جايين نقول شعر
كلام موزون
وميزانه له سعر
اغلا من الدهب والماس
مين يوزن الاحساس
كتير الكلام يا لسان
بس اللي يحس القلب
ومهما يقولنا بيان
شعورنا صعب إعرابه
مين يرفع المجرور
ويذم في احبابه
والضمه للمكسور
متجبرش في مصابه
والسجع عشقه جناس
طول عمره كان ناقص
وحروف في تنوينها
النطق كان راقص
ياللي قسمتوا الشعر
بحور وتفعيله
الشعر طول عمره حر
وعمودي في تفاعيله
قولوا ويايا مفاعيلٌ مفاعيلُ
دي الصرخه جوايا
بسمعها تناديله
ولا رد لي ندايا
ولا نادى لعليله
|