كلن يقول انت وين ويسأل شلوني

كلن يقول انت وين ويسأل شلوني
وأقول لناس طيب بس لا والله

الهم والشوق والايام بكوني
ومايحس في العلة الا راعي العلة

اذل من طاري الفرقا وذلوني
دمعاتي التي تبين وشهي الذله

ابكي وفاء لو زماني يعشق طعوني
وان قالو وشفيك تبكي قلت انا لله

شعر الهدب طاح وحرق باطن عيوني
وابغي اشله وعيا الدمع ماشله

العين من نار دمعي تحرق جفوني
لحط دله عليها فاحت الدله

غاب وتركني مابين الهم وضنوني
وقمت اتفكر ودور وشهي الخله

طيب مدامه يعرف ارقام تلفوني
وشفيه لجاه مني خط ما شله

غايب ونا من غيابه ثارت اشجوني
ماذا بطبعه ولا ذا ياعرب دله

واقول في خاطري بيعيش من دوني
والا على البعد قده يدور الزله

ياناس مانيب بخير ضاع مضنوني
وانا جروحي على طاريه منهله

وقفت بوجيه كل اللي تحدوني
ومن عادتي لبغيت الشي بوصله

في ذمتي ذمه انهم لا يحدوني
لمر بيته وجيله غصب واشله

مانيب مجنون لاكن لا تلوموني
خسارتي له خسارة ذا العمر كله

يا طاير الشوق ضايق بي فضا كوني
بعطيك بيت عطه للمبعد وقله

ان كان عاده يبيني ياخذ عيوني
وان كانبه غير ذالك فالكريم الله