*******************
الجوري طلعت لعند بدر : خير
بدر : كيفك ...؟
الجوري: مالك دخل .. وش تبغى ...؟
بدر : الساعه 2 تصيري جاهزه مو مثل ملكة البندري تروحي لبيت عمك
الجوري: كان حاكيني تلفون مو لازم اطلع
بدر كمل حكي : الساعه 3ونص طيارتنا
الجوري: كيف ..؟ اليوم
بدر: ايوه مصخناها هنا خلاص ذوق وعرست وش اللي نجلس له بعد
الجوري مقهوره : مابعد جهزت شنطي
بدر : الشغاله جهزت كل شي والشنط بالسياره ....
الجوري بضيقه : اوكيه
بدر ضل يناظرها فتره بعدها مشى ..
الجوري دخلت مبوزه ....(( السخيف يبغى يحكني بالامر الواقع يالله مابغى اسافر مابغى ..))
نوره "م عبدالرحمن " : يالله وش هالبوز ..؟
الجوري : بسافر الليله
نوره: ليه بدري
الجوري: اوامر ...
نوره :هههههه لازم ولا مايصير رجال – ضمتها – تروحي وترجعي بالسلامه
الجوري بضيقه : الله يسلمك ..
***************
راحوا البنات لعند الغرفه مستحين ونواره دخلت : هاااااي
ذوق معصبه و معها امها والبندري ..
الللكل : هاااي
نواره: ذوق هذولا صحباتي الجدد رناد ورنده يبغوا يسلموا
ذوق وهي معقده حواجبها : هلا بنات كيفكم ..
رنده ورناد : هاي كويسين ..
نواره: وشفيكم .. ذوذو ليه معصبه
ذوق: الزفت عادل مو راضي يدخل
البندري: ذوق وبعدين
نواره: ليه مو راضي
ام البندري: الولد خجول يستحي ...
نواره : ذوق وسعي صدرك يمكن جد يستحي
ذوق ماسكه دموعها بقهر : يعني انزف لوحدي والله قويه
رنده ورناد قرروا يطلعوا مكانهم غلط ...
نواره: وين ..؟
رنده : خلاص بعدين نشوف الصوره ...
نواره طلعت الجوال ممن الدرج : خذوا داخل الصور موجوده .. مكتوب عليها حبيبتي ..
رناد: اوكيه
خذوا الجوال وطلعوا لبره بسرعه ...
نواره : ذوق عادي في رجال كذا يستحوا وياما زفات جنان من غير المعرس
ذوق: الغبي حنا متفقين جد مايفهم ...
ام ذوق طلعت لانها بتقول كلام يعصب بنتها اكثر يكفي هي مقهوره من حركة ام عادل وولدها ...
البندري دق جوالها : هلا حبيبي ..
رائد: ياقلبي تجي نهرب من العرس
البندري مسكت ضحكتها ومثلة العصبيه : رودي مو وقتك ..
رائد: هههههههه اوكيه ... اسعي قولي لهم مو راضي يدخل خلوها تنزف
البندري: ن شاء الله
رائد: يابعد قلبي انا
البندري: هههههه رودي باي ...
رائد: باي ..
البنندري: يقول رائد مو راضي خلاص انزفي ...
ذوق وقفت معصبه : بعمره مارضى يله ... وين بابا يدخلني ..
البندري: بره ينتظرك ..
**************
بدت زفت العروسه ((انت مانت انسان اكثر ))
كانت ذوق متضايقه وهي تنزف بس ابوها مسك ايدها بقوه ومثل العاده موجود بقربها هذي حبيبته وداوعته كان ماسك دموعه وهو يزفها ... ورائد من وراهم كذا رزت الفيس علشان البندري
ذوق ابتسمت لابوها : الله يخليك لي
بورائد: وانا ابوك اسكتي راني ماسك دموعي
ذوق زادت ابتسامتها وغرقه دموعها ... هذا الغالي هذا العزوه هذا تاج راسها وحبيبها ..
وصلها للمسرح والبنات واقفين على الجنب مثل العاده ويصفقون ...
خلصت الزفه والناس عيونهم بتطلع على ذوق ... عروس من الف ليله وليله بفساتنها الابيض اللي يتخلله اللون الفوشي مع التاج الالماس اللي يرق على راسها وشعرها الحرير البني ..كانت مثل الملكات الاسطوريات ...
الريم بقهر تناظرها وكانت لوحدها ماحضروا رنا والعنود ... لان علاقاتهم شبه معدومه ...
هنادي بنت خالة نواره كانت واقفه عند راس الريم وتبغى تقهرها لان رنا قالت لها كل حكي مسفر عن الريم وعادل : مشااااااااااااء الله الله يحفضها تهبل ...
الريم ناظرتها بقهر : ايوه حلوه
هنادي : الا تخبل الله يحفضها .. والله ان عادل بينجن عليها الليله
الريم ضحكت :ههههههههه ماتوقع
هنادي : ليه في حد يناظر القمر يفتكر بالنجوم
الريم عصبت وش تقصد هذي :........
