الفصل الخامس عشر
طاح على الكنب وهو ميت من التعب
ام حامد بخوف:بسم الله عليك شفي وجهك كذا
حامد بتعب:تعبان يمه تعبان........... ياليتني ماتزوجت ......الزواج ماوراه اللي الهم والغم
ام حامد عصبت:وش سوت لك السوسه مرتك؟؟
فاتن:الله يهديك يمه......... هذا بدال ماتهدينه تشوشينه اكثر ؟؟.....مو انتِ اللي كنتي تحنين عليه انه يتزوج
ام حامد:صدق اني كنت احن عليه...... بس كنت انا ابي اللي اختاره له مو اهو راح واختار بنت ماادري وش عاجبه فيها .......!!؟؟حتى الملكه ماصبر على طول خلها الأثنين ماقدر يصبر الا الأربعاء او الخميس
حامد حس انه راس ينفجر هذا اللي ناقصه حنت امه
وقف وراح غرفته من غير ماينتبهون
دخل بو حامد:السلام
ام حامد وفاتن:وعليكم السلام
بو حامد الفتت لفاتن:شفيك مارحتي المدرسه اليوم؟؟
فاتن:والله يبا تعبانه........ ماشبعت نوم وامس ملكه اخوي والا نسيت
بو حامد سكت
ام حامد:تبي قهوه
بو حامد:على هالحر قهوه....... روحي جيبي لي ماي
ام حامد:فاتن جيبي لأبوك ماي
فاتن وقفت:انشالله
بو حامد بصراخ:فاتن اجلسي
فاتن خافت وناظرت في امها اللي كانت تخزها
بو حامد:لاتطالعين البنت كذا........... انا قلت لك انتِ اللي جيبيه
ام حامد راحت المطبخ واهي تتحلطم عليه
فاتن جات وجلست جنبه:يبا .......ليش تسوي في امي كذا؟؟..... انا مو خابرتك كذا!!
بو حامد هدا:والله يابنتي انا مو عايش الا عشانك ...............امك واخوك يبون يموتوني
فاتن بخوف:بسم الله عليك.......... ليش تقول هالكلام؟؟
بو حامد:لأنه
وقطع كلامه لأنها دخلت وعطته الماي
طالع فيها بنظرات غريبه
وشرب شوي ماي وعلى طول رجع الماي اللي شربه في الكاس
بو حامد بعصبيه:الله ياخذك من مره ..........وش هالطعم اللي في الماي
ام حامد بأبتسامه خبيثه:مافي شي......... بس انت يتهيأ لك
فاتن اخذت الكاس من ابوها :بروح اغيره لك
ام حامد بصراخ:وليش تغيرينه الماي ؟؟مافيه شي بس ابوك يتهيأله
فاتن استغربت لرد امها بس ماعبرتها وراح غيرت الكاس وصبت ماي جديد
الخدامه:ليش في غير الكاس؟؟
فاتن:طعمه غير ..........الظاهر انك ماغسلتي الكاس زين
الخدامه بصوت واطي:انا في يغسل بس ماما في حطي
وسكتت
فاتن استغربت سكوتها وخوفها التفتت لجهه اللي تطالع فيها لقت امها موجوده وتخزها
ام حامد:حطيت دوى ابوك لأنه احيانا ينساه .........عرفتي ليش عصبت عليك لمن رحتي وعاندتيني وغيرتي الكاس؟؟
فاتن مااقتنعت بالكلام وطلعت من المطبخ
وفكره توديها وفكره تيبها
وش كانت تبي تقول ؟ولمن شافت امي خافت وسكتت؟؟
الخدامه ميته خوف من نظرات ام حامد لها وصارت ترتجف المسكينه
قربت منها وامسكت اذنها بقووووووه ولفتها
الخدامه:ايييييييييييييييييي ماما حرام عليك
ام حامد:حرام علي.......... اسمعي اليوم كنتي بتوديني ورى الشمس زين اني لحقت......... بس المره الجايه الله يستر لو مسكتك وانتِ تتكلمين او تقولين لأحد سوا حامد او فاتن او بابا بوحامد والله لأسفرك لأٌقرب طياره وعاد روحي هناك وموتي من الجوع عيال مال انته مافي اكل
الخدامه قامت تصيح:والله اخر مره خلاص توبه مافي يعلم احد
ام حامد وهي طالعه:خدامات مايجون الا بالعين الحمره
××××××××××××××××××××××××××
ام يزن بفرحه:حيالله من جانه.......... تو مانورت الرياض
الحريم والجده:منور بأهله
ام يزن تلف على البنات:شخباركم يابنات؟؟
البنات:تمام
ام يزن:ماشالله كبروا البنات واحلوو
شجون:خالتي....... وين ميار؟؟
ام يزن:ميار فوق في غرفتها تصبغ في وجها
ام فيصل:هههههههههههههههه والله انك صادقه عندنا وعندكم خير
|