منتديات قصايد ليل - عرض مشاركة واحدة - أكثر من 200 قصيده كلمات أغاني لمخاااوي الليل!

09-24-2010

عهـد علــيّ ( 82 )
ماني بـميـت لا نسـيتـي غــرامي بـبـكـي عـليه أيام لـحـد ما أنســاه
عـهــدٍ عـلي إنـي لأتـمـم كـــلامي وأرد قـلبـي عـن طـواريـه وألـهــاه
لـو الثـمـن عـمـري ولـذة مـنامي ما أرجـع لـحـبٍ غيـر الوقت مبداه
حـبٍّ بـدأ ثـم انتـهى فـي ظـلامي مـا عــانقـه نـور النهــار وتـبشــاه
لـو إني تـحت غيمـة حنانه وظامي كـسيـر ذابحـني العطـش ما أترجاه
لأزحـف ولو ما شال جسمي عظامي عـن موقفه وأدفن عن الريق مجراه
ما عـاد لـه بـيـن النواظـر مـقـامي خـفّ اشتـياقي داعي الوقت صحّاه
هـاذي الحقـيقـة لا نسيتـي غـرامي مـاني بـميت بـبـكي أيـام وأنساه
كلمات : ( عبد الله الرشود )
ألحـان : ( مشعل باخت )

لا تستـر الليــل ( 83 )
لا تستـر الليل والقمرة عـلى السهـران خـل السهـارى تـمـوت شوي وتـحيا بك
ليلٍ طـويل يـداعب طـرفـك النـعــسان مـعــذور ذاك الحـريـر اللي تـلـوّى بـك
جـمـرك رمـاده عـسـل يا سيـد الخــلان مـن عـشت في روضتـك وأنا أتغنى بك
عـطيتنـي الـورد يا المـحبوب والريحــان وصـرت لـي سـيّــدٍ أقـرأ مـن كـتــابـك
علمتني الحب وكيف ألعب في هالميـدان عـلمتني كيف أشـوف الصبـح لا جـابك
الأرض يا صاحـبـي والسقـف والجــدران اسـتانـست لـك وكـل البيـت هـلاّ بـك
خـلّـك هنـيّـا ترى حـنا غـدينا أخـــوان اللـي تبـي ياصـلك وأنـت عـلى بـابـك
مـضيّـفـك ليـن شافـك همّـل الضيـفان واللــه مـا لـي حــيــاةٍ زيـنــــه إلا بـك
كلمات : ( بندر الرشود )
ألحـان : ( سلطان الشامي )

بـدرٍ طـلــع ( 84 )
بدرٍ طلع من مغيبه نــــوّر الديـــرة نـوّر ديــــارٍ تـضيعنـي غـداريـهــــا
أسير فيها وأضيع مشيـــة السيـــرة سود الليالي تضيـع رجـل ماشيهــا
شلت القلم باكتب من القلب تعبيره باكتب عن النفس واللي خافي فيهــا
لو إن قلبي نبيه ويسمـــع الشيـــره ما أقول ليله خلّ حاضرها وماضيهـا
لكن قلبي عصى وأصبحـت فـي حيره فـي حيرة القلب والنفس ومناويهــا
يطـرد ورى اللي تنحّت به محـاذيـره لـه مدةٍ صابر برجعتهــا يرجـيـهــا
منّه عذلتـه وعيّـا مـا يبــي غيــــره يستبشـر برجعتـه ساعــة وـبغيهــا
يرجي كريـمٍ يعيش الخلق من خيـره ربٍّ خلـق نفـس مخلوقـه ومعطيهــا
كلمات : ( مناور الدوسري )
ألحـان : ( خالد عبد الرحمن )

ألا يا روح روحـي ( 85 )
ألا يا روح روحي ترى الفرقه صعيبة .. عقب فرقاك من لي
ما غير أسهر وأنوح عليّ بادٍ مصيبة .. متى نورك يهلّ
يزيدنّ الجروح عـقب طول المغيبة .. يا أبو رمش مظلّي
من الوقت الشحوح ودنياي الغريبة .. وصالك ما حصل لي
معه قلبـي نصوحٍ وغيره وشاري به .. بها أرحب وأهلّي
بسرّه ما يبوح به أوصافٍ غريبة .. ولا عقبه تسلي
لو إن الغالي يوحي دوا القلب وطيبه .. علالي فـي محليني
كلمات : ( ناصر الناصر )
ألحـان : ( خالد عبد الرحمن

تعـالـــي ( 86 )
تعالـي نسكـت أحسن مـن كلامٍ تاليتـه جــروح
هلا بالصمت دام الصمت ما يـجرح مشاعرنـا
أنا وانتي وطول الصمت والدمعـة وكثر البــوح وليـلٍ مـا بـقــى بـه حيـل ينهانـا ويامــرنـا
بكى ما كنـه اللي كـــان يغرينـا فـرح ومـــزوح سكـت مـا كنـه اللي كـان ملـهمنـا وشاعرنـا
توحّي تسمعيـن الليل ما أدري وش بلاه ينـوح
على ضـحكـاتنـا ولّـى على كسـرة خـواطـرنـا
إذا يبكـي مـن الفرحـة علينـا عـلّمـيـه يــــروح وإذا يبكـي حـزن تكفيـن قولـي له يسـامرنـا
ويـجـبـر خاطـرٍ قامت هواجيسـه تجي وتـــروح يشوف الحـال ويكـفّ السـؤال اللـي محيّـرنـا
صحيح إنا صبـرنـا واعتبرنـا صبـرنا مـصـلـــوح ولـكــن مـا بقــى شيء عقـب هــذا يصبّـرنـا
دخيـل العاتـق اللي له ورى ليل الجديلة ضــوح وفـي جـاه الشفـاه اللـي بنسمتهـا تعـطّـرنـا
وفـي وجـه العيون اللي بقى للدمـع فيهـا روح لأجــل خـاطـر ليـالينـا ومـاضينـا وحـاضرنـا
كلمات : ( رشيد الدهام )
ألحـان : ( سلطان الشادي )

