0000 لاتغاري أحمد الصانع0000




ما هي .. [ قصة حُب ] , وإلاَّ ذكريات
للـ مشاعر ( جيش ) .. وقلبي مَرْكِزَه

صرتي لي " خامس جهه " لأربع جهات !
وصورتك في وسط عيني [ مبرْوِزَه ]

كنَّ ربِّي .. ما خلق غيرك / بنات !!
إن طروا غيرك .. أحس بـ " نرْفزَه "

وكنِّك إنتي جامعه .. كل الصفات !
الحلا ..والزين ..وعين [ مطرِّزَه ] ...

جاك قلبٍي وصرت عاشق تضحيات
و [ الهَدَف ] من شان " عينك " أحْرِزَه

إن خلطتي الماي في " سكَّر نبات " ..
وقلتي : " إنت " إفرِزَه !! راح أفرِزَه ...!!

في كلامك , يستلج فيني السكات
ومن جهل طبعك يظنِّك ( مخْرِزَه ) ..!!

واثق الخطوه .. وأمشي في ثبات
ويوم شفتك الخطاوي [ مهَزْهِزَه ] ..!

مو بـ كيفي هي كذا واللـه جات
قلبي كرسي " صعب " غيرك يحْجِزَه

عيشتي دونك ..يساويها ..الممات !!
وإنتي عيشي .. في حياتي " معَزِّزَه "

يعني قبلك .. كنت أنا , كلِّي شتات
وصرت أجمعلك شتاتي .. و .. أكنِزَه ..!

وشي طبيعي .. لو يغارون البنات
للجمال [ أخبار ] .. وإنتي " مُوجزَه " ..

ومن يشوفك .. اللِّي يتكلَّم لغات
قام يخربط والـ ( إذا ) صارت ( إزَه ) ..!!

والثقيل اللي يسولف في سكات
من يشوفك عاش حالة / لعوَزَه ..!!

ولوتبوسي إنسان له أيَّام مات
قام يركض !!حَس قلبه ينْغِزَه ..!

وقلبي اللي نام في عز وسبات
غيرك إنتي .. ما أظن ( يفزِّزَه )

واللِّي قالوا لما جت : " الحلوه جات "
جنبك إنتي ..؟ صارت أكبر [ مَطْنَزَه ]

لا تغاري .. من كلام المعجبات
ماني مثل اللِّي .. يحب " الرَزْرِزَه "

ياما قالوا ( الحُب ) يصنع معجزات ..
وإنتي[ حُبك ]..في حياتي" مُعْجِزَه " ..




لـ المبدع دومـآ وأبدآ ..

[IMG][/IMG]



أني نظرت إلى قول الله تعالى: " وأما من خاف مقام ربه ونهى النفس عن الهوى فإن ؟الجنة هي المأوى" فأجهدت نفسي في دفع الهوى حتى استقرت علي طاعة الله

أني نظرت إلى هذا الخلق فرأيت أن كل من معه شيء له قيمة حفظه حتى لا يضيع فنظرت ?إلى قول الله تعالى: " ما عندكم ينفذ وما عند الله باق " فكلما وقع في يدي شيء ذو ?قيمة وجهته لله ليحفظه عنده.

ياربـ احفظ ماستودعته في قلبــــــــــــي ياحي ياقيومـ ...