 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي السادسة: العمر لحظة
(http://www.gsaidlil.com/vb/showthread.php?t=178021)
حمممماس قلبي
منتظرره التكملةة |
الله الله جميل جدا روعه يا دجى الليل سرد و احداث متسلسله و متتابعه بشكل جميل
ب انتظار جديدك و متشوق ل قراءته |
سلمتوا كلكم جميعا ولا هنتوا اطيافي وامير وعود وما نون ونجم وملكة وجميعاً
|
روايه جميله جدا ومشوقه
احسنتي بانتظار البقية ... |
حبيبتي من ذوقج يا الكادي شكرا عالتلبية دعوه
|
أتيت وفي جعبتي الكثير
بداية/ حقًا أنتِ رائعة يا دجى الليل نأتي ل الرواية الطبيب من وجهة نظري شخصية رافعة لنسبة الغثيان وبعيد كل البعد عن أخلاقيات المهنة كانت هناك فرص للانسحاب عوضًا عن المواقف السخيفة لم يقف في الموقف البطولي بكل شجاعة لتلافي الخطأ و وقف في منتصف الطريق لو قدم انسحابًا مبكرًا لكان أفضل مما يصنع فهد (قوي عين) ، لم يكن جيدًا ويكيل العتاب نفسه حين كانت تحاوره كانت منصفة في الموقف أكثر منه بسمه/ هل ستدفع ثمن الشعور الذي تعيشه وإياها مشعل؟ الارتباط في مثل هذه الحالات يحتاج لشجاعة العائلات حين تحاول تسوية أوضاع الابناء بدون سؤال تحدث مثل هذه المواقف متابعة بشغف.. |
س؛ـــلمت اناملك ع ج؛ـــمآإل طرح؛ـــك
كل ما ح؛ـــمله متص؛ـــفحك كآإن رائع واكثر امتنآإني وتقديري لك ولح؛ـــرفك |
سلمت ياخوي ع تلبية الدعوه .
طبعا يا كتف حبيييت تعليقج ة وحبيت اوضح في هالبارت عن ناس تجردوا من اخباقيات مهنتهم لتلبيه رغباتهم وحاجاتهم وفي في الواقع ما لا يصدقه العقل ... ولكن دائماً لطف الله يحيط بهم نسال الله ان لا يبلينا يارب سررت بتعليقج ع راسي والله والجميع لا هنتوا كلكم مشكووورين ع تلبيه دعوه وبارك الله فيكم |
البارت الخامس والعشرون ...
: : : “ هادية جدًا وراضيه بما كتبهُ الله لي حتى لو كان وجعًا يؤلمُني فَالحمدلله دائمًا.��“ : : : “ أنا قوية لم أخلق لأهزم لم أنشأ لأضعف وأحزن انا خلقت لأقاوم وأزهر كل يوم لن أذبل.“ : : : بعد صراع مع نفسها وكلام غدير ما كانت تبا تأخذ الموقف جد بس خافت يستوي صدق وعقب ما تقدر تحل الموضوع اظطرت انها تسوي تلفون لمشعل اللي كان يالس عدال بطي ىارتبك من شاف اسمها ينور الشاشه ( ضي عمري) ،، قام وهو يبعد ورد عليها: هلا وغلا .. بسرعه تكلمت : مشعل ضروري أتكلم وياك بروحك.. انصرع من كلامها وقال بسرعه: خير شصاير فيه شي .. تخربطت بكلامها وهي تقول: مادري مشعل هيه يمكن اوووه مشعل لا تونرني زياده بروحي متوتره ماعرف أبا اكلمك ضروري .. انقرص منها وركب سيارته وهو يقول: طيب تحجي شنو فيه فريتي مخي ترا يا بنت الناس .. هدت شوي وهي تقول: اسمع من شوي يتني اختك غدير وهي تقول امك ناويه تخطبني لفيصل... انصدم صدمت عمره ماتوقع اممه بتنعجب في حبيبته وتبيها زوجه لولدها لا واي ولد بعد فيصل قالها بعصبيه ومن دون تفكير: تحرمين عليه مدى الدهر،، والله ما يلمسج وانا موجود وتحرمين ع فيصل حرمة الولد ع امه والله ما ياخذج انتي هبله تبين تموتيني صح والله ياويلج تعطينهم ردة فعل او تبينين شي اسكتي خليني انا اتصرف وسكر قبل لا ترد عليه ونزل من سيارته وهو ما يشوف من العصبيه وقال : احمد وبحده تعااااااال .. راح احمد له وهو يشوف عيونه الحمر وقال بهدوء: خير شصاير بعد طالع احمد بعصبيه وهو يقول: تصرف تخطب لي بنت اخو مرتك ولا والله اعفس الدنيا فوق تحت واللي بيسويه بطي يسويه ... توتر احمد وهو يشوف صوت مشعل بدى يعلى وحاول انه يهديه قبل لا يلمهم حوله ويجمعهم عليه وهو يكلم احمد بعصبيه ويدق بريله على الأرض بقهر ويقول لاحمد: افهم ياخخخخخي انا احبهههها لا تعاملني ببرودك هذا يا تستعيل وتفكر ويايه يا خلاص انا بعلنها حرب واللي فيها فيـها ،، واللي بيسويه بطي يسويه .. لف احمد عليهم وشاف الجميع يطالع فيه وبعصبيته حتى الحريم اللي طلعوا ع صراخة وصوته العالي لما زقر احمد ،، احمد من كثر ما توتر ما انتبه ع بطي اللي ياي صوبهم وقال: تكففففى مشعل اهدأ خلاص لقيت لك حل .. مشعل يهز كتوف احمد وهو يقول: تكففففى عطننني بسرررعه شو حلك كيف انقذ نفسي وقلبي من الموووت .. تنهد اخمد وهو يحط عينه في عيونه وقال: انا اللي مشرحنها لك وانته ما عارضت شرايك... كتف ايديه بطي وهو يقول: رايه بمنوه وبشوه شبلاكم انتوا ليش احسسس وراكم مصيبه .. احمد لف ع صوت بطي وفج عيونه وقال بخوف: انته من متى هنيه اما مشعل سار صوبه وهو يقول بقهر: اييييه ورانا مصيبه احبها ودي بقربها شو الحل بنظرك... سرع احمد خطواااته