لا تعـتذر مالك بقلـبـي موده
فرقاك ارحم من جحيم اقترابك

ملعون ابو هالحب ملعون جده
ان كان يربطني بحضرت جنابك

ابنهي اللي كان واحط حده
خلاص وابْدَا رحلتك مع سرابك

كف الاماني كف عن مد يده
اغتلت حلمي والبقى في عذابك

مليت من طعناتك المستبده
يمناك تشهد بالغدر برتكابك

لا تطري اسمي وانتبه لا تعده
ابعد عليك من النجوم لترابك

منت بكفو هالحب ولا انته بقده
انت انتهيت بقلب منهو هقابك

والسالفه بتضيع من بعد مده
ما جت به الايام يعلن ذهابك

واللي يجيب الريح باب واسده
وارتاح من همك بتسكير بابك

لا تعتذر مالك بقلبي موده
فرقاك ارحم من جحيم اقترابك