11-13-2017
|
|
|
عآلم آلحب
لانت قساوة عرى قلبي .. ولا لنّتي
يا أرق .. من نسمة الليل الجنوبيه
ما غيرك انتي محل الروح ( إيه انتي )
عليك مستقبل الحب و دعاويّه ..!!
في عالم الحب .. شيدتي و كونّتي
حتى غديت المُحب .. اللي على نيّه
لا هان حبٍ على الفطره ولا هنّتي
ولاهان ي أهل الحيا وجيهٍ حياويّه
الزين في طلتك ... لو ما تزينّتي
من المها الجيد و إلا من القمر ضيّه .؟
هو شافت عيونك النجلا وعينّتي !!
قلبٍ يظن الهوى ... راحه وحريّه
ينوح لو ما تولعتي و حزنّتي ..؛
ويفز لك فزة الساطي على الهيّه
أطهر من المزن .. لو أنك تمعنتي .؛
لا صبّ وجده على هاذي وهاذيّه
من داعي الشعر .. يمكن ما تبينّتي ..!
كم خاطرٍ فات .. فيه الشوق ماريّه
مير البلا ..كان قفيتي ولا صنّتي !!
مشاعر الحب ... يا العين النداويّه ..
يهيم في ذكرياتك وين ما كنّتي ..
الشعر و الليل وعيون ٍ شقاويّه..،،
|