منتديات قصايد ليل - عرض مشاركة واحدة - عشاق يعتلون ناصيه القلوب /روايه سعوديه رومنسيه وجريئه كامله

12-15-2014

الجزء الثامن عشر
ريما :هي انت بلا احضان بلا قرف
فاطمه :بذمتك ماصار شيء
ريما :لا ماصار شيء ولا بيصير
فاطمه باستغراب :احلفي ولا بوسه لاتقولين تعب الرساله راح على الفاضي
ريما وهي تضغط على اسنانه :لا
فاطمه :احلفي
ريما تعبت :ايه
فاطمه :وبعدين ايش ايه
ريما :خلاص افهمي
فاطمه تزغرط :والله البنت راحت ملح
ريما تهديها :هي هدي شوي لاتفهمين غلط
فاطمه :مادخلتي يالملعونه
ريما تضحك على استهبال فاطمه لانها اشتاقت لها :لا مادخلت سلامات مستحيل لاتنسين الطريقه اللي تزوجنا فيها ..
بس اللي كتبتيه بالرساله صار وخذها مني والله اني يافاطمه حسيت اني بموت والله دقايق واسلم له نفسي بس الله ستر
فاطمه حست بمعاناه ريما :بذمتك ياريما مايحسسك بانه يميل لك
ريما باسف :لا يافاطمه واذا مال لي شيء طبيعي لاتنسين انه رجال وبعيد عن زوجته الاصليه واذا يشوفني كذا
فاطمه قاطعتها :حاولي ياريما انت تحبينه كيف تستغنين عنه ؟
ريما :مارارح احاول ولا اتكلم اذا يبيني يطلبني مثل العالم والناس وانا ماسويت كذا الا علشان ادرس واشوف مستقبلي
فاطمه حست بجديه ريما :ايه والله ياريما كل شيء ولا الكرامه ايش صار بالجامعه
ريما :فهد قدم على الاوراق بس قال بتتاخر
فاطمه :يعني كم ؟
ريما :شهر يقول
فاطمه :بتقعدين شهر معه عز الله اللي رحتي فيها
ريما :لا طبعا انا باتصل بلينا بكره بروح عندها
فاطمه :ايه احسن خليك كذا
ريما :والله يافاطمه احبه مااقدر بس مادري لما اتخيله مع الريم مادري ايش يصير فيني انجن وابين اني اغير..
تخيلي قبل مايطلع قبل شوي تلاسنت معه حتى عصب وطلع
فاطمه :اصبري عليه معليه كلها يومين وتنسينه ويطلقك
ريما باسف :يله اقلبي وجهك خليني اتصل بامي اشوف شسصار مع رانيا
فاطمه :يعني صدق اللي سمعته
ريما :للاسف ايه .. تشوفين الحقاره
فاطمه :يله مع السلامه وانتبهي على نفسك
ريما:مع السلامه
قفلت ريما وتذكرت حاجه لازم تسويها فتحت الشنطه واخذت الظرف اللي فيه مهرها فتحت المكتب وانبهرت بالكتب الكثيره اللي فيه
ولما قربت كان اغلبها روايات رومانسيه بالغات عديده استغربت ريما ماتوقعت فهد انه رومنسي راحت للمكتب وماعرفت وين تحطه
فتحت الدرج الاول شافت اوراق كثير ولما رفعت الملف الاول شافت صور كثير ناظرتها بتمعن وكانت لفهد مع ريم كان اغلبها صور رومنسيه لزواجهم
ريما ماتحملت الصور رمتها بالدرج بقرف وهي تذكر فهد لما يلعب عليها ولما رجعت الملف علشان تحط الظرف عليه
انتبهت على الملف لما فتحته شافت انه اوراق قبولها بالجامعه
ريما شهقت ماصدقت :ليش يسوي كذا هذي اوراق قبولي
ريما ماعرفت سبب ان فهد يخبي عليها اوراق القبول يعني المفروض انها مدوامه من اليوم
عصبت لانها فكرت انه تكون له خادمه وتجلس عنده وتبقى تحت حكمته اخذت الاوراق ورمت الظرف على المكتب
وطلعت من الغرفه وهي معصبه وتفسر عشرين تفسير ليش يخبي الملف عليها
ريما معصبه دقت على لينا
ريما :مساء الخير
لينا :اهلين مساء النور
ريما :كيفك لينا ؟
لينا :الحمد لله كيفك انت شكلك ببريطانيا
ريما :ايه صار لي ثلاث ايام
لينا: ايه وينك نتظرك ؟
ريما بكره ان شالله انا عندكم ولا ليش بكره اليوم الا انت وين ؟
لينا بفرحه تعطيها العنوان :خلاص حنا بانتظراك
ريما :يمكن اتاخر
لينا :خذي راحتك
ريما :يله باي اشوفك
لينا :باي
قفلت ريما وشغلت التلفزيون وهي على اعصابها وتمنى ان فهد مايتاخر ..