وهو يبعد مشعل عن بطي لا يرتكب جريمه فيه وقال لبطي : شوية مشاكل عنده أحاول اني اساعدهً... بقهر لف عليه وقال: شبلاك ما تكلم نحن ما قلنا ان نحن أصدقاء ترا حركاتك هذي ابدا مب عايبتني تذكرني بحركات المراهقين ... راح مشعل ع بصيص من الامل وقال: لو قلبك في رحمه ترحمني ولالا طالعه بطي وهو يقول: استغفر الله يا بن الناس الله الرحيم ويرحم عباده وكلنا محتايين الرحمه مب بس انته ... صرخ في ويههه وهو يقول: بسسسس انا غيررررر تفهم غيرررر حلي بيدك مصيبتي حلها عندكم وفي ايديكم ... هنيه بطي ركبه جني ودفره من صدره وقال: شوووو !!! تدخل احمد بسرعه ونواف وراشد الللي يووا والحريم بس يسمعون صراخ مشعل وما يفهمونه شو يقول وابعدوه عن بطي اللي قاله: ارمسسس شفيك وحقك بيوصلك لين عندك وقول بطي ما قال .. هنيه الكل زفر براحه انه ما فهم مقصد مشعل ،، قرب من مشعل ومسكه من ايده وقومه وقال: قتلك انته ربيعي وحقك بيوصلك لين عندك شو تامريني فيه منو مضايقنك انطق . مايدري كيف نطق ولا يعرف كيف نطقها وقال: اخت.... وطاح مغمي عليه من كثر الصراخ اللي صرخه وتعب اللي فيه وقل الاكل وتوتره طاحححح بينهم ع صرخة امه وحرمته واخته تربع عندهم .... ما وصلوا الحريم عند مشعل الا بطي واحمد ونواف حطوه في سياره وحركوا ع المستشفى قبل الحريم لا يوصلون... : اما بسوم فكانت دموعها هي اللي تعبر عن مشاعرها ما تعرف شو صار بس حست ان بطي عرف اتصل بها احمد وقالها كلمة وحده: بسوووم مشعل محتاجج لا تتهورون وتخلون بطي يكشفكم اليوم الله ستر لكن غير اليوم الله العالم شبيصير ،، حبيت اطمنج اموركم طيبة وبطي انا بتكلم وياه من غير ما اسبب ضرر لج وله .. ردت تليه بشهقه: وفيصل !؟ عقد حوايبه باستغراب وقال : وشدخل فيصل ... بكت بحرقه وهي تقول: امه بتخطبني له ... انصدم الحين عرف انهيار مشعل وجنونه اللي كان بيوديه بداهيه قال: الحمدلله اانه اغمى عليه ولا كان بييب العيد وبيخررر كل شي ... سكرت عنه وهي تدعي ربها ما يخيب ظنها ... : : اما فالمستشفى بطي واحمد ونواف وراشد اللي لحقهم مع الحريم طمنوا اهله انه بخير بس ياه انهيار عصبي مفاجئ من دون سابق انذار ،، امه تصيح وحرمته منصدمه مشعل شو قطه هالفطه ،، اما فيصل فكلم بطي ع الانفراد وهو يقول: بطي انا ادري مب وقته بس الوالدة كلمتني بخصوص الرضيعه اختك وانا يشرفني نسبكم .. ابتسم بطي واربت على كتفه وهو يقول : ان شاء الله انها ما تكون الا لك... ابتسم بطي وتنهد براحه ان اخته تويمته بتزوج وبتحصن وبيرتاح من همها وخوفه عليها وخصوصا هو ملاحظ تغيرها من ردة من استراليا ويبا يطمن عليها .. : : اما حمده فكانت عند بسوم يالسة تهديها ومزنه يالسه عندهم نطقت مزنه وهي تقول: انا مستعده أكون بدالج.. كانت منهاره وهي تصيح ردت عليها بعد ما سكتت فجاه وهي تلف لمزنه و تقولها: كيييييف تكونين بدالي .. ضحكت وهي تقول: بييب رقمه وبقوله اني معجبه فيك واحبك واذا ردني أقوله انج مرتبطه وبسسس ... نقزت بسوم بفرحه بس بعدين استوعبت وهي تقول: لا يا الهبله باجر يقولون انا خربتج سكتي سكتتتي بس دوري حل غيره يا جعل عمري عمرك يا مشعل يا غلا قلبي ... ابتسمت حمده وهي تقول: نياله حبيب القلب .. راشد ضحك وهو ياي من برى وقال: وانتي ما تبين تراضيني .. استحت حمده وهي تقول: مرحبا يا بو سنيدة كيف الحال.. ابتسم وهو يقول: ما اقوى ع زعلج ولا اتحمل بعدج يا غلا قلبي .. انحرجت منه وهي تقول: انا اسفه بخصوص ذاك اليوم.. يستهبل عليها وقال: أي يوم !! انحرجت وهي تقول: في القعدة الخارجيه يوم هذاك شي وشردة وهي تقول يوم ارفع عيني على غيرك معنى عيني ما تشوف غيرك اصلاً وسكرت الباب بعد جملتها الاخيره ... ضحك بصوت عالي وهو يقول: احببببهههها وربي ودخل غرفته يسبح ،، اما مزون قالت لبسمه: شرايج انتي بس اضبطج انا صبري عطيني فرصه فديتج واثبت لج .. سكتت عنها وشاحت بنظرها للبلكونه وزفرت بضيق وهي مسلمه زمام امورها لله رب العالمين ... : : اما عند فيصل كان قاعد في المستشفى جان تيه روح الندى وهي تقوله: انته شو من قلب عليك اخوك طايح وتعبان وانته يالس ترمس بطي تبا الرضيعه .. طالعها بطرف عينه وهو يقول: مداخله سريعه بس مقبوله منج يا روح .. تغيظت عليه وهي تقوله: انته شنوو ما تحس كلش بلاها فيك مو طبيعيه .. رفع حاجبه وهو يقولها بعصبيه: انتي شنوووو تبين طلعي من حياتنا يا يبه ليش انتي محتره ع مشعل كاهو مافيه الا العافيه الحين يطلعون الحريم وادخل انا واشوفه واتطمن عليه ارتحتي.. اغتاضت منه زود وهي تقوله: وليش تبي تخطب اخت بطي قلن البنات عندك مزنه روح اخطبها تناسبك وتناسب دشارتك.. عطاها ظهره وهو يقول: ماني بعازة احد يوصيني انا عارف نفسي وعارف منو مختار لذلك اطمنوا ما بدلها.. روح تحاول تغير وجهة نظره وقالت: فيصل تكفى يا الغالي طلبتك فكر شوي لا تتسرع تراك ما تعرف قلوب الناس وشلون تكفى طلبتك لا تكسر لها قلب ولا تدمع لها عين ارجوك فيصل .. لف عليها وهو يقول: وشلون ما اكسر قلبها ولا ادمع لها عين وانا بعدني ماعرفها .. توترت روح وقالت انا بطلع اخس عن مشعل وبييب العيد قالت بسرعه عشان ما تعطيه مجال يصر على رايه: اقصد تحترم ردها عليك شو ما كان فهمت يا الغالي.. ابتسم عليها وهو يشوف الحرمات طالعات وقال: ما دام جيه حاضرين يا الغاليه ما طلبتي اوعدج اني البي لها كل مطالبها لو كانت مستحيله .. طلعت عنه بعد ما طالعته بنظره انها فاقده منه الرجاء قالت ياربي تعينا شوي وبنتحر منك يا فيصل اجيك يمين تجيني شمال الله المستعان اروح قبل لا انتحر واييب العيد لفت على دجى وقالت لها: عاد ما وصيج يا دجى ضبطي الأمور وسنعي المواقف شوفي موقف ترجعين مشعل لبسوم .. والله يا روح يا الغاليه ماني عارفه شو اقولج اشوف القلم بروحه يخط ويكتب والأفكار متضاربه في راسي كل مره أقول بسوي جيه لا بسوي جي بس في نهاية أتفاجأ ان اليد التي امسك بها القلم هي من تحرك الأشخاص والمحاور والأفكار واطلع بنتيجة مرضيه وفكره تعجبني بعد اكتمالها ولكن لنرى ماذا سيحدث فيما بعد ،، وبالذات بعد خروج مشعل من المستشفى ... راحت روح عنها وهي تقول: ان شاء الله يا الغالية ننتظر .. : : انتهى البارت ٢٥ |
طرح رائع
بروعتك كلمات ابهرتنا وراقت لنا ابداعك وصل القمم كنت هنا اتذوق الشهد |
شكررررا غريب ع ردك الرائع ،، وتميزك برد ..
دمت بخير وحفظ الرحمن |
ما كان في خاطري عن فيصل تفوهت به روح الندى في مداخلتها
رائعة يادجى الليل.. مشعل تصرفه أهوج، لا تُحل المسائل بالاندفاع لو أنه تحاور مع فيصل لكان أفضل من محاورته مع أحمد من وجهة نظري الأخ ستر لأخيه فيصل سيتلافى المأزق بإقناع والداته بصرف النظر.. ننتظر التتمة.. |
اشكركم كل شكر على حماسكم لي وردودكمً
|
الله عليك حبيبتي
كالعادة انيقه دجى |
طرح اجمل من رائع دجى الليل
ربي لا يحرمنا وجودك تحياتي و دمتي ب ألف خير |
سلمت ياخواني ويا خواتي ع الردود وبقية البارتات في درب ان شاء الله
|
شكراً ع ترقية
|
البارت السادس والعشرون
: : إنّه القرآن إن أطلتَ صحبتهُ هذَّبك ��" : : : سكرت مصحفها بعد ما خلصت صلاه وقعدت تسبح وتستغفر سمعت صوت تلفونها شافت الرقم غريب اول مره يجيها ردت عليه بالسلام عليكم .. رد بعد ما حس بنبرة صوتها راحه وقال: وعليكم السلام ورحمه يا شموخ كيف الحال.. عقدت حواجبها باستغراب وهي تقول: الحمدلله،، بس عفواً من معاي.. تكلم باحراج: عوض.. تذكرت شما ومواعيدها وقالت: قصدك دكتور عوض صح ولا انا غلطانه ... ابتسم وهو يلمس الحذر في صوتها وقال: نعم صحيح... سالت باحراج: سمحلي ماعرفتك ،، شحال شما بشرني عن تقدمها العلاجي ... اتكئ على الكرسي بيده اليمين ورافع ريله اليمين على الكرسي ومنزل ويله اليسار ع الأرض وقال: بخير مواضبه ع العلاج ،، بس فيه أشياء تتعمد تسويها... عقدت حواجبها ياستغراب: مثل ؟! يبا يطول الحديث وهو اصلاً عارف ان شما مواضبه عالعلاج يشكل صحيح قال: مرات تتاخر في مواعيدها وها شيء مب في صالحنا ... تذكرت انها لازم تكلم شما وقالت: بس تغيرت للأحسن ولا كيف !! تنهد براحه وقال : ان شاء الله بس مب هذا سبب اتصالي ... حطت المصحف ع الكمدينو وقعذت ع الشبريه وهي تقول: امر دكتور .. باحراج وهو يعدل يلسته ويحس انه متوتر: انا أبا أتقدم لج.. بصدمه قالت: نعم ،، وشما !! حس انها مصدومه وقال: انا مابا شما بالأساس كنت اباج وكنت غلطان اني ما سالتج قبل لا اخذ الرقم .. انهت النقاش بس انا انخطبت ولله الحمد وراضيه بنصيبي استسمح منك صار لازم اسكر ... انصدم بردها وسمع صوت تلفون يتسكر ماعطته مجال يتكلم اكثر ... اتصلت بشما وهي تسمع صوت تلفون مغلق خير عسىىى ما شر ليش تلفون امبند ... ادفرت وهي تقول عسى المانع خير يا بنت سيف ولبست شيلتها وراحت تحت.. : : : في مكان اخر بعيد عن وطني الحبيب ،، جالس بجانب زوجته على البلكونه يطالعون البحر اللي من اطلالة شقتهم لفت عليه وهي ترجع شعرها ورى وتقوله: شبلاك سرحان حبيببي... لف عليها وحط ايده ع كتفها وقال بتنهيده : افكر بسعود .. عقدت حياتها وهي تقول: شبلاه سعود ... ضغط ع كتفها وقرب منها اكثر وقال ويهه مقابل ويهها: سعود قبل انه يتحدى ششموخ وخوفه وانه يبدا مرحلة علاجه ... تفاجأت بكلامه وقالت وهي تحت تاثير صدمه: يتعالج؟؟ شي حلو بس هل هو مستعد نفسياً على العلاج لاتنسى حروقه بليغه مب بسيطه ... تاملها ورجع يتامل المكان وعدل ظهره وهو يقول: المهم انه يسوي العمليه ويعرس ويشوف حياته لين متى هو بيتم جيه لازم يقتتع بالواقع اللي هو فيه حتى لو واحد بالمية نسبة نجاح العملية.. زفرت بضيق وهي تقول: شوف حروق جسمه ما يهم اللي يهم انه يجمل ويههه .. ياه اتصال من سعود وهو يرد : هلا يالعضيد... تكلم بصوت فيه يأس وهو يقول: شو اقولك يا خوي .. سرور اللي كان قابضنه قلبه من صوت اخوه قال: وش فيك يا خوي .. تكلم بحرقه وهو وده يبكي: انا قابلت الدكتور المختص فيني وقال انه بسوي لي عمليه بس حروق جسمي بليغه وقال انه شي هذا بيأثر عليه وما بقدر اييب عيال بتقل عندي الانتاجيه.. انصدم من وين يرقعها اخوه ،، اذا بيرقعها من التجميل ما بيقدر يرقعها من العيال وبالتالي بيخسر شموخ تكلم بعد تفكير: المهم تسوي العمليه وان شاء الله ما بيصير الا كل خير .. تكلم بيأس اكثر: الدكتور يقولي ان الأعضاء متضرره اكثر يعني فيها ضمور وما فيها إنتاجية بسبب الحروووق حسبي الله عليك ي فهد حرقتني وشوهتني وحرمتني من اختك يع..... وقطع عليه صرخة سرور وهو يقول: لا تدعي ياخوي خله له رب يحاسبه ... سكت وهو يشوف جسمه المشوهه في كل مكان ويلمس بيده اقار الحروق اللي في ويهه... تابع البارت ٢٦ |
روووعة قلبي
|
روعه حبيبتي استمتعت في البارت
والقادم شكله مشوق |
أشكرك لجماال طرحك
|
مشكورين حميعاً ع مروركم الطيب وان شاء الله القادم افضل ومشوق
|
ابدعتي دجى
والاحداث متسلسله كأني معهم اتخيلهم ومستمتعه وندى وانتي عجبني كثيييير رااااااائعه |
تابع البارت السادس والعشرون
: �� | أعِدُّوا لِكلِّ بلَاءٍ حُسنَ الظَّنِّ باللهِ تَعَالىٰ! ❤️ | إنَّ المُحِبَّ بِدُونِ شَرحٍ يَعذِرُ! : : في قلبه حروووق من ليعات والاشواق تحدا العالم كله لجل يثبت لهم انه مب خايف من ردة فعل الطبيب ولكنه اليوم صدم بالحقيقة المره ان جااز له ولا ما جاز ما بيقدر يعرس وييب عيال وهو عمره ويا شموخ يساوي العمر كله لكن شو يسوي ان ماقدر اييب عيال شلون يتصرف وياخذها حبه لشموخ فاق حب قيس لليلى لكن تهوره هذا نتيجة لكلام شموخ يوم قالت له انته خايف ايه فعلاً انا خايف من نتايج وخايف من الحقيقه المره اللي بسمعها وسمعتها يعنى يبالي عمليات وايد مب شوي وشلون باخذ شموخ لازم تعرف انى ما بقدر اييب عيال اذا كانت تباني ،، دخل عليه الممرض أعطاه دوا وشاف نتايج حروقه وتقررت اول عمليه بعد غد وبتكون في ويهه تجميل .. : : : �� | فِي ظُلمَةِ الشَّوقِ أوصَالِي مُصفَّدَةٌ! �� | أن تُنادِيه وَلَا تَجِده!... : : : بعد ما قام من التعب اللي هو فيه حس بصداع براسه لف يمين وسار وهو يهاذي باسمها ومب قادر يبطل عيونه من شدة الألم يحس انه كان في معركه وبذل جهده كله بس ما يعرف طلع باي نتيجة ،، بعدها فتح عينه بتوتر وهو يشوف نواف وقال بتعب: انا وين ... نواف بتنهيدة: الحمدلله ع سلامتك يا خوي .. ردد بتعب: انا وين ،، طيب شنو صار ليه انا بالمستشفى ،، واردف بعدها بكلمة الله يسلمك ويسلم غاليك من شر .. ابتسم نواف وهو يقول: اثر الحب جي يسوي في المحبين.. ابتسم بتعب وقال: طيب قولي شنو صار ... ضحك على شكل اخوه التعبان وقاله السالفة كلها طالع اخوه وصغر عيونه بضيق وقال بتعب وهو يشوف ايده اللي فيها المحلول: اويلي ويلاه كنت بجيب العيد وبفضحها عند بطي يارب صبرك وهون عليه... ابتسم نواف وهو يقول: يابختك فيها تخاف عليك ... ابتسم بشعور واحساس الحب اللي ينتابه بأنه اخوه يعرف عنه وقال: يابختي انا فيها ماتدري بقلبي كيف يرف يوم اشوفها.. ساله باستغراب: ليش سويت الضجه هاي كلها يا خوي يوم انكم انتوا تحبون بعض... طالعه وهو معقد حاجبينه وقال: اخوك فيصل يبا يدخل شريك وياي في صفقة الحب ياخوي ،، يبا يدمرني ويشل حب سنين الماضيه اللي بنيته من ساس ووثقت بنيانه وشتت نظره في الغرفه واستقر نظره ع السقف وتسربت دمعه من عينه اليمين لمحها نواف بصدمه ايه صدمه عمره اخوه يبجي حبه ويبجيها ،، خايف من انها تكون حلال اخوه وطول عمره يقعد متحسر على نفسه وعليها تنهد نواف بضيقه بعد ما دارت هالافكار براسه قرر انه يكلم فيصل بكل ادب واحترام قطع سرحانهم دخول فيصل مع بطي وهم يضحكون وسلموا على مشعل اللي دار بويهه صوب الثاني ما يبي يشوف اخوه اللي بيسلب فرحته ضغط ع الجرس وقال للمرضه أبا مهدئ فيني صداع .. ابتسم بطي وهو يقول: افا عليك يا مشعل نداويك من كل عله ما دام دواك عندنا .. ابتسم مشعل ونقل نظره بينهم وفيصل قال: ايه وقريب نصير نسايب .. صرخ مشعل لا ارادي بكلمة اـــخــــــخخخخخخخخخ راسسسسي يعووووورنـــي اه اه يا راسييييي .. عصب نواف من فيصل وقام لمشعل وهو يكلمه ويحاول يهديه اللي ماسك راسه بيديه ويمط شعررره بقوووو قرب منه بطي وضغط ع راسه وهو يقول : شفيگ مشعل .. بدى يفقد وعيييييه وهو يقول: بس ..... بسسسممممه .... وطاح عالفراش .... استغرب بطي النطق وعقد حاجبيننننننه ولف لنواف بعصبيه وهو يقول: اخوك نطق بسمه ... توتر نواف من داخل بس حاول يثبت نفسه وقال: قصده يقول بسم الله بس شكله من تعب اختصرها وقال بسمه بمعنى انه بسم الرب الذي اوجدنا من العدم... طالعه بطي وهو يحرك حوايبه واشر ع عمره وهو يقول: وانا ياهل قدامك تقولي هالكلام ولا اهبل ما افطن... طالعه نواف بنفس الحده وهو يقول: وانته دخلت مخه وقلبه عشان تعرف شو يقصد الرجال مريض ومرضه انهيار اعتقد ما يلام بالحجي اللي يقوله ،، عنبوه اذا في القران المريض معفي من الاحراج بنص الايه (وليس على المريض حرج )،، ليش تفسر أقواله وافعاله بناءً ع تفكيرك وعقليتك الصاحيه ،، لا صحى بامرالله كلمه بالموضوع وافهم منه شو قصده... انتهى البارت السادس والعشرون ... ملوكه راح تدخلين باحد الحوارات انتظرج تختارين البطل .. |
بانتظار التتمة يا دجى الليل
كنت أتأمل أن يكون أطول ولكن لا بأس بقليل من الماء على الظمأ تقديري.. |
فديتج والله يا كتف اني احاول قد ما اقدر اكتب بس سبحان الله ننشغل ممرات والله من كم يوم ما كتبت ما كلن لي مزاج لكن الحمدلله تحسنت حالة مزاجي اليوم ودزييت نفسي دززر اكتب المهم انهي البارت هذا ماريد اطول. انتظار المحبيين فقلت ان شاء الله البدايه من الغد بروح ومعنوية جديدة والمباشرة بالكتابه..
سلمتي حبيبتي |
يعطيك العافيه
واااو بصير بطله في انتظارك |
بانتظارك يا قلبي
يعطيك العافيه |
يعافيكن ي الغاليات فديت حماااسكن احسكن بتحبن هالبااارت بامر الله
|
وووصل الباااارت السابع والعشرون
|
هلمووووووا الينننننا ايها الساده الكرام لترتشفوا قليلا من المتعه
|
البارت السابع والعشرون...
: : : °° «اللهم اجعلنا من الذين نالوا ما تمنوا��» : : : °° «سَيبعدُ الله هـمًّا كان يُشـقيـنا ويملأ القلبَ أفراحًا ويُرضِينا ��✨». : : : بعد فترة قصيره من الأيام وتحسن حالة مشعل ،، مابغى يطلع من المستشفى الا بعد ما اكد لنواف انه من المستشفى على الكويت على طول ما يقعدون ثانيه وحده في الامارات ،، ما يبا يعطي فيصل أي وقت وخصوصا ان ام مشاري تعبانه من تعب ولدها وتبي تشوفه ومب متفيقه لفيصل وغرامياته ،، خصوصاً هالايام كانوا وايد يعطونه مهدئات كل ما يجونه يلقونه نايم ويقعدون عالفاضي وبعدها يروحون وهم ما شافوه ،، اما من يصحى من المهدئ يلقى نواف الوحيد موجود عنده اللي حفظ اسرار اخوه كلها من خلال ما يهاذي ببسمه وهو نايم وقاعد بس ما يحس على نفسه بفعل المهدئات ... : : دخل فيصل مع بطي واحمد اللي كلم عمه على طول انه رشح بسمه لمشعل وان مشعل طالب القرب منهم واحمد كلم بو مشعل وقاله سالفة طيحة مشعل ومشاري كان موجود وايد احمد بالكلام بانه ابوه يخطب من رجال قبل لا يروحون وتكون خطبة رجاجيل وخصوصا ان احمد عارف ان ام مشعل ما بتوافق ع زواجها من مشعل فعشان جي فضل ان الخطبه تكون بين الشواب واحمد ومشاري لحد ما مشعل يتصرف وبجذيه يكون مشعل سبق بالرسمية قبل فيصل ... : دخلوا على مشعل وسلموا عليه وكان تعبان وويه مسود قرب منه ابوه وهو يهمس له: اخرة الحب عقك ع سرير المستشفى هاه.. طالع ابوه بنظرات حيرانه ونقل نظره بين اخوه وبين ابوه يحاول يفهم هالكلام وتنفسه تسارع وكان الصما سيد الموقف لين سلم عليه احمد وقاله بعتاب: خلاص بسگ تغلي ترا اليوم كلمة ابوك يخطبها لك رسمي قدام الرجاجييل ،، طالع رفيق عمره بامتنان ولمعة عيونه كفيله ان تعبر بشكر والفرح له .. كل اللي قدر يسوي يلم رفيق عمره ع صدره وهو يقول: يا جعلني ما بكيك يا بو راشد ... ابتسم وهو يطبطب على كتف خويه ... : : : حافظ على كرامتك حتى لو كلفك الأمر أن تصبح صديقًا لِجدران غرفتك. ����... : : : لمعة الحزن في عينيها، لا يقواها قلبي. ����... : : : يالسه وسط الحرمات وهي سرحانه كانه ضجيج اللي حولها والاصوات لا يوجد منه شيئ ،، ما تحس باصوات اللي حولها وسرحانها وتعبها الشديد تلفونها اللي ما رن من بعد دخول مشعل المستشفى