صفحة 4 من 7 < 1 2 3 4 5 6 7 > عرض 40 مشاركات من هذا الموضوع لكل صفحة

جنــــون 08-05-2011 08:34 PM ملاك لااا بليز خالتي الزمــي حدودك ولاتدخلين بشئونا .. هديت نفــسي لأرد عليها بأنفعـال وأخرب كل خططنــا .. ملاك :وحنا وش بيدنا ياخالتي نســويه موحنا اللي طلعنا من بيت أهلنا هربانين لسمح الله عشان الناس تكلم فينا أبـونا هو اللي تخلى عنا وحنا جالسين فبيتنا حاشميـن أنفسنا ومأحد يقدر يتكلم فينـــا .. تنهدت بالراحــه يوم ردت علي خالتي رد يدل على أقتناعها بكـلامي ثم غيـرت الموضوع وكأنها حست بعصبيتي من هالمــوضوع .. خالتي :وش رايكم نطلــع نجلس بالحديقــه الجــوحلو هالحزه .. كان ودي والله بس لازم نطلــع لزوم الخطــه .. وقفت وأنا أقول .. ملاك :ودنا ياخالتي بس شوفي الساعه كم وحنا مانقدر نبقى برى البيت لوقت مثــل هذا تعرفين عندنا خوات أصغـر منا مسئولين منــا .. فرحت بالأبتسامــه اللي أنرسمت على وجهه خالتــي .. خالتـي :كان ودي لوتجلسون معــي أكثــر ..وعشان أخليكم تطلـعون لازم توعـدوني أنكم بكـره بتجون تغــدون معــي .. تصنعت الأحراج والتفكــير .. وقلت بتلعثم .. ملاك :بس ياخالتي .. قاطعتنــي .. خالتي :لابس ولاشــي ..ضروري تجــون أنا مالي أحد غيــركم ..عيالي ومسـافرين يدرسون بــرى وأنا وحـيده هنا بهالبيت الكبيــر .. ردت عليها سارا اللي كانت تطالع تمثيلتي بعـدم اقتنـاع .. سارا :ان شاءالله ياخالتـي ولايهمــك .. خالتـي:تسلميــن ياحبيبتــي لاتنسون بكرا أنا أنتظركم وبرسل لكم السايق الساعه عشـر الصبح بليز بدون أعتــراض .. واللحيــن بخلي السواق يوصلكــم .. وحنا بالسياره .. قالت لي سارا .. سارا :ملاك والله اللي نسويه خطأ خالتي أنسـانه طيبه ماتستحق اللي نسويه فيها .. ياربي من سارا ليه صايـره كذا حســاسه بدون داعـي اللي يسمعها يقول حنا رايحـين ننصب عليها .. ملاك :ياسارا ياحبيبتي حنا ماسوينا شي يستحق كل هاللي تقولينه .. بعدين أنتي ماشفتي كيف خالتي فرحانه فيها تبغينا نحطم قلبها لو انقطعنا عنهـا .. سارا :ماقلت نسـوي كذا بـس .. قاطعتها .. ملاك :بس أيش صدقين والله ماراح نطلــب منها شــي .. اذا عطتنا بنأخـذ وأذا ماعطتنا ... سارا :بنتحايل عليها لين تعيطنــا صح موهذا اللي كنتي بتقــولينه ... تنرفزت منها طريقتها بالكـلام وكأنها تبغى نتهاوش وبــس ...وبقهــر قلت لها .. ملاك :ايه نتحايل عليها لين تعطينا حنا بنات اختها وهي بطرانه ويقولون الأقرباء اولى بالمــعروف .. هالفلــوس اللي عنـدها كلها وش بتستفيد منها خليها تـصرف علينا جزء بسيط منهــا .. سارا :ليش تكلمين كذا ليه فجأه صـرتي كذا جشعـــه وطمـاعه ملااك حرام عليك اللي تسوينه بنفــــسك ... مـلاك :اوووووووووووف بلييز سارا بلاش نصــايح راســي يوجعنــي منها .. وأنا ماتغيرت أنتي اللي تغيــرتي وصرتي فجأه معقده مثل ضحــى ... ماردت علي ظلت ساكته يعني زعلت .. ملاك :سارونا حبيبتــي ليش نخلي موضوع سخيف مثل هذا يفرق بينــا .. خلاص انســي كل اللي صـار اليوم ولاكأنا سوينا شــي .. سارا :كيف انسـى وحنا بكره معزوميـن عندها .. ملاك :انســي من اليوم لين بكــره يحلها ربك ... ماردت علــي .. سألتها بدلع .. ملاك :سارونا ليه ساكته للحين زعلانه مني .. ردت علي بتكشيره . سارا :لاخلاص نسيت .. ملاك:طيب ليه مكشـره يالله أبتسمــي شكلك كذا ولا بالريال يعقـدني .. ردت علي سارا بأبتسامــه وهي تقول.. سارا :شوفــي سيارة خالتي كيف كشخــه مالت على جمسنــا ... ملاك :مالت عليه مرتيــن وش يجي قدام اللومينا .. لا وهذي تلقينها ناسيتها مع السواق ولاتسأل فيها أكيد ماراح تطلع بالسيـاره مثل هذي ... سارا بعــدم تصديق :ليييش وش فيها هالسياره تهبــل .. ملاك :عندنا تهبل مالت علينا ماشفنا خيــر .. ومابغيــت اكمل اللي بخاطري واقول أنه قــريب بنصير شايفيــن خيــر ومايمـلا عينا غيـر اللي يمــلا عيال الكبـاريه .. وصلنــا البيت وحنا ننزل شدتنـــي سارا بقــوه مع عبـاتي لفيت اشوف وش تبــي شفت الرعب بعيـــونها وهي تطالع فبيت جيــراننا وعرفت ان السالفه فيها قيــس .. لفيت وشفتــه واقف على باب بيتهم وبيده سيجاره .. مسكــتها مع يدها عشــان ندخل كانت تلصق عمــرها في عشـان أكون حاجز بينها وبين قيس اللي يكـون بالجهه الثانيــه .. دخلنا البيت وقفلت البــاب بكل قوه داخلــي .. ولفيت على سارا أقولها .. ملاك :شفتي كيف الموضوع سهل طنشيه بس ومايقدر يسوي لك شــي .. سارا ترتجف :عيـونه حمراء مثل المجرميـــن .. ضحكــت عليهــا لين جلست علــى الأرض ... ظربتنــي على راســي بشنطتها وهي تصرخ بالطريقه طفـوليه.. سارا :لاتظحكيـــن علي يالدبا .. بعــد ماوقفت .. ملاك :غصب عني ماتشوفين نفسك وش مســويه اللحيــن كل هالتمثليه وبالأخيـر تطلعين متمقله فيه لين قلتي بس وخايفه منه كيف تركب هذي .. تركتني ومشــت .. ملاك :تعالي وين تركتيني هنا ... اول مادخلت للبيت ... وعــد :خيـرررررررررر وين كنتم فيه شوفوا الساعه كم اللحين عشـر دقايق ويأذن العشـاء .. نواف :تاركين البيت كذا بدون حتى ماتعطونا خبــر حنا شوي ونبلغ الشرطــه .. بعدين وش ذا السياره اللي نزلتهم منها.. سألتهم وأنا ادور بعيوني عليها .. ملاك :ضحى موجوده .. وعــد :لاوين خبرك عتيق ضحــى من الصبح ماهي فيه ..لاتغيرين الموضوع قولي وين كنتم فيــه .. ملاك :اصلاً ماقصدت أغيـر الموضوع ولاني معلمتك وين كنا فيه ... ولفيت من غير قصد لسـارا وعــد بحماس :هاه وش انتم مسوين اعترفي ولاليه تناظرين بالسـارا وكنك تقولين لها لاتعلميــن .. نواف :شكل وراكم مصيبه علمونا قبل ماتجــي ضحــى وتطلع العــلوم من عيــونكم .. قلت لها وأنا أجلس وأحط رجل على رجــل وبأستخفــاف قلت .. ملاك :ذاك أول تخوفونا بالضحــى اللحيــن ماعاد أحد يخــوفونا أنا وسـارا أحرار أعمــارنا .. سمــعت صوت جااي من وراي خلاني أنتفض من قلب لدرجــة اني فزيت واقفــه من الخــرعه ... ضحــى :لاياعمــري طيب ورى ماعطيتينــا خبــر قبل أنك حرة عمــرك يأم الحــريه .. يامـلاك أفندي علمن ياصلك ويتعــداك دام فقلبــي نبض لو أني فعــطارد بظل كبيــرة هالبيـــت .. سامعتنــي ياملاك سامعتنــي ياسارا ... سارا :بس أنا ماقلت شــي .. ضحــى :توأمك ماقصرت قالت اللي في خاطرك وخاطــرها .. وعــد بلقافه :سأليهن مع ميــن جايات ... لااااا يوووه ماهــو وقت سخافتك ياوعــد هذي والله البلشـــه .. طالعتني ضحــى بنظرت وكأن عــيونها بتطــلع من محاجرها .. ضحـــى :وش اللي تكلــم عنــه وعـــد .. لاااااياربــي وش هالوهقه يعني كان لازم تسمـعها اوووووف ... ضحى :تكلمي أنطقــي أنا أحاكيك مع من جايه أنتي وياها .. صدمتنــي سارا يوم أعترفت .. سارا :مع سواق خالتــي .. ضحــى بذهـول :خالتك أي خالـــه .. أنتي عن أيش تكلميــن .. الله يأخذ أبليس شيطان شياطينك ياسارا ..اللحيــن هذي وش بيفكنا منهــا ... الأعتراف خيــر وسيله فلامفــر .. ملاك :خالتــي أخت أمــي .. حسيت ضحـى للحين مصدومــه من كلمـت سارا .. وماتدري وش نقـول .. ضحــى :خالتك أي خاله .. أنتي عن ايش تكلميــن .. ملاك :اووووه ضحــى لاتقعدين ترددين لــي الكـلام مثل الهبـلا .. قلنالك خالتنا أخت امنــا دقت علينــا ورحنا لهــا وبس فهمتـي .. وهذا اللي وصلنا سواقها تعـرفين هــي وحده عنــدها خيـر .. صرخت علــي صرخــه أحسـها أنسمعت بأخر الحــاره .. ضحــى :ومن سمح لكن اصلاً تروحــن لها أوحتى تردون علــى أتصـالتها .. هههههه اجل لو درت ان حنا اللي نجري وراها وحنا اللي متصلين عليها وش قالت ... وكلمــت .. ضحـى :اصلاً وش اللي يخليكم واثقين أن هالأنسـانه خالتكم أولا وبعــدين حتى لو كانت خالتكم أنتم تعرفون هالأنسـانه كيف عايشه وش أخــلاقها واصلها وفصلها .. وبعــدين خالتكم ماهي بسعــوديه وهالأشكـال ماينوثق فيها وش درانا كيف ولاوشـلون ممشيــه حياتها وهالخيـر من وين جايبتـه ..

جنــــون 08-05-2011 08:34 PM ضحـــــى قهـروني رفعــوا ضغطي برودهم فالكــلام يسبب لي أحباط وأنا ماني ناقصــه كفايه علي زوج الغفلـــه (صدق هالقب لايق علـــيه ) .. ردت علي ملاك بطـولة لسان .. ملاك :خالتنا ماهي بالسعـوديه أمنا ماهي بالسعــوديه وش تفــرق يعنــي اصلاً وش سوت امك السعــوديه ياهنـــم .. ياحياتي كلو ملحق بعضــه سعــوديه ولاغيــر ماتفرق كلهن ذوق أبوي الردي .. يعنـي أنا اللي مختارتن أن امي تكــون ماهي بالسعــوديه .. اللحيــن هذي ليش تحب تفهــم الكلام على كيفهــــا .. ضحــى :كل كلامك هذا مايهمنــي وعلاقتكم بهاللي أسمها خالتكم تقطــعونها ... ملاك :لاحبيبتــي مو على كيفك حنا صح ماحنا متربين بــس هذا مو معناه أنا مانعرف بالأصــول خالتنا وصلها واجب.. بعدين كيف تطلبينا نقاطع خالتي اللي ماصدقنا لقينــاها تأمرينا يعني بقطــع صلة الرحم خاف ربك يأدميــه لاتدخلين عمــرك بالمحظــور .. سارا :صادقه ملاك .. مالك حق تأمرينا أن نقطع صلتنا بخــالتي حنا بنوصل خالتنا وأي احد عنـده أهل يبي يوصلهــم حنا ماراح نمنعــه ... صح ملاك .. ملاك :افكــورس صح ياحيــاتي .. المفروض أنتي الكبيـره العاقله تعلميـنا الأخلاق الحميــده موتقولين لنا أقعطــوا خالتكم .. ضحـى :انتم ليش مو راضين تفهمــوني أنا ابي مصلحتكم الدنيا مليانه بلاوي للحيــن ماشفتــوها وياليتكم ماتشــوفونها .. الناس ماهـي مثل ماتظهـــر داخــل الناس خفايا مايكتشفها الواحـد الا بعــد فوات الاوان الطيب ماهو بالشكــل والكـــلام الزيــن ماهــوقالتلكم أنها خالتكم وتحبكم يعنــي تحبكم ... ماهو لاقالت لكم تبي مصلحكتم يعني تبي مصلحتكم .. ويمكنـها صادقه بس حنا وش درانا ... قاطعتني ملاك بهمجيتها المعتاده .. ملاك :شفتــي يعني موضروري أنها مثل ماتقــولين وشلون بندري عنها من غيــر مانجربها .. ضحــى :وليش تجربونها وش حادكــم عليها ليش تجيبون لأنفسكم الهم أنتم كذا عايشين ومرتاحيـن .. ملاك :انتي تقولين كذا بس حنا ماقلنا أن حنا مرتاحيــن .. وخالتي طيبه وماشفنا عليها شــي .. ضحــى :شي مثــل ايش يعنـي لو كانت ساحـره بتسـوي سحـرها قدامكم او لوكانت مروجــه بتبيع سمها عليكم .. سارا :لاااااحرام عليك خالتي مستحيل تكــون من هالنــوع بعــدين خالتي وارث عن زوجها اللي يغنيها عن هذا .. ضحــى :ليش هــم اللي يسلكـون هالطريق بس غرضهم المال لازم يكــونون فقراء شحاذين عشـان يكـونون سحره ومروجيــن وحراميــه وبلاوي لها اول مالها أخــر .. يعني هالمهــن محــكوره بس علــى المساكيـن لاحبيبتــي الموضوع ماهــو ماده وبس الموضوع أكبـر من كذا .. ملاك :انتي غاويه فلسفه وبــس .. الأيام بتثبت لك أن خالتي ابد ماهي من هالنوع ومستحيـل تكــون منــه .. تعبتنـي هالبنت معها مستحيل تفهم اصلاً هي مو راضيه تفهـــــم .. ضحــى :موشرط تكــون هي مصدر الأذى ليكم أي أحد من محيطها ممكــن يصير مصدر خطـــر عليكم ... ملاك :شكـراً على التحذير ماقصـرتي بس حنا بدينا طريق وبننهيـه بأنفسنا وصدقينا مهما صار معنا ماراح نجي نشكي لك .. يالله سارا نروح ننام ... كلهــم كذا البنات يحبـون المشاكل والجري وراهــا والله لو مكتــوب لوحـة تحذير خطـــر يرحـون لهالمنطقــه المحذوره بيشوفون وش وراهــا لازم يجــربون الأذى يمــوتون لو ماجابوا لأنفسهم الألم .. مأدري وش أسمــيها هالحاله ضعافة عقــل ولاثقه زايده بأنفسهـــم .. وعــد :اوووووف ضحى أنا أكلمك ليش ماتردين علــي .. ضحى :خير وش تبين أنتي الثانيــه .. وعــد:هذا زوجك الغبي اتصــل مية مره يسأل عنك .. أنتي ليه مقفله جــوالك .. ضحى :كيفـــــي عندك أي أعتراض آنسه وعــد .. وعــد :انااا لاااا بس عسافــووه ايه .. قلت بعدم اهتمام.. ضحــى :طقاقه .. ماوريتوني تقاريركم الشهريه ولاتقولون ماستلمتوها لأني مكلمـه على المدرسه يوم الأربعاء وقايلين أنها مسلمينها لكم من الأثنيـــن .. اسكتوا او بالأحرى جمـدوا ولاكلمــه ولاحركــه ولاحتـــى نفـــــس .. ضحــى :شوفيكم ساكتين وكأن على رؤسكم الطيــر يعني مأعتقد اللي طلبته لهدرجـه صعب كاللي طلبته تقاريركم ابي أشوفهـا .. وعــد :هاه أيــ ـه اانـ ـا تقريري .. بدينا بتلكــع اعرف هالحركه وراها مصيبه .. ضحــى :ايه أنتي تقريرك وينــه .. وعــد :قطعته ... ايش وش سوت المهبوله هذي غبيه متخلفه كيف تقطعه على ميزاجها هو .. ضحــى :لاااعااد وعاجبك اللي يسويه اصلاً أنتي كيف تجرأين وتسوين فيه شي قبل مأشوفه .. وعــد :وليش تشوفينه من زين اللي فيه ولادرجــه تفتح النفس ولاالمشـاركه أعلى درجه ثلاثة أرباع .. ضحى :اللوم بهالكلام موجه لمين لــي أنا قصـرت عليك فالشــي قولي أنطقــي فيه شـي طلبتيــه وماوفرته لك .. وعــد :بس الأشياء اللي تعلق بالمدرسه .. ضحى :وكلامنا اللحيـن عن المدرسه .. اغراضك موفرتها لك شرح وأشرح لك مذاكــر واربع وعشــرين ساعه ماعلى لساني الا ذاكري ياوعد حلي واجباتك ياوعــد ..قولي أنا وش قصـرت فيه اللحيــن .. قسمــن بالله اذا مانجحتي هالسنــه لأطلعك منها واخليك تكرفين فالبيت مثــل الخدم ..وانتن الثانيات وش تحترن وين تقاريركــن لايكون مقطعاتها بعــد .. نوف :لاااااا انا ماقطعته شوفي أخذت الخامســه .. وعـد بقهر :ياحظك بشري أمك .. أخذت منها التقرير وكانت درجاتها حلوه واكثر شي ناقصها من المشاركه .. ضحى :ليه ماتشركين .. نوف :اشارك والله اشارك بس هم .. وعــد داخله عرض:متشبهه ماتستحق هالدرجات شفتي الظلام كيف .. ضحى :اها ان اشوف شغلى معهم .. وشفت تقارير شهد وهند وشوق وكانت مثل وجيهــن .. ضحى :وش فيكن أنتن بعــد تبن تعيدن السنه .. شهــد :اولى ثانوي صعبــه .. هذي والله اللي بتذبحني .. ضحى :صعبه ياحلوه لوكانت أول مره مولك ثلاث سنين تعيدين فيها وتقولين صعبــه .. وأنتي هنـد تبين تأخذين فيها سنتين مثل خواتك عاجبتك الفكــره .. هندبأنكار :لاا من قال بس أنا دايم مأجيب بأعمـال السنه كــويس وفالنهايه أنجح .. ضحى :بس هذي اولى ثانوي ماهيب مثل كل سنــه خليك فاكـره .. شوفي شوق أنتي يبيلك دروس فالرياضيـات الخميس والجمـعه الجايات اذا جيت خليك جاهزه عشان أعطيك الدروس فيها ذاكر خلال هالأسبوع عشان أعرف وش اللي محتاجه تقويه فيه وعشان مانضيع وقت .. شهد :ايه صـح فيه بنات كثير جولنا من اللي كنتي تدرسينهم يبونك تعطينهم دروس خصــوصيه .. هنــد :أغلبية البنات ومن كل الفصول اللي درستي لأن المدرسه اللي جت محلك توها خريجــه ودجـه بمعنى الكلمــه .. وكل شرحها أخطأ .. ضحــى :ماشاءالله اللحيـن عرفوا قيمتــي ورى مايروحـون لمدرساتهم الأجنبيات اللي صاجتنا فيهــن واللي يحلن لهن واجباتهـن .. شهــد :توهم عرفوا قيمتك وأن شرحك هــو الصدقي وأنهن مايستفيـدن من هالمدرسات كثر مايستفيدن من شرحك وسط الحصـه .. ضحــى :قول لهم اللي يبــي يدل بيتنا وأنا أخذ ضعف المدرسه الأجنبيـــه .. ايه بأخذ ضعفـها لاتقــولون حرام ظلم أجل ليش رواتب المدرسات الأجنبيـات بالمدارس الأهليه ضعف رواتب السعــوديات حلال عليهم وحــرام علينـا .. هنــد :اخخخخخ والله اللي توهقم الحمـدالله أنــي أختك وماتأخذين مني فلوس .. شكلـها أول وحــد من خواتي تحمـدالله أني أختهــا عجيب صــح .. هنــد :ضحــى متى حتروحــي مع عسـاف .. تكدرت من هالطــاري .. ضحـى :بالأجــازه .. وعــد :اوووف وش الفايده تكــون خلصت الدراسه .. ضحــى :واذا خلصت الدراسه .. وعــد :انا كنت احسبه اللحيــن عشان أقدر أخذ راحتي فالغيــاب .. ضحــى :عندك نيه تغيبين مو كفايه الأسبوعين اللي أنفصلتي فيها .. وعــد :لاماهو كفــايه ذاك أجباري أنا أبي الغياب اللي على كيفـــي.. ضحــى :انثبري بس وخليني أسمع أن وحــده منكن غايبه .. وضع وعــد مــره صعــب كيف بتنجح وهــي على هالحال أخــر تفكيـرها بالدراسه يبــي لها حافز وأعــرف وش هالحافز ... ضحــى :وعــد وش أسم اللعبــه اللي طلبتيها منــي .. كست ملامحها كائبـــه .. وعــد :قصدك البلاي ستيشن .. ضحــى :اذا نجحتي بتقــدير كويس بجيبه لكــــي .. شفت بعيــونها عدم تصديق لكلامــي .. وعـــد :اذا نجحت بتجيبين لــي بلاي ستيشن .. ضحــى :ايوه بجيب لك ... نوف :الله وناسه صدق .. ضحــى :ايه صدق بس خلي وعد تنجح بالأول .. وعـــد بفرحه :بس كذا انجح وأنجح وأنجــح غالي وطلب رخيص ... وبدت تقفـــــز .. وعــد :يااااهههههههووووووو يالناس بيصير عندي بلاي ستيشن مثل الخلق والناس ... وطلعت تركــض .. ضحــى :تعالي على وين .. وعــد :بروح أخبـــر منيــررر .. ضحــى :لاحقــه على منيــر اللحيــن روحي ذاكري ولاماراح يكــون فيه بلاي ستيشن من اساسه .. رجعت وعــد بأحباط ..وجت بتجلس .. ضحــى :لاحبيبتي وين جالسه أطلعي لغرفتك ذاكــري .. وبكــل طاعه طلعــت والله زيــن ليتني من زمان حاطــه لها هالحافز ومريحــــه عمري ...

جنــــون 08-05-2011 08:34 PM عســاف ليش أظلمهــا يمكـن أني مافهمـت الكلمــه صح هــي أكيـــد ماتقصد الشهــر بمعنـى الشهـر ثلاثين يــوم .. رجعت أرسل لهــا اسألها وش قصدها بالشهـــر ... وجاني ردها اللي طير كل عقــل فيني .. شهــــر لين تخلص الأمتحانات بالعربي بالأجـازه .. شهــر تقــوله شهــــر بالله عليكم وش يســوي بعمــره وهي تقــوله أنتظر بعــد شهــربعـــد كل اللي سواه تقــول أنتظر بعــد شهـــر .. وهو اللي لبى كل مطالبها بأسبوع بس لأنه ماهــو قادر ينتظــــر واللحيــن تقـول شهــر يعني ضعف الأسبوع أربع مــرات ويوميــن وياليت الشهـر ينقص .. الصبــر ياررب الصبــــــر .. ووسط هيجاني دقيت عليها ومثــل ماعـودتني طول الأسبوع ماردت وبعـــد ماتمالكت نفســي ارسلت عليها.. اللحيــن بعد مالبيت لك كل مطالبك تقــولين بعــد شهــر .. ردت علــي .. ماجبرتك علـــى شـي واذا تبـي طلقني وأرجع لك كل هللــه أخذتها منك .. استاهل والله أنــــــي استاهل أنا الثــور اللي بينت لها اني متلهــف عليهـــا وميت فيهــــا .. صدق أني غبــي صرت لها مثل الكتاب المفتــوح تقـراه وهي مغمضــه وهي لي غمــوض صعب أفهمــه ومتاهــه مالقيت طريقــي فيها .. آآآآآآه ياعذابــــــي .. سلامتك من الآآآآآآآآه ياقلبي .. فتحــت عيـــوني وشفته فاتح الباب ومتسنــد عليه .. عساف :هذا أنت وش تبـــــي .. جابــر :مابي شــي شفتك طولت جيت أشوف وش فيك .. صح نسيت أني طلعت من عنــد الشباب وانا واقف بالسيارتي قدام الأستراحـــــه .. عساف:ماجاء أخــوك .. جابر :والله انك مانت بالصاحي قيس من الصبح فيــــه خلف اللي للحـين ماجاء .. جيت بنزل بس هو ماتحرك ساد علي الطريق ... عســاف :خير وش فيك .. جابــر :وش أخبـارهن بنات عمك .. حسبت اني ماسمعتـــــه صح .. سألته .. عساف :ايش ماسمعتك .. وبكل وقاحــه رجع يقولها وهو يبتســـــم ابتسـامته الملتويه .. جابــــر :أخبارهن بنات عمك .. كنت قايم بضــربه ماحسيت الاهو طايح علــــي بعــد ماصرخ بألم .. خلف :عدها يالخسيس والله لأكــسر لك خشمك .. زفيته عني وهو عــدل وقفتــه .. عسـاف :والله لوما أخوك قيس يمديني دافنك تحت موطى رجلك .. رفع شمـاغه اللي طاحت على الأرض وبكل وقاحه قالنا .. جابر :وش فيكم شابين فينـــي بنات عمكم سيرتهــن على كل لسان .. ولاتسوون فيها ماتدرون وأنا ماقصدت شــي شين كنت قاصــد أنبهكـــم .. ولا أنتم مايعجبكم كــلام الحق وتفضلون اللي يتكلم بظهــوركم علـى اللي يكلمــونكم بوجيهــكم ... ومشـــى رايح لسيــارته .. شفت خلف يلف عليـــــه بيلحــقه .. بس أنا مسكتــه مع ذراعــه .. عساف :خله عنك التافــــه .. خلف يسحـب يده بقــوه :فكنننــي فيني حــره بطلعهـا فيــه .. ورمــى شماغه من القهــر يوم شاف جابر حرك سيــارته ... لف علــي بقوه وهو يقول بقهـــــــر .. خلف :الناس تكلم فينــا ياعســاف .. حتا خــوينا مارحمنــا بلسانــه .. نزلت راســي بكدر ياربي أنا وش اللي رجعنــي عشان أشوف هالبلاوي كنت مرتاح بــرى وأخذ راحتــي لأخاف من كــلام ولامن فضــايح .. ليه رجــعت وأنا اللي تارك وراي أبـــواب للحكــي فينــي .. عساف :كلنادارين ياخلف بكلام الناس فينا ولا لازم نسمعــهم عشـان نـصدق .. مانقــدر نلوم أحد على كلامه فينا ليه مايتكلمــون وحنا تاركــين للبنـات الحبــل على الغـــــارب .. خلف وفكــه يرتجف من القهــــر :ماعمـر أحد قالها لـي فوجهــي ماكان يهمنــي كل هذا بس هاللحيــن غيــر بهاللحضـه ماني قادر أستحمــل الوضــع .. عمي مبارك ليش ساكت ومخلي الناس كذا تكلم عن بنــاته ان ماعاد أفهمـــه كيف مايرضى علينا بالكلام ويرضاها على بنــاته كيف ...؟! .. خوفني أنفجــــار خلف المفاجـيء مع أني أعرفه خلف ألزم ماعليــه سمعتـــه ..ورجولته ماتسمح له أن أحد يتكلم فبنات الرجال اللي بمنزلة أبوه .. فاجئني قوله .. خلف :البنات ذولي لازم ينردعــن حنا لازم نسكت الناس.. مارتحت لكــــلامه وقلت عشـان أماطل .. عساف :الكـلام هذا ماينقال بالشـارع .. خلف :افتح سيارتك بنطلــــــع فيها .. ركبنا السيــاره وأنا احركها قال .. خلف :وأنا أعرف كيف أسكتهم نزوجــهن ونفتك منهن ... بلعت ريقــــي .. عساف :ومن ان شاءالله بتزوجـهن بتنشـر اعلان بالجريده .. رد علي بعصبيــــه .. خلف :انا ماني جالس أنكت معك لاتذبحني برودك ... هذا هوخلف لعصب أقشر ماودك تجلس معه .. وبعــد كلمتي هذي صد عني وهو يتأفف قلت عشان أكسبه .. عساف :طيب تزوج منهن وزوج أخـــــوك ... لف علي بعصبيه وبسؤال ماتوقعتــــــه .. خلف :أي أخــــــوو ..؟! عساف :مالك أخــوك .. خلف بنرفزه :تبغـــاني أزوج مالك وحــده من خــواته أنهبلت أنت .. نهـاية الحلقـه ..