الفنانه فطومه كانت هي اللي محييه العرس وهذا هدية البندري ورائد والجوري لذوق ...
((بو رائد سرى ليله هل الدمع من عينه ..
يجرح كما الهجره ...
حبيبي وحبيته .. مروا لي ببيته........ ))
بو رائد صار يرقص ومعه رائد ..
بعدها سحب رائد البندري ورقصة معهم دون عبايه طبعا ... والبنات متين ضحك على المهبل ..
نواره : والله لارقص ...
راحت رقصت بعبايتها وسحبت الجوري معها وصاروا يرقصون بهبال ..
ام سعود: لا هذي زودتها
لمياء : والله لو درى بدر دفنها هنا
رناد: ياويلي ترقص مع غرب
رنده: قلنا فري بس مو كذا ...
ام سعود : والله ماسكت ...
رناد: لا يمه تكفين بدر معه السكر ومو ناقص
لمياء : لا لازم نقوله هذي كل يوم عن يوم تتمادى
رناد: والله حركات ...ماعندهم وقت رقصوا مع رجال ...
رنده: الله يستر اليوم بتصير حريقه بالبيت ...
رناد: مسكينه الجوري ترقص هاللحين ولاتدري وش منتظرها ..
رائد مسك ايد اخته يرقصها رفضت بس البنات جروها .. وقفت ترقص مع اخوها رقصتهم المعتاده بجنب بعض ..بس الخوف والفستان ماساعدوا ذوق ...
بعدها دبكت العروسه ذوق ..مع رائد والبندري والجوري ونواره وكل هذا بالتصوير كل هالستهبال بالتصوير ,...
بعد الرقص طلعوا رائد وابوه وضوا الحريم .. والريم طوال الوقت تتعمد ترقص قدام ذوق .... وذوق مو شايفتها اصلا بس الجوري والبندري ونواره هبلوا فيها يدزونها انهم مايدروا وضحك ...وصوروا البنات مع ذوق .. وهي نست شوي عصبيتها وقهرها من الرهبه .. الخوف نساها كل شي وصارت تضحك وتستهبل ...
راحت نواره لرناد ورنده : يله ارقصوا
رناد : لا بعرسك ان شاء الله
نواره: اقول بس بلا حياء ..
رنده: والله الرقصه اللي بعدها بنرقص بس انتي تعالي نبغاك
نواره: هلا
رناد تطالع لمياء وامها : لا ماينفع هنا تعالي لطاوله الثانيه
نواره: ليه هههههه
راحوا لطاوله الثانيه ..
رنده تمد لها الجوال: وااااااااااااو هذا يخقق يخبل بذمتك من هذا
نواره ناظرت الجوال من يقصدون اختفت ابتسامتها وتغير وجهها كانت صوره لطلال بالطراد البحري ببريطانيا ..
رناد : يهووووووه وين رحتي
نواره : ها .معكم
رنده : تكفين وش اسمه هالقمر
نواره : هذا مات ..
رناد ورنده : مات ...
رناد: والله ماندري سوري
رنده: الله يرحمه ...
نواره : ماعليكم هاللحين شفتوا لوجين
رنده غيرت الصوره على لوجين وهي لابسه شورت وبلوزه : لاتقولي هذي
نواره ابتسمت مغرقه عيونها شتاقه موووت للوجين / ايوه بعد قلبي والله هذي
رناد: مشاء لله فكرتها ممثله جنبيه ..
نواره: لا بالطبيعه احلى
رنده ورناد يناظرو لوجين بانبهار قليلق فيها ملكة جمال حسوا بالنقص مع انهم حلوات واحلى بنات المدرسه بس لوجين تغطي عليهم ..
بعد كذا نزفت ذوق لعريسها اللي ينتظرها بره والناس راحوا للعشاء ..
رائد كان يوصلهم وجالس بالسياره
عادل ساعد ذوق تدخل لان فستانها ثقيل ... والبنات ودعوها من عند السياره ..
بعد فترة سكوت بالسياره .. كان عادل ماسك ايدها
رائد: عيب اترك ايد اختي مابعد وصلتوا للفندق
عادل: ههههه اقول استريح ..
رائد: ذوق قوليله يترك ايدك
ذوق ساكته وتدعي على رائد بداخلها مايكفي انها بتموت من الحياء والخوف ...
رائد: آآيه هذا بس مسك ايدك مارضيتي تهاوشينه كيف لو شي ثاني
ذوق عصبت : راااائد
رائد وعادل : هههههههههههه ..
وصلهم رائد للفندق هما مشوا قدام وهو ورائهم بالشنط ..
كان باللوبي تبع الفندق شباب جالسين ..
شاب 1 : اوووووه المعرس على البركه
شاب 2 : شد حيلك
الشباب : هههههههه
عادل طنشهم ومشى وذوق ماتت من الحياء زياده
رائد: عقبالكم ههههههههه
الشباب : امين ....
