ياراكب اللي يسمى سيد اخوانه
بافخم وكالات عاصمة السعوديه
بنزا يصبه خبير المان بالمانه
العولمه بالصناعه مانتجت زيه
اثنا عشر بستم نايم وصخانه
ولكل بستم ابخاخه و بوجيه
كنها على الجاذبيه شفط بيبانه
والكمبيوتر على طاقات شمسيه
و ليا اشتغل وازن اسياته وسكانه
كنك على رحلة السفن الفضائيه
بالخط تزجل تقول ازجال شيهانه
شيهانتة من طيور الشام بحريه
الخط كنها على مافيه زعلانه
وان شفتها كنها خدره سحاويه
وهي تمثل عروس البحر و(ديانه)
لاقلطت نجمة الروس الثلاثيه
|