..يكون أحسن والله ..
وياب كل إلى يبونة من المطبخ وسار الصالة عند سعيد ونسدح على الكرسي ويلس يشوف ويا سعيد..
الساعة8:15 ..
فوق الشبرية يالسة مربعة ريولها وماسكة المخدة وتسولف ويا أمها ..وأمها تسحي شعرها ..
موضي..تلعب بخصلة من شعرها:يمة ...متى منرد دبي؟؟؟
أم خالد:ليش يمة ما عيبتج بريطانيا؟؟
موضي:إيه عيبتني وايد ...بس أسأل ..
أم خالد..:ليش ما سرتي ترقدين؟؟
موضي:ما ياينى نوم..
أم خالد:عيل وين أختج؟؟
موضي:هههههههه..ليش يمة نسيتي هند سارت ويا شمة شلهم أخوها حمدان ..
أم خالد..طالع الساعة:مب جنهم تأخرو؟؟؟
موضي..توايج من الدريشة....:صدق والله تأخرو وايد..
أم خالد:هاي حزتها أختج بتنام..
موضي:عيل الحين بتي......لا تحاتينها ..الحين تلقينها مستانسة وتلعب..
أم خالد:هاي البنت فشلتني جدام الريال ..ولا ما بخليها تسير وياهم.
موضي:أمايا هالناس وايد طيبين ...
أم خالد:هيه والله.. هاي أم سالم بتخليج في عيونها وحتى حريمهم..مشاء الله عليهن راعيات سوالف وينحبن ..الحمد لله يوم أنهم يرانا وتعرفت عليهن..
موضي:ه يه يمة حتى قوم موزه ..وايد طيبات..تصدقين أنا ما شفت موزه أول مرة بس اليوم شفتها..واااايد طيبة ما توقعتها جيه ..أما سلامي ههههههه وايد فرفوشة ...أما مى بزية وايد ..أما نورة هادية بس تحسينها حنونة ..
أم خالد:إستانستي عليهن؟؟
موضي:هيه واااااايد..يمة خليني اسير عندهم كل يوم والله أمل يالسة في البيت ماحد عندي ..والله مليت ..اليوم كنا نشوف فلم هندي ..ويلسنا نسولف ونحن نشوف الفلم والله إستانست وايد لو عادي جان بت عندهم ..
أم خالد:هههههههههه..شدعوة لهاي الدرجة حبيتيهن؟؟
موضي:هي والله يمة واييد حبيتهن ..ياليت لو ما نرد دبي أريد أيلس وياهن ..
أم خالد:زين ..
في هاي اللحظة ...وهن يسولفن ...دق جرس الباب ..
أم خالد:موضي أكيد قوم أبوج سيري فجي الباب ..
موضي:ليش ما عندهم مفتاح ؟؟؟؟وبعدين ليش الخدامة ما تفج الباب ؟؟؟
أم خالد:سيري بسج هذربة ...لا تخلينهم ينطرون برى..
موضي:أوووكية ........
وسارت تفج الباب.. يوم فجت الاب شافتة ..شـــــافتة..هو والله هو ..واللـــــــــــه هو الحين جدامي..قلبها يدق بقو ..من الصدمة دمها وقف ما تحس فيه ..الدنيا حااارة ..عالم ثاني مب عالمها..آآآآآآآآه واللـــــــــــه جدامي..جدامي..ياربي ياربي ..
حمدان..خدودة حمر....من البرد..وشال هند على جتفة ..راقدة :سلام عليكم..
موضي...في عاااااالم :.............
حمدان..إبتسم :أحم أحم......
موضي:هاااااااااا؟؟
حمدان :السموحة أختي بس هند رقدت .
موضي....ما تعرف شو إسوي؟؟؟.....:..............
حمدان ..مايريد يطول يوم يشوفها يذكر مهرة ..وقلبة يعورة ..:أختى .....