جنــــون 08-05-2011 08:34 PM الحلقــــه الثانيــه والعشــــرون ... ((1)) حكايه جديده يسوق سيارته بالســرعه يسابق فيهــــا الريح صوت الأغاني من شدته شال حتى تفكيـــره كان يردد مع المغني وهو يطبل بيديه على الدريكســــون .. احبه حب نساني شي أسمه راحت البال ... وحبه عامل بقلبي عمايل مو طبيعــيه .. خلاص اليوم بتكلم معاه واشكي له الحال .. عرفت من البشر ياما وشفت أشكال واشكال ...رفضهم كلهم قلبي لأن القصه جديه .. لأن مأبي غيــره ولافي هذاي جدال .. هدا فجأه يوم قــرب من البيت وأنفتحت له البــوابه بالســرعه دخل وهو للحين على سرعته وأخذ له لفه على الدوار وركــن سيارته قدام باب فلتهــم على طــول .. ولف بنظره على فلة عمــــه وطالع بشباك غرفتها وأرسل لها بوسه بالهـــواء ... دخل البيت الخالي الا من الخدم وهو يغنـــي ويتراقص على أنغام وهميـــه : الناس تسأل عن بعض تشتاق وتحـن لبعض وأنا وأنتا للأسف ماكنا حبينا بعــض الناااااس تسأل عننننن بعض تشتااااق وتحـننن لبعض وأنا وأنتاااا للأسف ماكنااا حبينااا ببببعــض ماكنا حبينا بعـــــض آآآآآه ماكنا حبينا بعـــض .. ماكنا حبينا بعض ياشوق ماكنا حبينا بعـــض .. رفــع جـواله اللي بيده ودق عليها وهو عارف انها ماراح ترد عليه اصلاً هي عمرها ماردت عليه الامــررره وحــده وبس ... هلي لاتحرموني منــــي هلى لاتبعــدوني عنــــــه ... من وراه تردد معه بهبــال :هلي لاتحـــــرمونه منهـا .. بدون مايلف يشوفها :أنتي هنا .. :لاهناك بس قريني هنا .. :ماعندك بيت أنتي تنثبرين فيه لازم كل ماجيت بيتنا الاقيك فيـــــه .. :افاا عاشق الشـــوق ماتبينــي أجي لبيت جدتي .. :وينها جدتك ... :جدتي ياعمــي العزيز في منزل الشوق .. أنتفض جسمــه من طاريها وذبذبه عذبه مرت فقلبه ووجــع يستلطـفه عصر معدتـــــه :والله .. نعمة صوتها وتكلمت وهي فاتحـه فمها بطريقه غبيه ايقالها اللحيـن تقلده :ايه والله .. رجعت لطبيعتها :اقص رقبــة أختي الماصله وديان اذا ماكنت أتمنــى لو أنك مكانها .. بأستخفاف رد عليها :لا ماتمنى لأن الشوق هالساعه بالجامعه .. :ماحزرت ياعمي العزيز الشوق والماصله وديان اليوم عندهم اوف .. :وأنتي وش فيك معلقه اليوم على الماصله وديان شكلك توك متعلمتها .. :لا والله أن من الزمان عارفتها بس اليوم الصبح يوم صحيت لقيت نفسي ارددها .. :الا تعالي أنتي ليه ماداومتي .. :صدق أنك ياعمــي العزيز الوليد دايم تدري بعــد الناس .. الوليد :لاتقولين تخرجتي .. :لا وش دعــوى توني لاحقه خيــر .. الوليد :اجل أنفصلتي .. :ولاهذي .. الوليد :اجــــل .. :انا من بداية الترم مأداوم يوم السبت لأن الماصله وديان ماتداوم فمــن الظلم أن أداوم وهي جالسه فالبيت .. الوليد :وابوك وينه عنك .. ضحكت بغبطــه :ابوي أكيد أخر شي يفكــر اذا عياله راحــوا مدارسهم اولا .. الوليد بيتكمـل .. قاطعته :والله مالك داعي عمــي العزيز وأنت مسوي عمرك مره مهتم بمستقبلي وتجلس تنصحني كلش مو راكـب على الوليد بن ........ وقف الوليد :تدرين الشرهه علي اللي جالس معك ولا انتي من يطيقك ويجلس معك دقيقتين على بعظهم لاوتقولين وديان الماصله والله انك انتي الماصله 100% .. رسم أخر كلمــــه بالهــواء وطلــع السلم ركض .. نادته :عمييييييي عاشق الشوق وين رايح حرام عليك ارجع أجلس معـــــي .. طل عليها من أخر السلم :حرمت عليك عيشتك أنقلعي لبيتكم والله أن شفتك فبيتنا مره ثانيه هالحزه لحش رجولك ... طلعت ود من بيت جدتها بعد الطرده المحترمــه من عمهـــــا متوجهه لبيت جدتها الثانيــه .. :اوووووووف شوفي من طلع اللحين بعد الوليد تطلع ذي ... من على السرير وبحظنها اللاب توب :من هي ذي ... :ومن غيرها الغثيثه ود ... :اهآآ .. اصلاً قلت لك عمي الوليد مستحيل يطلع يرجـــع وهو توه راجع من بعد طلعته أمس المغــــــرب ..

جنــــون 08-05-2011 08:34 PM جت ورمت نفسها عندها على السرير :وريني وش قاعده تسوين أنتـــــي .. وديان :ولاشـــي اسولف مع وحده من البنات .. الشوق تظربها بمخده صغيـره وهي تضحك :وحده من البنات شايفتني ود قدامك .. وديان تشاركها الضحك :شوووق تخيلي عمــرك ود .. شوق:هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه .. وديان تعلق على ظحكة شوق :لايشوفك عمــــي وأنتي تظحكين كذا والله ليكره الساعه اللي حبك فيها .. كانت تقــولها بغيـره واضحــه من ضحكــة شوق الناعمــه اللي تخلي الواحد غصب ينجن عليها ويطرب لسمــــاعها .. علقت على جــــــرس الباب بحركه معتاده منها واللي يعرفونها فيهــاالخدم واصحاب البيت ... ود :ياهـل هالبيت وينكــــــم .. مشتاق ومسيــــــــر ... ههههههههههههههههه الله يرجني نسيت الأغنيــــه .. أنفتح الباب بقــــــوه .. اللي داخل بأنفعــال :خيـــــر ان شـاءالله جالسين تدقون على المطافي أنتوا .. ود اللي مصدومه باللي قدامهــــــا ماتكلمـت من هذي ووش تسوي فبيت جدتهــاآآآآآآآه ياملحــها الا تجنن ياويلي على الجمــال مالت علــي ماشفت الزيــن .. بعصبيه :هييي انتي ياحلوه لاتكونين طرماء ... صوت من وراها :ملاااااااااكي وش تسوين عند الباب ... وأنضمت لها وهي تحط يدها على كتفها وتلف يدها على خصــــرها :يؤ وش عندكم .. ود بلعت ريقها وش ذولا توأم واخيراً لقت صوتها :هاااااي من أنتم .. ملاك :انتي اللي جايه لنا حنا نسألك ولا نسيتي أصول المحادثه أرجعي لمنهج ثاني متوسط بالانقلش وتلقينها .. سارا :هاااياات وش تريدين .. ود :اريد جدتي .. ملاك :أي جده مضيعه جدتك وجايه تدورينها عندنا .. سارا :ملااكي أعصابك خنشوف البنت وش تبــــي .. ود بنرفزه :هيييييي انتم ماني جايه اطر من عندكم وخــروا شـــي بدخل لجدتي ... وحشــرت نفسها من بين سارا والجدار ودخلت ... ملاك :شوفي المفعوصه كيف صارخت علينا .. ود تنااادي :تيتــــه تيتـــــه شيمــــاء .. سارا ظربت ملاك على كتفها :شوفي تنادي على خالتي شيماء .. ولحقنها على صاله ... نزلت الخاله شيماء اللي كانت فوق :اهلين حبيبتي ود ..شكلك قابلتي المفاجئه اللي قلت لك عنها .. ود بأحباط :اللحين هذي المفاجئه .. الخاله شيماء بأبتسامــه حنونه :ايه هذي المفاجئه سارا وملاك بنات أختـــــي وش رايك فيهم .. ود بقهر للي سووه فيها عند الباب وبكل شفافيه :حمـــارااااااات .. ملاك بردة فعل طبيعيــه لأنها متعوده على الملاسن :انتي الحمــاره .. سارا :خالتي من هذي .. شيمـاء :هذي ود بنت محمــد .. وعرفن محمــد المقصــود ولد زوجها لأنها كانت معطيتهم شـرح مفصل للعائلتها بجلستهم الثانيه وهذي الثالثه وعشان كذا البنت تقــول جدتــي .. ملاك :الله يعينك عليها ياخالتي .. ود :الله يعنيها عليك أنتــي يالخبله .. الخاله شيماء :بنات وش فيكم على بعــض عييب .. تعالوا أجلسو .. وبعد ماجلسوا .. الخاله شيماء :يعني للحين مابطلتي هالعاده .. ود اللي فاهمتها:أي عاده .. الخاله شيماء :انك تغيبين يوم السبت .. ملاك بلقافه :كســلااانه .. ود :انتي الكسلانه ليه مارحتى لجامعتك .. وقبل ماترد عليها ملاك كملت :لايكون أنتم بعد عندكم اووف .. ملاك :لاعندنا لا اووف ولااوفين .. اصلاً حنا ماندرس ... ود بالصدمه وحسد بنفس الوقت :ماااتدرسون كيف .. قاطعتهم الخدامــه اللي جت تقول للخاله شيمـاء أن جاها أتصال ... وبعــد ماطلعت الخاله شيمـاء ... سارا لاحظت أن ود تطالعهم بالنظرات تقيم فيها مظهرهم الخـــارجي وعشان تختبرها قالت بأستهبال :معجبك الجينز حقــي تبينه خذي بعشره مايغلى عليك .. ود اللي ألعن منها بالأستهبال :لاا معجبني حق سـارروووووه .. ملاك وسارا أنتبهن أنها ماتدري من ملاك ومن سارا فجلسن يضحكن ... ود انقهرت من ظحكتهن :وجعععععع ان شاءالله ماقلت شي يضحك .. ملاك اللي قربت من وجها لأنها جالسه معها فنفس الكرسي :الا قلتي شي يموت ضحك مايضحك .. ود بقهر :اللي هو .. سارا :انووو انا سارا ياحياتي مو ملاااك .. ود اللي أنتبهت على غطلتها :وش فرقت يعني كلكن تشابهن .. ملاك بالنفي :لاا مانتشابه .. ود بأنفعال :والله أتشابهن .. سارا :نتشابه بالون البشره والشعر والعيون ولنا نفس القامه ونفس رسمة الوجه بس فينا أختلاف بالملامح لو عرفتينا زين بتقدرين تفرقين بينا بس لابد من الخطأ .. ملاك بصوت عالي:سارونا وش الكلمه اللي قلتيها قبل شوي .. سارا بخوف :أي كلمه .. ملاك بعصبيه :اللي قلتيها قبل شوي .. سارا شوي وتبكي :أي وحــده ... ملاك بأبتسامه غبيه :قامه من أي برنامج لاقطتها .. سارا توسعت ابتسامتها :من البرنامج ذاك السياسي اللي يعرض على القناه ذيك اللي كلها أخبار برامج ودعايات ..

جنــــون 08-05-2011 08:35 PM ود مصدقه :والله وش البرنامج السياسي ذا اللي يقولون فيها قامه كنت أحسبك بتقولين برنامج ازياء او أي برنامج عن المرأه .. ملاك :هذي برامج ماتعرض الا على تلفزيونا .. سارا :خبله تحسبها بتعرض على تلفزيوناتهم ذي اللي بوصاتها كبيره ..لاذي برامج سبيشل تعرض على تلفزيونا بس .. فجأه وقفت ود وجات قدام ملاك ومدت لها يدها :سلمــــــي .. ملاك مدت يدها تصافحها وهي مستغربه .. ود :تعجبــوني خلاص بنصير صديقات ... وتركت ملاااك اللي ميته ضحك ,, وتوجهت لسارا وسوت معها نفــــس الحركـــــه .. سارا :كم تدفعين بالشهــــــر .. ود :ادفع ايش .. ملاك :تدفعين مقابل صداقتنا .. ود بتكلم بس سارا قاطعتها :لاتقولين ماقريتي عروضنا المغريه بالجريده .. ود اللي أفهمت أستهبالهم :أنا اللي ابصادقكم بس عشـان هالأستهبال بس بديت أخاف منه شكلكم طول وقتكم كذا ماعندكم جد ... ملاك :خل يصير عندنا ابو بالأول عشان يصير عندنا جد ..

جنــــون 08-05-2011 08:36 PM ((2)) (..عقاب دامــي ..) وش سوووى ..؟!! .. كيف اطلعت منه هالكلمـات ولميــن اكيــد انه انجن عشـان يطلع منه هالكــلام .. من بيفكه اللحين من قيس لو درى .. آآخ من كثــر مايأس منها صـارت تصرفاته ماهي محســوبه .. اللحين بس فطــن أنه ضيعها من يده آآآآه ياشعــوله ليه حبيتك وأنتي جازيتيني بالجفــا .. ليه ماكانت مثل خواتها المفتونات فيــــه ليه هي الثقيله وهالثقل ماجاء الا عليـــــه .. من صغــره وهو أسير عيونها الزرقاء كبــر وكبرت معه مشـــــاعره لكن هي كبـرت وتكبـرت عليـــــه .. وقفل عيــونه وهو يتصــور عيونها الزرقاء اللي ياما عذبته من ورى اللثمــــه .. فتح عيونه بالسرعه يوم سمع اصوات منبهات السيارات وراه وتحرك لأنه كان معطل سير بعد مافتحت الأشاره .. دق جواله فز قلبه يوم سمع النغمــه هذا قيس ... رد عليه بالسرعه رغم أنه خايف لايكون درى باللي صار بينه وبين خلف وعساف .. جابـــر :هلا .. قيس :وينك فيه تعال البيت بالســرعه .. جابر بلع ريقه مليون فالميه درى اصلاً خلف مستحيل يمررها له .. جابر :ليه فيه شـــي .. قيس بنبره غريبه :ليه مستعجل على رزقك تعال للبيت وتعرف .. جابر :طيب أنا اللحين جاااااااي .. قفل منه وأخذ له سيجاره رماها بفمـــه ورفع المسجل على أعلى مستــــوى وأكيد كان طلال المداح .. جتني تقول جتني تقول محبوبتك لاتنتظر ميعادها جتني تقول جتني تقول هذا الجواب اللي بقى لك عنــــدها .. جتني تقول جتني تقول لملم جروحك وانسحب مالك نصيب باللي تحب وارجوك أقبل عذرها ارجوك أقبل عذرها هذي الحياه وهذا حكم أقدارها ياحبها يالدنيتي وحلم العمر ياحبها ياللي بيدك كل الأمر كيف الهروب من حبها وهي مناي وغايتي .. كيف اتحاشى قربها وعنها أداري غيرتي ياذا القدر شلي أقول شنهي الوسائل والحلول شنهي حياتي بعدها شنهي حياتي بعدها جتني تقول جتني تقول محبوبتك لاتنتظر ميعادها جتني تقول جتني تقول هذا الجواب اللي بقى لك عنــــدها .. قفله وهمس بضيق :ياليت كان بينا مواعيـــــد يابو عبدالله ياليت ماكان هذا حالـــــي .. عشر دقايق وكان يوقف سيارته قدام البيت .. تردد ينزل بس بعدين حزم أمره ونزل ... لفت أنتباهه صوت ضحكاتهن واللي صدمه السياره اللي نزلن منها .. :شوفي من واقف على الباب.. :ياحياتي ياسارونووو من قلتي ليه يجلس على البيبان .. :ياقلبي ياملاااكي من غير القطاوه والشحادين ولله يامحسنين هههههههههههههههههههههههههههههههههههههههههههههههههه هههههه ... ذولا اللي كانن لامر من عندهن تجمدن محلهن مثل الأهرامات واللحين يمرن من عنده ويتمسخرن عليه لهدرجه صارت حالته يرثى لها لاكسب من حب ولامن حبه ولاحتى بملكته توفق وغمض عيونه مايبغى يتذكر اللي تنسمى زوجته يااااااااه من بعد هالغزلاااان يختار له حظه هالقرده .. فتح باب البيت واستقبله صوت قيس اللي نفضه نفض ... ردد :الله يستر الله يستر .. فجاه أنفتح باب البيت الداخلي وطلع أخوه فادي طاير وطاح على الأرض تراجع على ورى قبل مايطيح عليه ... كان يصب مع فمه وخشمه دم .. رفع عينه على اللي طلع من البيت كان مشمر عن سواعــده وشكله مبهـذل كان حاط يده على مقبض الباب بيطــلع بس هو كان أسرع منـــــه .. ثواني وكان طاير فالهــواء وطايح فوق فادي اللي كان يئن من الألم .. جابر :اخخخ خير أن شاءالله وش مســوي أنا .. وقطــــع بعد ماشاف نظرات قيس اللي تذبح من حرارتها .. وطلع من جيبه جوال رماه على وجهه بكـــــل قوته .. وعرف جابر وش الســـــر .. جابر بتلعثم قبل مايهجم عليه قيس :لحضه قيس خلنـــ ...... وأنقطــع كلامـه بعــد البكس اللي كان بيشيل وجهه من قوتــه مــــع البكس الثاني حس أن أسنانه تحركت من محلها ومن البكس الثالث بلع واحد من أسنانه .. وومع الدوخــه حس نفس يرتفع فالهــــوا ويصقع راسه بالشــي قاسي كان راس فاادي اللي شاركه هالمــــره بالصرخه .. جابر بصوت متقطع من الألم والدم مغرق معظم وجهه :ق يس واللي يرح م والد يك اسمعنـــ ..... رد عليه قيس يوم ركله بكل قوته مع بطنه قوة الظربه لصقته بالجدار .. جابــــر ويده على ظهره اللي حس أنه أنقسم نصين:آآآآآآآآآآآآآآآآآآآه .. فادي يبكــــي :آآآآآآآآآآآه خلاااص بمـــووووت .. التوبه والله التوبه ... قيس يوطى على رقبة فادي بالرجله :وش قلت .. فادي يبكي :التوبه والله التوبه آآآآآآه مأقدر أحتمل تكفى فكنـــي .. قيس بقهــر:ماتقدر تحتمل هاه طيب ليه تسوي شي مانت قده .. لو أهل البنات دروى باللي بتسويه لبناتهم والله حتى القتل مايغفرذنبك قدامهم .. فادي يئن من الألم :التوبه خلاااااااااااص والله مأعيدها اموووت ولا أعيــدها .. قيس بقهــر يحرقه من الداخــل :ولك وجه بعد تقول أنك منت بعايدها ... لوانك رجال بس فكــرتطالع بطرف عباة وحــده من بنات الجيـــــران والله لأذبحك ذبح الشاة .. وبصق بوجهه .. وراح لجابر اللي طايح قريب منه وبصق بوجهه هو الثاني ... قيس :تفووووووو عليكم مافيه واحد منكم طلع رجال كلكم سرابيت الله يلعنـــ ..... قربوا من منيـــــر او حتى اسألوه لو بالكــلام والله لخلي ليلتكم ليله .. وطلع وتركهــــــم كلاً مصــروع بمكـــــانه ...

جنــــون 08-05-2011 08:36 PM كان يطالعهم من فوق من دريشة غرفته وهو يتنافض من الرعب صح قيس يظربه أحيان بس أبد ماهو مثل هالظرب والله لويعطيه بقس واحد من اللي عطاه جابر وفادي ليتنوم سنتين فالعنايه .. كل اللي جاهم بسببه هو بس يستاهــلونه والله يستاهلــونه هم اللي أستغلوا ضعفه وطلبوا منه يصور بنات الجيران هذا فادي وجابر طالب منه بالتخصيص صورة مشـاعل .. هو ماغلط أبد يوم خبــر قيس كان يحسب أنه بيلقى من الطيب نصيب وكان عاادي عنده فالسبيل أنه ماينفذ لهم مطالبهم بس غضب قيس وقهـره كله انصب على فادي وجابر وهو حتى ماكلمــه ولاعاتبه لأول مره فحياته يحس أن قيس عادل وحقــــاني لدرجة أن عيونه نزلت منها الدمــوع من الغبطه .. والأهم أنه ريحه من الكابوس اللي كان عايش فيه من يوم جاااه جابر وعطاه جوال كاميرا وطلب منه يصورله مشــــاعل .. واكملت يوم رجع له فاادي اللي كان من شهور يطلب منه الطلب وهو يماطل فيــه حتى أنه مره أخذمنه جوال وغرقه بالمويا وقال أنه طاح منه بالحمام بس عشـان يغيـر رايه وماعاد يطلــب منه اللي أطلبه وعطاه جهاز جديد وهالمــره هدده لو ماجاب له صورهن ومعه مهلة أسبوع .. انسدت بوجهه كل الأبواب ذيك الساعه أخوانه يخاف منهم وبنات الجيـران اللي يحبهم أكثر من أخوانه مايقدر يخــونهن ويغدر فيهــن بس هو يخاف منهم ومايقدر الا انه ينفذ طلباتهم .. وسخرلهم الله قيس اللي شاف جوالات الكاميرا اللي معه بالصدمــه وبالسؤال ونظره مرعبه خر كل اللي عنــده وماكان بيقلى أحسن من هالفرصه عشان يتخلص من الأختبار الصعب اللي أنحط فيــــه .. فكر يطلع بالسرعه للبيت الجيران يمكــن قيس باقي بالراسه حب مانطحن ويرجع عليه أو فادي وجابر تدب فيهم الحياه فجأه ويجون بينتقمون منــــه ..

جنــــون 08-05-2011 08:36 PM ((3)) ســارا (.. حبي المرحــــوم ..) ماصدقت مشـاعري البارده اللي مريت فيها وأنا اشوف جابر اللي المفروض أكون حبيتــه حسيت بتبلد وكــره عنيف له مأدري ليه يمكــن عشاني حبيته وفضل يختار غيـري ولايمكــن لأن حبي له ماكان صادق ويمكن حبي صادق ويوم مالقــى تقبل من الطرف الثاني أنقــلب للكره كل هالأحتمالات وارده بــس المهم اني ماعدت أحبــــــــه ... دخلنا أنا وملاك البيت وحنا رايقيــــن بعد وحده من زياراتنا لخالتي اللي بديت أرتاح لها لأن ملاك ماسوت أي شي من اللي كنت خايفه منه واللي تهيىء لي من كلامها بالعكس كانت على طبيعتها مثل ماعرفها وأحبهــــا .. وحنا داخلين طلعوا علينا وعد ونواف يركضون ... وعد :انتم طييييييب .. وقطعت كلامها يوم أخذت نفس طويل .. نواف :قيس من يطق .. ماتصدقون عمق الرجفه اللي صابتني يوم أنذكر اسمه كنه تيار كهر صاعقنــي .. قلت بتلعثم .. سارا :قيس ط ق ميي يـن ..؟! نواف :حنا نسألكم تجون تسألونا يووووه اصواتهم واصله الحاره كيف ماسمعتوهم .. ملاك :ماسمعنا شي بعد أخوه المتخلف تونا شايفينه عند باب بيتهم ... وعــد :ياويلي أكيد منيـــــر .. نواف بقهر :أنا برووووووح أتوطى فبطن هالمتخلف قيسوووه وأفك منيـــــر منه .. وقطــــع كلامنا فتحت الباب بقــــــوه واصوات زحف وركل وبقــوس شكل الهوشه وصلت للحــوش ... ياربي رجلي ترتجف ماهي قادره تشيلني بدون شعور مني جلست على الأرض .. وأنا اسمع صوت جابر يصــرخ : خير أن شاءالله وش مســوي أنا .. أنتفضت وضميت رجولي بيدي وتكيت راسي عليهم .. عقلي ماهو راضي يستوعب اللي يصــير اللحيــن فهمــوني صدق اللي يصير قيس يضرب جابر جابـررررررر .. رفعت راسـي وأنا أتصدد بخــوف يوم سمعت صرخت ألم ثانيه وطاحت عيني بعين ملاك اللي شفت فيها الخوف ومثلها وعــد ونوف وبيكونن مايحسن لو ماخافن .. وعــد بهمس :هذا فادي الثانـــــي ... وسكتت شوي شكلها تبلع ريقها .. ليش يطقهم .. وهالمــره وبدون أحساس شاركتهم الصرخــه حسيت ان الظربه هذي موجهه لــي ... نزلت عندي ملاك .. ملاك :ياحياتي وش فيك لاتخافين شوفي الباب مقفل مايقدر يجينا .. ومدت يدها تمسح دموعي اللي مادريت عنهن الا هاللحضه .. سارا :آآآه بس هو يتألمــون ليش يظربهم كذا حرام عليه المجــــرررم .. ورجعت أصرخ من صوت صراخهم آآآآآآه يوووجـــــع .. حراام عليه والله حراام عليه حتى أخوانه مارحمهـــم ياربي شوفوا كيف وهم رياجيل يتألمون من ظربه وغمضت عيوني وأنا أتصور نفسي أنا اللي أتلقى هالظرب تمنيت المــــوت قبل ماتوصلني يده .. ملاك :سارا ياحياتي أمشي ندخل .. قمت معها بالصعــوبه أحس رجلي تعقــدت من سمعت صرخته .. قيــــس :وش قللللللللللللللللللللت ..؟؟!! هند :وش فيكم .. ملاك :ماسمعتم الهوشه .. هند :لاا أي هوشه .. وطالعت فيني .. هند :سارا أحط طقك .. ملاك .. ملاك بالسرعه :لا مأحد طقها ذولا الحيوانات أخوان منير يتهاوشون وأرعبوها .. هنــد :مااالت وش عندهم .. ملاك :مأدري عنهم .. وين البنات .. هنـد :شوق عنــد جدتي .. وشهد نايمــه .. مادري ليش يوم جيت أتكلم سألت عن .. سارا :ومشاعل .. معقوله أدور عندها عن الأمان اللي كنت أحس فيه بوجـود ضحـــــى .. هند :طلعت بعدكم بربع ساعه وللحين ماجت .. وحنا نتكلم دخلوا علينا نواف ووعــد ومعهم منيـــــر .. ملاك :انت جيت غريبه مافيه أصابات .. رمى نفسه على الأرض .. منيـــر :اخخ الله ستــر ولاكنت رحت بالرجلين .. سارا :ليش ظربهـــــم ..؟! سألته بحماس لأني فعلاً ودي أعرف ليش ظربهم .. رد علي بالتردد وعيـــــونه تقول كذاب .. منيـر :مأدري أكيد صار منهم شــي .. ضحكــت ضحكــه طالعه من قلب السخريه فيها أكثر من المرح .. سارا :هههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه ... اييه أكيد ظربهم لأنهم يستحقون الظرب لأن أخوك مره حقاني صح منيــــر هههههههههههههههههههههههههههههه هههههههههههههههههههههههههههههههههههههههه .. منيــر :ايه يستاهلون أجل ليش بيظربهم كذا يعني من الباب لطاقه .. تكفى اسكت لاتضحكني يامنيــر تكفى تكفــى .. سارا :صح وبالأماره كان يظربك ويظربني لأنا نستحق الظرب ... منيــر :بس مره ظربك هو وماكن يقصد .. سارا :ههههههههههههههههههههههههههههههههههههههههه ماكان يقصد يقول ماكان يقصد ههههههههههههههههههههههههههههههههههههه ماكان يقصد ههههههههههههههههههههه هههههههههههههههههههههههههههههههههههههههه لااااااااااااااا لاااا ماكان يقصد ههههههههههه هههههههههههههههههههههههههههههههههههههههههههههههههه ههههههههههه ... ملاك اللي ضحكت معي ظربتني على راسي بشنطتها .. ملاك :بس خلااص أسكتي شكلك يضحك هههههههههههههههههههههههههههههههههههههههه .. رديت عليها وأنا للحين أضحك ... سارا :هههههههههههههه ماتسمعينه وش يقول ههههههههههههههههههههه ههههههههههههههههه .. هند :بنااااااات المسلسل جاااء .. ملاك :أي مسلسل وجععع يالحماراات تابعــن من ورانا .. منيــــر :ايوه ياعينــي الحلقه اليوم شكلها شــي وخروا أنا تحت التلفزيون على طول .. أستغربت وبنفس الوقت أنقهــرت وش اللي يتابعونه من ورانا ... سارا :لااااااهذي خيانه تكلمن ياحمــارات وش المسلسل ذي اللي تابعنها .. وعد:اووووف سارا والله أنك لزقه أسكتي اللحين المسلسل بتبدأ مانبي نسمع ولانفس .. ييعععع وش هذي كلها صياح ..كنت بعلق بس سبقتني ملاك .. ملاك :من صدقكم أنتم تابعون هالشي .. نواف :اووووووف أسكتوا .. وبدت مسلسلتهم عشـــــر دقايق وماقدرت أسكت أكثر ... سارا :وش هذا وجعععععع هذا مسلسل خليجــي الله يلعنهــ .. كانهم مايعرفون يسوون مسلسلات مثل الناس وش قلة الحيا هذي ... ملاك :طالعي أنتي بس صدق أنحراف فكري مأدري وش الفايده من هالقصص ووش بيوصلون له .. سارا :خلاااص طفوه لوعتوا كبدي وش لاقين فهالتفاهات تتابعونها .. هنــد :وش فيكن أنتي وياها والله أنكن كنتن تابعن اللي أردى من كذا .. بعدين حنا نتابع اللي نبي كلن حر بنفسه .. ملاك :تابعوا بس شي ينتابع ماهو مسلسل فيها هالأغبياء الحمدالله والشكر شوفي هذي كيف لابسه والله على فقرنا لو لقيت لبسها هذا معروض ببلاش ماأخذته .. سارا :لاوالله أنا لولقيته فبلاش بأخذه وأهديه لمشـــاعل تعرفينها تلبس كل شــي .. ملاك :تصدقين والله فكره مش بطاله أمشي نروح نجيبه .. قمـت بالسرعه ولبست عباتي اللي كانت طايحه قريبه منـــي ... سارا :يالله بالسرعه أخاف أحد يسبقنا ويأخذه .. نواف :بسسسسسسسسسسسسسسسسسسسسسسسسسسسسسسسسسسسسسسسسسسسسسس .. منيــر :ماهو وقت أستهبالكم حراام عليكم خلونا نتابع .. جلست بأحباط .. وطرت علي فكـــــره .. سارا :اصلاً أنتم وش مجلسكم على التلفزيون مو المفروض اللحين أنكم تدرسون ... ملاك :ايه صح نسيتي ياوعدوه اللي وعدتك فيـــــه ضحى .. ماتوقع نسته للحين اذكر كيف صحتنا من النوم انا وملاك بس عشان تقول لنا هالخبر المعفن .. سارا :ايه صح نسيتـــي ... وعد :بعد المسلسل لاحقه على المذاكره .. سارا :بعد المسلسل تقولين بعدالفلم او المسلس الثاني وبعدها تقولين بعد الأغنيه وبعدها ... قاطعتني وعد .. وعد :خلاااص بقووووم اووووف صدق أنكن حنانات .. وطلعت الدرج وهي تسب فينا .. اوووب اوووب وخروا عني صدق أني شديده قدرت أقومها .. كذا بدون مقدمات حسيت شفيفها على اذني ..وبصوت واطي ملاك :هششششششششش لاتكلمين عندي لك اقتراح عشان نكد عليهم شوفي كيف مندمجين .. بصعوبه قدرت اوخرها عني وجاء دوري أتكلم وبنفس الطريقه والنبره .. سارا :ووش هالأقتراح .. ؟! رجعت تسوي نفس الحركه .. ملاك :الخطه على عدة مراحل بس فالبدايه معك مفتاح باب البيت الداخلي .. جلست أحوس بالشنطتي أدوره وفعلاً لقيته .. سارا :ايييه معي .. ولفوا كلهم علي لأني تكلمت بالصوت عالي من الحماس .. هند بقهر :ممممممكن تقصرييين صوووووووووتك .. ابتسمت بغباء .. سارا :اكيد من عيوووني .. ولصقت وجهي بأذن ملاك .. سارا :ايه معي وش الخطه ..؟! نفس الحركــــــــــه من ملاك .. ملااك :بنطلع ونقفل الباب الداخلي .. ونطفي الكهرباء من برى .. ساراا:ايشششششششششششششششششششش ..؟! ياااااي من الحماااس قلتها بصوت عااالي ياااااهي خططه صدق بنكد عليهم .. نوااف :وجعععع انطمي بنتابع .. رديت عليه وانا اوقف وأشد ملاك معي توقف .. سارا :اصلاً بنطلع ونترك لكم المسلسل أشبعوا فيها .. وأنا أمشي كنت أطلع المفتاح من شنطتي طلعنا عاادي وقفلنا الباب بهدوء من غير مأحد يحس .. ملااك :بنطفي بس على الطابق الأرضي .. سارا :يالله طفيه وش تحترين .. وكأنها كانت تحتري أقوله كذا لأنها مباشره مدت يدها وكبست الزر وحسينا بالهدوء حولنا ... شدن :وش تسووووون .. ملااك :شدن وش تسوين هنا .. شدن :العب انتم وش تسوون وليه لابسين عباياتكم بتطلعون بروح معكم ... وجانا صوت نوااااااف نواف :ياااحمــــــاررررررررره أنتي ويااااها شغلوا الكهربااا .. بأرتباك تغطينا وطلعنا وشدن معنا .. وحنا للحين نسمع أصواتهم وهم يصارخون أفتحوا الباب افتحوا الكهربا .. وقفنا على باب الشارع .. سارا:وين نروح اللحيــن .. ملاك :وش رايك نروح نقضي للبيت .. وتذكرت الفلوس اللي عطتنا ضحــى واللي ضعف مصروف البيت دايم خمس مرات وقالت لاتقصرون على خواتكم بالشــــي .. سارا :يالله وبنأخذ شدونه معنا .. شدن :اكيييييد رجلي على رجلكم هذا مافيها كلااام .. ملاك :وجععع بنت قصري حسك .. ورحنا نمشي للشارع العام عشان نأخذ تاكسي ..

