منتديات قصايد ليل

منتديات قصايد ليل (http://www.gsaidlil.com/vb/index.php)
-   [ابكتب من قصيدي الوزن وغيرهـ من شعر منثور] (http://www.gsaidlil.com/vb/forumdisplay.php?f=10)
-   -   [الصـوره اللـي ( بجوالـي ) تعذبـنـي ...!!!!!! (http://www.gsaidlil.com/vb/showthread.php?t=20111)

شوق الليالي 06-09-2010 02:46 AM

[الصـوره اللـي ( بجوالـي ) تعذبـنـي ...!!!!!!
 




[الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا

ياللي جفيـت وجفـاك المـر .. ذابحنـي
عقبك وجيـه البشـر .. مانـي بدانيهـا

من يوم حبك .. غـزى القلـب وتملكنـي
قطعـت كــل العـلاقـات وطواريـهـا

اقـرى رسايلـك ودمـوعـي تسابقـنـي
وارد ! واقرى الرسايل .. واحتفـظ فيهـا

انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا

لـو الوصايـا ليـا احتديـت ! تنفعنـي
ياكثـر نـاس ٍ عـلـى ذودي بوصيـهـا

ليت الفـرح ( بنـك ) لاجيتـه يسلفنـي
واقاصـده ( راحتـي ) وحقوقـه اوفيهـا

من كثـر ماكنـت ! جارحنـي وظالمنـي
قمت اعـزل جروحـك بقلبـي واسميهـا

تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا

تدري متـاك ؟ تعـرف قـدري وتفقدنـي
لارخصت نفسك ,, لشخـص ٍ مايراعيهـا

بكـره الا همـلـوك الـنـاس تذكـرنـي
وتقول عـزاه : عينـي مـن يداريهـا ؟

مـدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبنـي ؟
لــان الهـدايـا عـلـى مقدارمهديـهـا

صحيح ! ( حنا انتهينا ).. بس صدقني !!
والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي
دنيـاي لامـن نسيتـك ويـش تاليـهـا

فارقتنـي وضحكتـك عـيـت تفارقـنـي
والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانـت عارفنـي
عشان حاجه ؟ بقلبي .. مقدر !! أخفيهـا

اخـاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا

نشدت عنـك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا

تبي تعرف ! وش اللى على الفرقا مصبرنـي
انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي
اقرى ( رسايلك ) فـي حرقـه والاحيهـا

اشوف ( صورتك ) .. ودموعي تسابقنـي
وياكثـر ماجيـت أبمسحهـا ؟ وأخليهـا



مما راق لي

عـــودالليل 06-09-2010 02:52 AM

روعه عذبة الروح

ماشاء الله تبارك الرحمن

جنــــون 06-09-2010 03:33 AM

http://www.alhsa.com/forum/imgcache2/128891.gif


تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا









صح لسانكـ ولسان قايلهاااا

طرح رااااااااااائع جدآ

ويعطيك الف عاافيهـ على هالنقل ..
الله يسلم الأيادي
وباانتظااار مزيدكـ ..


http://www.alhsa.com/forum/imgcache2/128892.gif

BeshoOo 06-10-2010 04:32 PM


نظرة الحب 06-10-2010 05:11 PM

يسلمو عالطرح الرائع

شوق الليالي 06-14-2010 10:32 AM

سَـآـمَتِو وَ سًـآـمَ ليَّ حُظوُرِكْم ..
آلـرَـرَآإقـ ـيَّ ..

دُمّتِ بـ .. حِفـ ْـظ آلـَرـَرحمَّنْ

سعودي وافتخر 06-14-2010 03:01 PM

طرح أكثر من رائع
يعطيك العافيه

عريب الساس 06-14-2010 10:44 PM



الساعة الآن 02:39 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية