الجـــزء الثــــــــــــــاني عشــــر
في بيت بومحمد
ريتاج:يؤؤؤ ماعرف له الجوال ولا الابتوب
مشاعل:محمد يعرف له خليه يعلمك والابتوب تعلمك سهى
منار:والله طحتي على كنز يارتوج من الحين جوال ولابتوب
منال:اجل بعدين اذا رحتي بيته كل شي بيجيبه لك
اريج:عليها بالعافيه
ريتاج:الله يعافيكم ولا راح انساكم
منار:انا ابي شي منك بس
ريتاج:شنووو
منار:تزوجيني اخوه عشان اسليك
البنات:ههههههههههههههه
مشاعل:اقول تركو عنكم السوالف وقومو نروح السوق نجهز ريتاج لاني سمعت من امي بس تخلص العده بيتزوجون يعني باقي شهرين
منار:اي والله وزين اذا كفانا الوقت
منال:يالله قومو نقول لمي
راحو البنات لمهم
ام محمد:انزين مين بيوديكم
ريتاج:تاكسي
ام محمد:لالالا لاتاخذون تاكسي
الا يطق الباب
راح محمد فتح الباب
محمد:هلا والله بشار تفضل
بشار:لا بس جاي اشوفكم اذا محتاجين شي
ام محمد من وراء الباب:هلا والله بيك يابشار تصدق جيت بوقتك
بشار:هلا والله خالتي امريني
ام محمد:البنات بيرحون السوق ولافي احد يوديهم اذا ماعليك امر توديهم
بشار:حاظرين لك ياخاله حتى لو مشغول افضى لك
ام محمد:ماتقصر ياوليدي
بشار:يالله خليهم يجهزون انا انتظرهم
راحت ام محمد قالت للبنات وقالت يروح معاهم محمد
في العثيم مول
يتمشون البنات اول مره يجون
منار:واااااااااو السوق حلو
منال:سكتي لا تفشيلنا سوي روحك متعوده تجين هالامكان بعد الحين نسيبنا الوليد
اريج بمزح:يؤؤؤ اذتونا بالوليد صجيتو راسنا
ريتاج:اروج ليكون غيرانه
البنات:ههههههه
مشاعل:وينه محمد
ريتاج:راح مع بشار الكوفي
مشاعل:والله هالبشار حليو وطيوب وقف معانا وقفه ماوقفوها عمامنا
اريج:اي والله احسه غيييير عنهم
ريتاج:ليش تحكمون عليهم وانتو للحين ماعرفتوهم كلهم
منار:فهمت قصدك تبينا نمدح الوليد حتى الوليد حليو
البنات:هههههههههههههههههه
في الكوفي
محمد وبشار جالسين وسوالف
محمد:كانه هذا الوليد
التفت بشار:الا اهو ومعاه حمد قوم نروح له
محمد:يالله
بشار ومحمد:السلام عليكم
حمد والوليد:وعليكم السلام
بشار:هاااااااا متواعدين
الوليد يفكر يقصده اهو وحمد:اي متواعدين نجي الكوفي
بشار:اجل ما جات لك
الوليد:مين اللي تجي لي
بشار:اللي مواعدها
الوليد:مين مواعد
بشار:علينا لاتتغيشم توك معترف انك مواعد زوجتك اقول قوم روح لها هي الحين توها دخلت برشكا
الوليد توه فاهم:ههه لا خلها تاخذ راحتها تشتري اللي تبي
حمد:قوم فرصه لا تطوفها
محمد:شفيكم على نسيبي اللي يبي يسويه واذا يبي يشوفها يجي البيت ههههه
الوليد يطالع محمد بثقل:عدل ياكلامك يا...