وصلهم رائد للغرفه وهنا جد رائد حس انه بيفقد صديقته وحبيبته ذوق اول مره ماوده يتركها ... جلس على السرير يقفز : لا ممتاز سريرهم
عادل : مشاء الله شكللك ناوي تعاين جودة اثاث الغرفه
رائد: هههههه تقريبا
لمعت عيونه ومشى لعند ذوق اللي واقفه من الحياء : مبروك ياختي
ذوق نزلت دموعها الللي مسكتها طوال الوقت رائد مايقول ياختي الا عند الشديد : الله يبارك فيك
رائد: الله الله تيجان وحركات كانك اميره يابعد قلبي ..
ذوق ضمت اخوها يالله حنون ماقد شافت ااحد بحنانه حنون وطيب وينحط على الجرح يبرى ...
رائد نزلت دمعه من عيونه مسحها بسرعه ورجع لهباله : خلاص عادي لزقتي فيني خلي شوي لعادل
ذوق ضربته على خفيف : رائد ...
رائد لف على عادل اللي واضح عليه طفشان من وداعهم : ها النسيب ماوصاك تراها غاليه واغلى من عيوني ..
عادل : لاتخاف بعيوني ...
وقف شوي رائد بعد جر رجوله جر وطلع ماوده يترك اخته ...طلع وسكر الباب بهدوء ...
فضت الصاله تقريبا طعوا اغلب المعازيم ومابقى الاخوات عادل وامه وصاحبات ذوق واهلهم ..
الجوري ناظرت الساعه 2ونص : ياويلي بيبذحني
نوره : وشفيك ..؟
الجوري: نسيت بدر ايد هالللحين يدق ... البندري
البندري : هلا
الجوري بضيق : بسافر ...
البندري: بتسافري ..؟
الجوري بضيقه : ايوه طيارتي بعد ساعه .. – ضمت البندري – اشوفك على خير ..
البندري : ان شاء الله انتبهي على نفسك وعلى بدر ..
الجوري: ههه بلا ستهبال ..
بعدت عنها وسلمت على نواره ..
نواره ضمتها من قلب : بتوحشيني يالدبه
الجوري حست ان نواره فيها شي .. من اول ماجئت وهي مو طبيعيه : وانتي اكثر .. اسمعي بس اوصل بحاكيك مانتي عاجبتني وراك شي ...
نواره غرقة عيونها : لا مافيني شي تتوهمين
الجوري : والحزن اللي بعيونك
نواره : بس مشتاقه للوجين تكفين اذا رحتي سلمي لي عليها وقوليلها ترد علي
الجوري : ابشر ي...
طلعت الجوري وومثل ماتوقعت بدر بره يدق تلفون ومعصب حده ..
بدر بصراخ : اخيرا تكرمتي وطلعتي ..
الجوري مشت لعند السياره ببرود وركبت ماتبغى فضايح زياده يكفي الناس اللي لفوا .. غطت وجهها اول مادخلت من الفشيله ...
دخل وسكر الباب بقوه : مو انا قايلك
قاطعته الجوري: لا تصرخ ماني بعده عندك ...
بدر : انتي كيف تفهمي اقولك اطلعي 2 تطلعي هاللحين المساله مسالة عناد هي
الجوري تخاف منه اذا صرخ غرقة عيونها :لاتصرخ
بدر مسك يدها بقوه : انتي على بالك الدنيا لعبه كيف ترقصي مع رجال غريب
لفت مستغربه : اي رجال ..
بدر : مادري اسالي حالك م من راقصه الليله ..
الجوري: اها الدعوه كذا ام سعود والا خت لمياء ماقصروا بنقل الموجز بس نسيوا يقولوا لك اني انا حرة نفسي وم
قاطعها بعصبيه وهو يضغط على ايدها اكثر : لا مانتي بحره واللي هو انا مين طرطور عندك
الجوري شوي وتبكي : اترك ايدي تراك تالمني
ضغط عليها اكثر لحد ماحس ان اظافره دخلت بلحمها : اذا شفتك او سمعت انك راقصه مع رجال غريبم ماتلومي الا نفسك
ترك ايدها ... امسكت ايدها بالم ومقهوره : لا ابرقص ومحد له شغل فيني ليكون نسيت نفسك وعلى بال
بدر صرخ من اعلى راسه : اسكتي يالجوري احسن لك ...
الجوري تخاف من صراخه لفت للجهه الثانيه تناظر السيارات والطريق اللي دلته كثر ماتروح للمطار ...نزلت دموع القهر على خدها ...
بدر حس فيها تبكي حس بانفاسها سريعه .. ضرب ايده بالدركسون بقوه ماكان يستاهل كل هالصراخ كان ممكن تنحل بهدوء وبساطه (( الله يلعنك يابليس ويلعنك يام سعود )) قال بهدوء وهو يحط ايده على كتفها : الجوري
الجوري ابعدت ايده عن كتفها ............
كمل سواقه وهو مقهوور من غبائه من جاء لسعوديه وهو عصبي وقاسي معها .. اكيد كرهته اكثر هاللحين ...
وصلوا للمطار وركبوا الطياره بهدوء من غير لايحكي احد مع الثاني ......
******************
|