موضي..خييييييييييبة أنا شو ميلسني عنده؟؟؟...:صبر .صبر بزقر الخدامة تشلها..
سارت تزقرها ..ويت الخدامه وشلت هند من عند حمدان وبعدين سار السيارة ونزل ألعابها ونفافيخها ..
حمدان حطى ألعابها والنفافيخ عدال الباب ويوم رفع راسه شاف موضي عند الدري يالسة تشوفة..إبتسم: مع السلامة ..
موضي منصدمة..قال مع السلامة لي؟؟؟؟...لي أنا؟؟..ياااااااااااااااااااي قالي مع السلامة .والله قالي مع السلامة... وسارت عند الباب ..وشافت دب صغيرة لونة أبيض جان تشلة ....وسارت الغرفة ...
الساعة 8.....فليل ..
سلامي كانت مبندة ليتات الصالة.. يوم عاد ظهرن البنات من الصالة عشان يشوفن سلامي شو فيها..نقزت جدامهم وزيغتهن..وحليلهن صرخن من الزيغة
موزه تربع وراها :وييييييين بسيرين عني يالسباااااااااااااااله ؟؟؟؟؟..عنلاتج....خااااااااااااامة..
وسلامي تربع وسارت فوق ..وموزه وراها..
سلامي:ههههههههههههه..ما ترومين تمسكيني
موزه:فقتج يا السبالة .....بتشوفين ..............وسارت سلامي غرفة حمد وقفلت الباب وراها..
موزه:فجي الباب أحسلج.
سلامي :مااااااريد.
موزه:أقولج فجي أحسلج.
سلامي:كيفي ماريد..
موزه..ظربت الباب بقوة من الضيجة:وين بسيرين إلا بلقاج
لحقتها مى ونورة..
مى:موزه ...أصصصصصص ...الحين قوم أمايا بقومن .
موزه:الله يغربلها والله زيغتني..قلت شىء ياها يوم يلست تباغم ..والله قلت حد ذبحها يعلهم يذبحونها مسودة ويه..خاااااامة..
نورة:ههههههههههه..والله حتى أنا قلبي طاح من الزيغة..الله ينطبها..
مى: لا نحن بروحنا زايغات من الفلم وبعدين بغمت ويوم سرنا عندها كانت مسكرة اليتات وبعدين نقزت عندنا والله صدق قلبي عورني ..
سلامي تسمعهن من ورى الباب: هههههههههههه..دواكن ...مللتبي ...ما عندكن سالفة غير أفلام ..يوم أقولكن نلعب ولا نسولف ما طيعن ..بس عابدات هالفلام..
موزه:بظهرين مسودة الويه ...لين متى بتيلسين مندسة في حجره حمد؟؟؟؟
سلامي: أووووووووه أنا في حجرة حمد......(تبا تغايض موزه) بسير أشوف غرفتة .....وشوفيها وشومافيها..
موزه:آآآآآآآآآآآآآآآآآآآآي..فيج خير بس لمسي شىء من أغراضه ..بدفنج حية ..
سلامي:هههههههههههههههههههه..
موزه:بذبحها .......
نورة:تعالي نيلس ..خليها تولي......
سارن ويلسن في الصالة الفوقية ........وبعدين سارت نورة عند حوض السمج..
نورة..مدحلة إيدها في الحوض ...:حلوة هاي السمجة ...
مى:أي وحدة ؟؟؟؟
نورة:إلى لونها أزرق ومنقطة بأبيض...تبا تمسكها..
مى..دور على الأاكل مالهن تبا تعطيهن أكل:لا أنا عيبتني السودة ...
موزه..عدال الدريشة :اللللللللله ..طاح ثلج..تعالن....يعيبني شكلة يوم يطيح..
كلهن سارن عند الدريشة: اللللللللللللله ...محلاتة يوم يطيح....
سلامي توايج من الباب: أحم أحم.....وتأشر بإيدها.
موزه ما لفت صوبها..