بشار:والنعم نسيبك ولا تعرف اسمه
الوليد:تدري كل شي صار بسرعه ولا تشرفنا بمعرفته
محمد:معاك محمد
الوليد بدون نفس:والنعم
محمد:ينعم بحالك
البنات فرو العثيم فر وشرو كل اللي يحتاجونه والباقي في الايام الجايه وبعدها جاو الكوفي لانهم متواعدين بس يخلصون يجون الكوفي
منار:مين ذيلو اللي جالسين مع محمد وبشار
ريتاج ركزت فيهم وبداء قلبها يدق ريتاج في نفسها اشفيني معقوله بديت احبه بدون مااكلمه اوشي
ريتاج:ماعرفتو مين معه
البنات:مييييييييييييييييييييين
ريتاج:الولييييييييييييييد
التفتو البنات يطالعون مره ثاينه
منال:اي والله صج اهو اشلون ماعرفناه
اريج:صاير واجد احلى من الصوره
منار:اي بعض الناس عرفوه من كثر مايطلعون الصوره
البنات:ههههههههههههههههههه
ريتاج:اقول لايكثر نادو بشار ومحمد نمشي
منار:نمشي احنا وانتي ظلي معاه
ريتاج انحرجت
عند الشباب
محمد:اوه هذي خواتي شكلهم خلصو
بشار:اجل يالله نمشي ها ماتبي تودعها
الوليد:هاذي حركات المراهقين مو عندنا ويالله قوم وصل البنات مو حلوه وقفتهم
الوليد في نفسه:ماتدري عن شي يابشار واللي ماتعرفه بعد اني ماعرف اي وحده فيهم زوجتي
اخذ بشار البنات ووصلهم بيتهم
والوليد وحمد راحو بيت حمد لانه حمد عازم الوليد على عشى
الوليد:اتصل على فهيييد يجي
حمد:اتصلت عليه وهاذي اهو في الطريق
في الصاله
سلافه:يؤؤؤ زهقانه ابي اطلع اشم هواء
رنيم:شغلي المكيف وشمي الهواء
سلافه:هاهااهاهاي
سندس:روحي الحديقه
سلافه:اي والله بقوم اروح الحديقه احسن لي
وطلعت وكانت لابسه جنز ظاغط ازرق وبلوزه فوشيه طويله اشوي ومن الخلف ع جنب في اليمن فيه رسمه مره ناعمه وصاير شكل سلافه بالبدله مره كيوووت
اتصل فهد على حمد
فهد:يالله اطلع لي
حمد:ادخل مافي احد
فهد:اوكي باي
ودخل فهد الا يشوف سلافه تتمشى فتح عيونه
سلافه مو منتبها له بعدها انتبهت وشافته وراح تركض داخل
فهد في نفسه:الله كبرتي ياسندس وحلويتي ملاك صرتي انا ماراح اخليك لازم اتزوجك
دخل فهد
فهد:السلام عليكم ياالدكاتره
الوليد وحمد:ههههه وعليكم السلام
فهد:شخباركم
الوليد وحمد:بخير الله يسلمك
فهد:غريبه خاطب وجالس جنبنا سمعنا اللي يخطبون كله طايرين بيت خطيبتهم او يكلمونها
الوليد:بس الدكتور الوليد غير مو مثل الناس
فهد:اكييد غير يالله انا ان شاء الله عما غريب انظم اليكم ايها المتأهلون
حمد:لاتقوووول
فهد:اي والله
حمد:اجل بتخلوني لحالي عزوبي
الوليد وفهد:هههههههههههه
الوليد:يالله شد حيلك وانظم الينا
حمد:لالالا انا ضد الزواج ههههه
فهد:عيالنا بيصيرون كبرنا وانت تووك بتخطب
حمد:بصبر لمن تكبر وحده من بناتكم وبتزوجها هههههه
الوليد في نفسه:يامحلاي وانا عندي عيال من الهيلقيه انا اذا بجيب عيال بجيب من شهد وبس
فهد:تبينا نزوجها واحد شايب
حمد:الشايب يدلل
فهد والوليد:ههههههههههه
بعد العشى الكل راح بيته
في بيت بوخالد
فهد:ها يمه ماتبين تفرحين بولدك
ام خالد:وي يوم المنى اللي اشوفك فيه متزوج وعروستك جنبك
فهد:خلاص انا عزمت اتزوج
لجين:صججججججججججج كللللللللللللللللللللووووش
فهد:سكتي لاتفضحينا
