07-14-2010
|
#261
|
بسبوسة النوتيلا وسينيبون بحلاوة الكراميل .. حلوياتي المنزليه
السلام عليكم ورحمة الله وبركاته
حبايبي
الاسبوع الي فات كان فيه ضيوف عند اهلي
وكانت مهمتي هي الحلى
وبما اني كنت مرهقه
وما نمت زين فما سويت غير نوعين حلى
والباقي من برا
اولها بسبوسة النوتيلا
هاااااااااااه
ترا ما غشيتها من بسبوسة الجالكسي
مو عشان كلها لونها بني تقومون تتفلسفون عليه
خخخخخخخ
مقاديرها
كوب سميد
كوب جوز هند
ثلث كوب سكر
بيضتين
علبه قشطه
رشة فانيليا
م ط PB
م ط نسكافيه
م ط كاكاو بودره
الطريقه
تعجن المقادير كلها سوا
تخبز في فرن متوسط الحراره مدة 20 دقيقه
اول ما تطلع من الفرن تسقى بحليب مكثف
تقريبا ثلاث ارباع العلبه الكبيره
واذا بردت شوي ندهنها بكوب نوتيلا
انا دبلت المقادير حقت البسبوسه فاحتجت للتغطيه هذي الكميه اذا اما اذا على نفس المقادير فاتوقع تاخذ اقل
وانتي حسب الصينيه والسماكه اذا اكبر زيدي
ملاحظه{تقدري تسوي اي بسبوسه معتمده عندك بس اظيفي لها النسكافيه والكاكاو}
وهذي الصور
الحلى الثاني
سينيبون بحلاوة الكارامل
{حلاوه بقره}
السينيبون سويه باي طريقه تعجبك وترتاحين لها
واذا فردتها ووزعتي السكر والقرفه
خذي الحلاوه البقرة قطيعاه صغااااااار
وانثريها فوق الحشوه ولفي عادي
{الحلاوه بتذوب مع الحراره وتصيل كراميل}
وكملي زي مانتي متعوده
واذا طلعتيها من الفرن حطي عليها التغطيه الي تعجبك
انا هنا اكتفيت بخلطة النستله والكيري
وفوقها الهيرشي
وهذي الصور
|
|
|
|
|