 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - ضمى كل الوجود بغيبتك
(http://www.gsaidlil.com/vb/showthread.php?t=19348)
ضمى كل الوجود بغيبتك
ذكرتك للصباح وطارت احلى الذكريات أسراب بكت كل الجروح وعجزت العبره تعداني ! وشفني ماتشجرت بعيون الناس ياحطاب وأمانة هو نبت بي غصن لجل اتكسّر أغصاني ؟ حضورك من عقب ماكان بعيون المقيض اعشاب جفافً كسر عزوم البدو يوم الزمن جاني ! تخيّلتك غصن اخضر نبت في سدرة الغيّاب وسجع فوقه حمام الروح يندهلك وينعاني ! ووعيت وشفتك الصحراء بعين العابر المرتاب ضمى كل الوجود بغيبتك لو جيت ابلقاني ! يواسيك الحنين وطاح دمعك والتعب جلباب سترك من السؤال اللي تحملته على شاني ! أنا الثاير على ظُلم الاماني في يد الاحباب وانا الظالم لـ/ثوارً من أول جرح تقراني ! أنا الغائب عن عيون الحقيقة لونثرت أسباب ! خذاني هاجس المنفى ولا أدري وين وداني ! ذبحت البوح من شفت الحقيقه للـ/مشاعر ناب ورفضت أني ..أكون أول جروح الناس بـ/ايماني ! عجزت أنسى دموعً مارمت للراحلين أصحاب ! وانا لو كنت اعرف انسى / قسم بالله لـ/ انساني ! يا عشرين العمر وانت أولك حزن وسهر وعتاب أجل وشلون لاصرت الكبير بنظرة أخواني ! أحس ايامنا مثل الورق وان الحياة كتاب تقطّع .. وانثرته الريح للمنفى ووجداني ! يشوفون الوطن بعيونهم حفنة حصى وتراب واشوفه حاجةً ماتت تواصيفه على لساني ! كذا غيابك يشوفونه بسيط وكنه اي غياب وانا اشوفه حزن من خلقة الدنيا ولا جاني ! بيوت الطين والسقف الجريد ليا صرير الباب ..لها لذه لمن شاف المدينه حفنة اماني ! وطن لجلك سكتنا لين صرنا فالبلاد اغراب وطن ليه الكلام وصوتنا من عمرنا فاني ! ذكرت أمي إذا قالت ترى (نصف الحياة عتاب) وابي لاطال بي عمري تموت بنصفي العاني ! توصيني.. (وليدي) لولبست امن الوجيه ثياب ترى (انت) اللي سكن روحك ولاهو واحدن ثاني ! يايمه... يمكن يكون الوطن حفنة حصى وتراب ولكن!! ماقدرت أوصف حصى وتراب بلساني ! منــــــــقـــول |
صح لسانك ولسان شاعرها
روعه غالي ثمنها مميزه في كل طرح تقدميه والبيت الرابع صوره خياليه اللي يقول تخيّلتك غصن اخضر نبت في سدرة الغيّاب وسجع فوقه حمام الروح يندهلك وينعاني عجبني |
طرح راقي ومميز سلمت يداك على الإختيار الموفق |
صح لسانك ولسان قايلها
بانتظار جديدك |
يسلمو عالطرح الرائع |
ابيات مميزه
الله يعافيك لقلبك السعاده |
صح لسانكـ ولسان قايلهاااا
طرح رااااااااااائع جدآ ويعطيك الف عاافيهـ على هالنقل .. الله يسلم الأيادي وباانتظااار مزيدكـ .. |
| الساعة الآن 05:09 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية