نركض مع الايام في كل ديره
ونأكل لحوم الغير من دون تقصير
محدن درى بالآخرة وش مصيره
كلن يحاول بس جمع الدنانير
احدن هواه الصيد ويحب طيره واحدن طموحة كيف جمع المغاتير
واحدن همومه بس يرضي مديره
واحدن يحاول كسب حب الغنادير
محدن عمل لجل الحياة الأخيره
يوم الحساب ويوم عرض التقارير
في يوم ما ينفعك شمل العشيره
ولاينفعك شهرة قصيد وجماهير
ولاينفعك فعل الذنوب الكثيره
من عمرك اللي راح كله مخاسير
يالله دخيلك جعل بالأمر خيره
ويالله عسانا من هل الدين والخير .
|