وش تـنـتـظــر ( 87 )
وش تنتظر يا محرق القلب بالنــار
ما تستـلـم روحي وتقضي عليهــا
أنا رمتنـي فـي محبتـك الأقـــدار
والـروح سو اللي تبي اليوم فيهــا
ما عاد فيهـا فايـدة صـار ما صــار
اللـي تبيـه العيــن قلبـي يبيهــا
لـو أعـتذر ما بـه مجـالٍ للأعـــذار
ليـت السلامـة تنشـري واشتريهـا
ولا أتعـذب طول هالوقت وأحتــار
مـع من خذتنـي لعبةٍ فـي يديهـا
تلعب على ما تشتهي بي وتختـار
وأنـا الـهـوا ما ودي إنـه يـجيـهــا
يجرح مشاعرهـا وأنا أخـاف وأغـــار
حتــى من الريـح الخفيّـة عـليهــا
كلمات : ( محمد الناصر )
ألحـان : ( سلطان الشادي )

قلبـك كبيـــر ( 88 )
كان الخطا .. كله خطاي
أنا أعترف لك .. وأطلب رضاك
قلبك كبير .. كبير .. وأنا خطاي كبير
حتى قرارك ضدي .. أثّر علي كثير
نطلب رضاكم .. ذا من غلاكم
لولا هواكم .. ما كنا معاكم
كلمات : ( مخاوي الليل )
ألحـان : ( خالد عبد الرحمن )

الود(89)
الود ما يعطى جميع المخاليق الود يعـطى في المـخـاليق واحـــد
الود يعطى حافظين المـواثيق واللي يخـون الود ذا الوقت واجـد
يا كثر ناسٍ ودّها بالتـوافيـق ويا كـثر ناسٍ عـشقـها عند جاحـد
اللي مودتهم مـودّة تلافـيق تـسهر ومن له تسهر العين راقـد
الورد ما يهدى لكل المـخاليق الـورد يـهدى في المـخاليق واحــد كلمات : ( حسين القحطاني )
ألحـان : ( سلطان الشادي )

يا عــطـاشــا ( 90 )
يـا عـطاشا يا عـطاشا والمــوارد بعـيـــدة والثـريا حـداهــا سـيــل يـم المـغــيـب
وإليا غابت من يرجي قلبي أنه تـعيـده قـلبـي اللي تولـع ردى حــظ ونـصـيب
ويـل قلبـي تراهـا فـي هـواها تـبيــده اتركـتنـي وقلبي في الهوى مستـصيـب
طـال مـشـوار حبـك والليالي عـنيــده جـف غـصن المـحبـة عـقب ماهـو رطيب
يا عـطاشا عـطشكم في صخــورٍ جـليــده مالـهـا ماطــرٍ هـامـي ولا بـه ســريب
جـدّ فيـها عـليّـا الحـب وقـطّــع وريــده يا عـطاشا حــذاري من بـعـيـدٍ قـــريب
من رمى سهم حبك في عيـونٍ صـديده يقـضـي باقي حـياته بالمـحـبـة غـــريب
من طـلـع لينيـر قـارئ يــومٍ مـديــده
ومن وطى في مطامٍ هام فأمره مــريب
كلمات : ( محمد العثيم )
ألحـان : ( الطيار )

آخر أخبـارك ( 91 )
من حـقي أسأل عن أول وآخر أخبارك
ومن حـقك تـنشدنـي عـن أخبـاري
ما يتـعب اللي يودك طـول مشوارك
يفـداك قلبٍ ملكه الطيب لك ساري
لولا الغـلا وش يصبـرنـي عـلى نـارك حجـرت ناري وقلبـي للوصل ظاري
ما غـيـرك أحـدٍ بهالدنـيا سكـن دارك
دارك عزيزة على نفسي مثل داري
مـحــال قـلبٍ يـحب ويسكـن اقـفـارك
يرحـل وأنا شايـفٍ للعـيـن مقداري
مقبول ما وصلني قبل اسمع أعـذارك
يا غاية اللي بـعشقـك دايم يـمـاري
ما ودي إنك حبيبـي تشتت أفـكـارك
الـحـال وحده وأنا بالروح لك شـاري
ماهـو تـطفّـل ولكـن كـبـر مـقــدارك
خلاّني أسـأل يا أول وآخـر أخـبـاري
كلمات : ( عبدالرحمن الناصر )
ألحـان : ( خالد عبد الرحمن )

على بابـكــم ( 92 )
إلــى واردنّ الـهــمــوم الثّـكــيـلات
أصدّر عـلى جمالك وأنصاك جالي
وإلــى جـردنّ الأقــرار الـصـقـــيـلات
أنـا بـأول الـقــوم ولاني بـتــالي
أنا لك إلـى صـار للـوقـــت مـيـــلات بأرخـص لك الروح وما كـان غالي
وأعـدّي عـلى رؤوس كـل الـطــويـلات وبشـهــد لـك اللــه يا كـل مـالي
عـلى بابـكــم لو قدحــنا الـفـتـيـلات
دسـنا عـلى المـر ويـصيـر حــالي
من الـهـم إلى المـوت عـندي قـليـلات
ومـن بينهـم كـل مطعـون ذالي
على ما إنكتب لي ولك ماش حيـلات
مـع الصبـر كـل الشـدايـد زوالي

كلمات : ( مخاوي الليل )
ألحـان : ( خالد عبد الرحمن )

يتبع..