لجين:ههههههههه انا بدور لك احلى عروس ليش بعد ادور لك جاهزه صمود
فهد:لا العروس عندي
ام خالد ولجين:مييييييييييييين؟؟؟؟
فهد:سندس بنت عمي راضي
تغيرت اشكالهم
فهد:شفيكم؟؟؟
لجين:سندس دلوعه
فهد:شي طبيعي كل البنات دلوعيييين
لجين:بس سندس دلوووووووعه بزياده
فهد في نفسه:يحق لها كل هالجمال لازم تتدلع
فهد:ها يمه متى بتخطبين لي
ام خالد:لمن اكلم ابوك مادري شفيهم شباب العائله ساكتين ساكتين وصابرين والحين كلهم بيتزوجون
لجين:هههههههههههههه اي والله
فهد:بس كم واحد سوتيهم كلهم
ام خالد:اي الوليد وطلال وراشد وانت الحين
لجين بعد ما سمعت اسم الوليد تكدر خاطرها
فهد:شفيك كتمتي
لجين:مافيني شي بروح اخبر جيهان
راحت لجين تركض غرفة جيهان
وجيهان على حالها موراضي تنسى طلال دائما تبكي
لجين طقت الباب
جيهان مسحت دموعها
جيهان:تفضل
لجين:هلا سمعي اخر خبر
جيهان تحاول تسوي نفسها عادي:شنووووو
لجين:فهوووود بيتزوج
جيهان:صجججججج ومين سعيدة الحظ
لجين تغير شكلها:سندس
جيهان:اشفيك انزين
لجين:يعني تسوين نفسك ماتعرفينها انها مغروه ودلوعه
جيهان:اذا تزوجت بتعقل
لجين:وانتي اذا تزوجتي بتنسين طلال؟؟
جيهان بدت دموعها تنزل
لجين:والله مايتساهل اللي تسوينه على شانه ولاتنسين انتي مخطوبه حرام تفكرين بواحد غير راشد انتي تفكرين فيه وتصيحين عليه وهو مو هامه شئ
جيهان تصيح:مااااااااا اقدر انساه في يوم وليله ماااااااااقدر بعد ماحبيته سنه كامله تبوني انساه ماقدر ابي وقت
لجين:ان شاء الله راشد بينسيك اياه وبينسيك طوايفه
جيهان:ان شاء الله بس تصدقين من تجربتي بالخطوبه صرت اخاف ان راشد بعد يتركني
لجين:لالا انا سمعت من سهى انهم قريب بيملكون
جيهان:الله يكتب اللي فيه الخير
لجين:الله يوفقك
جيهان:عقبالك
لجين بابتسامه :الله كريم
في بيت بوالوليد
في غرفة دانه
دانه جالسه على الابتوب
جات مرام
مرام:السلام
دانه: وعليكم السلام
مرام:ها بتروحين معانا السوق نقضي لعرس الوليد
دانه واهي تلعب بشعرها:مين بيروح بعد
مرام:انا وانتي وبقوم اشوف صمود
دانه:شوفي صمود وبعدين ارد لك خبر
طلعت مرام
مرام:صمووووووووووووووود صموووووووووووود
ام الوليد:شفيك تصارخين
مرام:وين صمود
ام الوليد:اختك ذابحتني من عرفت بموعد زواج اخوك من تطلع من الجامعه الى المغرب في السوق ترجع البيت والساعه 8 ترجع السوق
مرام:ههههههههههههه شدعوه بتشتري السوق كله انزين يمه متى نصمم لنا فساتين
ام الوليد:اذا جاء ابوك بقوله يحجز لنا تذاكر للبنان عشان نصمم لنا من هناك بعد هذا عرس الوليد اهو صج العروس مو عاجبتني بس مهمه يصير هذا عرس الوليد
دخلت صمود
صمود:اي متى بنروح نصمم
ام الوليد:بسم الله الناس يسلمون خرعتيني
صمود:السالفه فيها سوق وسفر وتصميم تبيني اسلم
مرام:هههههههههه
ام الوليد: ها خلصتي السوق
صمود:لا شريت اللي عجبني واذا رحنا لبنان بصمم اكثر من فستان وبشتري بعض الاشياء جاهزه وبعدها بروح الامارات وبشتري لي والكويت بعد
ام الوليد:بسسسسسسسسسسسسس شدعوه في عرسك شنو بتسوين
مرام:هههههههههههههههههههههه
صمود:يمه هذا عرس اخوي عرس الغالي الدكتور الوليد اذا ماسوينا في عرس الوليد كذا متى بنسوي
ام الوليد:ماحد مجنني غيرك انتي وفروس
صمود:الحين اللي يفرح حق عرس اخوه يجنن اهله
ام الوليد:يفرحون بس مو كذا
الا بدخلة الوليد
الوليد:السلام عليكم
الكل:وعليكم السلام
صمود:هذا اخوي حبيبي وصل شوف امك ماتبيني افرح بعرسك
الوليد في نفسه:خلوني انا باالاول افرح
الوليد:وليش موراضيه الوالده
ام الوليد:ماعليك منها بس اهي مبالغه تبي تجهز لعرسك من لبنان والامارات والكويت
الوليد:شدعوه يمه خليها انا ما استاهل
ام الوليد:الا تستاهل اجهز لعرسك من العالم كله
الوليد:ههههههههه ماتقصرين
مرام:والله مو مصدقه اني بشوفك معرس ياخوي
الوليد بابتسامه:لا صدقي وعقبالكم
ام الوليد:الله كريم
صمود:انزين يمه متى ملكت طلال
ام الوليد:قبل زواج الوليد باسبوع
صمود:ونااااااااااااااااسه واخير الفرح طق بابنا وصار في عائلتنا زواج
مرام:شدعوه توها سلوى من سنه ونص متزوجه
صمود:سنه ونص اشوي انا لو شهرين اشوي احسن شي سويتوه يمه ان الوليد بعرس لحاله وطلال عرس لحاله عشان يصير زواجين
ام الوليد:والثالث زواجك
الكل:هههههههههههه
الوليد:وجناحي يمه متى بيجون يعدلونه العمال
ام الوليد:من بكره بيبتدون يعدلون فيه ويوسعونه
الوليد:اوكي يمه عن اذنكم
وراح غرفته
ودخل بو الوليد
ام الوليد:هلا والله بيك
بوالوليد:هلا
ام الوليد:هاشسويت على السفر حجزت لنا
بوالوليد:اي بعد هذ عرس الغالي بعد بكره طيارتكم حجزت لكم خمس كراسي
ام الوليد:بس انا وبناتك اربع
بوالوليد:شنووو بعد تبون ترحون لحالكم كلمي واحد من عيالك يروح معاكم
ام الوليد:فرووس اهو يموت في السفر
بوالوليد:هاذي انا حجزت لكم اسبوعين في لبنان واسبوع في الامارات وبعدها بتنزلون جده يومين وبعدها الرياض يومين تقضو كل شي تحتاجون لعرس الغالي
صمود بتطير من الوناسه
ام الوليد تقصد صمود:ها استانستي هاذي اللي تبينه
صمود ابتسمت
بوالوليد:واي شي يبونه تشترينه لهم بعد هذا عرس الوليد مو اي عرس وعلى العموم انا اخذت لهم اجازه من الجامعه
صمود في نفسها:وااااااااااااااااااااااااااااو صج ماقصر ابوي ماخلى شي الله يطول لنا بعمره
ام الوليد:ماقصرت يا بوالوليد
بوالوليد:وبيصير في رصيدكم مليون ريال
ام الوليد:الله يطول بعمرك بس مو كانه واجد
بوالوليد:مو واجد على الوليد
ام الوليد:الله يسلمك ويخليك لنا وتعيش وتعطينا وان شاء الله تعرس عيالك كلهم
بوالوليد:الله كريم
بعدها بيومين ام الوليد وبناتها وفارس سافرو
في بيت بومحمد سهى جايه مع سلوى
او مادخلت سلوى اخذو ولدها
سهى:يالله ماصممتو فساتينكم
سلوى:واهم شي تصممون فستان العروس
ريتاج ببرائه:احنا مانعرف ولانطلع
سهى:خلو كل شي علينا بس انتو ابتدو
سلوى:اي مصمم امممم
سهى:زهير مراد
سلوى:اييي
سهى:يالله قومو هاذي اهل زوجك سافرو يصممون ويقضون لزواج
منال:اجل يالله قومو
منار:بروح بس بشرط حمني يظل عندي
سلوى:احسن اهو ملعوزني كله صياح
منار:خلاص بجي اشتغل مربيه
البنات:هههههههههههههههههه
وطلعو يقضون
وانتهى الجزء
|