جنــــون 08-05-2011 08:36 PM ((3)) مـــــلاك (.. مشاغبات بريئـه ..) بعد عملتنا المهببه واللي قررنا بعدها أن نروح نقضــي للبيت واكيد أنا رحنا واللحين حنا فالسوق للمواد الغذائيه ..سارا تسألني .. سارا :ملاك نأخذ زيت ولاسمن بلدي .. ملاك :خوذيهم كلهم .. سألتني بالشك .. سارا :موكنهم أسراف قبل كنا نشتري الأرخص .. ملاك :حطيهم بس .. شدن :ملااااااك أخذ جالكسي ولاكت كات .. ملاك :انتي وش تبين .. شدن :أنا ابي بونتي .. يال الفصاحه على قولت ميشو تبي بونتي وتخير بين الجالكسي والكت كات .. صرخت عليها .. ملاك :غبيه أنتي تبين بونتي خوذي بونتي .. شدن :وابي بعد سنكرس .. هذي والله اللي بتهبل فينــــي .. ملاك :انتي تستعبطين ولاوش سالفتك خذي شي واحد بس .. شدن :لااااااخلاص بأخذ البونتي والسنكرس والجالكسي بخليه للمره الجايه .. وراحت بالسرعه قبل مارد عليها .. سارا :ملااك ناخذ جريش ولاعدس .. طالعتها بأستغراب وش تهبب هذي .. ملاك :وحنا من متى نأكل هالأشياء .. سارا :معنا فلوس ليش مانشتريه ونجرب نأكلها .. ملاك :يالله عادي خوذيها بس أنا مأعرف اصلحها أنتي تعرفين .. سارا :لااماعرف بس أكيد شوق تعرف .. وحطتها فالعربيه .. وجلست افكر وش ناخذ بعد ..وملاااااااك .. سارا :ملااااااك أخذ زيتون أخضر ولا أسود .. بمــــلل رديت .. ملاك :خوذي اللي تبين .. ردت علييي وهي تطالع بالبرطمان اللي معها .. سارا :بدون عجــه او فيها .. سحبت البرطمان منها بقوه تستهبل ذي .. ملاك :اصلاااً هذا مفرغ وخالص يالحلوه .. بعبط ردت علي .. سارا :تصدقين مانتبهـــــت .. ملاك :ماشاءالله عليك طيب امشــي لقسم الخضــــروات .. سارا :ووينها شدن أوف لاتضيع هذي ونبتلش فيها .. ملاك :نبتلش فيها بعينك هذي بنت أختنا .. سارا :احلفي أنتي بس من متى صارت شدن بنت أختنا .. شكلها تبينــــي افقد أعصابي وأظربها قدام المـــلا بس أنا غصبت نفسي ومسكت أعصابي وتركت لها العربيه ورحت أمشي للقسم الخضــار .. وقفت أخذ منها ومر الوقت وماحسيت الا بيد على كتفي لفيت بحده وطالعت باللي وراي .. :آسف ظنيتك .. صرخت عليــه بقهــــرمن وقاحته .. ملاك :آآسف بعينك ياقليل الحيا أنا تحط أيدك على كتفي أنا تلمسني .. :هدي أعصابك يابنت الحلال أحسبك زوجتي .. شوفوا القهــر بعد له وجــه يجادل .. ملااك :زووجتك هاااه طيب وينها زوجتك تجي تشوف زوجها المحتــرم وش قاعد يســووي .. سفهنـي وراح وأنا اصارخ عليه .. ملاااك :حقيــــررررررررررررررررر .. حقيـــــــررررررررررررررررر .. جتني سارا تمشـــي بالسرعه .. سارا :ملاااك هدي وش فيك ليش تصارخين بعدين وين رحتــــــي انا وشدن من ساعه ندورك .. نفخت بقهــر .. ملااك :آآآآآخخخ الحقيــر .. سارا :ملاك وش فيك ومن الحقير ..؟! ملاك :واحد كان مار .. قلت لها كذا بصرفها مالي خلق اشرح لها .. وحنا عند الكاشير شفت الحقير اللي حط يده على كتفي وياليت تجون وتشوفون زوجته اللي غلط يحسبها أنها اصلاً مابينا أي شي مشترك غير لون العبايه الأسود ... والباقي انواع التضاد هي لابسه عباية راس وانا عباتي على الكتف والهيئه فرق السما عن الأرض ولا وش جاب هالمتينه القصيره لي .. اصلاً مايخطأ بينا غير العمـــــى ياعساه للعمى الوقح لا واللي يقهر أكثر أنه ماهو بس متزوج لاومعه وولد وبنت أكبر من شدن .. صدق بعض الرجال اسفل من السفاله نفسها .. طلعنا من السوق .. شدن :اووووف ماخذنا آسكريم .. سارا :وش رايك ملاك نأخذ من باسكن دام فلوسنا زياده ومنها نسكتهم عشان اللي سويناه فيهم .. اعجبتني الفكــــره وفعلاً وحنا راجعين أخذنا باسكن .. نزلنا قدام البيت وحنا محملين بالأكياس وجزء من الأغراض نزله السايق لنا عند الباب وراح لأنا مانقدر نشيل أكثر ... سارا :ملااااااك بالسرعه افتحي الباب آآآىي يديني بتنكسر .. ملاك :كيف أفتح الباب ماتشوفين ايديني مليانه بالأغراض .. شدن تعالي خوذي المفتاح من شنطتي وأفتحي الباب .. وعلى بال ماخذت شدن الباب وفتحه كنت خلااااااااص رحت فيها اول مادخلنا بالحوش نزلنا اللي بيدينا ودخلنا اللي بقن برى .. سارا :بروح اشغل الكهربا وانتي افتحي الباب .. فتحت الباب وتفاجئت بالهدوء اللي بالصاله ومع أن سارا فتحت الكهرباء بس الصاله ظلااام وش السالفه ليه مطفين الأنوار ..شكيت انه بيسووون فينا مقلب .. ملاااك :اخرجوا من مخابئكم الأمااااان لكم .. سارامن وراي :وش السالفه يقالهم بيخدعونا اخخخخ أغبياء ,, ورفعت صوتها .. سارا :أطلعواااا يامهبل والله ماراح نسوي لكم شــــــي .. تعجبنــي سارونا اللي فاهمتني شفتم كيف قلبناها عليهم .. وبكل غبــــــــاء طلعــوا .. نواف بعصبيه :ووش اللي ماراح تسوون لنا شـــــي خربتوا علينا المسلسل وطفيتوا علينا الكهربا وقفلتوا علينا الباب ... منير بقهر :حيوااااااااانااات .. قاطعته .. ملاك :حقوق اللفظ محفوظه لأخوانك .. منيــر :لاتكلمين عن أخواني .. ملاك :الا بتكلم أخ و ا ن ك .. سارا :ملااااكي أتركيهم ماراح نعطيهم من الآيسكــريم .. نواف :هاه آيسكـــريم لاخلاص سامحناكم ... ملاك :ايه خلوكم كذا عيال مايجون الا بالعين الحمـــــراء .. بعـــد يوميــن طلعنا أنا وسارا للبيت خالتـي مثل ماتعودنا بالفتره الأخيــره وهناك لقينا ود اللي من عرفناه كل ماجينا لبيت خالتي وهي لازقـــــه هناااك .. قالت لنا وهي تفتح الباب .. ود :مالت عليكم وعلى مواعيدكم مواعيد عرقوب .. ملاك :مين عرقوب تعرفينه ساارا .. سارا :لامن وين أعرفه لاترمون بلاكم علـــــي .. ود :قليلات أدب يالله أدخلن ... وفتحت لنا الباب على الأخـر بعد ماكانت سادتــه .. ودخلت قبلنا .. بس أنا وتوأمـي ماتركناها ولا مانكون التوأم اكس او .. سحبناها لين صارت ورانا وتقدمناها .. ملاك :وينها خالتي ..؟! سارا :وينها خالتـي ..؟! ود :جدتي شيمـاء طالعه .. ملاك :شلون طالعه وهي تعرف انا بنجي عشانها .. ردت علي وهي تجلس .. ود :موعشان كذا أنا هنا عشان ماتجون وماتلاقون أحد ... وطيت على رجلها بقــوه وأنا أتعداها بجلس على الكرسي اللي جنبها .. ود :آآآآآآييي ياحيوانه .. ظربتها سارا بشنطتها :لاتقولين عن أختي حيوانه .. ود :الا بقووووول أنتي شكووو ... ملاك :امسكـي لسانك ولاتنسين أنا ثنتين وأنتي وحده .. ود بخوف :يمممممممه مجرمات .. حرام عليكن هذا وأنا متحمسه بجيتكم وقايله بنلعب تنس .. ملاك :تنس وااااااااو لاتقولين عنكم ملعب تنس ... ود بفخر :الاعندنا ليش ماعنــدنا يالله قبل ماترجع جدتي شيماء وتمنعكم من طلوع .. خالتي شيمـاء كانت ماتبينا نطلع من بيتها بحكم أن البيوت الثانيه لأخوان زوجها والشباب بالعايله كثيـــر .. وحنا كنا ننقهر من هالوضع وأنا كان فيه شباب كثير يعني حنا بنروح نلاحقــهم والله هذا اللي كان ناقصنا ... طلعنا مع ود للملعب التنس وهناك فصخنا عبايتنا .. وود جلست تعلمنا كيف نلعــب وأنا وسارا أنواع الأستهبــال .. ود :ملاااااااااااااااااك وجععع جالسه تطبخين فاصوليا أنتي .. رميــت الكوره الصغيره بالهواء وانتظرتها لين تنزل شوي عشان اضربها بالمضرب بس الكورره مانزلت .. ملااك :اوووووف وين كورتي .. وأنا أطالع فوق ... وصلني صوت ضحكـــــت رجال ... :ههههههههههههههههههههههههههههههههههههههههههههههههه هههههههه هههههههههههههههههههههههههههههههههههههههههههههههههه هه كورتك هذي .. ماطالعت وراي رحت أركض لعباتي خطفتها وبنفس الوقت كانت سارا تأخذ عباتها وركضنا للبيت ..

جنــــون 08-05-2011 08:36 PM ((5)) (.. العداء بين الأخـوان ..) استغربت حركة عمها ووش جاابه هنا اصلاً .. ود :عمي نواف وش اللي سويته .. نواف للحين يضحك :من ذولا .. ود مقهوره منه مع أنها بالعاده تحترمه بس بحركته هذي طاح من عينها:وانت وش دخلك .. نواف بأستغراب :وش فيك كل هذا عشان حبيت أستهبل على صاحباتك .. ود :وبأي حق تستهبل على صاحباتي بعدين ذولا ماهو بعمري عشان تقول عنهم صاحباتي وكأنك ماتدري .. نواف وبالطريقه مكشوفه :تصدقين حسبتهم صحباتك قلت عااادي أجي أستهبل عليهم دامهم صغيرونات كبر بنت أخوي .. ود :عمممممي لاتنسى أنك متزوج عيب عليك هالحركات والله لأعلم على هناء .. نواف بعصبيه :وووووود بلاقلة حياء بتعلمين علمي اللي تبين بس ماهو تبلين علـــــي قلت لك أحسبهم صاحباتك صغار يعني .. وراح وتركها .. هي واثقه أن عمها وهو جاااي هنا عارف ان اللي هنا بنات أخت جدتها شيماء ومع ذالك جااء بس هو ليه سوى كذا لوكان عمها الوليد تقبلت منه هالموقف بس عمها نوااف صدق غريبه .. يمكن هو بعد مثل عمهاالوليد كل شي جايز هي استغربت منه هالموقف لأنها تشوفه دايم جدي معها بس مع وديان أختها والشوق بنت عم أبوها اللي هويصير خالها انواع الميــانه .. دخل بيت اختـــه ومثل ماتوقع لقاها جالسه مع أمــه ووديان والشوق .. الشوق :هلاااااااااااا خاااالي .. وديان :اهليييييييين عمــي .. رد عليهم وهو يفصخ غترته :أهلين وش أخبــاركم .. كيف حالك يمــه .. كيف حالك أم جبر .. امــه :ياهلا والله فيك ياوليدي بخير الله يعافيك .. ام جبر :بخير الله يسلمك وش أخبارك ابو رند ووش أخبار رند وأمها .. نواف :بخير كلنا بخيـــر ..وبأستعباط سأل :الا وينها ود مأشوفها معكم .. وديان :اصلاً هذي من متى كانت معنا تنقل من بيت لبيت .. الشوق :ايه صح مرت عمــي سلمـى تقول أنها تحوس فبيتهم وكل غرفه تدخلها الصراحه تفشل .. وديان :امي تعبت من كثر ماتقول عقلــي بس ماعندك أحد .. ام نواف :وش فيكن على البنيه والله أن محد مثلها.. أم جبر :ماقلنا شي يمه محد مثلها بس لو تعقل شــوي واللحين بس لاصقه فبيت العراقيه ماتطلع منـــه .. نواف بصوت واطي ماسمعهن غير وديان والشوق :من عذرها طايحه على غزلاان .. وديان :عمممممممممي.. الشوق :خاااااااااااالي ..؟؟ نواف يضحك :وش فيكن .. الشوق :انت اللي وش فيك وش قصة الغزلان اللي تكلم عنها .. نواف :مايمدحون اللقافه .. وديان :افاااااا عمي تخبي علينا .. نواف :ياشين اللي يعطي الحريم وجه .. الشوق :لاعاد هذي قويه خااالي تزعل .. نواف :ازعلوا بكيفكم أعرف وشلون أراضيكم .. وديان :يعني واثق انا بنرضى .. حب يسوي فيهن حركة نذاله سحب غترته وقام بيطلع :عمركن مارضيتن اروح لرند بعد عمري أبرك من مقابلكن .. الشوق :لاااااخااالي حرام عليك انت واعدنا تطلعنا .. وديان :عمي تكفــى لاتضحك ود علينا .. سوى عمره زعلان وطلع من عندهن وهو خاطره يضحك عليهن .. مر من عند ملعب التنس اللي شافهن فيــــه ابتسم على عصبية ود وسرعان مانمحت هالأبتسامه غمض عيونه بألم آآآآآآه يازمن تعبااان ليه تذكرني ليه تفتح علي جروح ماندملت .. جاااه صوتها مثل نسمه عليله فالجحيم:نــواف احبك لاااتتركني ..والله مابيه مابيه لاتسمح له يحرمنا من بعض .. كان جالس على ركبه قدامه بصوره ذليله بأنكســـــار .. وبصوت ينرحم صاحبه ترجااه توسل له .. نواف :وليد واللي يرحم والديك أبعد عــن طريقي حرااام عليك لاتدمر حياتي لاتذبحنـــي لاتقتل قلبـــــي .. انا اعترف لك بالهزيمـــه بس لااتخرب علي قل لأبوي أنك ماتبيها وانك بس كنت تمزح ... أبتسم له بخبث :تبين أتخلى لك عن خطيبتي أفااا وش هالمراجل اللي تطلبها منـــــي .. نواف :الوليد .. الوليد :عمك الوليد واللي بالراسك ابعد لك من نجم السهيل ..أنا ماني بخبل اتخلى لك عن خطيبتي .. وكمل وهو ينزل راسه له وبنبره شيطانيه :انذليييييييت ذليت عمرك لأجل مرره يأخووي ماتوقعتها منك ياكبيــري ماتوقعتها منك ياولد أبوووي ... فتح عيونه يطرد صورة أبليس منهـــــا .. نواف :ذليتني وبذلك ذبحتني وبذبحك دمرت حياتي وجاء الوقت اللي بدمر فيه حياتك الله لاا يسلم فيني عضــو لوماذليتك ورديت لك الدين بسعى لذلك ياولد أبوي وبعدها بجلس اتفرج على ألمك وندمك ... نهاية الحلقه

جنــــون 08-05-2011 08:37 PM الحلقه الثالثه والعشــرون ضحــــــى دخلت البيت يوم الأربعاء قبل المغــرب بعشـر دقايق راجعه من القريه استقلبتني اصوات خواتي وصراخهن وهيصتهن .. سكتوا كلهم اول مادخلت عليهـــــــم .. وعــد :ضححححححححححححححححححى .. وجت تسلم علي .. قلت بأستعباط .. ضحى :لاتقولين انك اشتقتي لي .. وعـد :وليه ماقول أنا فعلاً اشتقتلك شفتي كيف يوم صرتي بعيده زاد غــــلاك .. وبعد ماسلمن على باقي خواتي واكيد الدلوعه شدن اللي لصقت فيني وهي تقول أنها بتروح معي المره الجايه .. ضحــى :انا رايحه انام مابي أي أزعاج وينها مشاعل .. ملااك :مشاعل تقريباً من أمس نايمه تشحن طاقاتها للأختبارات .. ضحــى :طيب اذا صحت قبلي قولولها لاتطلع لين اتكلم معها ... وأختلفت ردودهم ان شاءالله ,, اوكي ,, ولايهمك .. حذرتهــــم .. ضحــى :مابي اسمع لكم حس ولاا والله برميكم بالحوش وقفل عنكـــــــم .. سمعت وعد تقول .. وعد :رجعنا للعصر الأستبداد .. بس كملت طريقي على السلم ولاكأني اسمعهـــــــا ..

جنــــون 08-05-2011 08:37 PM ميشو احاسيس مؤلمــه مشاعر قاتله تعتيرينــي ..مابالي ارى الناس من حولي ينفضون ..هل وصلت الى مرحله لأستطيع فيها تجميــع الناس من حولي فبعد ماكنت محور حياة الكثيرين اتلاعب بحياتهم كيفما شئت اصبحت الآن نكــره لأستطيع تقرير مصيــــري ولاأعني أي شــيء للكثيرين .. فخلف الذي توقعت منه الكثيـــــر اختفى من حياتي بعدما عرف حقيقتي بعد ماترك عدة مكالمات لم يرد عليها ولم يحاول تكـــــريرها ويوم امس فقط علمت بأمر خطبته لأحد قريباته .. كان وقع الخبر علي كالصاعقه مدمــره خلفت وراها الكثير من المتاعب لااأفهم الرجل أعترف بذالك فكيف بعدما أغرقني بعبــارات الحــب والهيــام وبعد سعيــه الطويل لمعرفة اسمــي الحقيقي وزعمــه بأنه يرغب بخطبتــي كيف بعد كل هذا يتخلى عني بعدما عرف الحقيقه التي كان يسعى الا معرفتها .. الاأكن أعني له شي هل فشلت بلوصول الى قلبـــه .. ارغب فقط بمعرفة اين الخلل منه اومنـــــي حتى استطيع الوصول الى الحــــل الأمثل للقضاء عليه ويبدو اني لن أستطيع ذالك الى بتلبية دعوة سعاد بحضور ملكة شقيقها .. امسكت بهاتفي المحمول وبدات بطلب رقمها قبل أن اغيـــر رائيي .. سعـــاد:يااااااااااااااهلا والله مرحبا ميشو تنازلت ودقت علي يافرحتتتتتتي .. ميشو :سوسو هل تستطيعن الذهاب معي الى السوق .. سعاد:ياحياتي اكيد وليه لا بس وش عندك .. ميشو :ارغب بشراء فستان لأحضرفيه ملكة شقيقك .. ابعدت المحمول عن اذني لأقيها من صياح سوسو المدمر ... سوسو :مستحيييييييييل ميشوووو ماني مصدقه ... بلييييز لاتمزحين معــــــي .. يال الخرقاء هل تظــن بأني متفرغه للأمزاحها .. ميشو :لأمزح معك أنا أتكلم بجديه هل سترافقيني ... سوسو :افكورس ياعمــري وين تبغين نروح .. ميشو :أترك لك الأختيــــار ..سأنتظرك في الثامنــه ..

جنــــون 08-05-2011 08:37 PM ضحــى صحيت على الساعه سبع ونص بعد ماتسبحت وصليت نزلت تحت ولقيت مشاعل جاهزه بتطلــــــع .. ميشو :لقد سألتي عنـــي ..؟! مأعجبني شكلها فيها شــــــي غريب .. ضحــى :ايوه تعالي نطلع للمجلس ... قالت وهي تتبعنــــــي .. ميشو :نصف ساعه كل مالدي .. وبعد مادخلنا للمجلس سألتها وأنا اشر بالراسي على الدولاب في زاوية المجلس... ضحى :متي أخذ أغراضه .. ميشو :لم أعلم حتى هذه اللحضه .. ضحى :ممتاز يعني ماتدرين شي عن البيت واللي يصير فيه .. ميشو :هذا الأمر بالتحديد لايعني لي شــيء .. ضحى :مشاعل حنا وش اتفقنا ..انتي موعاجبتني بينا أتفاق ليه ماتنفذينه .. ببرود ردت علي وهي تتامل بالمناكير الأحمر على أظافرها .. ميشو :بعدي لايعني عدم أهتمامي .. هل حدث مايستحق هذه المسائله .. ضحى :تبيني أسكت لين يصير انا ماعتمد على ملاك وسارا وهم لاحقينك بالهياته .. ارتفع صوتها وبانت عليها العصبيه .. ميشو :كان خطأك لما سمحتي بحدوث ذالك فهما اسذج من الحريه المعطاه لهما .. لم يعجبني ذالك من البدايه .. ضحى :يعني تعتقدين ان هالموضع عاجبني أنا ... بس وش بيدي اسويه اخاف لوضغطت عليهم اكثــــر يطلعون من البيت لبيت خالتهم .. ميشو :دعيهم ليفعلوا مايشأوا فلستي بوالدهم .. ضحــى :مشاعل لاتذبحيني وش هالتناقض اللي فيك .. ردت علي بنبره غريبه .. ميشو :انا لم اعد أفهم نفســي اعذريني ضحــــــى لست بميزاج جيــد لهذه المناقشه ... وطلعت بدون ماتسمع ردي على كلامهــــا .. مسكت راســي اللي مصدع وبعدين يعنـــي وآخرتها ماكتب لي ارتاح فهالحيــاه استغفرالله العظيم غصب بتطلعني يائسه هالعاشقـــه (كنك غلطتي علي ضح ضح ) .. لايابعد جبدي وش دعــوى انتي الأصل بس موعاجبتني بعض الألفاظ اللي تكتبينها على لسانـــــي .. (بس هذي طلباتك ماطلبتــي من عيوني لاتردين علي نرجع للقصـــــه !!! ) .. من طلعت على الحياه وأنا فالصراع مستمــر بهالدنيا ابد ماتوقع اني انسانه عاديه انا انسانه شقيــــه فهالحياه يارب العوض بالأخــره يارب .. مأحس اني توفقت بشــي بحياتي كل مراحل حياتي اللي مريت فيها كنت غير عن اللي مثلي ياسابقتهم يامتأخره عنهــــــم يابالخلف واحيان القى نفســــي بالأمام .. ايام الدراسه كانوا يسموني دافوره ويحسوني غبيه متخلفه لأني اضيع نفسي بالدراسه ومايدرون وش وراي من همــــــوم بس ليه الومهم هم من وين بيعرفون الهمـــــــوم كانوا صغار على هالأفكــار دخلت الكليه وكان يحســــــدوني على تفوقي المبهر وذكائي الخارق كان اقدر اكمل دراستي الا مالانهايه بس ظروفي ماتسمح والدراسات العليا ماحطت للي حالهم مثل حالــــــي وبعد كانوا يستسخفون تفاني بالدراسه وش عندها البنت تحسب الدنيا كلها الدراسه بالدراسه اكيد امها دكتوره ويمكن ابوها عالم كبيــــــر ولامن وين بتجيب هوس الدراسه هذا اكيد وراثه مادروا ان ابوي جاهلي بالقرن الحادي والعشــــــــرون ..وأمي تشوف الحيــاه كلها فزوج وبيت وعيـــــال ..

جنــــون 08-05-2011 08:37 PM ميشو صعدت الى السياره وبادرتني عبارة الترحيب من سوسو التي احتظنتي ماأن جلست جوارها وأمطرتني بالقبـــــــل ... سوسو :احببببببك ياعمري احببببببك .. ميشو :ابتعدي عني ارجوك اكاد أختنق .. سوسو بأحراج :اعذريني ميشو قلبوو من فرحتي فيك .. واكملت بفرحه تكاد تحملها على الطيــران ... سوسو :بنروح لمجمـــــح الـ ..... محل الــ .... منزلين فساتين تأخذ العقـــــل .. واستمــرت بالحديث وانا أتظاهر بسماعها وافكاري ليست معها بل تحوم حول شقيقها الخائن .. بحثت كثيراً بين افكاري عن ماجعله يتخلــى عنــي .. لماذا فعــــــل ذالك لن يجيبني على هذا السؤال سواه .. خلف يافهـــد قلبــي اقسم بأني سأجعلك تبكي حبـــــــــي .. وبالتفاته صغيــره الاشقيقته اللي بترت حديثها واخذت تراقب ابتسامتي الخبيثه .. سوسو :ميشو تروعين وش ناويه عليه .. ميشو :لاشــيء وكل شــيء ... سوسو :ايش حزوره هذي قولي يابنت ايش سالفتك... ميشو :صدقيني لاشيء اخبريني انتي أي صالون سيزينك .. سوسو بحماس :الـ ....... تكفين قولي انك بتجين معي .. لأستطيع حقاً لأستطيع فأنا ارى نفســـــي اجمل بكثير من ان تصيغني ادوات الزينه .. ميشو :لأعتقد بأن تلك المركبات الغبيه ستضيف الي شـــي .. سوسو :ياغرورك يأختــي .. ميشو :للأسف لستي بشقيقتي .. سوسو :من سوء حظي ياليتك كنتي أختي .. سألتها وكلي استغراب من محبتها الغريبه لـــي .. ميشو :هل حقاً تحبينــي .. سوسو :اموت فيك مشاعل غلاتك بقلبي مالها مثيل بقلوب البشــــــر .. وصلنا الى المجمــع المقصود .. سوسو :المحل بالدور الثاني نطلع له على طول ولانشوف بالمحلات تحت يمكن نلقى شــي .. ميشو :كلا نصعد مباشــره اريد ان اخرج من هنا بالسرعه ... تملكها الأحباط وهي ترد علي بنبره حزينه ... سوسو :طيب يالله نطلع فوق .. وبعد ان حصلنا على مبتغانا اصرت سوسو على ان نتناول طعام العشــاء معاً .. ومع اصرارها استجبت مكرهه ... سوسو :لاموكذا عاد شيلي هالتكشيره عن وجهك .. ميشو :انهي عشاءك بالسرعه ليس معي الليل بأكمله لأقضيه معك ... كانت سترد علـــــي .. ولاكان انفتاح الحاجز للركن الذي نجلس فيه اصمتها ... :ماصدقت عيوني يوم شفتك قلت اكيد من كثر مأحلم فيك صرت اتصورك بكل مكان .. وسحب كرســي ليجلس بجوراي ... وامسك بيدي .. فارس :ليش مادقيتي علي ليشش..؟! سوسو :فااارس انت تعرف مشاعل ... بدأ الأرتباك عليـــــه يبدو انه لم ينتبه على وجودها .. فارس :سعااد .. ايه اعرفها .. وعاد للحديث معي .. فارس :ليش مادقيتي علي ارجوك قوليلي ليه وانتي واعدتني ... سحبت يدي بصعوبه من يده .. ميشو :لم اعدك بالشــــــي .. مالذي تريده منــي .. الاتكفيك واحده .. لأستغرب منك ذالك فأنت لئيم كغيــــــرك .. سعاد :فارس ايش تبغى من مشاعل وخر عنها ماتصلح لك وهي صادقه اكفايه عليك كريمه .. والله لوتدري انك تحوس من وراها لتطلع عيونه بأظافره اللي تقل مخالب قطــــــــووه .. فارس :انتي اسكتي مالك دخل ..مشاعل لاتسمعين كلامها والله ماهمتني كريمه ولامليون كريمه ... ميشو :سعاد هيا بنا ارغب بالخروج من هنابالسرعه .. حاول الأمساك بيدي مره اخرى ولكني ابعدته بكل قسوه ...وصحت بوجهه .. ميشو :اغررررب عن وجهـــي .. فارس :ياحياتي هدي شوي خلينا نتفاهم .. سوسو :فارس اذا ماتبي كريمه تعرف عن سوالفك وخر عنا .. خرج والقهر باادي على محياه ... سافل كغيــــــره اكررره حتـــى التفكير بأنه اعجبني باول لقاء بيننا .. يبدو اني كنت اعاني من فراغ بالعاطفـــه كم كنت سخيفه ,, حتى لأقع في حب فهد بحثت عن شخص أخـــر لأوجــه عواطفي اليه حقاً يال غبائي فمن المسحيل انا احب ذالك الأخـــــرق خلف..

جنــــون 08-05-2011 08:38 PM ضحــى طلعت من المجلس وبصوت عالي صوت على اللي داخــــــــل:ملاااك سوي قهوه وجيبيها للمجلــــــــس ... صدعــوا بالراســـي هالبنات عليهم غباء ماشفت مثله سؤال محيــرني ليش بناتنا وعيالنا يكــرهون الرياضيــات لهدرجــه تبون الصراحه حالتهــم صعبــــــه .. رجعت لهـــم كانوا خمس بنات بالأضافه لهند وشوق .. كانت وحده من هم سودانيه اسمها روى ويمكــن هي اكثرهم اجتهــاد رغم ان مستواها مو ذاك الزود سألتنــي :ابله ماما تسألني انتي ليه ماكملتــي الماجستــير والدكتوراه .. ضحــى :ظروفي ماتساعدني موكل مايتمنى الأنسـان يحصله وريني اشوف حليتي الواجــب .. نطت علي وحده من البنات كانت ميييح بالمــره بالصف اولى ثانوي اسمها سلمــى .. سلمـــى :ابله انتي كيف قدرتي تدرسين اربع سنين تخصص رياضيات وانا اربع دقايق على بعض ماقدر ادرسها .. رديت عليها بغرور .. ضحــى :انتي قلتيها انتي وانا يعني مافيه مجال للمقارنه .. سلمى انصحك غير التدبير المنزلي لتخصصين .. ابتسمت على ضحك البنات اللي كان بطريقه هستريه شكل الرياضيات اثرت عليهم يشوفون فيها مــرض هلاك عذاب حمل هم ماهم قده بعكسي القى فيها متعه متنفس من كل كـــــرب صدق من قال الرياضيات فــــــــن ... بس مألومهم الرياضيات للكثير منهم عقده عثره فالطريق نجاحـــه خصوصاً انه لها النصيب الكبير فالدراسه وترتب عليها النسبــــــه ومع التراكمــي زاد كره الطلاب لها اضعـــاف .. والرياضيات لــــــي كل حيــاتي .. رجعني من غفلتي دخــول التوأم .. ملاك :واحلــى زمزمية قهــوه وحضررررررررووووووووا .. كانت رابطه على خصرها مريله وعلى راسها منشفه شكلها صدق مثير لضحك ... واكيد سارا مسويه مثلها .. سارا للي يدرسون :تبغون انتم قهـــــــوه بعد .. المره ذي بنقهويكم المره الجايه تقهوو فبيوتكم قبل ماتجــون ... ضحــى :والله مأنتي دافعه شــي من جيبك وفنجال قهــوه ماهو مزلزل ميزانية البيت .. سارا :ابله ضحى اشربي فنجالك قبل مايبرد .. ملاك :ورى ماتأكلين شوكلاته فيه بونتي اللي تحبينه .. سارا بأعتراض :ماتحب بونتي تحب جلاكسي بالكراميل صح ضحــى .. ضحــى :مأحب شــي اطلعوا خلوا البنات يركزون .. ملاك :بنروح لبيت خالتي .. ضحـــــى :لاااااااااا .. سارا :أوووووف طيب بنروح نتمشى بالحاره .. ضحــى :سارا انقلعي لأوريك صدق كيف تمشين بالحاره .. طلعن وهن يتأففن ورجعت انا للبنات واسألتهم اللي ماتنتهي ..

جنــــون 08-05-2011 08:38 PM جالسه بين عمــانه عمــه مبارك وعمــه عساف والكــل حاضـرين يباركون له على زواجــه الرابع ثلاث زوجات وطليقه وعنده مكان شاغر لوحده بعـــــد .. وهذي ملكته السادســه امور الزوج وترتيباته صارت عنده امــور روتينيـــه .. طالع فيه وبالسرحانه وش عنده الرجال لايكون يفكر بالرابعه من اللحين يسويها :خلفففف .. خلف :هلاا نعــــم .. عساف :وش فيك ساهي .. خلف :افكر ان عمــري وصل لأربع وثلاثين وماعندي ولد يحمل اسمــي .. عساف :الأمر هذا بيدك .. خلف :شكلي تسرعت بالزواجي هذا بعــد .. عساف بعتب:خللللللللف ..حنا جالسين فبيت أهلها والبنت ماصارلك ثلاثين دقيقه من ملكت عليها .. خلف :ماراح تكون الزوجه اللي أبغـــاها ام لعيــالي الزوجه التي بقضي معها كل حيـــــاتي.. هي مثل غيــره شهرين على بعضهــم مأقدر اعيشهن معها .. عساف :قسم بالله انك مانت صاحــي وش فيهن اللي تزوجتهن عشان ماتقدر تصبر عليهن .. خلف :املل ماقدر اكرهن ياعســاف اشوف فيهن سخفات المــراءه اللي أكرهـا ... عساف :عن الفلسفه بــس الحريم كلهن مثل بعض مأدري من مصور لك ان فيه وحده غير عن الكــل .. خلف باصرار وعيـــونه فيها احمرار مخيف :لقيتها بسسسسسسسس .. عساف :ايه بس ايش من منعك ماتزوجهــــــا ... خلف بقهر :تبغاني اتزوج وحــده تبات برى بيت أهلها بالأيام .. عساف :ابوها عمك يامبــارك وأخــوك أخوهن .. خلف بحقد :كللله من عممممي كلله مننننه .. عساف :اشششش بس لايسمعك .. خلف :خله يسمع لو ماتخلى عنهــن ماكان هذا حالها .. عساف :ماشاءالله من متــى صار خلف بصف الحريم .. بتزعل عمك منك عشان مــررره .. خلف سكت وصد عنــه ضغط على السبحه اللي بيده لين انقطعت .. نظرت لصديقتها اللي ترقص والفرحه باين على وجها ولاكأن اخوها متزوج للحين خمــس مرات وهالطقوس تنعاد كل مره... انتقلت عيونهالزوجتــه الجديده اللي جالسه بكــوشتها حللوه عاديه مثل باقي اللي تزوجهن مافيها جديد الا انها اصغر منهن عمرها 18 سنــه .. لعبت بجهــازها الجــوال تصورها لاااا مسكينه شكلها بريئه ماتستحق الفضيحـــه ... الفضيحه هالمــره له هو,,هو وبس .. ماهي ميشو مبارك اللي ينلعب عليها هي اللي تلعـــب .. والناس كلها العـــاب لها بس ابد ماتكـــــون لعبه في يد احــــد .. بكره عندها اختبــار صعب تركت المذاكره وجت هنــا عشان ترد كرامتها بس لو مانجحت فأمتحــان بكــره تقسم بأغلظ الأيمـــان ان ماراح يدفع ثمـــن هذا غيــر ياخلف .. سعاد وهي ترمي نفسها على الكرسي جنبها :اوووف تعبت ياحلــو الرقص .. سألتها ببراءه :اين والدتك .. سعــاد :مأدري عنها وين راحت قبل شــوي شفتها على طــاوله اللي هناك ... واشرت على طاوله فالجهه الثانيه من الصاله .. ليه تسألين عنهــا .. ميشو :هل تعتقدين بأنها ستتعرف علي وأنا بهذه الهيئه .. سعــاد :اكيــد لاياعمــري والله انك طالعه كنك ممثل أجنبيــه تكفين من بيتوقع انك المتشرده .. ابتســمت على جملتها متشــرده هاه ..قريب بتعرفين وش معنــى كلمــة تشــرد ياصديقتي العزيزه واوعدك علــي يدي .. قامت من مكــانها :سأذهب لأصلاح زينتــي .. سعاد :تبغين احد يوصلك .. ميشو :كلا ياعزيزتي بأمكاني ايجاد الطريق بنفســـــي ... وأخذت معها شنطتها .. وبدال ماتروح للدورة الميــاد دخلت للغرفه صغيــره كانت فيها المشرفه على الموسيقــى تتراقص على انغــام قمر لعبد المجيــد عبــدالله .. ميشو :مرحبااا .. وبعد ماردت عليها .. :لقد طلبت منــي مدام باشا أعطائك هذا الشريط لتشغليه بعـــد هذه الأغنيــــه .. وطلبت مني اخبـارك بأغلاق الباب عليك حتـــى أنتهاء بث الشريط ... اخذت منها الشريط بتفــــــهم ووحطته فوق مجموعه من الأشرطه .. خرجت من الغرفه ليقفل الباب خلفهـــــــا .. كانت آخر نغمـــــــات تسمعها :اليووم طالع قمـــــــرر .. لبست عباتها وخرجت من الصاله لكنها وقفت بمكان قريب من الأمـــــن تسمع اللي يذاع داخــــــل الصاله ... الناس كلها تستعــد لأغنيه جديده عاطفيـــه كسابقتها مفرحـــه تبث اجمــل الكلمــات واعذب الألفاظ .. وبدل ذالك يلقون أنفسهم يستمعـــون لوحده من مكالمــات المعرس العاطفيــــــــــــه ... بصوته الرجــولي المميز اللي ياما كررنا انه جلف مخيف بس بهالحضات كان فيه نوع من الرقه المثيره للضحك :وينك حبيبتــــي كل هذا تغلــــــي .. روبي معــي .. :آسف حيـاتي وش أسوي هي تطلــع معي كذا مأقدر مأقولها لك مأدري كيف من أسمــــع صوتك ودي أقول لك كل الكلام الحلو المــوجود في الدنيــا ... :ماهو غلطتي فهالدنيا ان اسمــي خلف ماهو فهــــــــــد .. روبييي انا اسمي خللف مانيب فهد ولاعاد اسمعك تنادينــي فهد .. خلف انا خلف .. :زعلتي ياحيــاتي انا آسف ماكان قصدي اصرخ عليك بس نفسيتي تعبانـــــه ... ((صوت غيــــر واضح من الطرف الثانـــي )) رد عليها :طلقت زوجتــــــي .. خاينه تصور اكتشفت انها تكلم واحد ثاني من ورى ظهــري .. لاوبعــد مصوره خطيبتي وناشـــــره صورها .. :اكيـــد أحبك هذي مافيها شك .. :ادري اني مجنون ولافيه احد يحب وحده ماشافها ورافضه حتى انها تقـــــــوله اسمها الصدقـــي .. بتنهيده حارره:بتزوجك يعني هذي يبيلها ذكاء ... :روبي ارحمينــي الله يرحم والديك كفايه ذل وترجـــي .. انتي خليتي اترجاك وانا اللي عمــري ماعرفت هالكلمـــــه ... :داررري ياعمــري والله اني داررري انك تستاهلين اذل عمـــري لك .. وببقى ذليل لك بس سامحينـــــــــــــي .. صرخت ام العروس بالصدمــه لباشا اللي واقفه جنبها تسمع اللي يبث بالذهول تاام :وش هالمهزله يام المعرس ... باشا اللي تغلبت على صدمها مشت بالسرعه للغرفة الموسيقى ودقت على الباب بأقوى ماعنــدها .. سعاد اللي جايه تركض :يمه وش هذا من اللي سوى كذا ياويلي فضيحه..يافضحيتنا بالناس باشا :سعاد صدق هاللي صار صدق ولا انا احلم ... سعــاد :يمه مستحيل كيف خلف وشلون صاركذا ماني قادره استوعب ... باشا:مادري مادري وهذي ليه ماتفتح البــــــاب ...

جنــــون 08-05-2011 08:38 PM ثنتين من الحاضرات طالعن فبعض :وش هاللي نسمعه .. الثانيه :والله العظيم ان هالناس ماعادوا صاحين .. ولافيه احد صاحي ينشر فضايحه قدام الناس .. :توقعين وش بيصيــر .. الثانيه :قصدك وش بيسوون اهل العــروس ..ماتوقع يصير شـــي يعني هو متزوج من قبل وبنتهم الثالثه مافيه شي لو زادوا عليها انه مغزلجــي .. :توقعين هاللي يكلمها بتكــون الرابعــه .. :ليه لا شكله كل زوجاته يأخذهن بهالطريقه .. :وليه ماتكون هاللي يكلمها هي مرته ذي .. :يمكــن كل شي جايز .. عمه مبــارك .. :ايه بس مبارك تاب من بعد باشا مأخذ أحد .. :وهو يقدر عايش من فلوسها ويتزوج عليها .. :ماعمرك شفتي احد من بناته .. :لاوالله ماحصل لي الشرف .. :كنك تمصخرين بلاك مشفتيهن .. :ليه انتي شفتيهن ..لاتقولين طالعات على ابوهن .. :ماشفت الا الكبيره تدرس بالمدرسه اللي فيها بنتـــي .. :وكيف عرفتيها .. :دايم تهرج عنها بنتــي منبوذه مأحد يحبها شايفه نفسها وظالمه حتى المعلمات والمديره مايحبنها ..ومـره رحت لمدرسة بنتي طالبتني المديره وانا أتكلم معها دخلت علينا ذيك القمـــر طول ورسم ولاشعـــرها الأحمـــر (غجري) مثل شعر جدتها اللي يرحمها ... :ليه هي ماتت .. :لا بس حياتها مثل الموت الله يرحمها برحمتــــه آآآآمين .. :الله انتقم لهم من باشا بنتها وتطلقت وولدها مزواج وثالث ضايع .. وهاللحين بس انفضحت فضيحه مأتوقع الناس تنساها لو بعد السنين .. :الله يستـر علينا بس .. وقومي بنطلع ماتشوفين الناس طلعت .. :والعشــاء .. :بعد كل اللي صـار وتبين عشــاء .. خلت الصاله عليها هي وبنتها وخـــواتها .. باشا ماسكــه راسها بين يدينها ماهي مصدقه الفضيحــه اللي صارت لهم :ياوويلي يافضحيتنا بين الناس صرن علك بحلوقهـــم .. سعاد منزله راسها على الطاوله وتبكــــي من الفضيحه والشتايم الكثيره من ام العــروس والكــلام الجارح اللي طالها هي بعــد وأن سبب طلاقها طلع واضح تقصد انها مثل أخوها .. اخت باشا:اهدي يأختــي اللي تسوينه بعمــرك ماهو حـــل وترى اللي صار مايحتــاج كل هذا كله يوم او يوميــن والناس تنســى والرجال مايعيبه شــــــي .. باشــا :دارين انه مايعيبــه شــي بس هالفضيحه قويه ولدي تغزل بوحــده على الهــدء كل الناس تسمعه وهو ذال نفسه بترجيهـــا .. أختها الثانيــه بقهر وعصبيه :آآآآآآآآآه يالقهر بس لوعرف من ورى هذا .. باشا :القهر ان الحيــوانه ماتعرف من اللي عطاها الشريط لأنها كانت منزله عدساتها قبل ماتدخــل عليها.. سعاد بقهر من بين دموعها :من اللي سوى فينــي كذا ليش يفضحـــون خلف حرااااااام والله حراااااام .. خالتها :سعاد هوني على نفسك اكيــد انها الحيوانه اللي كان يكلمهــا اكيد هو يعرف من هــــــي .. باشا :ياويلي كيف بنقـــول له .. سعاد :هو بعد مايعرفها .. خالتها :وانتي وش دراك .. سعاد :هو مره جاني يسألني عن وحده اسمها روبي بالجامعه .. وحده من بنات خالاتها :اصلاً حتى هو بالمكالمه يقول فيه احد يحب وحده ماشافها ولاحتى يعرف اسمها الحقيقي .. امها :وانتي مرره مركزه بالمكالمــــــه .. البنت بقهر :كل الناس سمعوها وقفت علــــــي .. سعاد :قهررر الحقيــــــره قاطعه صوتها .. خالتها :هذي انســانه وصخــه ماهمتها حتى سمعتها .. باشا:انا ماهمتني وصخه ولانظيفه اللوم على ولدي اللي وصلت فيها الدناءه انه يكلم بنات شوارع .. خالتها:رجال ماينــلام اكيد قصت عليــه .. سعاد :ليه هو مراهق تقص عليــــــه خلف رجااال متزوج لامره ولاثنتيـــــن .. بنت خالتها بخبث:ماتقص عليـــه الا وحده داهيه محنكـــــه ... باشا :يافضيحتــي بالناس حسبي الله عليها اللي ماتخاف ربها اللي لايربحهـــا يارب يفضحها بالمــلاء كلـــه .. خالتها :آآآمين يارب اللحين وش بتســوون مع اهـــــــل الهنوف (زوجته الجديده ) .. باشــا اللي حاقده على ام الهنــوف :بعد اللي سمعته من أمها مستحيل تبقى زوجه لولدي مأكون باشا ان ماخليته يطلقهــــــا .. وبنشوف من بيأخذ بنتها اللي تطلقت بعــد ملكتها بيوم ... سعــاد :يمه حراااااااااام عليك .. باشا بقهــر :أنتي اسكتي ماتفهميــن شــي ماشوف احمــد قال حرررااام يوم طلقك بعــد زواجك بكم شهــــر.. سعــاد تبكــي :يمممممــه .. باشا :لاتبكيــن والله لأزوجك سيد سيده .. اختها :ومن سيد سيده .. باشا:خلينا نخلص من هالفضحيه وتعرفينه لكن ياخــوفي تكون هالفضيحه سبب بتخريب مخططاتي ..

جنــــون 08-05-2011 08:38 PM طلعت من القاعـــــه ومن الفرحـه ودها تحــــللق انتقمــت منــه وفضحته فضيحــه مايغطيها أي غربال... المـــره ذي جاء أنتقــامهــا خااااص هديه خاصـــه والجديد ان المهدى يعــرف صاحــب الهديـــه .. وهذا اللي تنتظره بتشوف وش بيســـوي خلف وكيف بيتقص منها ..بالسياره ارسلــت له رساله قصيــــره تشفي غليلها فيــه ماتقدر تصبر لين يعرف من اهلـــه ... بعد مأرسلت له الرساله حست بالراحــه عميقه مثل عادتها كل مانفذت وحـــده من انتقاماتها على أهل ابوهابس هذي المــره ماحست بالقبضه القاسيه اللي تعصـــر قلبها لأن المــره ذي انتقمت من خلف وفيــــــه وماكان فيه أي احد مظــــلوم بالمــوضوع ... صوت مسج واصل على جـــواله طلعه وهو متوقعه واحد من ربعه يبارك له ويتعذر لأنه ماحضر ولايمكـــن واحد من المــوجــودين وحب يبارك له بالكتابه ... فتح المسج وعينه فوق على المــــــرسل رقمهــــا ايه رقمهـــا هـــي آآآآآآآآآآآآآآآآآه والله مو وقتك اللحيــن ياشعلة القلب .. نزل للمسج يقــــــررااه ,, (.. مبـــروك يافهــدي .. لم استطــع ان تمــر هذه المنــاسبه من غير ان اشاركك فيــها ..اهديت هــديه بسيطــه بهذه المناسبه العظيمــه لنا جميعــاً ارجــو ان تتقبلهـــــــا بصدر رحـــب يافهــدي الخــائن ...سمحت لنفســـي ان اذيع بعض المكالمــات التي جمعتنا في حفلة ملكتك .. ارجوك لاتغضب مني فاللوم كل اللوم يقع عليك ..) هذي اكيــــــــد تمزح مستحيـل تكــون سوتها مستحيل كيف يعني هي كانت تسجل مكالماته معهــا مستحيل تسويها اصلاً هي ماكانت تبي تكلمــه هو اللي كان مأذيها هو اللي أجبـرها تكلمـــه ..هذا مقلب منها هي ماسجلت مكالمتها ولا أذاعتها .. هي مافضحته ماااااااافضحتــه .. ماتجرأ مستحــيل تكــون سويتها هي عارفه انه يعرفها وماراح يسكت لها لو ضرته بالشـــي ..اصلاً هي بتفضح نفسها قبل ماتفضحـــــــه ... سكت شوي وهو يتذكــر اللي عرفه عنهــا ومن اللي عرفه غمض عيونه وهز راسه بالنفـــــي تسويها تسويهــــااا ... عساف اللي ملاحظ ان خلف ماهو بخيــر من يوم وصلته الرساله ..هز من كتفه لأنه مأنتبه له يوم ناداه :خللف خلللف يارجااال وش بلاااك ... خلف والوجــوم على وجهه مــد له الجــــــوال .. عساف أخذ منه الجــوال وعرف انه يبيه يقرأ الرساله ... قرأ الرساله وامرات عدم التصديق واضحه على وجهه وش هالتخــــاريف .. هذا اللي أخذه من المكالمات المحرمــه حذره ياما حذره ان هالزباله مصيرها تأذيه وتسبب له الفضايح والمشاكــــــــــل ... هو اللي عطاها الفرصه وهــي حقييييييييييره حقيييييييييره زباله ماهمها شــي انسـانه بلا أخلاق وش ينتظرون من بنت مارباها رجال ايش متوقعيـــن منها أيــــــش مايهمها شــي ماعليها رقيب وماعندها من تحسب له حســاب ..فضحتــه ولاهمها ان هالفضيحه تطولها بعـــد ولا كأنه ولدعمهــا نست ان اللي يضره يضــرها وان اللي يمســه يمسهــا..هذي أكيـــد أنسـانه مريضه مافيه انسـان سوي يسوي اللي سوتـــه ... صدق زباله بس هالزباله هم اللي اوجــودها هي نتاج أهمــالهم وهم اللي دفعــوا ثمن وجــودها .. ياترى كم زباله اوجــودوا بعــد وكم ثمن بيدفعــــــــــــونه ...

جنــــون 08-05-2011 08:39 PM عســــــــاف طلعت من المجــلس مقهـــور بالطريقها لفت انتباه الجميــع بس ماهتمــيت ... وجوال خلف للحيــن بيدي .. ركبت سيــاري وعلى بيت عمتــــي .. قطعت كذا اشاره من غير اهتمــام خليني اخذ مليون مخالفه المهم اوصـل وطلع قهــررري فيهن الحقــيرات ... نزلت من السياره وصكيت بابها بقوه يمكــن يخفف من قهــــــرري شووي ... علقت يدي على الجــرررس يمكــن يغيرون عادتهم مررره ويفتحون بدري لكن مايكونون اصحاب هالبيت لو سووها .. اضطـريت ادق عليها وبعــد طلوع الروح .... عســاف :افتحوا الباب لأكــسره على روسكــــــم .. كنت بقفل بس ماقفلت كيف اقفل وانا لي اسبوع ويوميــن ماسمعت صوتها .. صمت دقايق ثم جاني صوتها .. ضحـى:انت اللي عند الباب .. عساف بتنهيده :ايه اناا .. ضحـى بهدؤ :طيب دقايق ونفتح لك الباب .. وقفلت ... غريبه ماسألت وش تبـــي .. عجيب هالهدؤ عليهـــا .. تسندت على سيارتي احتريهم يفتــون الباب خمس دقايق ثمن انفتح الباب .. كانت واقفه ومعطيه الباب ظهــرها وعليها عباتها والطرحــه لفت علــــــي .. ماجيت الا وانا مجهــز الكــلام اللي بقوله كنت ناوي اول شي اسويه برمــي جوال الخلف بوجهـــا تشوف حقارة اختهـــا بتسألني وش هذا ويجــي وقت التشفــــي بكشف لها أختها الزباله ومصايبها بس كللللللل شــي ضاااع يوم شفت عباتها اللي كانت المفتــوحه .. ماقدرت اوخــر عيني من عليها البنطــلون والقميص واصفات جسمها بالطريقه اول مره اشوفه فيها .. انتبهت على نظراتي وبأرتباك قفلت عباتها ... مسكت يدها .. عساف :ضحــى .. سحبت يدها من يدي بقهوه ولقتني ظهرها .. ضحى :عساف وش كنت جااي بتقول واضح ان عندك كلام ..اخلصي عليه فيه عندي بنات اعطيهم دراس خصوصيه .. عساف :ماهو مهم اللي كنت جايه اقول .. وحاولت امسك يدها مره ثانيه ... ضحى بعصبيه :وش كانت جاااي تقــــول .. قهرتنــي ارتفع ضغطــي من اسلوبها صدق اني غبـــي اهنت نفسي قدامها بتصرفاتي المراهقــــــــه ... ان لازم انفذ اللي كنت جاي بسويه واطلع من هنا بالسرعه يكفي اهانات تلقيتها للحيـــــــن .. طلعت الجوال من جيبي ويدي الملعــونه للحين ترتجف .. مديت لها الجـــوال وبذلت مجهود كبير عشان اوقف يدي من رغبتها بمسك يدها ... ضحــى :وش هذا .. عساف :اقري مصايب اختك ... طالعت فيه بأستهزيء وواضح عليها التسليه وبدت تقــــــرأ تغيــر شي بوجهها وشو مأدري بس بان عليها الجمــود وشكلها عرفت من المقصود بكلمــة اختها .. ضحــى :مافهمــت شــــــي ... عساف سحبت منها الجوال اللي مدته لي .. عساف :ولابتفهميــن شــي .. تدرين من هالفهد اللي فضحته اختك المحترمه واذاعت مكالماتها المحتــرمه معه وفحفلة ملكتـــه هذا خلف ولد زوجة ابوكم وولد أخــــــوي ... بان عليها القهر والأرتباك وشي من الصدمــه .. ضحـــى :مستحيل الكلام اللي تقوله مستحيل عقل يصدقه مشاعل مستحيل تسوي كذا ... ضحكــت عليها كيف مستحيل تسوي كذا وهي عرفت أي وحده من خواتها المقصوده من غير ماقول اسمها ..... عساف :واكبــر دليل انك عرفتي أي وحده من خواتك المقصوده من غير مأقول اسمها بكل بساطه لأنك تعرفين اسلوبها بالكــــــلااام ... أختك المحترمه مررره اللي تاركاتها هايته لدرجة انها تمر ايام مارجعت فيها للبيت والله وحــده العالم وين ومع مين تبات ... كنت منتبه على يدها من قبل ماترفعها فمسكت قبل ماتوصل خـــــدي .. قلت واناماسك يدها بقوه ... عساف :يدك هذي مره ثانيه ان فكرتي مجرد تفكير ترفعينها بوجهي ولو دفاع عن نفسك بكسرهااا فاهمه وش معنى بكســــرها ... ودفيتها على ورى .. ضحـــى :تخسي الا انت تكسر يدي .. ماخلق بعد اللي يمد يده عـــلي .. وأختي حره باللي تســـويه وولد اخوك يستاهل اللي جاااه وعساااه من هالحال واردى .. خله يدفع ثمــن انحرافه .. ماشاءالله خلف منحرف واختها الشريفه العفيفه .. عساف :واختك متى بتدفع ثمن انحرافها ... ضحــى :اختي اشرف منك واشرف من كل جابها على لسانه ... انا عارفه اختي زين ماسوت كذا الا لأنه تعدى حدوده معها ويستاهل اللي جاه ماهو بنات مبارك اللي ينداس لهن على طرف ... سامعني يااااااعساااااااااف زين ماهو بنات مبااارك اللي ينداس لهن علـــى طرراااف وكلامك بالشـــرف اختي قسم بالله لأدفعك ثمنــــــــــه غااااااالي ... واختفت من قدامــي وأنا واقف اطالع بالباب اللي دخلت معه .. اتصل علي خلف رديت عليه وطلب مني اجيـــه للبيت ... مريت ليه ولقيته واقف ينتظرني عند الباب الخارجي وهو متلطم وبيده شي يهزه ... وقفت له وركب بالسرعه ... رمى علي الشريط ..

جنــــون 08-05-2011 08:39 PM شغلته .................................................. ........ وسمعنا كل اللي فيه كان خلف حاط راسه بين يديه هالمنظر ذكرني بمنظره يوم اكتشف ان ريم خانته ... سألني بنبرة اليأس .. خلف :وش اسوي .. تذكرت اللي صارلي مع أختها .. عساف :رحت لأختها بتشمت فيها تشمتت فيني تقول ولد اخوك يستاهل وفرحانه بأختها ... حسيت بالرجفة خلف القويه لفيت له لقيته رافع راسه ويناظر فيني بنظرات واضح فيها الغضب ... خلف :بذبحها ياعسااااااااااااااااف بذبحها ماني بالرجال لو ماذبحتها بيديني الثنتين ذي ... نهاية الحلقه

جنــــون 08-05-2011 08:39 PM الرابعــــــه والعشـــــرون ((1)) حبيبتك قطـــوه رجعت من سهـرتها على الساعه ثنتيــن ونص وهي اخر وناسـه صدق ريدا هذي ماهي صاحيــه بجد نزلت من السياره وضحكات ريدا توصلها رجعت تقولها :ريدا توقفي عن ذالك .. ريدا تضحك :يوووووووه ميشووو كل ماتذكرته الغبي ذاك ياويلي ماني مصدقه بجد وقح هههههههههههههههههههههههههههههههههههههههههههههههههه هههههههههه هههههههههههههههههههههههههههههههههههههه ... ميشو بأبتسامه :اعلم انهُ احمــق ولكن ضحكك مبالغ فيه .. ريدا :اركبي ميشو بنأخذ لنا لفه بحارتكم ... كان جالس بسيارته ولو ماعساف قفل البيبان عشان ماينزل ويسوي لهم فضيحه قدام صديقتها يمديه من زمان مبرد حرته منها بدال ماهو جالس يشوفها كيف تضحك مع صديقتها مأخذه راحتها بقـــووه .. عساف وعينه على يد خلف اللي قابضه على ركبته :خلف اهدا شوي والله هالعصبيه ماهي جانيه عليك الاشــررر ... خلف ينفخ بقوه وساكت .. عساف :تكفى خلف طلبتك لتمد يدك عليها لتجني البلاوي على عمــرك هذي مجنونه لو لمستها قسم لتفضحك بالنـاس .. هي بمكالمات سوت بلاوي كيف وانت ... قاطعه خلف :اسكتتتتتت مابي اسمع منك شــي ... عساف :اتكلم عشان مصلحتك .. خلف علا صوته:مابي اسمع شـــي عساف سكت خاف البنات يسمعنه ... مشاعــل :حسناً الوداع ... ريدا :ميشوو لحضه ماتبين روبـــــي .. خلف همس :روبــــي .. وشافها وهي تطلع لها مع الدريشه سلــــــه .. خلف يسأل عساف :من هي روبي .. وبعصبيه:مأسمها مشاعل هــي .. عساف :الظاهر انها تقصد القطـــــــــوه .. خلف بقهر :قطوه .. عساف ابتسم :ايه قطوه شكل حبيبتك قطوه .. خلف كلمة حبيبتك رفعت ضغطه :حبببتكك القراده يالحيووووووووان .. وفتح الباب بالسرعه ونزل لأن ريدا كانت سيارتها محركــــــه .. مشاعل تكلم روبي :استيقظي ياجميلتي كفاكــــ ......... انقطعت كلمتها يوم حست بيدها تسحبها مع كتفها وتلفها غمضت عيونها وهي تصور من يكون جابر فارس ... خلف :جيتي يالحيوااانه .. مشاعل :كلاا خلف .. خلف بتريقه :كلااا ايش .. مشاعل :ليس انت .. خلف اكثر شي يقهره ويثور فيها انها تكلم بكلام ثلاثة ارباعه مايفهمه تقول كلمات مايدري وش المقصود فيها :انتي خبله مجنونه وش اللي سويتي ياحقيررره .. مشاعل :هل انا المقصوده ماذا فعلت ..؟! عساف جالس يتابع الموقف من بعيد وهي يطالع البيوت القريبه والسيارات الماره يخاف احد يشوفهم وبنفس الوقت مستعد لأنقاذ خلف من نفســـه لو تهور وقرر يطقها .. استغرب اللي جالس يسويه توقعه يصارخ عليها يسبها يشتمها ماهو طاقها سوالف معها وصوته باخفض مستوى .. ابتسم يوم تذكر ان هذا نفس صوته بالتلفون يوم يحكي او بالأحرى يتغزل فيها ياحليلك ياخلف مو لايق عليك رومانسي .. خلف لوى يديها بقوه خلتها تصـــرخ بعاللي صوتها :آآآآآآآآآآآآآآآآآآآآآآآآآآآآآآآآآآآآآآآآآآىىىهههه ههههههههههههه ...

جنــــون 08-05-2011 08:39 PM ((2)) مصايب تجــر مصايب ضحـــــــى سويتيها يامشــاعل هذي أخرتها ياما حذرتك ونبهتك بس ماتكــونين مشاعل لوماسويتي اللي بالراسك طول عمرها عاشت بس عشـان تنتقم من ابوي وعايلته هذا اللي كانت تردد فمراهقتها كنت احسبها نست غبيه يوووم فكرت كذا غبيـــــــــه اللي يشوف حماس مشاعل ذيك الأيام يعرف انها مستحيل تنازل عن افكار انتقامها .. واللحين بس انتقمــت ... انتقمت هي مأنتقمت هي شوهت سمعها فضحتنا بين الناس ليه يامشاعل لييييييييييييييييييييييييييييه كل اللي اسويه تجين تهدمينه .. انا اسعى لنظاف سمعتنا لأجلها واجل خواتها وهي تسعى للأنتقــام مادري وش بتأخذ منه ليه موقف حياتها عشان افكار ونزوات شيطانيه .. تحسب هي بترتاح باللي تسويه تحسب الناس بتسكت لها ... آآآآآآآآآآه يامشاعل وين كان عقلك وانتي تسوين اللي سويتيه ... ملاك :وش فيك ضحــى .. البنات ينتظرونك مأنتي مكمله لهم الدرس .. بالصعوبه طلع الكلام مني .. ضحى :لاخليهم يروحون ويجـوون بكر بدري من بعد صلاة الجمعه .. ملاك :حاضر .. سكتت وحسبتها راحت .. ملاك :ضحى وش فيك وش قالك المتخلف ذا .. ضحــى :ولا شـي روحي سويي اللي قلت لك عليه .. قالت وهي تدخل وتصك الباب بيني وبينها... ملاك :كريه الله يعينك عليييييييه .. غمضت عيــوني كرييه مره بس ياملاك قوليها مليون مرره ماتوفيه حقــــــه .. اكرهــه واكره اسمه وأكره طاريه .. آآه ياشينك من حظ زوجتينــي من هالرخمــــــــــه.. اصلاً انت متى زنت ياحظي لابزوح ولا أب ولا أم ولاحتى خوات .. ... استغفرالله العظيم حظ ياضحــى لاماهو حظ هذا اسمــه مكتــوب .. مكتوووووب وأنا مكـتووووب علي الشقى بكل حيـاتي مافرقت لوكان زواجي بعد شــقى .. شقيت وأشقى وبظل شقيانه ماهو يوم ولايوميــــــن سنيين .. مروا من عندي البنات بيطلعون لبيوتهم .. قالت وحده منهــن .. :ابله مادرينا انك متزوجــه .. سلمى:مبروك ابله وعد تقول زواجك بالأجازه .. ابتسمــت مبرروووك هاااه ياحليلك تباركين لــــــي بالشقاااي .. ضحــى :الله معكم لاتنســون بكره تعالوا بدري ... سلمى:ان شاءالله ابله مع الـــــسلامه .. مأدري كم مر علــي وأنا جالسه على درج مدخل البيت كنت ساهيه افكر بحيــاتي ماصحاني من هالغيبوبه الطويله غيــــــــر صرخــه اعرف صاحبتها زين مشاااااااااااااااااااااااااااااااعل ... تغطيت بطرحتي أي كلام وطرت للبــاب وفتحتــه وانصدمت بالمشهــد قدامـــي .. مشاعل تصرخ من الألم والحقـيـــــــر خلللف لاوي لها يدها وهذا سبب المهـــــــا ... والرخمــه عساف واقف من بعيد يتابع الموقف ... اندفعت افصل بينهم ... ضحــى :ياحقيررر كيف تسمح لنفسك تمد يدك على اختي ... خلف :وذبحها وذبحك فوقها بعــد وش عندك يابنت الـ ........... عساف بقهر:خلللللللللللللللللف .. ضحــى :حقير وش بيطلع منك يعني على قد مستواك بتطلع الفاظك ياولد صالح ... مشاعل ادخلــي ... وتراجعت على ورى لين دخلت ولحقتها وقبل ماصك الباب حسيت بقــــــوه تدفعني وتدفعـــه لين انفتح غصب عنـــي ... دخل الحقير وعمــه وصكوا الباب وراهم .. صرخت بأنفعال .. ضحـــى :وش تبي انت وياااه برررررررررررررررررررررررررررررررررررررى ماكفاكم اللي صار بالشارع بتعدون على بيتنا بعـــد .. خلف :انا مالي كلام معك كلامي مع الحيوانه اللي وراك .. مشاعل :ليس بيننا أي كلام ... خلف :غصب عنك بينا كلام ياحيوانه لك عين بعد تكلمين بعد الفضيحه اللي سويتيها لي ... مشـاعل :نلت ماتستحقه فقط ايه الجرذ القذر ... خلف :اذا انا قذر فأنتي اقذر منـــي .. مشـاعل :ستكون أحمق لوتوقعت ذالك فقذارتك لايوازيها قذاره في منطقة الرياض بأكملها ... قاطعت مهزلتهم .. ضحــى :عساف خذ ولد اخوك وأنقلع حنا مو ناقصين فضايح باخر الليل ترى اللي جانا منكم مكفينا وزايد ... مارد علــي بقى بمكـانه متكتف ومتسند على الجدار ويتابع اللي جالس يصير ... ضحــى :ماتسمــع انت اصمخ خذ الحقير هذا وأنقلعوا ولا قسم بالله لأتصل على الشرطــه اللحيـــــــن ... مأدري وش اللي صــار كنت اهزأ بعساف وهو ساكت .. ومشاعل ترمي على الحقير كلام وهو يرمي عليها مثله ... لفيت عليه بعد ماسمعت صرخت ميشو لقيته غارز اصبعـــــــه بعينها ...

جنــــون 08-05-2011 08:40 PM ((3)) فضائح بالجملــــه خلف يعني طبيعيه ماهي عدسات وخرت اصبعي عن عينها وانا اسمـــع صراخها مأدري كيف طلعت من البيت ولاركبت السياره وتركت عساف وراي كم مر علي ساعه ساعتين ثلاث المهم انه اللحين طلع النور وانا جالس بالصحراء .. وش جابني هنا مادري من متى انا هنا بعد مأدري .. الشــي الوحيد اللي ادري عنــــــه ان صورتها طول كل هالوقت مافارقتنـــي منظرين مافارقن عيني حركتها اللئيمــه وهي تفتش طرحتها وتحط عينها بعينـــــــي بالتحدي ... وعينها الزرقاء بعد ماغرزت اصبعي وسطها وفركتها عشان أتاكد انها طبيعيه ولاعدســــــات ... واخــرتها يعني انا اللي بليت نفســي اناااا .. دفنت يدي وسط الرمل ورفعتها وهي ينسل من بيــن اصابعــي .. وش اللي تبيــه منـي ابعدت عنها يوم طلبت ليه لحقتني وتسببت بفضحيتــي .. !! .. عشان عرفت اني ولد زوجة ابوها .. اكيد عشـان كذا ولاهي من قبل ماكانت تبي أي علاقه فيني بس كيف سجلت المكالمات ولييييه .. عشان تهددين فيها طيب ليش .. يوم كنت اكلمها كانت توضح انها ماتبي هالمكالمات وانها مجبره عليها اجل ليش تسجلهن .. ماااني فاااهم لييييه لييييييييييييييه ..؟! اذا هي ماتبينــي ليه تفضحنــــي .. هي بنفسها ماردت علي يوم اتصل عليها وهي بنفسها اللي قطعت العــلاقه ليه اللحين تنبش فيها .. تذكرت كلمتها لي قبل ماتفتش طرحتها .. مشاعــل :الم تخبرك فتاة من قبل انها حادثتك لتتسلى بك ثم تفضحك ... قبضة بيدي كمية رمل ونثرتها الحقيـــــررره ولها عين بعــــــد تقولها تسلى فيك ثم تفضحك تسلى فيك ثم تفضحك ... ايه تسلى فيك اجل بتحبك هههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه ياحليلك ياخلف مره متأثر بكلام الحب وخرابيطه قال تحبك قال .. ياخوفي بكره تجيني تقول احبها والله لأذبحك لوسويتها انحرك نحررررر ... ماهو خلف اللي على اخر عمره يتمرمط بحب مره .. هي مرمطتك وفضحتك اهانتك وخلتك تترجاها وانت ماحبيتها اجل لوتحبها وش بيصير .. ياكبر فضيحتك ياخلف الناس كلها سمعتك وانت ترجاااااااااااااااها ترجااااااااااااااااااااااهاااا ترجى مررره ياخلف ياكبرها بحقك ياكبرها ..هذي تاليتها خذ راحتك بالمكالمات وقل محد سامعني وداري عني وهذي اخرتها فضيحه ياخلف والله فضيحـــــــه ... انا لازم اذبحهااااا على اللي سوته في اخنقهااااااا لين تموت على يدي ..ماشوفك ذبحتها يوم لقيتها ولاهالكلام بس يوم انك بعيــــد .. خلف وش فيك ياخلف انت قلت بتذبحها ليه ماسويتها وخلصت منها يوم لقيتها ياويلي منك ياخلف وش صابك على أخر عمرك صاير كلامك وعزومك كلااام بدون فعل .. مانت اللي ذبحت الريم من الظرب وكنت بتزهق روحها بين يديك لو مافكوها منك عشان خانتك ليش ماذبحت هذي يوم فضحتك ليه ياخلف لييييييييييييييييييييييييييييييييييييييييييييييييي يييييييييييييييييييه ..!!! بنات مباررك وش سوت فيك ياولد صـــــــــــالح .. خلاااص مابي افكر راسي بينفجر وعقلي بيجـــــــــن .. رجعت للسياره اول ماحركتها دق جوالي كان عســــــاف مارديت عليه عارف انه بيسألني ويني فيه ووش اللي سويته واسأله كثيره مالي ميزاج ارد عليهـــــــــا .. اول مادخلت الرياض ماقدرت اروح للبيت اروح وش اسوي هناك بعد فضيحتي رحت لأقرب فندق وحجزت لي فيه وأنا مقرر بعد ماصحى من النوم بدور لي شقــــــــه اوبحجزلي واسافر اذا صحيت اكون اقرر ..

جنــــون 08-05-2011 08:40 PM ((4)) مخططاتي والعــم الخبيث ملاك كنا جالسين نتابع فلم شــي اكشن وخيال .. مرررره كنت منسجمه معه بس اللي منكد علي سارا اللي نايمه على رجلي ... مع صراخ البطله سمعنا صراخ ثاااااني عندنا هنا بالبيت .. سارا فزت جالسه وسألتني .. سارا :مين اللي يصرخ .. ملاك :مافيه غير ضحى برى ومستحيل تكون هي .. سارا :لااهذا صوت مشاعل .. طلعنا نركض واول شي لمحته الرجال اللي طلع وقفل الباب وراه وش السالفه من هذا رجعت بالسرعه وجريت سارا معي مانقدر نطلع لأن عساف المغثه بررى كنت مررره خايفه على مشاعل ليش كانت تصرخ اكيد احد اذاها .. سارا :من اللي طلع .. ملاك :مادري اوووووف بطلع اشوف وش فيها مشاعل .. وعد اللي جايه من ورانا .. وعـد :وش فيها ليه ماتطلعون .. وقبل مانرد عليها كانت طالعه ولحقتها نوف .. وانا جالسه مكاني موتره ابغى اعرف وش فيها مشاعل ياربي الله ياخذ اللي اذاها بس من هذا وعساف وش يسوي برى واقف يتفرج وضحى يااااااربي ماني فاهمه شـــــــــي ... انفتح الباب ودخلوا نوف ووعد ووراه مشاعل ويدها علي عينها ... مسكتها مع يدها .. ملاك :مشاعل وش فيك .. طالعتني بنظره قويه من عينها الثانيه ماردت علي بس سحبت يدها من يدي وطلعت بهدوء لغرفتها .. صرخت عليهم .. ملاك :وش صاير وش فيها .. نوف :ماندري بس ماسكه عينها .. وعد :المتخلفه ماتستاهل احد يسأل عنها نكلمها وماهي معطيتني وجـــــــه .. ملاك :انتي انطمــي لاتقولين عنها متخلفه .. وعد :اوهووووو بس خربتوا علينا الفيلم اوووووووف .. سألت نوف .. ملاك :وش ضحى .. نوف :تهاوش مع عسافوه ؟؟ اوووووف ماني قادره اصبر ودي اطلع واطرده واسأل ضحى عن اللي صار لمشــاعل .. جلست على اعصابي عشر دقايق دخلت علينا فيها ضحــى وبنفس الوقت سمعنا صوت الباب الخارجي ينصك بقوووه .. ملاك :ضحى وش فيه .. ضحى بنرفزه: مافيــــــه شي .. ؟! ملاك :اووووف ماهوعليك مافيه شي اناجالسه اسألك عن مشاعل ماهو عن نفسك عشان تفكرين تخبريني اولااا مشاعل وش فيها من اللي كان بالحوش يوم طلعنا .. طالعتني بالنظره غريبه .. ضحى :متى طلعتوا .. ملاك :يوم صرخت مشاعل .. لفت عني بتطلع السلم .. ملااك :من كان .. ضحى :ماهو شغلك .. رديت عليها بقهر وبلهجه ماعمري ستخدمتها معها .. ملاك :الا لي شغل من الرجال اللي كان بحوش بيتنا فأخر الليل .. وش بينه وبين مشاعل .. ضحى :مااااهوشغلك فاهمــــــــــــــــــه .. البيت هذا انا كبيرته وفيه احد له حق يسأل هالأسئله غيــــــري فاااهمه .. ملاك :لامااني فاهمه واذا كنت انتي واختك بتسوون اللي تبون انا بعد بسوي اللي ابـــــــــي .. ولاتجين تسأليني او تحاسبيني .. ردت علي ضحى برد ماتوقعتـــــــــــه ابداً .. ضحى :وحد ماسكك سوي اللي تبين وماني محاسبتك ربي اللي بيحاسبك .. وطلعت فوق وتركتني مكاني مصدومــــه .. طالعت بالسارا اللي تطالعيني وعلى وجهها بوادر ضحكـــه ماتحملت اكثر الظاهر ان شكلي وانا مصدومه ضحكها ... سارا :ههههههههههههههههههههههههههههههههههههههههههههههههه ه هههههههههههههههههههههههههههههههههههههههههههههه والله انك سكتتك هالرد شـــــي فقعتوا مرارتها المسكينه كل وحده بالتصيع من جهه .. لاوتعرفون تهددون بعـــد ... قلت بطلع مصطنع ادلع عليها .. ملاك :أفااا سارونا انا توأمك كيف تكلميني بهالطريقه ... وانطلت عليها حيلتي بانت الشفقه على وجهها وقربت مني بتحضنـــــي بس انا صديتها .. ملاك :وخري عني مأحبك .. سارا بحزن :ملااااااااااااك ... رديت عليها اقلدها .. ملاك :اللحين ملاااك وقبل شــوي تضحكين علـــــي .. ومضى ليلنا كــذا بعناد واستهبال وكر وفـــر ... الصبح على الساعه عشــر طلعنا لبيت خالتي اللي بعد موقفنا مع عم ود ماعاد رحنا له الصراحه انقهرت من الموقف اللي حطنافيه حسيت انه انسان خبيث حقيــــــر نفسه دنيئــــــه وبسببه صرت اتردد كل مافكرت نروح لبيت خالتي واتعذر بأي شــي عشان مانروح وسارا محتاره فينـــي بس اليوم عقدت عزمــي وقررت أروح ماهو واحد خسيس مثل هذا يخرب علي مخططاتي .... اول مادخلنا بيت خالتي انبسطت كثير بجيتنا وسألتنا عن سبب غيابنا بالأيام اللي طافت وحنا ماعطيناها جواااب شافـــــــي ... دخلت علينا ود بالطريقه هبلا .. ود :ماصدقت يوم شفتكم مع دريشة غرفتــــــــــــــــي ..هااااااااااااااااااااي .. ملاك سارا :هااااياااااااات .. خالتي :امك وينها .. ود :فبيت جدتي ام نواف .. خالتي :اجل انا بروح لهم خوذوا راحتكم بناات .. مع اني انقهرت انها بتتركنا بس نبسطت بكلمة خذوا راحتكم شكلها تحسب ان غيبتنا فالأيام السابقه لأنها مقيدتنا فبيتها ومانعتنا من الطلعه حتى للحديقه الا معها .. ملاك :تسلمين خالتي .. بعد ماطلعت خالتي جت ود وجلست بينا .. سألتها سار .. سارا:وش عندك اليوم بعد غايبه .. ود :وانتي شكو على الأقل موعاطله مثلك اسم اني ادرس .. ملاك بطنازه :هع هع هع تسمين دراستك هذي دراسه والله حتى وعد المضيعه عندك دافوره .. ود :مين وعد الخبله اختكم .. سارا:خبله بعينك مارضى على اختي حبيبتي هذي.. ود :ماشاورتك بعدين من متى هالحب اللي نزل عليك لأختك خبري فيك ذيك المره تقولين انك ماتحبين غير ملاك وعمرك .. ملاك :الكلام هذا متى صار ياعمري اكيد انه ماهو اليوم والشـي اللي ماتعرفينه عني وعن توأمي الحبيب انا نبدل مشاعرنا وعواطفنا مع تبديلنا لملابسنا ... يوم خلصت من خطبتي الطويله اللي كانت ود خلالها فاتحه فمها على الأخير ويوم خلصت رمت علي التكايه اللي بيدها بقهررررررررر .. ود:حماره غبيه وثرثاره .. وفجأه بدت تكلم بجديه .. ود :بنات انتم صح ماصرتم تجون عشان الموقف مع عمي .. تبادلت مع سارا نظرات لها معنى .. ملاك :تبين الصراحه ايه ... ود :والله عمي مايقصد هو يحسبكم صاحباتي .. سالتها بالدهشه .. ملاك :واذا صاحباتك عاااادي .. ود :لاموعااادي وهذي اول مره يسويها .. سارا :تبين الصراحه ود عمك مرررررررررره وقح حتى نظراته حسيتها موصاحيه .. طالعتنا ود باحراج وقامت بتطلع .. ملاك :تعالي ود وين رايحه بتتركينا لحالنا .. ود :شكلكم ماتبوني .. سارا :لاااا افاا وشلون كذا مايصير كيف مانبي ود الدبا اجل من بنجلس نغلس عليه .. ود :يعني بس هذا اللي تبيني فيه صدق صريحه ..

جنــــون 08-05-2011 08:40 PM ((5)) الوسيـــــــــم ســـارا يحليلها هالود تعجبنـــي قووه مره انبسط عليها واحسها صديقه لي رغم ان بيننا فارق عمري خمس سنوات .. ود :وش فيك يالحلوه تطالعيني كذا لاتكونين معجبه .. سارا بضحكه :ليه شايفتني لهدرجه معدومة الذوق .. ملاك :هيي انتي يالخبله صدق ليه ماداومتي ترى اول ثانوي صعبه ماهي لعبه .. ياحليلها ملاك تكلم وكانها مااره فيها .. سارا :احلى ملاك لايكون تدرسين من ورااي .. ملاك :يؤ كشفتيني .. سارا :يالحقيره سويتيها .. ملاك :والله سارا انا آسفه وش اسوي انا نفسي اكمل دراستي وانتي رافضه وتقولين البنت مالها الا البيت والمطبخ لين يجيها نصيبها .. سارا:طيب انا قلت لك كذا ليه تخالفين شوري ..فيه بنت عاقله تسوي سواتك انتي مالك الا اللي يقفل عليك بالبيت ومايخليك تطلعين منه الاعلى بيت زوجك .. بنت قليلة حياااا ... جتني ملاك وهي تمشي على ركبها ومسوي نفسها مره متأثر من البكي ووطت على رجولي تسوي نفسها بتحبها .. ملاك :لااااااسااااارااا تكفين لااااااا الاا دراستي تكفين لاا .. سحبت مع يدها ووقفتها وانا اضحك .. ود :قسم بالله انكن موصاحيات لااويعرفن يمثلن العمات .. ملاك :عمات تعمي عيون عدوينك وش عمات هذي .. ود :مادري كلمه وجت على طرف الساني .. ممكن تسكتن شـــــوي بوريكن شــي وابي رايكن فيه ... وطلعت جوالها .. سارا :احلى اكشخ كاميرا بعد .. ود :اجل وش قالوا لك ود جوالها يكون عاادي لاحبيبتي مايصير لاوبعد اخر موديل والله وديان ماهي احسن مني .. ملاك :وديان الماصله .. ود :ايه وفيه وديان غيرها .. سارا :ايه فيه وديان فاطمه وديان حنيفه ... ود :قسم بالله انك مضيعه .. سارا :قسم بالله اني ادل طريق بيتنا .. طالعتني ود بغيض .. ود :انتي ابد ماعندك جديه .. سارا :لاعندي عاميه والفصحى عند ميشووو .. ملاك :سارا هونك عليها ماهي متعوده بتفقعين مرارتها .. ود اللي شكلها فقدت الأمل منها مدت علينا الجوال .. ود:شوفوا هذا المقطع وقولوا لي وش رايكم فيــــه .. اخذت ملاك الجوال منها وخلته بيني وبينها .. فتحت فمي يوم طاحت عيني على اللي داخل المقطع كان واحد مرررررررررررررررررره وسيم فضيع فضيييع بشكل بحياتي ماشفت مثله كانت ملامحه كلها على بعضها جنــــااااااان مستحيل احد يشوفه ماينهبل عليـــــــه .. هزيت راسي وحاولت اركز بالمقطع كان يغنــــي بس صوته ماهو واضح ... سارا:ملاك ارفعي على المستوى .. طالعتني ملاك ببلاهه .. ملاك :هاا,ه .. قلت وانا مستغربه منها .. سارا :ارفعي بنسمع الأغنيه .. رفعت ملاك بدون ماتعلق .. وجانا صوته يغنـــــي هلي لاتحرموني منه كان صوته مـــــره عادي بس الكلام كأنه يطلع من قلبه فيه احساس مشاعر تحسون بصدق الكلمات تطلع منــه وكل كلمه يقولها مشاعرها تصور على وجهه ..وبالأخير بدت تنزل دموعه على وجــهه وعلى اخر المقطع كان واضح عليه فعلاً انه يبكـــــــي .. قلت لود بشهقة عدم تصديق.. سارا :هذا شكله صدق يحـــــب .. ود :حتى انا اقوله .. سارا :مرره مؤثره الأغنيه بالأخير مع ان صوته موذاك الزود.. ود :ملاك وش رايك بالمقطع .. حسيت ان ملاك طولت قبل ماترد بصوت بارد .. ملاك :حللوو .. وكملت بالطريقه مرحه .. ملاك :والله اني وسارا وفرقتنا المتواضعه اصواتنا احلى منــــــه .. ود :ليه انتم تغنون .. سارا :مونغني وبس طق ورقص ووناسه ... ود :والله انكم ماخذين راحتكم بقوه واخذين الدنيا لعب ووناسه بالشكل .. سارا :حاسدتنا .. ملاك :محد ماسكك لاتسوين مثلنا .. ود :وامي وابوي .. ملاك :اسحبي عليهم هذي حريه شخصيه .. ود :ابووووووواك يالنذاله ... سارا :لاأمك يالنذاله وش فيها يعني اسحبي عليهم ولو طردوك من البيت تعالي عيشي عندنا ترى بيتنا مفتوح للجميع الفتيــات الهاربات والمطرودات والساحبات على اهاليهــــن .. ملاك :تعالي بس ترى السكن عندنا بأيجار .. سار:واكلك عليك .. ملاك :والمويا شرب وغسيل بفلوس .. سارا :الهواء اللي تستنشقينه بفلوس .. ملاك :بس اذا كنتي فالبيت بالحوش الهوء مجاني .. سارا :والطلعه والدخله بفلوس تدخلين عشـره ريال وتطلعين خمســه .. ملاك :السوالف معنا بفلوس انا وسارا على عشـره وباقي خواتي على ريالين الا ميشو الحديث معها بخمسـين تعرفين مثقفه ونخاف تسرقين احاديثها وضحى الحديث معها مجاني لأنها مستحيل تعطيك وجه وترد عليك .. ود :شوقتوني اتعرف على خواتكم مرررررره تحف .. ملاك :وش تحف وجع قيمي الفاظك .. ود بأستغراب :وش فيها لو قت انهم تحف مأقصد فيها مسبه .. ملاك :شفتي ماني قايله لك مانتي عارفه قيم الفاظك اللحين بكره يتحول بيتنا لمتحف وانا وسارا وين نجلس بالشـارع .. سارا :ايه تصوري اشكالنا بالشارع ماعندنا بيت يلمنا ولامصدر رزق ونجلس نشحت قدام المساجد لله يامحسنين .. ملاك بحزن:والله اني اشفقت علينا .. ود بالصدمه :اشفقتي عليكم وينك يالرندا تجين تشوفين وتقولين انه انا اللي ابالغ .... انا وملاك بنفس الوقت .. سارا وملاك:من رندا .. ود :صاحبتي دايم اسولف لها عنكم وتقولي تبالغين تبالغين ودي اخليها تجي تشوفكم عشان تشوف بعيونها اني ماأبالغ يالفاقدات .. ملاك :يؤيؤيؤ لاتقولين فاقدات الاهليه ترى عندنا حساب بالبنك الأهلي .. ود :لااماعندكن اهليه لأن ماعندكن عضويه بنادي الأهلي هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه .. وجلست تضحك مبسوطه لأنها غلبتنا ان كان عندي رد يسكتها بس سخفتني (كسرت خاطري) اول مره تفوق علينا حرام اخرب عليها فرحتها اليتيمـه ..

جنــــون 08-05-2011 08:41 PM ((6)) شوشو وينك ..؟! اوووووووف مره ومرتين ومليون وين راحت هذي كيف فجأه كذا اختفت لها ثلاث اسابيع ويوميــن مختفيه وين طست الله ياخذ عدوينها اووووووووووووف .. معقوله صارلها شــي مريضه احد من اهلها صار له شــي ولايمكن قبضوا عليها كل شـــي جايز كلللللللل شــــــي ضرب بقبضة يده على الدريكسون .. شــي كريــه انك تجهل مصير احد يهمك .. طالع بالساعته له ساعه من طلع من الدوام مثل امس وقبله وقبله على اساس بيدورها بس وين بيلاقيها ..كل مكان شافها فيه من قبل دور عليها فيه ومالقاها ماخلى تجمعات للشحادين الا ودور عليها بينهم ,,وين راحت كيف فجأه كذا أختفت قلقــــه عليها حرمه النــوم مايدري ليش هو مهتم فيها بس والله ماهو قادر يطلعها من بالــــه .. ارتجفت سيجارته بين اصابعه فرجعها لفمه وحرك سيارته من قدام الأشــــــاره وهو يردد :وينك ياشوشو ويننننننننننننك .. حالها غريــــــــب وحاله هو الأغرب من هـــي ووش سالفتها ليه تشحد وواضح عليها مو محتاجــــــه .. ليه وليه وليه وليه والــــــف ليه عنده عليها وكلها مايعرف لهااجابات اللي يعرفه عنها اسمها اللي مايتوقع انه اسمها الحقيقي ولافيه وحده بالدنيا اسمها شوشو .. اللحين هو ليه مهتم فيها ومتعب عمره يدور عليها طقاقها بالعكس المفروض يكون ارتاح منها موهي اللي منكده عليها ودايم يطردها ويهددها انه يبلغ عنهــــا وش هالتناقض اللي فيه ليه يحس يوم انها تشــده ويوم ينفــر منها ويكرها ووده لوهو بنفســه يمسكها ويرميها بالسجـــن .. وايام ووده ينقذها من عيشة التشرد والشحاده اللي تعيشها اكيد ماعندها احد يهتم فيها ويسأل عنها ولوماكان هذا حالهــــا ... كل هالأفكـار والتناقضـات ماتهمــه المهم عنده اللحيــن انه يلقاها .. وينها يبغى يشوفها لاااااااامولااازم يشوفها بس يبغى يتطمـــــــــن عليها .. دق جواله كان واحد من الموظفين قفل منه وهو يكرر :جاااي انا اللحين جاااااااااااي .. لف بالسيارته بقووووووه اليوم بعد دوارته لها ماجابت نتيجــــه متى بترجع متى بيلقاها ياااااااااارب مايكون صابها مكرروووه يااارب ..يارب احفظهــا حتى وهي بعيـــــده ومصيرها مجــهول ..

جنــــون 08-05-2011 08:41 PM ((5)) ماقبـــــل الآلام انا لى حبيبي وحبيبي الي ياعصفوره بيضاء لبئى تسألي ليعتب حدا ولايزعل حدا انا لحبيبي وحبيبي الي مسح دموعه اللي نزلت على وجهه واللي شكلها صارت عااده ... خااايف حيييل خايف يدفع ثمن اللي سواه بأخوه يوم حرمه من الأنسـانه اللي حبهــــا .. بس اخوه اللحين متزوج وعايش حيــاته يعني ماكان يحبها لذيك الدرجه ولاماكمل حياته من بعدها ولاكأنه عرفها بيوم .. هوغيـره غيررر مايقدر يعيش بدونـــها يحبها يعشقها مايقدر يتصور حياتها من غيـــــرها بعد ماغير حياته عشانها تررووح منه لااااا والف لااا ... اخذ نفس عميق يوخـر فيه هالأفكــار عن راسه من قال اللحيــن انها بتروح منه الشوق له له هـــو وبــس..لكن اللي مخـوفه انه كله ماطلب يملك عليها تعذروا له وأجلـــــوا ..خايف يكون لنواف يد فالموضوع لاازم يكون له يد اصلاً ماهو مصدق انه للحين ساكت وماتدخــل وفرصة الأنتقام منه جت له على طبق من ذهــــــب ..آآآآآآآآآآآآآآه يارب توخرره عن طريقــي يااررب كلش ولا الشوق مأقدر اعيش من غيرها ياااارررب لاتحرمنـــــي منها ..يااارب خذ روحــي ولاتأخذها منــي .. يعنــي هذا كان شعــور نواف يوم ركع (استغفر الله العظيــــم ) قدامـي يترجـاني اتنازل له عـــن نوره اللي طلبت من ابوي يخطبـها لعانه لأني عرفت بالعلاقه بينها وبين نــــــواف كذا كان أحســاسه مثل اللي تنتزع منه روحــــــه مثل اللي ينشلع قلبه قدام عيــونه وهو موقادر يحمـي نفسه من هالألم ..تأوه بحده وهو يضغط على صدره قلبه بيطلع من محلــه بس لاتخيـل شعوره والشوق ماهي له ..

جنــــون 08-05-2011 08:41 PM ((8)) المكالمــــــه المجهــوله وعــــــد وش فيها الأبله هذي شكلها حاقده علــي من بداية الحصه وأنا رافعه يدي ابي اشارك معها بس الحمـاره ماتقومنـي قومت كل الفصل حتى نوف الا انا وهذا أخر اسبوع يعني لازم اشارك عشان اخذ شي من درجة المـشاركه بس الحيوانه هذي مأدري وش فيها علي مايكفي اني اليوم بس مداومه عشان حصتها .. لااا اانا خلاص موقادره احتمل الحيوانه متعمده ماتعطيني وجه بس انا اوريك حسبالها رافعه يدي عشان سواد عيونها والله انا ارفع يدي عشان الدرجات مابي شي من خشتها والله لو اطر منها .. انتظرتها لين لفت على السبوره ونزلت شحاطتي وصقعتها فيها ... خخخخخخخخخ لايفوتكم شكلها الحيوانه .. لفت علينا وهي مفجوعه وأنا كنت واقفه مستعده لمواجهتها.. الأبله :من الحيوانه .. وعـد :مايحتاج تكملين انااا ليه ماتقوميني ترى مارفعت يدي من حبي لك انا رافعه يدي عشان درجات المشاركه .. الأبله :ياقليلة التربايه تظربيني .. وعد :ايه اظربك ولاالظرب حكر عليكن لاحبيبتي حتى انا عندي شحاطه اظرب فيها كيفي .. الأبله اللي مصدومه للحين ماهي مصدقه ان احد ظربها:انتي وحده حيوووانه مو متربيه .. وجلست ترررد الفاظ سوقيه كثيـــــره .. وعد :اذا انا مو متربيه انتي وش تسمين انتي ولسانك هذا مالت على هالخشه .. الأبله :بررررررررررى انقللعي على الأداره .. وهذا وجهي اذا ماخليتهم يعطونك فصل نهائــي .. طلعت وأنا متنرفزه عارفه نقظة ضعفـي ياكرهي لهالكلمه ياقشعر جسمي لسمعتها فصـل نهائي .. وعــد :طيب هونك على بلاعيمك لتقطــع ترى قريبه انا اسمعك ... ورزعت الباب ورااي .. جلست اتمشى بين الفصول صدق مافيه احد الناس غايبه الفصول مافيها الا على عشر خمس طعش بعد ماكانت الفصول على اربعين خمسين طالبه ..مريت على فصل ثانوي شكل كل البنات مداومين فيه كانت الأبله تشرح والبنات واضح عليه الملل بس غريبه مسكتين ماشاءالله عليهم عاقلين .. بس لحضه ذولا مو اولى (هـ )من متى نزل عليهم العقــــل خبـري فيهم العـن فصل بالمجمــع .. رجعت اطالع بالأبله وعرفت وش سبب عقلهم هذي أبله منــى انســانه مخيفه مرعـــبه مافيه احد بالمجمــع مايهابها ويخاف منها حتى يمكــن المعلمات انفسهم يخافون منهـــا .. كملت مشواري بالدوران بين الفصول ورجعتني رجولي لعند فصل اولى (هـ ) لقيتهم على نفــس حالهم كسروا خاطري تهي تهي وذولا زميلاتي بمهنة الشطانه الصراحه مارضى لهم المذله طرت فبالي فكره مجنونه ليه مأسويها بس خايفه شـوي الأبله هذي ترعب .. افااا ياوعــووده تخافين هبله تخوفكـي والله انك عار لبنات مبـارك حنا مانهاب الرجال نهاب الهبلات استري نفسك بس ولاتخبرين احد من خواتك لودرت ملاك ولاسارا وش بيقولون عنــي اكيد بيتهمنـي اني وصمت عاار في تاريخ العائله اللي صنعهن بالمدرسه بالشطانتهن كيف وهن اللي كان يرقصن المعلمـات من هبالهــن اجي انا وأخاف من هبــــــــــــله .. بكل شجاعه دقيت على الباب وفتحتـــه .. وبأسلوب ينقط الأحترام منه قــــلت.. وعــد :السلام عليكم .. بلعت ريقي اللحين عرفت ليه الناس تخاف منها .. منــى :نعم خيـــــــــــرررررر .. بتخــوفيني هالنظــرات تخوف غيــري ماهو أنا .. وعـد :ابله فيه مكالمه لك عند الأداره .. وضح عليها الأستغراب .. منــى :لي أنا .. لا لي انا ايه لك يالخبله كان ودي اقول لها الكلام ياحسافه ياليتها وحده خبله .. وعــد :ايه ابله لك ..عن اذنك .. وطلعت بكل احتــــرام .. حسيت فيها تطلع وراي رحت امشي لوحده من الفصول الفاضيه وكني بروح لفصلـــي .. اول ماشفتها تنزل مع السلم رجعت للفصل اولى (هـ) ركــض .. وعــد :ترى اكذب عليها ماحديبيها يالله اللي تبــي تهرب الطريق سالك ... وحـده من البنات :يالمجنونه تكذبين على ابله منــى .. ثانيــه :قسم بالله مأنتي صاحيه فيه احد يقص على ابله منــى .. ثالثه :يحوول من المتوسط شكلها من المتوسط ماتعرفها .. وعــد :تصدقن الشرهه على اللي منقذتكــن اصلاً ابله منـى هاللي مخوفتكن وين بتلقانين قصيت عليها وهربت بتروح تدورنــي بين الف طالبه يعنــي.. طالعن فبعض .. الألى :صدق انك مأنتي هينــه .. وعـد :اكيد ولا مأكون وعــد مبـاررك .. يالله باي بااي .. وهربت قبل ماترجعن وتصيدنـــي رحت للمخبأ الســري لقيته فاضــي اووووف توقعت القى الغبيه نوف هاربه ولا مستأذنه مدبره عمرها بس حمـاره ماتعرف تصرف من غيـــري .. ارتـحت بجلستي وسندت راسـي على الجدار ..اووووووووف مللل .. يؤؤؤ وش فيني ارقص .. وش فيها الأرض تهتز تحـتي وخرت شوي اشوف وش جلست عليه رفعت السجاده لقيت تحــت طرفها البعــيد جــوال يؤ هذا شكـله حق شهــد .. رفعته عن الأرض لقيت فيه خمس مكالمات لم يرد عليها من نفس الرقم جوري .. من جوري ..؟! .. رجع الجوال يهتز بيدي جوري يتصـــــل بك .. ترددت ارد لاااا خبله وش تردين .. ردي شوفي من جوري هذي .. لاا انتي مالك شغل لاتردين ولاتلمسينه .. ووسط ترددي وقف الجوال عن الهز .. اوووووووف زين كذا لو راده ومشبعه فضولي ومتسليه مع هالجوري مو احســن اللحيـن بجلس لحالي ملانه يااااااربي ياكرهي لصمت مملللللللللللللل .. ماصدقت يوم حسيت بالجوال اللي حطيته جنبي يحس على طول خطفته وضغطت على زر الرد ... نهاية الحلقــــــــه ..

جنــــون 08-05-2011 08:43 PM الحلقه السادسه والعشرون .. ((1)) وافتها المنـيــــــه ضحــى مسحت دمعه نزلت من عينـــي غصب يااااااه ماكنه مر شهــر على موتها كل ماحاولت انساها جاء اللي يذكرني بموتها .. مات سندي بهالحياه مات ازري مات ظهري ,, آآآآآه ياصعـب الحياه من بعــدها كل ماتذكرت انها خلااص راحت وماراح ترجـــع تخنقنـي العبره وتظلم بعيني الدنيا وأحس ان حياتي أنتهـــت .. كيف اقدر اعيش من بعــدها كيف اكل اشرب اتنفس اعيش وهي خلااص ماعادت بالدنيا ماتت ماتت ياصعــــبها من كلمــه .. ليش راحت وتركتني لمن خلتنــي .. من بعدها بستمد منه قوتــي مااااني قادره اوقف على رجلــي ماني متصوره انه خلااص مالي ظهــر أنا بــس مالي عــون بهاالدنيــا.. هي كانت سندي قوتــي ظهــري للأسودت الدنيا بوجهــي وضاقت علي تذكرتها كلمتها سألتها تذكرتها وأنشــرح صدري وقوت عزيمــي .. انا وهــي واحد كلاً قالي اني مثلها اشبه لها تفكيري نفس تفكيــرها عقلي مثل عقلها قوتي نفس قوتها بأختصار هي قدوتي وأنا تلميذتها .. واللحين راحت وتركتني ماعادت لـــي قدوه ولامصدر قووه .. غصب عني ضعفت وانهــرت عشت حياتي كلها تحت ظلهـــا .. يوم كنت قويه امر وأنهي وأتحكـــم بمصير الكل كانت هي تحكمنــــي هي كبيـــــرتي واللحين ماعاد لــي كبيــر .. لييه راحت لييييه حتى لوكان وجودها مثل عدمه حتى لوكان الكل ماهو حاس بقيمتها يكفي انا حاسه وعارفه قيمتهــــــــا.. ملاك :ضحــى ضحـــى .. مسحت عيونــي وبلعت ريقي .. ضحـى :خيررر .. ملاك :سويت لك عصير ليموين تبين .. وجت تحط كأس العصير على المكتب وانا بكل نرفزه رميتــه على الأرض وانكسر الكوب واللي فيه انكب على الموكيت .. ضحـى :من طلب منك تسوين لي عصيـر .. ملاك :حسبتك مزكومــه ضحى انتي ماتبكين على .... قاطعتها .. ضحــى :ماالك دخل فيني خليك بنفسك اصلاً انتم من متى كان عندكم احسـاس .. من فيكم حس فيها أوحبها رغم كل اللي كانت تسويه لكم .. ردت علي سارا بصوت باكــي .. سارا :حرام عليك لاتقولين كذا حنا نحب جدتــــــــــــي نحبها.. لفيت عليها بقهر ودموعي تنزل .. ضحــى :لااتقولين تحبينها لاتكــــذبين .. كلكم كذاابين ماكنتم تحبونهااا ماحد حبها ولاأحد عرف قيمتها غيــــررررري .. جدددددددتي خلاااص رااااحت راااااااحت حبكم اللحيين بأيش ينفعهااا .. مـلاك :خلاااص ضحى كفااايه حززن اللي تسوينه ماراح يرجع جدتي .. سارا :موت جدتي كان رحمه لها من عذاب الأمراض ... رحمه لها ولالك هذا اللي تبادر بذهني بس ماقلته اكيد انبسطت سارا بموت جدتي هي ماكانت مرتاحه يوم جدتي عايشه وبصحتها كانت دايم تفضل ملاك عليها .. سارا تكذب علينا تكذب على الكل ماحزنت عليها مثل ماتقول وتمثــل هي تكررره جدتي تكرهااااا .. كلهم يكرهون جدتي لأنها كانت مسيطره عليهــم محد كان يحب جدتي غيـــري أنا انا وبــس احب جدتي ... ملاك :ضحىى خلااااااص كفااايه اصحـــي البيت من غيــرك مايسوى خواتي ماحنا قادرين عليهم ... سارا :ضحــى خواتي امانه برقبتك كلنا امانه برقبتك لاتضيــــع وتضيعينا ... جملـــة سارا هزتنـــي من داخــل حسيت نفــسي بغيبوبه وصحيت منها أمانـــــــــــه خواتي امانه برقبتــي من قبل خمس سنين جدتي مامنتني عليهم وحاولت قد مأقدر أحافظ على هالأمانه واللحين بهالشهــــر كنت بدمـر كل اللي بنيتــــه ... حطيت راســي بين يديني بأخر عتاب لجدتــي آآآآه ياجدتي ليه رحتي وتركتيني من للي اللحيـــن من بعدك يااربي والله ماني قاادره أتحمــل خلاااص تعــبت ... المسئوليه ثقيله والله ثقيلـــه قبل كنت اسوي كل اللي اسويه بظـــلك اللحين ماني قادره اخطي ولا خطــوه احس نفســي تايهــه .. شهــر كامل وانا بغيــبوبه لاني صاحيه ولاني فاقده للوعـــي وش بسوي اللحين ماني قادره اصحى اوقف على رجــولي صعب الأمر علي صعــب تفكيري بجدتي مأزمنــــي ... آآآه يالتنــــــي بعيده بعيــده الف الكيلو مترات عن هالمكــــــان .. بس انا هنا وبهالمكان بكل مافيـــــه لازم اقاوم نفــسي وانفض عني الآلم وأرجع لقــــوتي .. ماهو لايق علي دور الضعيفـــه نفسـي ماهي راضيه باللي اسويه فيها عزتـــــــي تنهاني اني اهينهــا بضعفــي .. بس يلزمنـــــي انام وبعــدها اصحـــى بعد ماستعــيد قوتي وأجهز دفاعاتي فيه ناس كثير تنتظــر مني المحاســـــبه وأولهم زوجي العــــــزيز ..!!

جنــــون 08-05-2011 08:43 PM ((2)) ساحرنــــــي مـلاك صعبه كثير حالتنا من ماتت جدتي وهذي حالة ضحــى صراخ عصبيه ونرفزه بسبب وبدون وخواتي مايحتاج اقولكم انهن يستفزن حتى بارد الأعصـاب .. صار البيت متكهرب وكنك بساحة حرب الكل يبي يمسك شـي على الثاني كلن يبي يصارخ وينفخ يأمر وينهـي ماعاد فيه أحترام بالعربي بيتنا ماله كبيـر موعشان جدتي ماتت لااا لأن ضحــى تغير حالها صارت تسرح وتغيب عن الواقع بالساعات مأدري ايش تفكــر فيه وترجع ساعتين للواقع بعصبيه غير عاديه والشــي هذا افقدها الكثير من قوة شخصيتها وأحترامها بينــا.. كثير اشياء تغيرت بالشـهرهذا وكأن اللي مر علينا مو شهــر سنــه.. فالبدايه أنهرت وخصوصاً ان سارا مره أنهارت وأثرت علـي كثير بس بعد أسبوع قدرنا نتمالك انفسنا وعرفنا ان حياتنا مستمره بجدتي ومن غيرها حاولنا نرجع البيت مثل ماكان بس هذا حدوثه شبه مستحيل مع خواتي اللي مايقدرونا ويشوفونا معهم بنفس المرتبه .. وكان ملجئنا بيت خالتي اللي صرنا نقضي فيه طوال ساعات النهار ومانرجع الا بالليل عشان ننام في بيتنا .. بعد الموقف اللي صار لي مع ضحـى طلعت انا وسارا لبيت خالتي اللي كنا مقررين مانروح له اليوم لأن خالتي بتطلع بس بعد اللي صار قررنا نروح هناك مو لازم تكون خالتي هناك اهم شـي نبعد عن هالمكان .. اشياء كثيـره صارت تشدني في بيت خالتــي وخصوصاً وبكل صراحــه المزيون عــــم ود آآآآآآآآه يابنات ياهو عذاب جميل جميل بكل ماتعنيه كلمة جميـل يالناس ياعالم عمري ماتوقعـــت ان على الدنيا انسان بهالجمال الفضيع هذا مستحيل يكون بشــر عااادي .. بس اللي قاهرني وحارق دمي انه هو نفسه اللي شفناه بمقطع بجوال ود وكان يغني ويبكــي آآه يالقهر كل ماتذكرت الأغنيــه انحرق قلبي من هذي اللي يحبها اخخخ يالقهر .. من طاحت عيني عليه نازل من سيارته قلبي ذاآآآآآب ظليت واقفه بمحلي وعيونه عليــه ماقدرت احرك رجولي ولاغضيت نظري .. وانصدمت ان سارا كانت مثلــي .. سارا:ياااااه هذا بشر ولاملاك .. رديت عليها بقهر استغربه اللحين .. ملاك :عيييييب وش هالكلام .. سار وهي تنهد :يخبللللللل بس جابر احلى منه .. من ذيك الحزه عرفت ان سار معدومت الذوق ولااجابر اللي مافيه أي وسامـه احلى من ملك الجمال هــذا آآآآآآآآآه .. سارا :سلامتك من الآآآآه .. ملاك :آآه ياسارااا شكلي حبيته .. سارا :اووووف رجعنا على طير يلي ملاك ماتحسين ان كلامك هذا عيب .. ملاك :داريه بس شسوي والله قلبي يعورني لفكرت فيه احسه ينعصر وحالي ماهو طبيعي وش اسوي سارا والله اني اشفق على نفســي الله ياخذه ليتني ماشفته .. سارا :ودي اسأل ود عنه ... ملاك :لاتكفين سارا ماقدر اجلس وسمعها تكلم عنه احس بتعلق فيه اكثـر انا مجنونه فيه اللحين وان كل اللي عرفه عنه انه عم ود واسمه الوليد آآآآه ياحلات اسمــه .. سارا :بس انا متشوقه اعرف عنه الصراحه محيرني المقطع اللي شفناه له .. ملاك :لااساارا خلاص اسكتي انسي تكفين انا احاول مأفكر فيـه وأنتي بس تذكريني .. طالعتني سارا بقهر من ورى اللثمــه .. سارا :انا اللحين اللي اذكرك فيه ولا انتي اللي ماتسكتني عن الهرج فيه كل ماصرنا لحالنا آآه يا ساراا شكلي حبيتــه .. الجمله الأخير كانت تقصد تقلدني فيها .. وصلنا السواق خالتي لين باب الفيلا اللي معطيتنا خالتي مفتاح لهــا دخلنا وانا فسخت عباتي وسارا راحت تفرج على التلفزيون وهي بعباتها .. كنت اطلع الدرج يوم صادفت خالتي نازله ووراها شغالتها شايله عبايتها وشنطتها .. خالتي :هلااا والله .. مثل ماقلت اني يمكن اتأخر برى خذوا راحتكم واذا تبون تباتون .. ملاك :تهاوشت مع ضحــى يمكن نبات هنا.. خالتي :هي للحين على حالها الله يعينها .. ملاك :مسببه لنا ضيق بالبيت عصبيتها ماتحتمل .. خالتي :اختكم وضحت كثير عشانكم تحملوها هالأيام ...يالله مع السلامــه .. رديت عليها السلام وكملت لفوق وأنا افكر انا خالتي تحب سارا اكثر مني بس تعاملنا بنفس القدر يالله مأقدر اجبرها تحبنــي كثر سارا عاد ساارا الدلوعه تستاهل .. بالغرفه اللي خصصتها خالتي لنا كنت واقفه بالبلكونه انتظره كل يوم اشوفه جالس بالقعده اللي هنا وعيونه على الفيلا اللي ورى فيلتهم .. مرت عشـر دقايق قبل مايجــي اليوم كان لابس كله اسود بأسود .. طلعت المنظار وناظرته ماكان يشوفني ولاعمره نظر للفيلا خالتي طول الوقت وعيونه على الفيلا ذيك اليوم على غير العاده مالبس كاب وشعره اللي طويل شوي طالع جنــاان .. نفس الحركـه بالجوال كأنه يتصل على أحد ومايرد عليــه أأخخ من هالغبــي .. ونفس الحركـه اللي تعذبنــي بوسته للجوال يالناس قهرر والله قهرر ودي افهم وش قصده من ورى هالحركه .. رفع نظارته فوق شعــره وحط الرجول على الطاوله قدامـــه وغاب بتأمل طووويل للفيلااا الحقـيره صرت اكرها واكره جلسته قدامها .. بعض الأحيان تجيني افكار غبيه اني اصررخ عليه كفااااااايه تناظرها اعميت عيونك بمطالعها.. ومرات افكر اني انزل له وبس بعدين مأدري وش بقول او اسوي .. طبعاً هذي افكار غبيه مستحيل اسويها بس بلحضات مجنونه افكر اسويها وبعدين استخف الفكره ... شفت ود جااايه من بعيــد قربت منه لين وقفت قدامــه قالت له شـي وجلست تضحك وهو معصب منها وكأن يصرخ عليها شكلها زعلت وجلست تكلم معه بالطريقه جديه ماكان يسمعها وكل تركيزه على الفيلا قدامه هزت راسها بيأس وجت تمشــي بأتجاهنا وقبل ماتوصل صدت عليه وصرخت بصوت عالي سمعته غبـــــــــــــــي ..!! دخلت بالسرعه للغرفه خفت تشوفنــي صكيت باب البلكونه ونزلت تحت أنتظرها انا خلااص قررت انفذ اقتراح سارا الحيره بتذبحنــي لازم اعرف كل شـي عن هالأنسـان اللي ساحرنـــــي .. تحت لقيت سارا ومعهــا ود ول عليها كيف سبقتنــــــي سويت نفسي متفاجئه فيها .. ملاك :ود ماشاءالله متى جيتي .. ود :منذُ قليل .. سارا :اعقب يالفصحى كملي سالفتك بـس .. وضح على ود النرفزه .. وش سالفته اللي مسببه له هالنرفزه .. ود :والغبي يحبها .. طالعت بسارا اللي غمزت لي فهمت من حركتها ماأسأل ليش مأدري .. ود :خلونا من سالفته الغبي وش رايكم نلعب بالبلاي ستيشن بروح اجيبه من بيتنا .. بالسرعه قلت لها ابيها تطلع مأدري ليش احس الكلام اللي دار بينهم عن الوليد .. ملاك :اوكي يالله ننتظرك .. ود :غريبه ماخبرك تحبينـه .. سارا :يالعجازه قولي ان ماودك تجيبينـه .. ود بحسن نيه :لاوالله عادي واللحين بروح اجيبه .. قبل ماسمع صكت الباب سألت سارا .. ملاك :وش السالفه.. سارا :شفتي ان سارا اذا وعدت فعلــت المزيون وليدوووه يحـــــــب شوق الماصله اللي ماحبيتيها بنت عمــه .. طالعتها بالصدمـه وش اللي قاعده تقوله يحـــــــــــــــــــــب طيب وأنااااااا ..؟!

جنــــون 08-05-2011 08:43 PM ((3)) حكايــــــه .. ميشو سكبت القهــوه البارده على وجهها بطريقه مفاجئه الجمت لسانها ..صرخت تحت ضحكات سعاد وكريمــــــه .. رندا :مشاعل ياحيوااانه .. عدت لأسكب ماتبقى منها على وجهها مره أخرى ... رند :لااااااااا ميشششو لاااا .. ولكن كما يقال سبق السيف العذل .. بقيت عدت ثواني تطالعني بالنظرات أستغراب على فعلتــي تلك .. قبل ان تنسحب لدورة المياه .. سعاد :حراام عليك ميشو والله ماهي كلمه اللي قالتها خلتك تسوين فيها هيك .. كريمه :افاا سوسو ماتعرفين ميشو ماينداس لها على طرف واللي يرشها بمااي بالدم ترشـه .. راودني أحسـاس بمعاني خفيــه خلف جملتها تلك لم أعرها الكثير من اهتمـامي .. كريمــه :الاصدق سوسو عندي لك عريس لوئطــه .. سوسو :اخخخ مابيه خليه لك .. كريمــه :لااا أنا عندي حبيب البــي توتو .. توتو من وماذا عــــــن فارس .. ميشو :توتو من ..؟! سوسو :توتو متعب ماتعرفينـــــه .! كريمــه :لااا مايصير ازعل منك كيف ماتعرفين توتو .. يألهــي عن ماذا يتحدثن متعب من هــــذا .. ميشو :هل تتعمدان فعــل ذلك .. سوسو :نتعمد فعل ايش .. ميشو :لاشــيء انسي ماحدثتك به ... كريمــه :ميشو شكلك دايخه وش رايك .. قاطعتها .. ميشو :اغربي عن وجهـــي .. لم ترد علي فقط اكتفت بضحكتها اللئيمــه .. سوسو :كريمه والله انك خاسيــه بس عطيني سيكاره .. كريمــه :عادي ولاا .. سوسو :ليش شايفتني مثلك يالمحششه .. كريمه :عن الغلط .. وارسلت لها صندوق سكائرها .. سوسو :والله من اشوف هالصندوق اشتهي اللي فيه .. أخرجت سيكاره لتضعها بين شفتيها وقبل ان تشعلها .. كانت تستقر بين اصابع ريدا .. سوسو :يالعنك .. ريدا :من زمان توك تدرين .. اخرجت سوسو لها سيجاره أخرى واشارت لي بواحده رفضتها .. ريدا :بنات وش رايكم نطرد ميشو من الشله .. سوسو :واااي وش عامله .. ريدا :البنت عاقله .. كريمــه :لااعااد كلوا ولاميشو مارضى عليها لوحكي هذي حبيبتي .. ريدا :يااااااعيني على الحب.. عندي سؤال يمكن تقولون سخيف ويمكن غبي بس ابي أجاباتكم عليه ليه كلكم تحبون ميشو .. واخذت تضحك بطريقه هستريه .. كريمه :ريدا وش شربتي داخل .. سوسو :ريدا اعترفي تغارين من ميشو صـــــح .. ريدا :لاشــيء فقط مجرد تسأل .. شفتو اعرف للفصحــى خلاص ميشو ان بحكي مثلك فصحــى وبلبس عدسات ملونه وابغى كل البنات يحبوني .. كريمـه :بتطلعين صدق جيكره .. ريدا :اكثر من كذا مأظن هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه ... عادت ضحكتها الصاخبــه لتعكر ميزاجـــي لأنها تعيد لي ذكرياتي لأرغب بالتفكير فيهــــا .. يألهــي توقفي عن ذالك لأرغب برؤيته يغرس اصبعه بعينـــــــي ..صرخت بها .. ميشو :كفــــــى ..!! تلى صرختي صمــت قصير .. ريدا :ميشو وش فيك .. ميشو :لاشـيء سأخرج لأستطيع تحمــل ضحكاتك تجلب لي الصداع .. امسكت بيدي .. ريدا :لااخلاص حبيبتي والله بسكت ليه ماقلتيلي انك مصدعه .. ميشو :كلااا اتركيني سأخرج .. كريمــه :خلاص أتركيها ميشو خلي السواق يوصلك .. هزيت راســي بالموافقه ارتديت عباءتي على عجل وحملت حقيبتي وخرجت بالســـرعه ... المنظــر ينعــاد امام عيناي احاول ان ازيد من سرعتي لا أريد رؤيته مره أخرى لاأريد معاودة الألم .. فركت عيني من خلف الغطاء اشعر بنفس الألم فيهـــــا .. ركبت مع سائق كريمه وطلبت منه ايصالي الى المنزل .. بعد الحادث الذي تعرضته له مع سفر الأخرق لم اعاود الركوب معـــه أصبحت أخشى حتى المرور من جانب تلك السياره .. كان حادث فضيع يصيبني الحديث عنه فقط بالأعياء رغم ان اصاباتي كانت سطحيه .. كان ذالك الأسبوع الاسوء بحياتي .. خلف السافل وفعلته بعيني والحادث الذي تعرضت عليه ثم وفاة والدة ابي ... الأمور تلك جميعاً كان لها دور كبيــر بتدهور حالتي النفسيـــه .. توقفت السياره امام المنزل .. حدثت نفسي وأنا افتح الباب بأني أخطأت بالعوده للمنزل المواجــهه مع ضحــى ليست أفضل من ضحكات ريدا المسببه لصداعـــــي .. أستقبلتني ضحكــة الصغيره شدن وقد توقعت انها نسيت الضحك بسبب معاملة ضحى السيئه لها ... صرخت بأسمــي وجاءت تركض الي .. شدن :ميشو شوفـــــي بابا ايش جاب ليه .. واشارت للعصافير الصغيره داخل القفص الذي تحمله واشارت الـــــى عساااف .. اخذت اوزع نظراتي بينها وبين ذالك السافل .. يألهي هل فعلها النذل ..؟! .. كيف تجــرأ من اين له هذه الثقـــــه .. ولجت الى المنزل وانا احاول استيعاب ماحدث مالذي يجــري .. الم تيأس الحيــاه من معاندتنا والسيــر ضد رغباتنا .. الم تتعــب من تلاعبــها بنا .. الم تكتفــي بماقدرته لنا من مصائب حتــى الآن .. آآآآآه ياعزيزتي ضحــى كما اشفق عليك استغل انهيارك النذل وفعلها الجبان اجل فعلها .. الجميع اعتقد انه اضعف من ان يفعلها .. تصرفاته منذ عودته وحرصه على عدم اخبار شدن بأبوته لها جعل الجميــع يعتقــد ان شدن لن تعلم ابداً الحقيقــــــه وهو لن يتجرأ ابداً على أخبارها .. لـن اصمــت لن اخذ موقف المتفــــــرج عساف ايه النذل حان وقت الأنتقـــــــــــام منك الم اتوعدك من قبل صدقني ستنال ماتستحقـــه فقط هل تعتقد انا لن نخبــر شدن الحقيقه الصافيــه ولماذا لانخبرها هل يظن انا نخشــــاه ياللغباءه .. وعد :انتي ام الفصحى وش فيك واقفه تقل تمثـــال الحريه بمدريد مادري بالدوحــه .. تمثال الحريه في الدوحــه ..!!! .. يال حماقة هذه الصبيه اعتقد انها الأغباء على مستوى العالم .. ميشو :أي غباء يجعلك تتركين شدن بالخارج مع ذالك السافل .. وعد :والله وأنا اختك ياختي من ابــي شدن تجلس مع والدها وليش مع السافل اللي تكلمين عنه بس من هو سافل هذا لاتقولين واحد من عيال الجيران الجدد اللي بأخر الحاره تراهم مره غثيثين وعيالهم كثــر النمل حتى ان امهم تقول الواحد بعشرين ريال فقط وانا فكرت اشتري لنا واحد يشتغل عندنا بالبيت بس نواف قال لي انه حرام هذا يرجع ايام العبوديه والرقيق الا صدق ميشو بسألك انتي كنتي عايشه بذاك العصــــر .. قاطعتها ..

جنــــون 08-05-2011 08:44 PM ميشو :توقفي عن هذه الثرثره المسببه للصداع .. وعد :تبين اسكت اشتروا لـي بلاي ستيشن النذله ضحــى خلتني انجح وخونت فينـــي.. ميشو:وماشأني أنا .. وعد :اووووووف اصلاً انا ليش جالسه اهرج مع كتاب قواعــد ..ياويلي يقولون قواعد ثاني متوسط صعبه ياليتني مانجحت من أولى.. ميشو :وعد أذهبي وأحضــري شدن من الخارج .. وعــد :كم تعطينــي .. ميشو :وكم تريدين .. وعد :ماني طماعه ابي عشــرين ريال مو ورقه وحده لاورقتين ومن الفلوس الجديده ... ميشو :حسناً لابأس .. اطلقت صفير قوووي وخرجت وهي تقول .. وعــد :ياخوفي يجي يوم واحبك فيه ياكتاب القواعــــد .. عادت بعد دقائق وهي تسحب شدن التي تصــرخ رافضه الدخــول ... شدن :فكيني ياحمااارررره اكرهكي والله اعلم عليكي مااماا ... امسكت بها .. ميشو :لابأس ياصغيــرتي تعالي معي ارغب بالحديث معك .. شدن :حسناً سأءتي دعيها تتركنـــي .. وعد :لاحبيبتي ماراح افكك لين تنق لــي العشـرين ريال .. ريال ينطح ريال .. تركتها بعدما دفعت لها المبلغ المطلـــوب .. ميشو :تعالي ياعزيزتي مارأيك بحكايه جميله .. شدن بحماس :رائع ارغب بذالك بالشده .. وعــد :وانا بعد ابي اسمع القصــه يوم كنت صغيره ماكان احد يقولي حكايه .. شدن :ماما ماكانت تقول لك .. وعد :خبله انتي ضحى كانت كبري ايامها .. يالله كتاب القواعد قول لنا حكايه بس تكفين بدون كلمات صعبه .. جلست على احد المقاعــد وأحاطتا بــي يستمعان لما أرويه بحماس شديد .. رويت لهم حكاية الطفله الصغيــره ومرضها وتخلـي والدها عنها وزوجته الأم الحنون التي قامت بتربيتها وفعلت الكثير من أجلها .. وعد بغباء :ياحليلها المسكينــه الحيوان ابوها ياكرهي له يشبه لأبوي .. الم اخبركم ان هذه الفتاة تستحق لقب الفتاة الأغبى على مستوى العالم .. شدن :وماذا حدث بعــد ذالك .. اخبرتها كيف عاد الأب الشــرير وكيف اعتقدت الفتاة الصغيــره انه مجرد زوج عمتهــا المتوفاه .. وكيف بعد ذالك اخذ يتقــرب من الفتاة حتــى اخبرها انه والدهــا وبعد ذالك اخذ يحرضها على والدتها ليحرق فوائدها على ابنتها الصغيــره .. وعــد :الحقير ياعززي عن امها المسكينــه .. صرخت شدن بأعتراض .. شدن :لاااا ماحبه انا .. ميشو هذا بابا وانا البنت الصغيره .. لم اصدق حديث ضحــى عن ذكاء شدن الخارق .. الآن فقط ايقنت بصدق حديثها .. ميشو :اجل ياصغيــرتي هذا والدك لقد ترك حينما كنتي صغيره وفي غاية الحاجه أليـه وكان يخبر الجميــع بموتك فقط لأن الأطباء اخبروه بمرضك وصعوبة حياتك ... اخذت تبكي بألم وهي تكرر ماحبه أكرهه انا أحب ماما ضحــى وبس .. وعــد :ميشو انتي تكلمين عن عسـاف وأنا أقول الحقاره هذي ماهي غريبه عن عايلتنا .. شدن :اكرهه مأحبه بروح ارجع له عـصافيره مأبيها .. ميشو :كلا لاتفعلــي فهذا من حقك لاتحبيه ولكن خذي كل مايعطيك .. شدن :لااا مأحبه مأبي اخذ منه شــي ليه هو ماكان يبغاني ويقول مت ليه مايحبني أنا بنته .. ميشو :توقفي عن البكاء ياصغيــرتي هو لم يريدك ليس لأنك سيئه ولكن لأنه سيء لم يريدك فهذه الأفعال لاتصدر الا من الأشرار اليس كذالك .. وعــد :ايوه صح الشريرين هم اللي يرمون عيالهم تصوروا لو ماعندنا جدتي وضحى كان صرنا فملجأ للأيتام .. ميشو :ولكن جدتي لم تعد موجوده .. ظهرت الصدمه على محياها .. وكررت جملتي بحزن .. وعـد :صح جدتي ماهي موجوده ..ليه هي ماتت ياليته مبارك ولاعساف القذرين .. ياصغيــرتي البريئه يامن لم تسمعي قول الشاعـــر ماكل مايتمنى المرء يدركـــه تأتي الرياح بمالاتشتهي السفـــن ..

جنــــون 08-05-2011 08:44 PM ((4)) وأنكشـــــف الــسر ..!! في مكتبـــه بالبنك جالس وبيده كوب شاي برد وهو مليان وتفكيـــــرره أخذه بعيــــد بعيـــد رجعه شهـــر ورى .. راجع من الدوام قــرفان وخصوصاً بعد رحلة بحــث خايبه عن مجهــوله .. انفتح باب جيرانهم بقــوه وطلعت منها تبكــــــي وتصـررررخ بالطريقه فجعتــــــــه .. سارا :لاااااااااااا ماماتتت لاااااااااااااااااااااااا .. شهــد تبكي:ساارا تعاالي أدخلي .. سارا تبكي وهي طايحه على الأرض :لااااااااااااا ياكذابين مااابي جدتي ماماتت ماااأبـــــــي .. شهد :سارا تعالي حرام عليك كفاايه ملاااك .. قرب منها ماقدر يتجاهلها .. قيس :وش فيكم .. سارا تبكـــي الصدمه قويه عليها مو صاحيه بقيس ولابغيــره .. قيس طالع بالباب اللي واقفه وراه شهد تنادي على سارا تبغاه تدخــل:وش فيكم ..؟! .وش صار..؟! وش فيها ..؟!!!!! ردت عليه بالشهقه :جدتي ماتت الله يخليك قلها تدخــل .. بالصدمه شهق :مااتت .. سارا من سمعت الكلمه صرخت بقهررر :لاااااااا ماماتت جدتي لاااا اهى اهىىىىىىىىىىىى .. عوره قلبـــه من منظرها جالسه على الأرض وتبكي بعدم حيله وهي تسقي الرصيف بدمع عينها تبكي بقلة حيله هو عارف صعوبة الموقف اللي هــي فيه تبكي أنسان عزيز عليها راااح ومستحيـــل يرجع آآآآه ياقساوة الموقف خلاااص راحت مستحيل لو ثانيــــه ترجــع .. فصخ شماغه ورماها عليــها .. قيس :سارا أدخلي بكاك ماراح يرجع جدتك ... يوم شافها ماتحرك بالعكس زاد بكاها بدأ يصارخ عليها ويهددها أنه بيظربها بعقاله .. حس انها رجعت لعقلها تهديداته المخيفه رجعتها للواقــــع .. ماكان هين عليه يصرخ عليها وهو يشوفها تبكــي حتى لو يكرها يتنرفز من شوفتها من شكلها بس هذا مايعني ان ماله قلب ويعوره صياحهــاعلى الأنسانه اللي كرهته فيهــــــا .. ايه جدتها هي اللي كرهته فيها من كانت صغيـــره هي وجملتها اللي كان لها عليه تأثيــــــر السم سارا لقيــــــــس وقيـــس لسارا .. الجملــه هذي كانت كفيله أنها تخيله يكرها كــرهه للموت .. وطبعاً تتمت الجمله كانت ملاك لجابــــــر .. هالجمله كانت امــه من اشد المناصرين لها وهي اول من قالها حتى قبل ماتقولها جدتهن بس جدتهن كانت اكثر من يكررها .. كان كل ماسمع الجمله وشاف سارا حطت حرته فيها وظربها لين مايشفي غليله مو هي زوجة المستقبل اجل تستحق اللي يجيهـــا .. نفس الشعور اللي صاحبه هو صغير او بالأحرى من كان مراهق بعمر الـ 14 سنــه للوقت قريب كان يشعر فيه كل ماسمع اسمها اوصوتها او شافها لين تحــرر بعد مازوجت أمه جابر لوحده غيــر ملااك يعنــي الكلام ذاك ماهو قانون مفروض عليه ولازم ينفذه مثل ماتهرب جابر يقدر هو يتهــرب حتى امه من طاحت الجده ماعمرها جابت ذاك الطاري بالعكــس ماصارت تطيق بنات مبارك وصارت تحسس من طاريهم مع انها بأحيان كثيره تشفق عليهن .. قطع سرحانه صوت الجوال .. قيس :مرحبا ابو خلوف .. خلف :هلا والله ياالله حيه كيف الحال .. قيس :بخير الله يسلمك .. خلف :بالدوام .. قيس :ايه اللحين طالع تبي شـي .. خلف :لااكنت بمر عليك بس دام انك بتطلع اشوفك بالأستراحه الليله .. قيس :لو شـي ضروري تعال شغل يعني .. خلف :لأاا موضوع شخـصي اقولك عنه بالأستراحه .. قيس :طيب اشوفك هناك .. مع السلامه وسلم على اللي عندك .. خلف :يوصل فمان الله .. طلع من المبنــى وقابلته شمـــس الظهر القويه لبس نظارته الشمسيــه ركب سيارته وطلــع فيها على البيت .. عند الأشاره شاف حرمه كبيره بالسن تشحذ وتذكــــــرها آآآآآه منها ومن ذكراها ليه ماهو قادر ينساها اوووووف ماصارت شحاده اللي مشغل باله ومتعبـــه تفكيــره الله يأخذك يأبليس هو اللي معلقه فيــــــها ماكانت عاديه تصرفاتها ولاطريقتها بالكلام اسخر منها ماشاف هيئتها بالعباه همس له صوت:جسمها عذآآآآآآآب .. ويدها آآه يايدها قبل مايغمض له جفن كل ليله يتصورها ......... قيس بصوت عالي وبهزة راس:استغفر الله العظيم .. تذكر يوم ركبت معه مره تدرون وش فكر فيــــه يخطفها ايه يخطفها .. كانت فاتنه وهي جالسه جنبـــه تصدقون انه مد يده بيلمسها وهي ماكانت منتبهه عليه ترد على كلام قاله وهي تطالع مع الدريشـــه .. ماصدق انه نزلها من سيارته وهو ماسوى فيها شــــي ..هواجيس وأفكار شيطانيه كانت تراوده طول ماهي معه وارتاح كثير يوم نزلها .. وماهي بس المره ذيك اللي فكر فيها يخطفها مراات كثيـــــــره ومن يلومــه وحده مثلها المفروض تكون متوقعه مثل هالمواقف تعــرض لها .. يتمنــــــى يلقاها ومايتمنـــى لأنه اذا لقاها مايضمــن نفســـــه هو خلاااص مفتووووون لأبعد الحدود فيها .. يمكن اختفائها من رحمة رب العالميــــن فيها .. قدام باب بيتهم شاف اخوه يلعـــب مع بنات الجيران غريب حالهم ذولا مايحســون بحر بالشمــس .. ابتسم يوم تذكر ان هذا حاله يوم كان بعمـــرهم شكله شـيب .. وعـــد :يااااااحررآآآآآم المسكين مداووم ياعزي عنـــــــه .. نوف :يستاهلووون اللي مثله المفروض مايعطونه اجازه ابد .. وعــد :منير والله لو أنه اخوي أنتحرت الله يعينك عليـــــه ويصبرك ... كان تثيرني هالكلمــات بس مأدري ليش بعد وفاة جدتهــم ماصرت اهتم لكلامــهم الله يعينهــــم مساكيـــن ..

جنــــون 08-05-2011 08:57 PM ((5)) بحيـاء أُحُبها منيــــر صرت احترم قــيس كثير بعد موقفه مع جابر وفادي .. ومع الأيام بدأ يزيد أحترامــي له لأن معاملته تغيـــرت معي صار يعاملني غير عن قبل حتى أنه صار يناظر فيني يوم يكلمني ماهو مثل قبـــل احسه كان يحقرني لدرجه اني صرت اشوف نفســي حقيـر منها.. وعــد :منيرر يالفاهي امشـي بنرجع للبيت .. نواف :شوق مسويه مكرونه حمراء يحبها قلبك .. وطلعن يمشن قبلـي وأنا أمشــي وراهن .. احبهــــاا .. عضيت على شفايفي معنى هالكلمــه مو حلوو لو سمعه احد منــي بس أحبها ياربــي قلبي كذا حبها قلت لواحد من اصدقائي وضحك علي يقول تونا صغار على هالأشياء .. بس ماعلي منه انا حبيتها وخلاص يعني احتري لين اكبر شــوي عشان احبها اوووووووف بعض الناس تفكيرها مثل وجيهم .. صح اني احب كل بنات جيرانا بس هي غيــــر عنهم كلهم احسها حنونه وطيبـــه وكذا قلبي يحبها ياءالله ماعرف أفكر بهالموضوع من غيــر مايحمر وجهي ياااربي متى اكبر عشان اتزوجهـــــا .. اكيد امي بترفض تخطبها لي مثل مارفضت تخطب مشاعل لجابر بس انا بصر وماراح اسكت مثل جابر الغبـــي اصلاً جابر النذل مايستحق يتزوج مشاعل صح احسها بارده ومالها وجود وبعيــده مره عن البيت بس بعد ماتستاهل واحد مثل جابــرثقيل الدم.. بجد كنت انقهر يوم اشوف سارا تحبه وتكلم عنه صدق غبيـــه .. ياااربي عندي سؤال دايم افكر فيه هي يعني تحبني مثل مأحبها فبالي فكره غبيه انها ولاتدري عنـــي .. ياااربي لاااماودي أتحطم ويصير حبي من طرف واحد مثل المسلسلات وتطلع هي تحب واحد ثانــي ..!! وعــد :يووووووه منير وبعدين معك وش فيك اليوم بس مفهــي .. منيــر :لأااتصرخين وجع اسمعك .. وعد :انت حمار ليه واقف روح اغسل يديك وتعال تغداء .. رحت بالسرعه غسلت يدي وجلس اتغداء معهم .. جلست معهم على السفره وبدون احساس سرحت فيها وهي منزله راسها وتأكل .. تذكرت مره كانت يدي مجروحه .. كانت تسألني بحنان :منير توجعك .. يومها انربط لساني وحسيت فجأه اني أحبها وجتني الصيحه يوم نزلت دموعي عطتني منديل امسحـهن كان تحسبني ابكي عشان الألم صدق البنات مخفات بس قهر وش بتقول عني ابكي مثل البزران عاد هي خلقه تشوفني بزر وماأفهم مو بس انا كل الناس عندها كذا مو اقولكم حنون وطيبه زياده عن الناس .. نواف :منير تبي شطه طيبه مررره .. منير :وش تحتري تشاور بعد صب لي .. هند :ابوك يالعربجه وش صب هذي لبن هوو .. نواف :هند يالعصلا انطمي .. منير :ايه صح وين أختكم شيهدان .. شوق :شهد نايمــه .. آآآآآآه ياااحلو صوتها يهبــــــــــل ناعم رقيق مثلها ماهو مثل خواتها العربجيات الوحده كل كلامها سب وشتايم يالناس احبها يارب تحفظها لـــي .. جاء بخاطري اسمع أغنيــه لخالد عبدالرحمــن (الولد يسمع بالرومانســيه ههههههههه ) ولا حتى لطلال المداح يالناس ابي اسمع اغنيــه وبس ولو شاطر شاطــرر .. هند :بتابعون الفيلم بعد الغداء .. وعــد :مادري نلعب كوره شباب ولانتابع الفيلم .. نواف :لاا لاا نجيب اسكريم وفيشار ونتابع الفيلم .. هنــد :حلووووو واخيراً بيجلس أحد معــي .. منيــر :صدق انك خبله وش تبين فيهم خذي راحتك قدام التلفزيون .. وعــد :وش قالوا لك اختي مفجوعة تلفزيون مثلك من شال الوحش الدش من بيتكم وانت صاير مغلوث فضائيات .. هند :وعد من صادقتي لطيفه وكلماتك مررره رايحه فيها وش مغلوث هذي ..؟! وعد :اخخخ لاحضتوا بس شــي عاجبتني .. منير :من هبالك عاجبتك ..ايه صح سددتوا الدكان .. وعد :لااا الله يعين ماراح يعطينا الحين .. منير :عادي نكتب على حساب بيتنا .. نواف :لابنكتب على حسابنا ومن ورى خشمـــه .. وعد :ايوه ياحمش تعجبنـــي .. شوق :نوف لاتسوين كذا ترى هذا مهما كان رجال .. منيـر :لااتخافين انا معهـــم ولاا ماني رجاال .. شوق :لاا افا عليك اكيد رجال وستين رجال .. يالناس ويني ماني لاقـــــي نفــسي خلااص ذبت فديتـــــــــــــــــــهاا احبهااااا .... تشوفنــي رجال مو بزر مثل ماكنت متـــوقع خلاااص اناا الليله بذبح نفســي من الوناســـــه .. (هـع مسكين صدق البنت قالت الكلمه تأخذه على قد عقلـــــه ) ..

جنــــون 08-05-2011 08:57 PM ((6)) بدايتها خيبـــه عســاف أسبوع كل اللي بقــى مع اسبوع اليوم اتصلوا علـــي الشغــل يبوني أرجع انا طلبت نقــلي للرياض ولاحتى للدمام اهم شـي تكون الوظيفه داخــل المملكه بس ماردوا علـــي واللحين لازم ارجـــع .. وأنا راجـــع بس قبلها بصفــي حساباتي هنــــا .. انفتح الباب وصرخت بوجهي .. وعــد :خير وش تبي .. دفيتها عن طريقي ودخلــــت .. عساف :وين اختك قولي لها تضف أغراضها وتجـــــي .. وعد :اختــي من .. عساف :انقلعي ناديها .. وعــد :انا ماستهبل اختي من .. عساف :ضحـــــى .. وعــد :ايوه ضح ضح بس ليش تضف اغراضها .. هذي فاضيه تسأل .. عساف :انقلعي ناديها .. وعد :اوكي لاتزف بررووح موعشان خايفه منك بس ودي اشوف ضحــى وهي تغسل شراعك .. ودخلت تركض ..الحيوانه قالت تغسل شــراعي تخســى هي ووجها ..ذاك اوول اللحين صاير زي الخبله انا من بعد ماشفتها تبكي مثل المهابيل يوم درت ان جدته ماتت عرفت انها ماهي ذيك القويه اللي كنت اتصورها .. كانت توها راجعه من القريه اللي تروح تدرس فيها وماتدري عن موت جدتها اللي صار له يومــين .. تهاوشت معي يوم شافتني طالع من البيت ومع احتداد النقاش طلبت مني الطلاق وأنا هددتها ان بطلبها للبيت الطاعــــه .. وأنا عند تهديدي اذا مارضت اللحين تطلع معـــــي .. مرت عشر دقايق وأنا احتريها طلعـــــت بعدها ومعها شنطتها وماسكــه بيدها شدن ... مو قلــــــت لكم صايره خيخـــه ياخسـارة ملاحقــي وراها ..!! تركت الشنطــه وراحت تمشي للباب بتطلــع .. شلت شنطتها ورحت امشي وراهن .. ركبت ورى وشدن معها .. قلت لشدن بعد ماركبت ... عساف :شدن حبيبتي تعالي قدام .. احتريتها تجي ماجت رجعت اقولها ماردت علي مطنشه .. عساف :شدددن ماتسمعين تعالي قداام .. ضحــى :تراك ازعجتنا البنت ماتبي تجي قدام خلها على راحتها .. تأففت وحركــت السياره .. عساف :ليه جبتيها معك بنروح لفندق .. ضحى :لااا ايش الله يعافيك مصدق نفسك روح للبيت بـــــــس .. اقهرتني كلمتها بس صدق وجــــه فقر وش هوله اخسر نفـــسي عليها .. شدن :ماما وعد زعلت يوم رحنا وتركناها .. ضحــى :ماراح تطول زعلانه كلها كم ساعه وراجعين لها .. مافهمت وش قصدهــــا بس بالمشمش ترجــــع .. شدن :نسيت عصافيري من بيعطيهم اكلهم .. ضحى :شوق بتأكلهم .. البيت ماكان بعيــد لأنه بنفس الحاره بس انا طولت المسافه مأدري ليـــه يوم حسيت ان الأمر خلااص صار واقع مقــرر حسيت بنفســي تخذلني .. معقـــوله ياعساف ياغبائك ياشيــخ لايسمعك خلف يثور فيــــــك .. دخلت السياره للحوش ونزلن .. فتحت شنطة السياره ونزلت الشنطه المتوسطــه معقول بس ذولي اغراضهــن هذي ماتكفي شدن لحالها .. كيف بالمــدام شكلها متعمده تسوي الحركه اخذه مني مهر ضخم ولاجهزت ولاشـــــي بتقهرني بس دواها عنـــــدي .. فتحت الباب ودخلــت ودخلن هن من وراي .. عساف :سموا .. ماردوا علي فتحت الأنوار .. البيت كان نظيف ومرتب من اشتريته واثثته كل اسبوع اجيب عامل ينظفــه طبعاً انا قررت نسكن بالدور اللي فوق بس واللي تحت بأجــره على الأقل استفيد من المبلغ اللي دفعته فيــــه .. عشان كذا الاثاث كان مختصــر تحت بس موكيت بعض الدواليب والمطبخ اللي تحت فاضي .. ضحــى :وش هذا وين الأثاث .. عساف :تمصخرين تراه اكثر اثاث من اثاث بيتكم .. ضحــى :بيتنا من حناا البيت بيت عمتك وولدها حنا ولاايا مابيدنا شــي نسويه ومحد يشره علينا .. اكــرها لاتكلمت كذا اكره قوة ردودها وذكائها .. رغم ان هالــشي هو اللي يشدني لها ابي امتلكها اصير اقوى منهــا اقوى من هالذكاء والشخصيـــه .. ابغــى اتفوق عليها ورجولتي تضمن لــي هالتفوق ... عساف :ليش ائثثه وأنا بأجره .. طالعتني بنظره طـــويله .. ضحـى :احسن بعــد مصدر دخل ثابت استفيد منه وأفيد خواتي .. لاا هذا اللي ماحسبته حسابه كان كل تفكير اعوض اللي خسرته بالبيت ونسيت ان هالبيت بأسمها والأيجار بيرجع لها .. اخخخ من بدايتها خيبـــــه الله يعين على الجااي ... نهايــــــــــة الحلقـــــــــــه

جنــــون 08-05-2011 08:58 PM الحلقـــه السابعــه والعشــرون عســاف تمالكت أعصابي موبصالحي اني افقدها والليله بالذات .. سألتها بطولة بال وأنا اشوفها هي وشدن جالسات على الأرض ويتحسسن الموكيت .. عساف :مطولين .. ردت علي وهي لسى موطيــه .. ضحى :مانت مجبور توقف فوق روسنا .. بعدين وش هالموكيت الخايس هذا لايكون جايبه من الحراج اعرفك من يومك شحيح .. عساف :ماشاءالله ومن متى عارفه هالمعلومه من عشرة ست السنين اللي بينا .. قامت على حيلها وواجهتني وبوجها ابتسامه تغيض.. ضحى :لاا وانت الصادق من قبل هالعشره من ايام عمتـــــي .. عساف :لاتطرين ميتين .. ضحى :تخاف من الموت ..مــردك له .. وآخرتها يعنــــــــــي ياصبر ايوب ..لو جاريتها بالهرج ماهي خالصه لو اني ابي اسولف معها ماعطتني وجه .. رحت للشدن اللي للحين موطيه على الأرض وسحبتها معي .. عساف :امشوا نشوف فوق وش تبون هنا وماهو بصاير لكم .. ماعلقت مشت ورانا وهي ساكته .. وطلعنا الدرج اللي كان على جنب مو وسط البيت وبينه وبين الدور الأرضي قاسم وباب .. درت بعيوني على الصاله اللي تعتبـر متكامله من ناحية الأثاث اشوفها بس تكلم .. حسيت بالشدن تجر يدها من يدي وتروح لضحى ... شدن :يالله ماما راحت ساعه يالله نرجع للبيتنا .. عساف :ومن قالك انك بترجعين هذا بيت ابوك ومالك بيت غيــــررره .. شدن :يالله ماما ندق على سفر يجي يأخذنا .. ضحـى :وش رايك شدونه بيتنا الجديد توقعين يعجب وعد .. شدن :يعني موحلو مره ووعد خبله أي مكان جديد بيعجبها .. كانت جالسه على كرسي بنص الصاله ومجلسه شدن على رجلها وتلعب بالشعرها .. وكملت وهي تناظرني بالطرف عينها وكانها قاصدتني بالكلام.. ضحــى :وش رايك نجلس هناكم يوم نجرب العيشه فيه اذا اعجبتنا جلسنا على طول .. شدن :وتجي وعد ونوف وشوق وسارا وملاك ومشاعل وهند وشهـد كلهم يجون عندنا.. ضحـى :اكيد حبيبتي هذا بيتــــــــي .. شدن :والله صدق هذا كلوا بيتك .. ضحى :ايوا حبيبتي انا عمري كذبت عليك .. شدن :لاااا الله وناسه هذا بيت ماما .. وطالعتني بأنتصار وبدلع طالعت بالضحى ... شدن :ماما بروح اتفرج على بيتنا الجديد .. بالتريقه سألتها .. عساف :وانتي ماودك تشوفين بيتكم الجديد .. حطت رجل على رجل وجرت عباتها تضفي فيها لبسها .. ضحـى :انا راعية البيت ماني مشاورتك لو بطالع بالبيت .. عساف :انتي ليه تبين تستفزيني .. ضحى :استفزك وش تعنـــــــي .. عضيت على لساني من القهــــر انا بتفقع مرارتي هالمــــره ..رديت عليها وانا اجلس على كرسـي قبالها .. عساف :افا ابله ضحـى ماعرفت معنا تستفزيني .. ضحـــى :تصدق يقولون عني أبلللة رياضيات مو عربي .. كانت تشدد على حرف اللام وهي تقول أبله تحسبه دلع الحبيبه .. طلعت من شنطتها جوالها وجلست تلعب فيه .. كانت موطيه عيونها جلست اتأملها وجها بيضاوي ومليان عيونها بنيه متوسطه ماورثت من أبوها جمال عيونه بس نقدر نقول عنها حلوه نوعاًما رموشها كثيفه بس ماهي طويله ترتيبها الطبيعي حلو ونجي لأحلى شـي فيها حواجبها المرتفعــه والشعر فيها خفيف واللي تخلي أي واحد يشوفها يقول مغروره خشمها من فوق نحيل وحلو بس من تحت يكبر بالطريقه ماتشوه تناسقه شفايفها عاديه ماعمري شفتها حاطه عليها روج عشان اكحم عليها حلوه اولاااا .. بس للأسف ثاني احلى شي فيها شعـــــرها مغطيته بالطرحه ماني قادر أتأمله وملي عيني من جماله بس بأمكاني اغمض عيونه واشوفه بني يمل للحمــره طوووويــــل بشكل يعــذب يتمايل حول خصـــــرها لااااااااااااااااااااااا صح لااا احلى شي فيها ماهو حواجبها ولاشعــرها جسمها آآآهه جسمــها وآآآآخ يجسمها حتى وهي ساترته بهالعبــاه مو المفروض العباه تستــر أجل ليش اشوف جسمها فتـان من وراها..ماصارت عباه هذي انا لازم أقولها تغيـرها بس موكنها راح تكرشنـــي .. وقبل مأفتح فمي بأي كلمه جت شدن تركــض ورمت نفسها على ضحــــى .. شدن :ماما فيه غرف كثيره وين ننام .. ضحــى :بالغرفه اللي تعجبك .. مسكتها مع يدها وسحبتها توقف .. شدن :تعالي يااالله بوريك الغرفه اللي أبي انام فيها .. وقامت معها كان ودي اقوم وأرجع أجلسها اخخخ من هالنتفه يعني لازم تجــي وتقومها وأنا توني ماخلصت تأملها اللي ماعمري تهنيت فيــه ودي أجلس معها عشر دقايق بهدوء اشوفها وبس محد فينا يتكلم أناظرها وتناظرني بس ماهو بنظراتها اللي تهز ثقتي بنفسـي ماهي نظراتها اللي تصغرني فيها وتخليني اتمنى اللحضه اللي بتنزل فيها عيونها .. لااا ياعساف موكذا وش تبي بعشر دقايق وهي لك العمــــر كله تأملها وتشوفها على كيفك .. قمت وراهــن بالشوف الغرفه اللي تبيها السنيورا شدن هالبنت مع انها بنتي والمفروض تكون طالعه علي مالقيت فيها شــي ينسبها لــي بالشبه تشبه لأمها وبالطبايع راضعــه خبث بنات مبارك اللي من أصغرهن لأكبرهن خبيثـــــات بمعنى الكلمـــــــه .. ومثل ماخطرلي طويلة العمر مختاره غرفة النوم الرئيسيه بنت فقــــــر من طلعت على الدنيا وهي تنام على الأرض يمكن ماتشوف السرير الا بالتلفزيون .. كانت تقفز على السرير فرحانه وطويلة العمر تضحك لها .. ووقفت على الباب متكتف .. ضحى :العبي حبيبتي انبسطي ببيت امك .. وكملت الخبيثه مو قايل لكم خبيثه وطويلة لسان وداهيـه .. شدن :واللي موعاجبه ينتف حواجبـه صح ماما .. عساف :اكيد حبيبتي خذي راحتك تفداك الغرفه كلها ترى بس مشتريها بثلاثين ألف .. شدن :ريال .. عساف :لاقرش .. ردت علي وشكلها فاهمه اني اتمصخر عليها .. شدن :ريال يعني مو يورو .. عسـاف :ونعم التربيه .. ضحـى :على الأقل ربيت .. شدن :اووووووف بنرقد حنا تعبانين يالله اطلـع .. لفيت عنهــم وطلعت طرده على مستوى وهذي ثاني خيبــــه وشكل خيباتي اليوم كثيــــــره ..

جنــــون 08-05-2011 08:58 PM مـــــلاك صحـيت من النوم ونزلت تحت اتأكد من باب البيت اذا كان مقفل أولا وبعدين رحت أتأكد من دريشة المطبـــخ لأول مره البيت يكون هاادي مثل هالوقت الساعه توها ثلاث من بدت العطله مانمنا قبل الساعه تسع الصبح بس اليوم غيــر بعد ماتركتنا ضحــى ايه تركتنا كنا عارفين انها مصيرها تروح مع عساف بس ماهو بهالطريقه وبهذا التوقيت بالذات تونا ماتعافينا من صدمة موت جدتي تجي تصدمنا بفعلتها هذي الصراحه ضحى ماعاد افهم لها كيف كذا تمشي وتخلينا بدوين توصيات توجيهات وهي اللي ماتمل منهن دايم كل ماجت بتطلع لو للدكان عطتنا قائمة ارشادات وتوصيات طويله عريضه واللحين وهي طالعه لأجل غير معروف كلمتين على بعض ماقالتهن طلعت بكل صمت بس قبل ماتصك الباب وراها همست بـ مع السلامه ولاكلمه ولاهمسه ولانظره زياده بعد هالمشمهد طلعوا خواتي ينامون وواضح عليهم متأثرين بس ماهم قادرين يبكون مثل وعد اللي بكت لين داخت .. ماني عارفه كيف بنقدر نتأقلم مع حياتنا بدون جدتي وضحــى صح مشاعل موجوده بس وجودها مايعطينا ربع الأمان اللي كنا نحس فيه بوجود ضحى وجدتي يوم ضحى راحت تدرس بالقريه ماحسيت بأنعدام الأمان اللي جالس احس فيه اللحين لأن جدتي كانت فيه بس مجرد تفكيرنا بوجودها وانها موجوده هناك بالغرفه ذيك يشعرني بالأمان على الأقل ماكنت احس انا بنات ضعيفات مكسورات من غير رجال .. فعلاً هذي هي الحقيقه حنا بدون رجال ضعيفات عرضه للمخاطر اللي تعج فيها الحياه اليوم وعرضه للكلام الناس اللي مايرحم صح حنا ماسلمنا منه بس اللحين بنصير حديث كل لسان بعد ماصرنا ثمان بنات أكبرنا تبات بالبيت يوم وثلاثه تباتها برى صح حنا عارفين وين تبات بس الناس وش دراها انا واثقه فيها مثل ماضحى كانت واثقه منها وماأدري على أي اساس كانت بانيه هالثقـــه اصلاً حتى لو عرفت انها تسوي شي خطأ بقدر أمنعها اكيد لاا هي حرة نفسها ومحد له شور عليها كل اللي اتمناه انها قد ثقت ضحى فيها.. لو كان عندنا رجال اب اخ لو حتى مجنون ومو صاحي لو بزر ورع على الأقل اسمه بالأخير رجال .. كثير سألت نفسي ليه ابوي يسوي فينا كذا ودايم الأجوبه اللي القاها اسخف من انها تكون حقيقه .. كل هذا عشانا بنات طيب لو ابونا هذا عنده ولد واحد بس راعي مشاكل ماكان بيعيش حياته مرتاح وطول الوقت بصير شقيان معه كيف لو تسعه ..تسع عيال كيف بيكون وضعه معهم وكيف بيطلعون اكيد ماراح يكونون كلهم مسالمين حبوبين كافين خيرهم شرهم .. بيطلع منهم المنحرف والسكير والمشكلجي والبطالي ويمكن حتى الأرهابي ويمكن يطلع منهم واحد ولاأثنين عاقلين .. طيب لوبس عنده بنت وحده معقوله بتوصل بمواصليها للي يسويه الولد اكيد لااا وهذا حنا ثمان ومأتوقع انا معذبين احد معنا هذي ضحى وهي مو رجال ولاأم لنا أقدرت تمسكنا اجل هو الرجال واللي ينقال عنه ابونا معقوله ماكان بيربينا التربيه الصح هذا اذاكان هو انسان صح ... سارا :مليون مره قلت لك لاتفكرررررررين عشان متعبين مخك التعبان اصلاً .. وجلست جنبي على الكرســي .. رديت عليها وأنا احاول اتبين ملامحها بالظلام .. ملاك :سارا وش صحاك ..؟! سارا :كنت صاحيه من يوم ماطلعتي بس ماقدرت اقوم من الكسل .. بس انتي وش خلاك تنزلين .. ملاك :جاني وسواس انا ماقفلنا الباب ونزلت أتأكد .. سارا :اشوووى مو بس انا اللي خايفه .. ملاك :تصدقين احس كل الناس تعرف انا لحالنا والحراميه بتهجم علينا من كل مكان .. سارا :تجيني نفس افكارك وبلحضة غباء فكرة اكتب لوحه واعلقها على باب بيتنا .. اللحين حنا بأيش وهذي تفكر بأيش مامداها جدتي بتموت الا بتورثها .. ملاك :لاااا ياشيخه مو على كيفك تعرضين بيتنا للبيع من سمح لك .. سارا :ومن قال لك بعرض بيتنا للبيع .. ملاك :اجل وش بتكتبين باللوحه اذا ماهو البيت للبيع اكيد للأيجار سارا :لاااااا ياغبيه مابكتب كذا بكتب ترى عندنا رجال .. ملاك :اهااا صدق عليك فكر يوزن بذهب خلاص نستشير خواتي وندور خطاط حلو عشان نكتب اللوحه عنده .. قاطع كلامنا صوت قووووي .. صرخت سارا ونطت علي تضمني من الخوف .. سارا :يمممممممممممممممممممممممممممممممممممممممممممممممم ممممممممممممممممممممممممممممممممممه .. بالسرعه حطيت يدي على فمهــا .. ملاك :اصصصصصص لايسمعك .. وخرت يدي عن فمها وسألتني وهي ترتجف .. سارا :ياويلي حرامي .. ملاك :وش كان الصوت .. سارا :صوت كحه .. ملاك :لاشي طااح سكين او شي قوي .. سارا :لااا صوت كحه جاايه من الحوش ياااويلي ملاااك حرامي بحوشنا .. صرخنا صرخه اقوى يوم انفتحت انوار السيب اللي بجهة المطبخ لأن باب المطبخ مفتوح والدريشه بوجيهنا والنور جاء قوي لأن الصاله ظلام.. شوي ولقينا كل خواتي نازلات .. ميشو :توقفن عن افتعال الخوف ماذا هنـــاك ..؟! والله مرتعبين صدق ياااويلي وينك ياضحى .. سارا :ياااويلي حرامي خلونا نتصل على الشرطه.. شهد :ايه صح يالله نتصل انا خايفه .. وعـد :طيب ليه خايفين الباب مقفل وحنا كثيرين ... ميشو :لا أعتقد ذالك دعوني أخرج لا أتأكد .. وبكل برود سحبة عباه من على الشماعه اللي ورى الباب وطرحه لبستهن وفتحت الباب بتطلع .. كلنا صرخنا نمنعها بس هي مالقتنا بال وطلعت .. يوم شفت حركتها تشجعت وماهي خلوها اخليه تطلع تواجه الحرامي لحالها .. ملاك :أنا بروح احميها انتم اجلسوا هنا واذا تأخرنا دقيقتين اتصلوا على الشرطــه .. سارا :انا بجي معك .. وعد :وانا بعد .. نواف :انثبرن هنا انا اللي بطلع بس .. وجينا كلنابنطلع نادتنا شهد وحنا طالعين .. شهد :ماكن دقيقتين كثيره .. سارا :لا مأعتقد مايمدينا نتحاور مع الحرامي .. مالقينا ميشو انهبلنا ميشو انخطفت .. سارا :ياااويلي عليك ياميشو .. وعد :الخبله انخطفت اللحين وش بيصير فيها .. ملاك :بيشغلونها شحاده .. وعد :يووووه ياهم بيكسبون شحاده بالفصحــى .. ملاك :سارا كيف يشحدون بالفصــحى.. سمعنا صوت ميشو الحاد تكلم مع احد بالسيب اللي ورى المطبخ .. رحنا نركض هناك بس انا وسارا أخذنا بريك قوي يوم شفنا من اللي واقف على السور .. منير :كنا نلحق حرامي بيسرق اسطوانات الغاز حقتنا هو اللي يسرق اسطوانات الغاز بالحاره انا كني عرفته .. بس ماهو منير اللي خلانا نوقف لا اللي معه الوحش كان واقف على السور وماسك طرف ثوبه ياويلي هذا مايخاف يطيــح صاير عملاق بشكل ولاميشو الغبيه صاير شكلها غلط وهي مرجعه راسها على ورى وتناظر بس وش عندها البنت مسطله قدامه لاا سوري مأدري أي واحد فيهم مسطل يناظر الثاني ... تصوروا الوحش يتزوج ميشو والله يصيرون احلى ثنائي بس المهم يكونون بعيدين عنا وعن سارا .. وفجأه لف وقفز بحوشهم احتريت اسمعه يبكي يصارخ من الألم بس ياحظه ماتعور هبوووووو شكله حريف .. وسمعناه يقول لمنير لااتأخــــــــــــــر

جنــــون 08-05-2011 08:58 PM ميشو :حسناً هيا بنا .. وعد :بنجلس نسولف مع منير .. راحت ميشو وخلتنا .. علق منير يوم شافني انا وسار .. منير :يوووه انتن هنا ماشفتكن .. ملاك :تبغى اخوك يشوفنا كنا منخشات.. تقول كنك عرفت الحرامي من هو .. رد منير اللي جالس على السور وهو يلعب برجليه بالهوء .. منير :لاحرام يمكن مايطلع هو وأظلمــه .. وعد :الا كيف كشفتوه .. منير :كنا سهرانين انا وأمي ومنيره وسمعنا صوت بالحوش صحينا قيس طلع يشوف وأنا لحقته لقيناه صاف ثلاث اسطوانات عند الباب يعني بس باقي يفتح الباب ويطلعهن وشكل معه احد يساعده بالسياره شكينا انه نط لبيتكم نطينا وفتحنا ألأنوار ندوره بس مالقينا له اثر وبعدين جيتم انتم وتوته توته خلصت الحتوته يالله ياحلوين طسوا ارقدوا .. وعد :وجع ياحمــار في بيتنا وتطردنا انت ضف وجهك لايجي اخوك الوحش ويجرك حنا ولله الحمد ماعندنا والي .. منير :ليه وينها ضحــى .. وعد :راحت مع الخايس عسافوه .. منير :وأنا اقول ليه طلعت الفصحى ماطلعت ضح ضح .. وعد :وجع لاتدلع أختي .. نواف :انزل منير بنلعب كوره .. وعد :والله فكره .. ملاك :وش رايك سارا .. منير :لاا انتن ماتلعبن معنا مألعب مع بنات انا .. ملاك :لا يالرجال من متى ..؟! وقف منير ولف بيقفز مثل أخوه قروود .. منير :منذ مبطي احتروني بشوف قيس اذا رقد جيتكم .. وقفز على حوشهــم .. رجع منير لنا بعــد عشردقايق وبقينـا نلعب كوره لين اذن الفجــر بعــد الصـلاه رجعنا كلنا ننام وبكذا ختمنا يوم من غير ضحــــــى ..

جنــــون 08-05-2011 08:58 PM ضحـــى ضحكت غصب عنــي صح سخافه بس اليوم كثرانه سخافتي الصراحه بردت حرتي فيه شدن صايره ترد بدالي وبلي كنت مفكره اقوله .. مسكين عساف يحسب اني خايفه منه ومن تهديداته الغبيــه انا ماجيت هنا الا عشان ابتعــد عن البيت اللي ماتت فيه جدتي ابغى اكون بعيده عن أي شــي يذكرني فيها يمكن انســـــــى .. وعشان ارد الدين اللي علـــــي لعساف وعدتــه اعــــرفه قدر نفسه وحان هالوقت .. شدن :ماما ليش ساكته يالله قوليلي حكايه .. ضحى :لحضه حبيبتي بغير ملابــــسي وأجي اقولك حكايه انسدحي على السرير واقري المعوذات لين اجيك .. بدلت ملابسي بقميص مريح نمت على جنبي ومركيه راسي بيدي وبديت أقول لها حكايه من الحكايا الكثيره اللي ورثتهم من جدتي كانت عيوني تدمع وأنا اقص عليها اتذكر جدتي يوم كانت تقصها علي من كنت صغيره لين دخلت المتوسط قصص تراثيه وفيها نوع من الخرافات كنت انشد لها احبها على كثر ماتكررها ماأمل منها كبرت وجاء اللي أقصها عليه يمكن شدن ماتفهم اشياء كثيره منها بس يكفي انها تعجبها .. نامــت شدن وغمضت انا عيوني وراسي ملاصق لراسها .. حاولت انام ماقدرت تذكرت صياح وعد علي ماكانت تبغاني اروح كان عندي كلام كثير ودي اقوله لها بس العبره منعتني لو حاولت اتكلم وقتها كنت ببكي .. يارب استر على خواتي يارب .. خايفه عليه ومتطمنه بنفس الوقت بعد كل هالوقت اللي قضنه من غيري اتوقع خلاص تأقلمن على العيشه من غيـــري بس هذا مايعني ان بقطعهــن لاا ولا بشيل يدي عنهـــن مستحيل هذا يصير.. وأنا اعرف اشلون اسيطر عليهن حتى وأنا بعــيده ابتدأ من بكره بطبق كل اللي خططت له .. سمعت طق على الباب ابتسمت بسخريه .. ضحـى :نعــم .. عساف :عشاء .. ضحـى :شكراً متعشين فالبيت .. عساف :طيب ممكن تطلعين عشان اقدر اتكلم معك .. ضحـى :مافيني حيل اقوم عندك شي مهم قوله ماعندك كلامك يتأجل لصبح .. بعد ردي هذا ماتكلم بس شفت ظلاله من تحت الباب دقيقتيــن تقريباً بعدها راح .. وكان ذاك اخــر خبر لي بالدنيــا .. صحيت على هزه على كتفـــــي .. شدن:ماما اصحي يالله حنا الصبح ابغــى فطور رررررر ماما .. فزيت من نومي مادري ليش جاني احساس يوم سمعت شدن تصحيني انه صاير لها شــي .. سالتها وأنا للحين مغمضه عيوني .. ضحى :وش فيك حبيبتي .. شدن :جيعانه ... تنهدت بالراحه ورجعه الريح بعد هالفزه .. شدن :لاتناااااامين لو هذا بيتنا نزلت لحالي ورحت للمطبخ بس انا خايفه هنا .. ياءالله ماصليت الفجر قفزت من فراشــي ياااربي وين الحمام طلعت من الغرفه ولقيت بالسيب الصغير اللي قدامها باب توقعت انه باب الحمام وطلع فعلاً حمام .. بعد ماتوظيت وصليت ..رحنا درنا بالطابق كله لين لقينا المطبخ كان حلو ومرتب .. شدن :مطبخنا الجديد حلو .. سألتها وأنا افتح الثلاجه .. ضحى :وش تبغين فطور .. شدن :بيض عيون .. وانا جايه اطلع البيض صرخت شدن .. شدن :لاااخلااص تذكرت مأبغاااه فيه انفلونزا الطيور .. ابتسمت على تعليقها ورجعــت البيض لمكانه .. فعلاً انفلونزا الطيور كيف نسيت ويقولون الوقايه خيـر من العلاج .. ضحى :اجل وش تأكلين .. شدن :زبده وجام .. ضحـى :يالغياره من متى تأكلين زبده وجاام .. شدن :لاتخبرين وعــد .. ضحـى :الا بخبرها ليه تقولين الجام والزبده وعع واللحين تأكلينهم .. شدن :هي غبيه انا اذا قلت لشي وعع ومأكلته هي تقلدني ليه لأن ماعندها شخصــيه .. ضحكت غصب عني صدق هالبنت شيطانه .. ضحى :اسوي لك حليب .. سويت لها الحليب ولي قهـــــوه .. كان الجو هاادي شدن تنشد بصوت واطي يرتفع بلحن غريب .. قاطع هالجو دخــوله .. صوت سحبه للكرسي على البلاط نحنحته .. عساف :يااازين ريحتها هالقهـووووه ... لفيت له يوم اصب لشدن كوب الحليب .. ضحى :لاتشربينه خليه يبرد .. مو بس ريحتها الزينه كلها على بعضها زينه .. عساف :اكيد دام ابله ضحى مسويتها كيف ماتصير زينه .. شدن :ماما كل حاجه تسويها زينه .. لف عليها بتمثيل واضح .. عساف :شدون حبيبة ابوها هنا ياعمري وأنا أقول وش هالزين اللي بالمطبخ .. وانحني لها وباسها بقوه على خدها واضح عليه يبي ينرفزها .. حطيت زمزمية القهوه بالصينيه اللي فيها صحن التمر وفناجيل القهوه وطلعت فيها لصاله .. جلست على الكنبه بعد مانزلت الصينيه على الطاوله قدامه صبيت لي فنجال وأعتدلت بجلستي جاء وجلس على الكنبه اللي جنبي بقووه وصب له فنجال حلو انه فهــم الرساله.. عساف :اممممم لذيذه .. شدن :ليه فيها سكر .. عساف :مأدري اسألي امك اذا كانت مغطسه اصبعها فيها .. شدن :ليه اصبع ماما كيس ليبتون عشان تغطسه .. عساف :هذا اللي اخذته بنتي من خواتك طولة اللسان وقلة الحيا .. حطيت رجل على رجل وأنا اقشر التمره واطلع نواها .. ضحى :لو أمها مصريه ولاحتى مرة أبوها ماكان هذا حالها صح .. كلامي كان كفيله انه يطيح فنجاله من يده .. نزل الفنجال على الصينيه وراح يمشي لوحده من الغرف دخلها وقفل الباب عليه .. ياحليله لايكون خايف انا نهاجمـه .. عســاف من قو الضيقه اللي فيني ولأني ماني عارف وش اسوي قفلت الباب وراي ,, وبعدين معها هذي بدينا بتنغيز اللي ماله داعي .. تطلب مني نفتح صفحه جديده وهي اللي ترجع تنبش بالماضي .. اوووف كل تصرفاتها تدل على أنها مانست ولاراح تنسى ,,ليه ماهي راضيه تفهم ان الماضي خلاص راح وولى وايام عمتها اندفنت معها واللحين انا انسان جديد وأبغى اعيش حياه جديده .. غمضت عيوني وارتميت على السرير هلكاااااان مواصل مانامت بس قبل لازم اقولها عن العزيمــــه .. احس عظامي مكسره وظلوعي مفككه كنت ناوي بقووم بس خلاص النوم غلبنــــي .. فتحت عيوني بعدتردد .. اوووووف من هالجوال هذا اكيد خلف .. مدت يدي وبالصعــوبه وصلت له .. رديت عليه وأنا للحين مغمض عيوني .. عساف :آآلووووو .. مارد تقفل بوجهــي .. اووف وش فيه هالخبل .. جيت بدق عليه بس هو رجع يدق .. وهالمره كنت فاتح عيوني الأسم على الشاشه ماكان خلف لاا ضحى .. قمت بالتعب وبيدي الجوال يرن .. طلعت وبالصاله لقيتها جالسه على الكرسي اللي قابل باب غرفتي وبيدها جوالها .. انتبهت علي اول ماطلعت وقطعت الأتصال .. هزيت الجوال بيدي .. عساف :خير .. ضحــى :الصلااااه .. مسحت وجهي بيدي ورجعت للغرفه بس قبل مادخل تذكرت العزيمــه ورجعت لها .. عساف :على فكره يسرى اليوم عازمتنا على العشاء.. طولت وهي تفكر لين حسبتها ماراح ترد علي .. ضحى :مايرد الكريم الا اللئيم .. رد ماهو طبيعــي من انسانه ماهي طبيعيـه .. صليت بغرفتي لأن الصلاه مع الجماعه فاتتني .. طلعت مالقيتهن بالصاله .. رحت للمطبخ وكانن هناك يتغدن .. وشي أكيد انا غير محســــــوب .. سحب لي كرسي وجلست معهم على الطاوله .. عساف :طيب عزموني .. شدن :الأكل مافيه عزيمه .. ضحــى :شدون ايش قلنا .. شدن :آسفه .. عساف :غريبه وافقتي .. سألتني بالتصنع .. ضحى :نعم .. عساف :العزيمه .. ضحى :اهآآ لا عادي ليش ماأروح .. صح اختك ماقصرت بعمتي وفيني وكانت مررره طيبه معنا بس بعد حنا عيال اليوم واللي فات مات .. عساف :ماشاءالله طيبه تعرفين تسامحين ياليتك كذا معـــــي بس خيرك لغيـــري .. ضحى :ماأعتقد هذا المكان ولا الوقت المناسب اللي نناقشه فيه امورنا .. وكانت نظراتها على شدن اللي تبادلها النظرات .. قلت لها وأنا اقوم ... عساف :امورنا ليه احس ان الكلمــه ثقيله على لسانك .. وطلعت من غير ماسمع ردها وماتوقع كانت بترد .. خلنا اللحين حلويـــن بس نرجع من العزيمــه واحط النقط على الحروف ..

الساعة الآن 03:42 PM

صفحة 4 من 7 < 1 2 3 4 5 6 7 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية