07-08-2017
|
|
|
باذوووق سلطااانه منتديات قصايد ليل
يسعد لي من ينشد
عن إسمي ومعناه
عن الغريب
وش سبب إسمه
وعنوانه.
ما تدري وش هزته
فيني برقتها
ضاعت حروفي
وشعري تاهت أوزانه..
أنا غريب الليالي
بين القوافي لهيت
ماني غريب الأهل
أو فارق أوطانه..
يا زين ذاك السؤال
و يا زين من يسأل
رقيقه في حكيها
وبالذوق سلطانه..
همسة دلال وحنان
في لذة إحساسه
رقة دفى في نغم
يا ما أعذب ألحانه..
عذبة حكي سولفت
في صفحة أحساسي
تسأل وكن المزن
يرويني هتانه..
تلطفت بالدلال
تحكي وأجاوبها
وتاج الجمال أسمها
يغمرني تحنانه..
فديت كل الحلا
هي رووح شاعرها
فديت ثغر سأل
والشهد بلسانه..
كل الترف بوحها
هي غنوة إحساسي
خذتني في عشقها
وكانت لي الدانه
مجمل حديث الهوى
وحروف أبياتي
ونبضة فؤادي لها
وفكري وشطآنه..
أميرتي والمنى
أخت القمر والزهر
فاقت ورود الربى
بالود ريانه
جديد وحصري
|
|
|
|