رفيقي اللي اذا زليت يعاتبني عتاب احباب
واذا قصر ..سماحة صدره تاسع كل شرهاتي
رفيقي اللي بوقفاته اراهن بالحياة اشناب
رفيقي بقولته (وش فيك) تهابه كل ضيقاتي
اجل وش خانة الصاحب يدور للعنا اسباب
اروح اصاحب العاذل وأساوي كل علاقاتي
الا ياصاحبي ياظهري لامن غبت الا يا كتاب
حفظت بداخله قلبي وروحي ونسخه من ذاتي
حفظت أوجاعي وهمي وظنٍ بالردّي ماخاب
حفظت افراحي واحلامي وجنوني وكل رغباتي
وربي لو كسبت الكون وحظي شرع الابواب
غيابه ربي لا يقوله بيكون اكبر خساراتي
تعبت اسالك يا دربٍ انا والا انت من ينعاب؟
تعبت امشيك واتعثر ولا استوعبت طيحاتي