الجزء الثاني والعشرون.................
في العزبة كانت عايلة بو حارب توهم واصلين
ضبية:ابا اركب البانشي الحين يعني الحين
حارب:ما عندها وقت بنتك على طول ابي اركب البانشي
بوحارب:فديتها بنت ابوها
ضبية:احم احم بعض الناس يغارون
حارب:على شو يا حسرى
ضبية:حروب حبيبي
حارب:بدت المصالح قولي بسرعة شو تبين
ضبية بدلع:افا هاي نضرتك لي وانا اختك
حارب:اسف يا اختي شو بغيتي
ضبية بدلع:حبيبي ابا اركب البانشي
حارب:شفت ابوي هاي ماتقول كلمة حلوة ال اذا بغت شيء
بوحارب:ههههههههههههههههههههههه
ضبية:ابوي مب جي بس انا ابا اركب
حارب:لاحولة ولا قوة ال بلاه تعالي بركبج
ضبية بفرح:ايه يعيش يعيش اخوي
حارب:بس ولاترى ما بركبج
ضبية:خلاص بسكت لتيلس اتواجعني تراني رقيقة وما اتحمل
حارب:اشك
ضبية:شووووووووو
حارب:اقصد تعالي يا الرقيقة نركب
ضبية:اتحسبت بعد
حارب:لا لتتحسبين
ضبية ركبت البانشي مع اخوها حارب وكانت صدق مستانسة من الخاطر
رد سيف من دوامه تعبان دخل حجرته على طول وشاف فجر منضفة الحجرة ومبخرتنها فجر تبي سيف يحبها عشان جي قررة انها تغير معاملتها معاه تعطيه كل ال يباه اهم شيء ان يحبها طالعها بفستان ابيض راص لحد الركبة وفالة شعرها الاحمر على طوله وما حاطة شيء في ويها لانها تعرف ان سيف ما يحب المكياج.
فجر وهي تقرب جذاه وتفصخ غترته وعقاله واول عقمتين من كندورته:كيف كان دوامك اليوم حبيبي
سيف مبهت من جمالها وانوثتها:هاه
فجر بدلع:ههههههههههههههههههههه بلاك
سيف:هي زين
فجر بدلع زايد:جهزتلك العشا اعرف انك راد من دوامك تعبان...........وهي تتلمس خدوده صح حبيبي
سيف مسك خصرها وقربها لحضنه
فجر بدلع:حبيبي شكلك تعبان تعال كل اول
سيف وهو ذايب:ها شو قلتي
فجر بعبط:قلت شكلك تعبان
سيف:لالا اول وحدة
فجر:هههههههههههههههههههههههههههههه
سيف عصب:ليش تضحكين
فجر خافت فقالت بتراضيه قربت اكثر وباسته على خدوده والريال خلاص راح فيها
شالها وحطها فوق شبريته يلس يلعب في شعرها الطويل ويقرب ويقرب
فجر بدلع:ههههههههههههه تعرف اني اموت عليك وعلى لمساتك لي احبك سيف وراضية اعيش اي مكان معاك
سيف صدق ذاب وقرب اكثر
مكالمة هاتفية................
سحر:نعم انت ما قلت ان كل شيء انتهى بينا
زايد:وبعدني مصر ان كل شيء انتهى بس
سحر:بس شو
زايد:انا ناوي اسير العزبة ويا الربع تين وياي
سحر:لاء
زايد:سحورة بتستانسين
سحر:ومنو من ربعك بيسير
زايد:ذياب ومبارك وسالم وخليفة
سحر:بقى حد مابيه
زايد:اقول بتين ولالاء
سحر:خلاص بيه
زايد:شاطرة خلاص دقايق وانا عندج خلج جاهزة اوكي
سحر:اوكي
في عزبة بوحارب حارب وابوه رقود اما ضبوي الشيطانة سهرانة وقاعدة عالعرقوب تكتب قصيده ضبوي وحدة تحب تكتب شعر وتموت على اي حد يحب الشعر شراتها
ابكتب لزمن دفتر حياتي
وقول يازمن ليش انا انا
يازمن جرح ماضي انا
فرح في القلب مكتوم
واماني مستحيلة
حارب:ليش ما رقدتي
ضبية:تحسبتك راقد
حارب وهو يلس عدالها:انا ما ياني رقاد
ضبية:زين عيل حصلت حد يقعد معاي
حارب:اي انت انا ما احب اعطي ويه وايد
ضبية:اخوي حبيبي
حارب:شو تبين
ضبية:شو قصدك اني ما اقول كلام حلو ال اذا بغيت شيء
حارب:الاعتراف بالحق فضيلة
ضبية بتمثيل البرائة:الله يسامحك
حارب بدون اهتمام:ويسامح الجميع
ضبية ملت من مثالية حارب:اتصدك ياني رقاد يالله تصبح على خير
حارب ببرود:وانتي من اهل الخير
تتامل بطنها ال بدى يكبر اشوي اشوي شافها فهد ابتسم على حماسها ان تستوي ام يا من وراها بدون ماتحس فيه وحضنها بكل حب
فهد:احبج
شمس بدلع:بس مب اكثر مني ومن ولدنا
فهد:لا والله انا اكثر
شمس بحتجاج:لتحلف
فهد باسها على خدها:شمس
شمس:عيون شمس
فهد وهو مغمظ عيونه:فديت عيونها
شمس ابتسمت:خير حبيبي
فهد تم يطالعها بنضرات هي عجزت انها تفهمها لكن فهد كان حاس بشيء بيستوي بيفرق ها القلبين لكن شو ما يدري
ابتسم:شمس كوني دوم مبتسمة ومشرقة حتى يوم ما بكون معاج توعديني
شمس ما فهمت شيء:مع ان ها اليوم ما بيه لان طول العمر منتم انا وانت مع بعض بس اوعدك ان شمس اتم شمس
فهد ابتسم ووداها الحجرة
فهد:يالله ياعمري لازم ترتاحين
شمس بدلع:فهودي مافيني رقاد
فهد:حبيبتي لازم اتنامين عشانج وعشان ال في بطنج
شمس كل ولا فهد يطلب منها شيء:اوكي
سدحها فوق الشبرية ويلس حذالها يتاملها بكل الحب ال يحسه لهاي المخلوقة
شمس:حبيبي ما بتنام
ابتسم فهد:نامي حبيبتي انا بتم العب في شعرج لين ماتنامين
شمس باسته:اوكي
فهد ابتسم وهو يلمس مكان بوستها
اليوم الثاني.................عزبة بوحارب
ضبوي نشت من الغبشة صرقت الدراجة مالت حروب اخوها ولبست كندورته وتلثمت بغترته وما كان باين غير عيونها السود الوساع يلست اتسوق بسرعة جنونية ومرح وهي صدق صدق مستانسة
وفجاة.......................
كان في مجموعة شباب يشوفونها ويتحسبونها ريال
ذياب:ياخطير شباب شفتوا الريال ال يسوق
خليفة:صراحة نحن الريايل ما نروم نسوق شراته
مبارك:تعالوا انسيرله
سالم:لاشباب خلوه اصلا هاي بنت مب ريال
الشباب:اشو انت شو تقول
زايد:اصلا انا من الصبح ملاحظ انها ابنية واتريا واحد منكم يلاحظ
مبارك:خلاص عيل خلوها لتحرجون البنت
ذياب:لا انا ال احرجها ولا اشرايك زيود
زايد حقير مثل ذياب:ريه من رايك
خليفة:صدق الطيور على اشكالها تقع اسمحولي انا ما بشاركم في الجريمة
زايد:انت متى بتستوي شراتنا يا ريال خلك عن المثالية ال لا بتودي ولا بتيب
خليفة:انا رايح حد اي معاي
سالم ومبارك:اتريا نحن بني معاك
روحوا سالم ومبارك وخليفة وتموا ذياب وزايد.............
ذياب:ما فيهم خير
زايد:ما عليك منهم تعال
ذياب بخبث:عند البنت
زايد بخبث اكبر:اكيد البنت
ذياب وزايد:ههههههههههههههههههههههههههههههههههههه
ساروا زايد وذياب جدا ضبوي وضبوي صدق خافت وما عرفت شو تسوي
زايد:السلام عليكم اشحالك(اونه ما يعرف انها بنت)
ضبوي ساكتة
زايد:ذياب بلاه الريال ساكت اخاف ال ما يبا يصاحبنا
ذياب:لا ما عتقد ولا شو رايك يا ريال
زايد يصاصر ذياب:انا بخليها ترمس
يا جذاها ومسك ايدها بوقاحة:بلاك ماترمس ها لا والحبيب ايده ناعمة ليكون من الجنس الثالث ونحن ما ندري
ذياب:هههههههههههههههههههههههههههههه لا وانت الصاج من الجنس الرابع
زايد:ههههههههههههههههههههههههههههههههههههههههههههه هههههههههه هو في جنس رابع
ذياب:ههههههههههههه في ها الزمن كل شيء فيه
زايد وذياب:ههههههههههههههههههههههههههههههههههههههههههه
ضبية ما رامت تمسك نفسها:شل ايدك عني
زايد بستهبال:اشل شو اشل خيشة العيش
ذياب:هههههههههههههههههههه لا شل كيلو غرام سكر
زايد:انتي بنت
ضبية:مب شغلك وخوز ايدك لو سمحت
زايد يصفر:لا الحلوة تعرف تقول لو سمحت
ضبية وصلت حدها:فجني ياحقير
زايد يقرب اكثر لين ما حست بانفاسه :اذا ما فجيتج
ضبية:بخبر عليك اخوي حارب
زايد:ههههههههههههههههههههههههههههههههههه ذيوب اتقول بتخبر علي اخوها صراحة مت من الخوف................وطالعها بنضرة صدق اتخوف:ما عاش ال يهدد زايد فاهمة
ضبية اشوية وبتصيح:انت الحين شو تبي مني
زايد:ذيوب تسالني شو ابا منها حبوبة انتي جم عمرج
ضبية الغبية ببرائة:ليش تسالني عن عمري ليكون بتخطبني
زايد وذياب:هههههههههههههههههههههههههههههههههههههههههههه هههههههههههههههههههههههههه
زايد:صدق انج ياهل
ذياب:فديتها
زايد:لاء هاي مالي انا
ذياب:اوكي
ضبية:ممكن اروح
زايد مسك ايدها مرة ثانية:اول قولي جم عمرج
ضبية:مب شغلك
زايد:تكلمي بادب
ضبية:مابا
زايد:هو على كيفج
ضبية:اوكيك بكمل ها الشهر16 سنة ارتحت
زايد صخ هاي صدق ياهل هو ال عمره 27 سنة يلعوز ياهل ما كملت 16 سنة
ذياب:زيود هاي ال ياهل خلها اتولي
ضبية بطفولة:انت ولي انزين
زايد:هههههههههههههههههههههههههههههههههه سكتك
ذياب:ياهل ما ينشره عليها
ضبية:انا مب ياهل وما احب حد يقولي ياهل
زايد طالع ذياب يبيها تكشف ويها بس مب جدام ذياب ليش ما يدري
زايد:ذياب خلاص الحق الشباب وانا بيلك الحين
ذياب:اوكي
روح ذياب وتمت ضبوي مع زايد وكانت صدق خايفة ومنزلة راسها
زايد:ليش صخيتي
ضبية:اربيعك راح
زايد:انا قلتله ايروح
ضبية:ليش
زايد:عقي اللثمة محد هني
ضبية:بس انت موجود
زايد:انا عادي
ضبية تقهره:ليش انت مب ريال
زايد صدق انقهر:ثمني كلامج يا الياهل
ضبية:مدام انا ياهل مثل ماتقول شو مقعدنك هني تتمنضر في عيوني
زايد يقرب:عايبتني...............وبصراخ:عقي اللثمة
ضبية خافت منه عقت اللثمة وهي منزلة راسها وكان ويها احمر من الخوف والحر
زايد ذاب من جمالها عيونها السود الوساع رموشها الكثيفة خشمها السيف الطويل ولا شفايفها المليانة(بوتكس طبيعي)بحمرة التوت,بشرتها صافية وناعمة مثل بشرة اليهال ولونها بيضة بياض الثلج وعودها اخ من ها العود طويلة ومليانة اشوي وحيل مخصرة كل شيء فيها يذوب خاطره يشوف شعرها بس اكيد ما بتكشفه مب كل البنات مثل سحر.
