من يوم جابوا طاري الماء تذكرت
علاقة الظميان فيه وذكرتك
اظماك شوفه وانت مايوم قدرت
اني كسبت من الظما لو خسرتك
فاذا على بعض المواجع تذمرت
انا على كل المواجع شكرتك
وان مت في عيني لو انك تكبرت
شلتك وفي قلبي حفرت وقبرتك
وان كان جرحي يفضحك لو تنكرت
انا مابين ضلوع صدري سترتك
حاولت ابني فالصبرلكن انهرت
ياليلي اللي من مواجع سهرتك
فاكذب عليك ان قلت لك ماتغيرت
والظن خايب يوم جيت وشبرتك
وانت تخبرني فالمواعيد مابرت
وانا على كذب المواعد خبرتك
تدري خطاك انك طعنت وتعذرت
وانا خطاي اني رضيت وعذرتك
ارضاك تطعني ولو ماتصبرت
انا على طعنة خفوقي جبرتك
قتلت نزفي جور والموت لو جرت
وانا قبلها قد نهيت وزجرتك
ابغاك ماابغاك مادري تحيرت
بس المهم من طاري الماء ذكرتك