مى: هلا حبيبتي ..ها؟؟خلصتي؟؟؟؟
سلامي: جب إنتي ويا ويهج..
موزه: لا تكلمينها جيه ..إنتى جب ..فقتج يا السبالة .....
سلامي..تنفخ البان: موزه تعالي براويج شىء....
موزه: أنا شو قلت ما قتلج لا تلمسين أغراضة ؟؟؟؟؟؟ليش ما سمعين الكلام؟؟؟؟؟
سلامي: ما لمست شىء...بس هذا الدفتر لقيتة فوق المكتب وكان مفتوح على آخر صفحة وقريت المكتوب.....
موزه: دفتر؟؟؟؟؟؟؟؟؟...دفتر شو؟؟؟؟؟؟؟؟؟
سلامي: دفتر على ما ظن هذا الدفتر من زمان عندة ....كله شعر...
موزه..تذكر يوم طلبت منه تشوفة :وينة؟؟؟؟؟؟؟
سلامي ظهرته من ورى ظهرها: هذوه ....
موزه..تمد إيدها: هاتيه أريد أشوفة .......
سلامي: زعلانة ولا بعدج؟؟؟؟؟؟
موزه: لا والله مب زعلانة بس لو عتيها بتشوفين شىء ما شفتيه ......
سلامي..تعطيها بوسة من بعيد: حبيبتي ..أقول موزوه ما بتزعل..تعالن شوفن قسمة والله يخبل أحلى عن غرفنا بألف مرة ..
سارن عندها ..ويوم دخلن ..
مى...ونورة:الللللللللله ..حلو الألوان إلى مختارنها..كشخةةةةة
موزه:الله ما توقعت جيه ..
سلامي:تعالن دخلن غرفة النوم وايد حلوة ..
ودخلن غرفتة النوم وإستانسن عليها..كانت وايد حلوة والديكور مالها متناسق وكل شىء فخم ....
سلامي:تعالن دخلن غرفة الملابس..حشة بعد لو بنت تعالن شوفن كثر ملابسة ..محل من كثرهن..أشوفة من عرفتة ما يكرر ملابسة..هههههههه لقيت عندة ملابس مال أول إلى كانو قوم لويس يلبسونة ..أكيد هذا شارنة عشان الحفلات التنكرية..أذكر مرة سعيد قالي سارو حفلة تنكرية ..يوم الهالوين ..
مى:اللللللللللله ..محلات ملابسة .......حلوة ألوانهن ..
موزه .....ساكتة بس طالع:..............
نورة:ما تلاحظن شىء؟؟؟؟؟
سلامي:شو؟؟؟؟
نورة:شوفن ...كل شىء مرتب...وفي مكانة ....والمكان وااايد نظيف..
مى:يمكن البشاكير مرتبات يوم سار.
نورة:لا شوفن ..حتى لو رتبن ...شوفن وايد مرتب ..وتبن أثبتلكن؟؟..سارت وفجت درج من دروج المكتب..شفتن؟؟؟..تعالن شوفن .....كيف مرتب الأاوراق وكل شىء مكانة ..
سلامي:هبي كيف تلاحظين..
نورة:ههههههههه..ما يبالة ذكاء....
سلامي: لو تشوفن غرفة سعيد ..تقول زبالة ..لو تبين تاخذين شىء منه يلسي دوري علية .....
مى: تعالن ..........شوفن الكتب إلى يقراهن .....
سارن عند المكتبة .....
سلامي..نزلت كتاب من الرف :عنبوه شو يباهن ..كلهن كتب أجنبية ....شو عايبنة منهن؟؟؟
نورة:اللللللللللللله ...طالعن ..عن شو يقرا ....
مى:شو؟؟؟؟؟
نورة:يقرا عن ثقافة الدول...تاريخ...إقتصاد ...شعر.....حروب.....مؤلفين ...والله كشخة ...عيبني كتبة ..