زايد:جدامي احلى ملاك
ضبية:ابا اروح ابوي واخوي بيقومون من الرقاد وبيدورون علي
زايد ذايب من عيونها:بشوفج
ضبية تبي تفتك منه :هي بس خلني اروح
زايد ابتسم:اوكي روحي بس لازم اشوفج
ضبية:قتلك بتشوفني بس خلني اروح
زايد وهو يمد كرت:ها كرتي فيه كل ارقامي اذا تبيني اخليج اتروحين خذي الكرت
ضبية خذت الكرت وروحت...................
زايد:ااااااااه فديتها صاروخ
ذياب:منو الصاروخ
زايد بخوف:شفتها
ذياب يبي يقهره اشوي:هي شفتها اخ مب جمال عليها
زايد عصب:حقير تافه الله ياخذك
ذياب:بل بل كل ها عشان بنت
زايد:بنت ولا كل البنات
ذياب يت على باله هند ليش ما يدري يمكن لانها الوحيدة ال اهانته وقالتله الجلام ال ما حاول غيره يقوله ابتسم وهو متامل يشوفها ويعلمها درس في عمرها ما بتنساه
احد المطاعم..............
ميثا:اشو
احمد:يابنت الحلال انا اباج على سنة الله ورسوله
ميثا:انت طلبتني وياك الجواب
احمد:انزين ليش ابي افهم ليش ترفضيني هل هو عيب فيني وانا ما ادري
ميثا:احمد انت شاب مليون بنت تتمناك ال انا
احمد:وانا ما ابي المليون ابيج انتي انا اول مرة في حياتي اكون جاد في موضوع مثل الزواج
ميثا:وشمعنى انا من بد البنات عيبتك وبغيتها
احمد:عمرج سمعتي عن قلب يستاذن قبل ليدق الباب لو بيدي جان ما اردتج ولا حبيتج
عبير:وانا يا احمد كنت تلعب علي
احمد بصدمة:عبير
عبير:هي عبير ال كانت في حياتك ولى شيء مجرد لعبة تسلى فيها ويوم خذت مني ال تباه فريتني
احمد:عبير تعالي نتفاهم
ميثا:عن اذنكم
احمد:ميثا لحضة
ميثا:خلاص احمد اعتقد ياك الجواب ومثل ما غلطت صلح غلطتك عن اذنك
احمد تم يطالعها وهي تروح وحس بالحزن والقهر من عبير
احمد بقهر:ارتحتي يا خليني ساكت احسن
عبير:احمد انا احبك والله احبك مستحيل تحصل وحدة تحبك كثر ما حبك انا
احمد:صدقتج اتصدقين
عبير:احمد انا سلمتك نفسي بدون زواج
احمد:والله انا ما جبرتج على شيء
عبير:يعني ما بتاخذني
احمد:نو وي انا اخذ وحدة نمت معاها اموت ولا اخذ وحدة شرواج
عبير نزلت دموعها:والكلام الحلو ال كنت تقوله لي والوعود ها كله وين وين راح احمد قولي وين راح...............وتمت اتصيح كسرت خاطره بس ما حب يبينلها :اوهووووووووو روحي لاء
وروح
لو حبيبك ما وفالك
لو حبيبك فيك خان ايش
ترجي من زمانكا
النتيجة باينة
هذي نهاية كل وحدة بغت اتحب ولكن حب غلط ,حب ماتعرف شو نهايته وهاي نهاية احمد وعبير..............
(نسيت اعرف عن عبير السموحة قرائي احم احم عبير بنت جميلة بشكل ان الواحد غصبا عن شكله ينجذب عيونها زرق ووساع خشمها شيوخي شفايفها صغار وبلون الفرولة شعرها كاكاوي ومموج بنعومة مكسيكية طويلة ضعيفة بس وايد مخصرة بختصار كل شيء فيها يصرخ الجمال المكسيكي بنت فلوس يتيمة الام وابو همه يعطيها ال تحتاجه من متلطباتها الخاصة اكل وملبس وشرب بعيد عن الابوة والحنان وهذا ال خلاها انسانة متحررة تعرفت على احمد بالصدفة وحبته وتعلقت فيه وشافت انه الوحيد ال بيعوضها الحنان ال فقدته بس المقولة تقول(فاقد الحنان لا يعطيه)وانا اقول انه فاقد الحنان يعطيه لانه ما وده ان غيره ينحرم من ال انحرم هو منه عمرها 18 سنة تدرس في الجامعة )
نهاية الجزء الثاني والعشرون
الجزء الثالث والعشرون
|