مازن وهو يفتح الباب على رانيا وشافها نايمه ضحك بخبث وقرب منها شاف علبه ماء صغيره عندها مسكها وفتحها بشويش وكبها عليها ...
رانيا فزت من مكانها وهي تنفس بصعوبه وحاطه يدها على صدرها وتناظر مازن
رانيا بنظره حاده :حقير
مازن يضحك بصوت عالي :شلون وجهك ؟
رانيا :الا ماقلتلي كيف بدلتك نظفت من النجاسه اللي انكبت عليها ولا ماقلتلي عن خد صديقك اكيد بالعنايه والله شكلي ثقلت ايدي عليه حرام مسكين
مازن انقهر من كلامها عطاها كف :انكتمي تدرين ليه تزوجتك بس علشان اعذبك واحرق قلب كل اللي يحبونك عليك
رانيا وهي تحس فكهاا طاح بحضنها بس مالمسته علشان ماتحسس مازن انه يالمها :على الاقل فيه ناس يحبوني ويحزنون علي
اما انت اذا مت يمكن ماحد يفقدك اوحتى يتكرم ويشارك بتشيع جنازتك ولا حد يذكرك بالخير تدري ليش ؟لا ن اعمالك كلها شر بشر
مازن ضربها لحتى طاحت بالارض بس ظلت ولااول مره صامده :شوفي بكره بنطلع من البيت ؟
رانيا اكتفت تناظره بحده مازن يصارخ عليها :نزلي عيونك لاطلعها لك
رانيا تضحك بنعومه :لا ومن انت ؟
مازن طلع من الغرفه ماتحمل صمودها وقوتها قدامه
رانيا لما شافت مازن طلع وقفت بس طاحت بتعب وتحس بتعب وصارت تبكي
ركضت للحمام (اكرمك الله وصارت تتقيا دم من كثر الضرب وقل الاكل من وقت ماجات ماكلت غير قطعه بقلاوه في حفله الزواج )..
ناصر وهو توه يصحى من النوم ناظر الساعه وفز بسرعه من مكانه ومسك راسه
ناصر :اوف لهذه الدرجه يارانيا حتى ريحتك نستني دوامي
خرج من الغرفه ولما طلع انصدم لما شاف مها قدامه ...
مها معصبه :وانا اقول وين تروح ؟
ناصر وقف قدامها :ليش معصبه ؟
مها عطته ظهرها :لا والله ليش معصبه ليش نايم بغرفتها
ناصر يتافف :لا اله الا الله
مها قعدت تصارخ :ناصر انت ليش كذا ؟
ناصر :مها عن الخرابيط ماحبيت ازعجك قريت كتاب وماشفت قدامي الى هذي الغرفه ونمت
مها ماصدقته عطته ظهرها وراحت ناصر حس ان مها زعلت منه بس طنشها ونزل عند عمته ولبس ثيابه وراح للدوام ...
ريما قاعده على اعصابها بالصاله سمعت صوت الباب انفتح وقفت من مكانها ..
دخل فهد البيت وشاف ريما واقفه والشر بعيونها استغرب لما شاف ورق بيدها وماكانه غريب عليه ...
ريما رفعت الملف :ايش هذا ؟
فهد بهدوء مايبي يتخانق معاها :ماصار الا وشفتيه بغيت اسوي لك اياه مفاجاءه
ريما عصبت وصارت تصارخ :لاتكذب ليش خبيت هالاوراق عندك ؟
فهد ماعرف حتى هو السبب ليش يبي ريما تكون عنده :ريما اهدي ماله داعي الصراخ بعدين انا مااكذب
ريما راحت عنه وشافها تسحب شنطتها :انا رايحه ومابي اشوف رقعه وجهك
فهد عصب من اسلوبها ولحقها :ريما بكره بوصلك الحين ليل
ريما راحت عنه وفتحت الباب من دون ماترد عليه .. فهد ركض وراها لعند المصعد
فهد بعصبيه مسكها من ايده :وين بتروحين هالحزه ؟ عن الجنان واقعدي علشان هذي الكذبه سويتي الهوايل وين انا لما جبتيني على ملا وجهي من هنا لهناك وسكتنا
ريما بعصبيه :فهد انا جايه هنا علشان ابوي واكمل مستقبلي ليش كذبت على اهلي وعرضت نفسي وعرضتك للخطر
علشان تخبي اوراقي ليش تبيني اجلس عندك ولا تبيني شغاله عنك صح ؟رد علي ؟
فهد انصدم اكتشف الحين ليش مايبيها تطلع من البيت لانه مايقدر على فراقها :ريما مافكرت نهائيا باللي تفكرين فيه
ريما تبكي وهي تضغط على زر المصعد بقوه وراء بعض من غير ماتنتبه :تدري ليش لاني وثقت فيك
فتح المصعد دخلت وهي تسحب شنطتها بصعوبه دخل فهد معها ولا تكلم وهي سكتت ماغير دموعها على خدودها
وهو قعد يتامل عيونها ودموعها ويحس انه استذنب فيها ... طلعت ريما وهي تسحب شنتطتها بقوه فهد مسكها: وقفي انا بوصلك
ريمات سكتت عطته نظره حاده
فهد عصب :خلاص انا اسف وبوصلك وانسيني
ريما بهدوء :متى بطلقني ؟
فهد حس انها صعبه عليه يطلقها :اصبري علي ...
ريما :ماراح ياخذ منك وقت
فهد عصب عليها :شوفي ياريما مادري منو سمحلك تدخلين مكتبي وتفتشين باغراضي مو تلقين شيء واحد تقومين تطلعين كل المشاكل اللي بقلبك مره وحده
اعطي نفسك مجال وانا خلي لي فرصه ادافع فيها عن نفسي
ريما ماردت عليه شافته فتح السياره من بعيد اخذ شنطتها ودخلها بالصندوق وركبت قدام جنب السايق
ظلوا ساكتين طول الطريق قطع الصمت
فهد :وين بتروحين ؟
ريما (والله يسوي نفسه مايدري ) مدت له بورقه بيضاء صغيره ... فهد اخذها
فهد :عند من ؟
ريما بملل من تمثيله :عند لينا
فهد لما سمع ردها ماحب يطول السالفه وصلوا المكان كان حي ضيق ومظلم ويخوف
كان شكله قديم بس باين انه الناس اللي يسكوننه ناس فقراء وبسطاء ..
ريما خافت من ظلمه المكان وكانوا اكثر السكان اللي يشوفونهم كبار بالسن
فهد :هذا المكان متاكده ؟
ريما تناظر وقلبها يدق من الخوف :ايه هذا العنوان اللي اعطتني ..
فهد :اشك هذا دار مسنين
ريما ضحكت على كلمه فهد :ههههه الظاهر
فهد ارتاح لما ضحكتله حس ان فيه امل ترجع معه
ريما رفعت جوالها ودقت على لينا ....
لينا :هلا ريما
ريما :وينك انت ؟
لينا :في البيت
ريما :ادري بس العنوان اللي اعطيتيني ايها شكله خطا
لينا :هو حي قديم امشي قدام شويه تلقين بنايه جديده وكبيره تقريبا عشره طوابق
ريما تكلم فهد :فهد لوسمحت قدام شوي ... مشى فهد شافوا بنايه كبيره وحولها حديقه حلوه عكس الحي اللي هي فيه ريما فرحت لما شافت المكان اللي بتسكنه
ريما : باي طابق انتي ؟
لينا :الرابع انتظرك وناسه
ريما بضحكه :مع السلامه