قلة اكلها وخوفها عليه بعكس مرته اللي كانت تضحك وتاكل وتسولف وتحاول انها تونس خالتها باي شي عشان يثبت لها انها حسنة النية ،، لكن ام مشاري هالمره قلبها قارصنها ولدها اول مره يجيه انهياار لفت على مرة ولدها وهي تقول: يمه شمس اتصل بج مشعل اليوم.. هزت راسها بفرح وهي تقول: ايييه يمه فديته من يومين صاير يدق عليه ويسأل عنكم يا الغاليه ويسلم عليج .. رجعت من سرحانها على طاري اسمه اللي يرف له قلبها وحبة اسمه واييدد كانت تشوف الفرح بعيونها وعيون امه لما رن تلفون شمس وكان المتصل مشعل وقالها عطيني امي بكلمها وشافت دموع ام مشعل وعبرتها وهي تقول: يمه انته شلونك عساك طيب اليوم .. ابتسم على صوتها اللي فيه خوف عليه وقال: جعلني ما ذوق حزنج يا ام مشاري انا طيب ومافيني الا العافيه يا الغالية .. مسحت دموعها بطرف شيلتها وهي تقول: وشلون ما فيك الا العافيه وانا اسمعهم يقولون انك منهار مادرى وش يعنى بس الوكاد انه شي مب زين ... غير نبرته للحنان لما تخيل بسمه وحالها وقال بحنيه لمه: افا يا ميمتي جعلني افدى دموعج الغاليه يا الغاليه ،، عسى الله لا يخليني منج يا يمه واردف كلامه بدفء صوته يبين انه مطمئن والله اليوم اني طيب ومتعافي ولله الحمد والمنه والفضل .. ازفرت براحه وهي تقول: الحمدلله والشكر يا يمه يوم انك بخير يا ضناي عاد متى تطلع وانا امك يا ضناي ودي اكحل عيوني بشوفتك.. بحب ود عليها وهو يشوف اللي حوله متجمعين ع الاكل قال: ان شاء الله يمه قريب من يسمح لي الطبيب اجي لج ركض يا الغاليه لا تبكين يا حبيبه ... ابتسمت على كلمته وهى تفول : الله وياك حبيبي سمعت الحرمات يقولون لها : سلمي عليه يا ام مشاري وتفاوتت الردوود بعد ما قالها مشعل سلمي عليهم كلهم يمه وكان يقصد قلبه اللي بينهم يوصلها سلامه هي ابدأ عن الكل ... وسكروا المكالمه.. حمده قربت من اختها وهي تقول: بسوم صايره شاحبه لزياده عن لزوم وايد تسرحين وتفكرين فيه بعدين بيشكون فيج .. لفت على اختها وهي تقول: صار لي أسبوع ما سمعت صوته من طاح ولا اعرف اخباره وهو فيه الخير انه يدق لمرته يسلم عليها وما يدق يسال عني او يشوف حالي من بعده كيف ،، فكر بمرته وأهله صحيح انا مالومه وهذا من حقه ان مرته وامه مشغوبين عليه وايد ويفكرون به كثير بس ترا حتى الحماره وهي تاشر ع نفسها تبي منه شوية اهتمام حتى لو كان مجامله بس تدرين شلون انا اللي بسحب نفسي من عنده بكرامتي ... : : : على مَاذَا اتّفَقنَا يا فُؤَادِي إِذَا ضَاقَت عَليكَ فَمن تُنادي؟! تنادي الله خلاق البرايا ، تُنادي من ينادي يا عبادي �� : : : دخلت غرفتها ورمت نفسها ع سرير وبكت بحسره وندامه خايفه انها تخسر حبها الوحيد قعدت تلوم نفسها اكيد الحين بيقول عني اني غبيه ورخصت نفسي ورحت قلت له عن اخوه الحين اكيد في عقله الباطني اني مب صاحيه واني ادور مشاكل بينه وبين اخوه واني ابيه يتصرف،، طيب وشلون عيل بينحل الموضوع اذا هو ماتدخل أخاف اذا درى بعدين اني ادري وما بلغته يزعل مني ويقول خشيتي عني طيب شنو اسوي الحين وراحت في سابع نومه ... : يتبببع بعد سويعات قليله باذن الله .. ارجوا العذر ان كان فيه اخطاء املائيه ... |
ماشاء الله عليك ولا اجمل قلبي
وب انتظار الباقي اعجابي وتقييمي وتنبيهات |
ام عند شموخ فالوضع كان عندها هادي جداً ويالسه تقدم القهوه لضيوف وبعدها جلست وهي تقول: يا حي الله من يانا كانت تقصد شما وامها والريم حرمة حمد ،، حركت ناظر عيونها لعمتها وهي تقول: شحال عمي ربه بخير .. ردت ام مبارك وهي تقول: بخير ونعمه ولله الحمد يسرج حاله.. لفت على شما وهي تقول: شو هالزيارة المفاجئة يا شما ليش ما تخبريني وليش غالقه تلفونج...؟! ابتسمت شما بتعب وهي تقول: ضايقه والله ي شموخ ومحتاجه قربج انا من دونج ماعرف لعمري حتى عوض فسخ خطبته مني ... حركت شموخ عيونها بمعنى مب قدام الناس يا شما يشوفون ضعفج وقامت وهي تقول: تعالي شما معايه ،،، ولفت ع الحريم وهي تقول: اسمحوا لنا ي جماعة... ابتسموا الجميع لها وهي تكلم شما بعد ما وقفوا وطلعوا برى وهي تقول: شما يا امي مب جي تتكلمين قدام العرب الغرب تراهم مايقربون لنا ولا يعرفون عنا شي كيف ترضين تتكلمين عن نفسج قدامهم .. بضيقه تسوين دمعه من عينها وهي تقول: انا اجتزت اكثر من نصف العلاج ولما قربت اتعافى تنتكس حالتي بسبة رغبة طبيب واهواءه وميوله العاطفي .. ازفرت بضيقه وهي تقول: شما ماعليج في عوض خليه يولي اللي ما يباج من خاطره برايه عسى ما تدانيه ثيابه .. انتي اهم شي الحين تبنين ثقتج في نفسج شما يبالج كورس كامل علاج مع دكتوره ناعمه .. حطت ايديها على واسها وهي تقول: مابا اسمع أسماء دكاتره تكفين ي شموخ انا الوحيد اللي يفهمني انتي وبسسسس تعرفين تشكلين تفهمين لي اما اشخاص خارج المحيط اللي انا فيه مابا اتعامل معاهم ولا الا اشوفهم.. رفعت جسمها عن الأرض وهي تقول : شما تفكيرج غلط ولا تفكرين باي شي ثاني الحين ما دام انكم ييتوا شاليهات هاي فرصج في تغيير وتغيرين حياتج للاحسن... ياها صوت من وراها وهو يقول: وانا شو اللي يغير حياتي من عقبج.. لفت على صوته وهي تشوف بقايا حمد مب حمد اللي تعرفه طالعته بصدمه وهي تقول: حمد شو فيك؟؟ ليش شكلك جي غادي عظم على يلد !! اشر ع نفسه وقال: انا انتهيت يا شموخ لكن الحمدلله الحين عرفت قيمتج مالومج لما طلبتي طلاق لاني مب كفووو أكون لج الزوج اللي يعتمد عليه ... ازفرت وهي تقول: الحمدلله يا حمد على كل حال لكن انته ما بدر منك شي ولله الحمد رايتك بيضا... هز ايده بضعف وراح عنهم ... : : تكلمت شما وهي تبكي بحرقه وتقول: شموخ الله خذ بحقج من كل اللي ظلمج من امي والريم والعنود اختها ... طالعتها باستغراب وهي تقول: شتقصدين ... بكت بحرقه وهي تقول: الريم طلعت ما تيب عيال وعندها شويه اموور مخربطه والعنود خانة سالم غيابي بلحظه طيش وصار اللي صار وامي يتها جلطه في القلب وحمد انتكست حالته بعد ماعرف انه عقيم ما ييب عيال والريم قبل لا يصير لها خربطه الهرمونات وما تيب عيال كانت الدكتوره عندها( الأشياء اللي تكون في الحرمه مافي داعي اذكرها منعاً للاحراج حاولت اصيغها ماقدرت بس بحاول أوصل الفكره) انه عندها مشاكل يممع حدوث الحمل بينهم... استغربت شموخ من الكلام اللي تسمعه وتذكرت كل تهم اللي انتسبت لها وتذكرت انها وكلت الحي الذي لا يموت ونست سالفتها معاهم قالت بهدوء: انا لله وانا اليه راجعون .. الله المستعان يا غناتي يلا نسير داخل ... : : : °° ﴿ يأت بها الله إن الله لطيف خبير ﴾ اللهم حقق لنا كل منتظر فأنت على كل شيء قدير 💛🌱. : : : °° «إن كنتَ تَدعو وتَزاحَمتْ عليكَ حوائِجك فاجعلْ كُل دُعائك أن يعفوَ اللهُ عَنك فإِن عَفَا عَنك أَتتكَ حَوائجُكَ من دونِ مَسأَلَة». - اِبنُ القيّم 💗🌿. : : : كان مرتبش ومشغل اغنية عيضه ويغني وياه ىيوول ويرزف وهو في سياره مستهوي الغالي وقف عند شاليه ونزل وسار من الباب الوراني فوق قاصد حجرة خالته وهو راكب الدري شاف ملوكه نازل من دري وهي تسحب فستانها ناعم واقفه على الدري صفر باعجاب وهو يقول: واااااااااو شو هالجمال يا ملوككه دخولج غطى على كل الحضورر .. ابتسمت وهي تشوفه وقالت: صدددق يا راشد يعني انا جميله.. ضحك باحراج وهو يقول: أي جميله بس مب اجمل عن الحب وضحك... ضحكة ملوكه وهي تبعد عن دري وتقول له: اييي شي اكيد ما نقدر ناخذ مكان الحب ولا راح تزعل علينا وتزعل انته وياها ويعدين تراضيكم دجى طالعه وهو يحرك ايديه بسرعه تجاهه: لاتكفيييين لا تسمعج دجى ترا ما تصدق تزعلنا من بعض مادري ليش ... وايد عايبنها الموضوع تزعلنا وتراضينا عكيفها... مداخله سريعه: قالها حمد العامري تزعل وانا اللي منك زعلان.. لف وقال بصدمه: سكنهم مساكنهم وطالع ملوكه بعصبيه وقال: ما قلت لج لا تطرينها لو طاريه مليووون جان احسن عن سيرة دجى... ضحكت عليه وانا أقول: هدي هدي ترا والله ما بزعل بينكم اليوم مودك حلو وخلك ويا عيضه والحب بروحها تريا نظره منك .. طالعني باحراج وقال: تعالي هنيه مب انا قايل أبا املج ليش ما استعيلين بالموضوع.. قتله وانا الف قشاري: خلك مع ملوكة وايد احسن... لف ع ملوكه وقال: يرضيج يا بنت الايواد... ضحكت ملوكه وهي تقعد ع الكراسي وتقول: طبعاً ما يرضيني بس ان شاء الله فتره وتعدي وانته تشوف الأمور كيف يا راشد يعني مب وقته فديتك... طالعها بجديه وقال: صادقه والله ،، الا ما قلتي شحالج وشخبارج وليش مختفيه... ردت عليه بتمعن وابتسامه جذابه: انا بخير ولله الحمد،، والله عاد الشق الثاني من سوال اساله دجى قولها ليش ما تخلين ملوكة بين فتره وفتره تقرب عندنا .. ضحك واشد وهو يهز راسه وقال: ههههههه ضحكتيني وانتي شعليج من دجى متى ما تبين تدخلين رفسي الباب ودخلي البيت بيتج والمكان مكانج ونحن اهلج وناسج ونعين ونعاون ... ابتسمت باحراج: كلك ذوق يا راشد صراحه ياحظ حمده فيك... ضحك وبعدها عطاها نظره غرور وقال: ترا بشوووف نفسي واتكبر عليكم وماخلي حد يوصلني هههههههههههههه . لفت عليه وهي تقول: يحق لك ما دام عندك من يموت فيك ... ضحك عليها وقام على رنة تلفونه من شاف رقم خارجي ع طول رد وقال وهو يتخطى الدرج بسرعه ووصل فوق وفي نفس الوقت وصله صوت سعود بتعب: هلا بالقاطع .. راشد بضحك وهو يأخذ نفس من بعد الدري قال:لا والله لا قاطع ولا شي بس صارت سوالف انته في غنى عنها المهم بشرني عنك ... زفر بضيق وقال: ما اقدر اييب عيال ،، وامس سووا لي عمليه في ويهي تجميل خذوا من الجلد صاحي اللي في جسمي بس طبعًا مثلك عارف يا راشد ان المحترق اكثر من سليم فقالوا بيسون لي زراعة يلد وبيشوفونه اذا يوالم جسمي او لا ... فصخ كندورته وعقها على شماعه وقال وهو ييلس على الكرسي: لعله خير يا الغالي شوف اللي في صالحك سوووه ولا تتردد بشي يا الغالي وحط يقين بالله في قلبك انه كل شي لك خير وانه وراه واحه من عقب هالنعب اهم شي ويهك يا الغالي ومن بعدها عيونك.. تلمس العمليه بيده من فوق شاش وهو يقول: العيون في اسبانيا بسويها ان شاء الله ... وقف يطالع شو هالاصوات اللي تعالت مره وحده وشاف مشعل وتواف يايين والحريم يزغرطون وفرحانين ابتسم بفرحه وقال لسعود: ان شاء الله يارب تسويها وانته فرحان ويرد ويهك طبيعي واحسن وترتاح من تنكير ويهك دوووم ... ازفر بعدم راحة وقال: زين الغالي برايك عيل سلم ع الغوالي ... رد ببتسامه: ان شاء الله ،،، الله يسلمك ويسلم غاليك... انتهى البارت 27 اتمنى اشوف تفاعلكم وتوقعاتكم ورايكم بالبارت ي حلوين |
فديتش طيوفه تسلمين غناتى
|
روووعة... حبيبتي
|
دجى
يعافيك ربي على السرد المميز وااااااو حبيبت دوري صدقت اني معهم |
وهو راكب الدري شاف ملوكه نازل من دري وهي تسحب فستانها ناعم واقفه على الدري صفر باعجاب وهو يقول: واااااااااو شو هالجمال يا ملوككه دخولج غطى على كل الحضورر ..
فستاني ناعم وواقفه على الدرج ورشووود يصفر معجب شكرا راشد خجلتني بكلامك ابتسمت وهي تشوفه وقالت: صدددق يا راشد يعني انا جميله.. ضحك باحراج وهو يقول: أي جميله بس مب اجمل عن الحب وضحك... أكيد معك حق حمده تستاهل كل هالحب يارب دجى تجمع بينكم بكل حب ماودنــــا نعيييييط ونعيييييط ضحكة ملوكه وهي تبعد عن دري وتقول له: اييي شي اكيد ما نقدر ناخذ مكان الحب ولا راح تزعل علينا وتزعل انته وياها ويعدين تراضيكم دجى ربي يخليلك الحب ماأجمل الحب وحمده تحبك ماراح تزعل منك طالعه وهو يحرك ايديه بسرعه تجاهه: لاتكفيييين لا تسمعج دجى ترا ما تصدق تزعلنا من بعض مادري ليش ... وايد عايبنها الموضوع تزعلنا وتراضينا عكيفها... دجى كفايه زعل وعذاب بينهم اهم شي تراضيكم مع بعض مداخله سريعه: قالها حمد العامري تزعل وانا اللي منك زعلان.. لف وقال بصدمه: سكنهم مساكنهم وطالع ملوكه بعصبيه وقال: ما قلت لج لا تطرينها لو طاريه مليووون جان احسن عن سيرة دجى... صدق مليووون نص لك ونص لي وحمده ولاشي هههههههههههههه ضحكت عليه وانا أقول: هدي هدي ترا والله ما بزعل بينكم اليوم مودك حلو وخلك ويا عيضه والحب بروحها تريا نظره منك .. طالعني باحراج وقال: تعالي هنيه مب انا قايل أبا املج ليش ما استعيلين بالموضوع.. قتله وانا الف قشاري: خلك مع ملوكة وايد احسن... لف ع ملوكه وقال: يرضيج يا بنت الايواد... ضحكت ملوكه وهي تقعد ع الكراسي وتقول: طبعاً ما يرضيني بس ان شاء الله فتره وتعدي وانته تشوف الأمور كيف يا راشد يعني مب وقته فديتك... ماعرفت نفسي وانا اقوله فتره وتعدي طلعت من جد بطله طالعها بجديه وقال: صادقه والله ،، الا ما قلتي شحالج وشخبارج وليش مختفيه... ردت عليه بتمعن وابتسامه جذابه: انا بخير ولله الحمد،، والله عاد الشق الثاني من سوال اساله دجى قولها ليش ما تخلين ملوكة بين فتره وفتره تقرب عندنا .. شفتي دجى رشود يسأل عني ما يبيني اختفي وجودي مهم دخليني بالاحداث مررره حبيت دوري ضحك واشد وهو يهز راسه وقال: ههههههه ضحكتيني وانتي شعليج من دجى متى ما تبين تدخلين رفسي الباب ودخلي البيت بيتج والمكان مكانج ونحن اهلج وناسج ونعين ونعاون ... ابتسمت باحراج: كلك ذوق يا راشد صراحه ياحظ حمده فيك... برفس الباب وادخل راشد قااال ضحك وبعدها عطاها نظره غرور وقال: ترا بشوووف نفسي واتكبر عليكم وماخلي حد يوصلني هههههههههههههه . لفت عليه وهي تقول: يحق لك ما دام عندك من يموت فيك ... من حقك الغرور وياحظ حمده فيك دجى مبدعه مبدعه أعجز وانا اقووول مبدعه واصلي ابدااااعك https://www.youtube.com/watch?v=RPDDFLv4rNE |
تلك المداخلات التي تتخلل الرواية
تجعل لها لون أخر وبهجة بشكل مختلف رائعة يا دجى الليل |
يعطيك العافية
... |
| الساعة الآن 03:19 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية