منتديات قصايد ليل - عرض مشاركة واحدة - آخخلعَ آلنعلين فَ ههنآ مكآن آنثىَ طآههرههَ :|

12-23-2009

أحيان تخرج دمعتن تجــرح العين
دمعه تعاندني وانا اعرف سببها

ان جيت بأخر دمعتي تنحسب دين
وان طعت دمعه العين حرق هدبها

لو جيت بأشرح وضعها قلت بعدين
وأن جيت ابينها فصمتـي غلبها

مدري على وقتـ ن مضى قاسي وزين
والا على دارن شكت من عربها

مدري من اقصى الناس والا قريبين
ولا على شاااان الحياهـ وتعبها

مدري دموعي سبت البعد والبين
ولا لاجل عيني تصعب طلبها

مدري من الي توهم مستجدين
يطمح طموح وخطوته ماحسبها

مدري دموعي من فراق المحبين
الي خذاهم خالقن قد وهبها

يمكن عرفت السر لاعاد تبكيــن
وماقدره ربي للعيني كتبها

ماكل مخلوق له السر تبدين
ولا كل من يدري يخلص نشبها

ياليت تبقى دمعتي داخل العين
ولا يشمت الي ماعرف سببها