الهنوف: يمكن ما بعد ترجع من السفر
العنود: معقوله هي قالت انها بتروح للرياض عند اهل امها اسبوعين عقب بتروح لمصر اسبوعين وعقب بترجع غريبه الى الان ما رجعو المفروض لها اسبوعين راجعه
الهنوف: يمكن اعجبتهم السفره وقعدو
العنود: يمكن بس مالي دخل لازم تجي قبل نهاية الاسبوع هذا وانا موصيتها لازم تجي حفلتنا
الهنوف : هي تدري اكيد راح تجي قبل
العنود: عسى .. تصدقين خايفه
الهنوف : ليه
العنود: ما ادري حفل تخرجي واحنا ما قصرنا عزمنا القاصي والداني
الهنوف: الي قولي امج وامي تقل الحفله لهم مب لنا
العنود: أي والله هههههه

حفله العنود والهنوف ودلال حق التخرج ما كان باقي عليها الا اسبوع وكانو متحمسين لها مرره وعلى الظروف الي جاتهم قبل كانو ما بعد يكملون الترتيبات لها ..
__________________
في بيت الجده ..
عبداللطيف كان قاعد مع جدته في الصاله الساعه 10 الضحى ..
عبداللطيف : والله ياحلو القعده معاج يا امي
الجده: حلت دنياك يا ولدي
عبداللطيف : يمى بغيت اشاورج في موضوع
الجده: امر وش بغيت
عبداللطيف : انا قررت اني ما ارجع هالمره لندن الا وزوجتي معي
الجده الابتسامه والفرحه كانو واضحين على وجهها : الله يبشرك بكل خير ياولدي ما طلبت من عيوني ذي قبل ذي ... زين منك انك فكرت بالزواج الحين اقدر ارتاح كل عيالي بيتزوجون
عبداللطيف وهو مستغرب : كل عيالج
الجده: أي والله الحمدلله ان الله استجاب دعائي بدا فيكم سلمان وعقبه محمد وانت الحين
عبداللطيف : محمد .. ماشاء الله خطب وانا مدري
الجده: أي والله قالي انه وده يخطب بنت عمه
عبداللطيف انقبض قلبه لا يكون دلال : ويسال جدته وهو خايف من الرد : ومن هي سعيدة الحظ
الجده: زود على ماهو ولد عمك بيصير نسيبك
عبداللطيف: يبي الهنوف
الجده: أي الهنوف
عبداللطيف فرح وارتاح بنفس الوقت : والله هاذي الساعه المباركه الهنوف وين بتلقى احسن من محمد امي وابوي يدرون
الجده: والله محمد قالي يوم كنا في مكه وماادري فاتح امه وابوه بالموضوع بس انا وعدته
عبداللطيف: والله اكيد بتفرح امي وابوي وماهقوتي الهنوف بترفض ..
الجده: الله يكتب الي فيه الخير ..
الا في دخلة دلال وهي تسمع ....
عبداللطيف: ها يمى ماتيبن تعرفين من الي ابيها
دلال وقفت مكانها وفي قلبها : حركاات بيخطب ..
الجده: منهي
عبد اللطيف : بنت عمي عبدالله الله يرحمه ...
الجده: أي وحده فيهم
عبداللطيف : وهو في غيرها تناسبني دلال
دلال زي الصاعقه نزلت عليها كل شي توقعته الا هذا الشي الا هذا الي كانت خايفه منه صنمت مكانها
الجده: زين مااخترت وانا اقولها لك من الحين مبروك دلال وين بتلقى احسن منك
دلال لفت وجهها وطلعت ركض لغرفتها .. انسدحت على سريرها ودموعها على خدها معقوله لا مستحيل ما اتوقع جدتي تغصبني اصلا انا ما راح اوافق بس لااااا ياربي ...

الجده كانت مستانسه وقالت للجد وكلمت خلود بنفس اليوم وطبعا خلود فرحت وما رفضت بس طبعا الراي الاول والأخير لدلال ...

رجع عبداللطيف للبيت وعلى الغدا قال لامه ولأبوه ... وطبعا فرحو وماكانو معارضينه ودقت الأم على خلود وخطبتها له رسمي ..
الخبر انتشر بين العائله والكل فرح لدلال ..
دلال والهنوف والعنود وريم ودانه كانو طالعين مع بعض عشان يروحون يختارون الكيكه ويشترون بعض الترتيبات الأخيره الي ناقصتهم ...
دانه: هنود ماشاء الله عليج الصراحه عندج ابداع رهيييب شهالبطاقه ..
العنود: احم احم والله مواهب الدنيا كلها فيني بس ما اطلعا الا عند الضروره أخاف من العين ..
الكل: ههههههههه
الهنوف: أي والله وانتي الصادقه الكل يمدح فيها
دلال: شلون طلعت لج الفكره ..
العنود: ماادري مخي الله يسلمج ..
البطاقه كانت حلوه والأحلى ان العنود هي الي مطلعه الفكره .. كانت عباره عن كيس مخمل مطرز عليه بالذهبي شكل قبعة التخرج مع شهاده مفتوحه مكتوب داخله ألف مبروك وكله تطريز بالخيط الذهبي ..
والكيس مزموم من فوق ومربوط بشريطه ناعمه لونها ذهبي داخل الكيس كان مكبوب لماع بلون ذهبي ومعاه ورد مجفف بألوان مناسبه وفيها بطاقه جلد ملفوفه بشريطه ذهبيه نفس الي على الكيس وفي نهايتها قبعه التخرج على شكل ضغير وكانت مخمليه وفيها ذهبي دخل الورقه كانت مكتوبه الدعوه بالذهبي وفي النهايه اسمائهم مكتوبه بالمخمل الأسود كانت شكلها رووعه ...

وصلو للمحل نزلوا واختارو الكيك وبعض الحلويات .. عقب راحو يختارون الديكور حق المدخل الي راح تكون فيه الدفاتر الي يكتبون لهم فيها ...
وبعدين راحو يشترون هدايا حق امهاتهم ... عقب راحو للراشد عشان يتسوقون ..
البنات كانو مفصلين لهم فساتين نفس الموديلات بس الألوان تختلف العنود كان لونها رملي وفيه ذهبي والهنوف عنابي وفيه ذهبي ودلال عودي على البني وهم فيه تطريز ذهبي ..
العنود: يلا بنات خل نروح ناكل شي ترى امي دقت تقول خلاص ارجعو ..
الهنوف: أي ترى طولنا واحنا ما معنااحد ..
دلال: طيب يلا
وهم في المطعم يستنون الطلب ..
ريم ودانه قاعدين يسولفون عن الي اشتروه .. دلال كانت سرحانه بعبد اللطيف
الهنوف: تصدقون بنات أحس انه راح يصير شي الاسبوع الجاي
العنود: حفل تخرجنا
الهنوف: لاااا مو قصدي شي ثاني
العنود: والله انج بومه لا تفاولين
الهنوف: لا احساسي يقول شي حلو وهي تبتسم
العنود ابتسمت وتطالع دلال: اممم يمكن خطبة دلال
دلال: هااااا
الهنوف والعنود: ههههههه
دلال: ليش تضحكون
ريم: انتي سرحانه ما تردين وين الله حاطج وهم طايحيين طناز فيح
دلال: شف الزفوووت شقالو
دانه: هههههه
ريم: حتى احنا ما ندري بس سمعناهم يضحكون
دلال: وش قلتو
العنود: تقول الهنوف احساسها يقول انه الاسبوع الجاي بيصير شي غير الحفل يفرح قلت لها يمكن خطبة دلال
دلال انقلب وجهها احمرررر وحست جسمها يولع ناااار وتذكرت عبداللطيف وقام قلبها يدق بقوووه
الهنوف: الله الله الله كل هذا ولا بعد يصير شي
دلال: مع وجهج
الكل: ههههههههههه
العنود: أقول سكتي بس نشوف شنو بيصير فيج اذا خطبج حمود <<العنود قالتها وهي مب حاسه بعمرها

الهنوف لفت وجهها بسرعه على العنود وهي رايحه فيها
البنات قامو يضحكون
ريم: حركااات والله كثرت سوالف الحب في عائلتنا وتطالع دانه وتضحك
دانه تذكرت حمد : خييير انا شدخلني تطالعيني
دلال: يااارب تتزوج هنوف قبلي
الهنوف: كلي تبن انا شدخلني ما عليكم منها ترها تخرف بس كلام من عندها .. بعدين شلون اتزوج قبلج يعني موافقه على عبد اللطيف
دلال انحرجت : .......
ريم: السكوت علامة الرضا
الا جا الأكل وضاعت السالفه وبدو ياكلون ..
عقب كلن رجع لبيته ..
الساعه وحده كانت العنود في الصاله تطالع فلم ودخل عيها محمد ..
محمد: السلام عليكم
العنود وتاشر بيدها السلا م بدون ما تتكلم
محمد: شدعوه ردي السلام على الأقل
العنود: اششششششششششش
محمد قعد جنبها وتم خمس دقايق يطالع الفلم معها بعدين لاعت كبده وفي قلبه من زينه الحين راس ماله فلم هندي
محمد: مطوله
العنود: أي ليه ؟؟
محمد: ابي اكلمج في موضوع
العنود: اوكي يخلص الفلم واجيك
محمد: يوووو العنود بيطول هذا فلم هندي مو فلم عادي
العنود خذت الريموت ووقفت الفلم
محمد: فيديو
العنود:أي
محمد: شف الزفته وانا قاعد لي سنه انتظر وفي الأخير يطلع فيديو
العنود: والله من زمان خاطري اشوفه وما صدقت اليوم شريته
محمد: انزين ما علينا ابي اكلمج في موضوع سكريه وتعالي معي الغرفه
العنود: مااحد موجود امي وابوي نايمين وريمو في غرفتها تكلم
محمد: معليه ابي اكلمج في غرفتي
العنود : حممود ما يتاجل
محمد: لا
العنود اففففففف طيب يلا اسبقني
محمد: ههه اصغر عيالج لا ياعمري رجلي على رجلج يلا
العنود: هههههه ياربييي طيب بنطول
محمد: لا
العغنود: خلاص اجل ماراح اسكره قوم
محمد : يلا وجيبي جوالج معاج
العنود: وليه جوالي بعد
محمد: بس انتي جيبيه وخلاص
العنود : حست ان السالفه تتعلق بالهنوف خذت نفس وهي تطلعه بنص عين
محمد: ليش تطالعيني كذا
العنود: سلامة عمرك نجيبه والامر لله
راحو لغرفة محمد ونقزت العنود فوق سرير محمد
محمد: الي يشوف الغرفه غرفتح على طول على السرير
العنود: والله المواضيع الخطير اخاف يغمى علي فيها من الفرحه او الحزن فأقعد على السرير عشان اذا اغمي علي والا صار لي شي اطيح فوق السرير مو على الارض واتكسر
محمد: ههههههههه حاسبه حساب كل شي
العنود: افا عليك
محمد: وانتي شدراج انه خطير
العنود تطالعه وعطته غمزه : حمووود ينادي وفي غرفته حق موضوع عادي هههاااااااي
محمد: وهههااااي بعد
العنود: يالله عسى يفرح بس
محمد جا وقعد مقابلها على السرير : اكيد يفرح
العنود مبتسمه : يالله فرحني
محمد مبتسم وهو يطالعها في عيونها : بخطب الهنوف
العنود وابتسامة وجهها زادت : وربي كنت حاسه ونااااااااااااااااااااااسه مبروووووووووووووك
محمد وهو يبتسم بقوووه: هههههههه الله يبارك فيج بس تو الناس عليها
العنود : امي وابوي يدرون
محمد: لا بس ابيج تاخذين رايها بالأول
العنود وهي ترفع حواجبها : حموووود شنو اخذ رايها وانت تدري انها ماراح ترفض
محمد: معليه ابس اسمعها وهي تقول موافقه
العنود: تسمعها؟؟؟؟؟ لا يكون تبيني اكلمها الحين واقولها
محمد: اجل ياعمري ليش مناديج وقايلج جيبي جوالج
العنود: حممود هالوقت خلها بكره بعدين لو قلت لها انك هنا ماراح ترد
محمد: ومن قالج قولي لها انج عندي يلا دقي انا مااصبر لين بكره
العنود: أي قص علي صبرت طول هالسنين ما تصبر لبكره
محمد: عنوووووود
العنود: نعمممممم تعال ولي طاري عليك تخطب الحين
محمد: اصلا انا قلت اخليها بعد ما تدخل كليه سنه تعرفين خرابيط البنات بعد تسوي زي اختها بس شفت الأخ عبداللطيف خطب وسلمان زواجه قريب قلت شيصبرني
العنود: مع الخيل يا شقرا هاه
محمد: وبعدين اخاف حد يخطبها غيري
العنود: لا تخاف حتى ولو ماراح توافق
محمد: انزين يلا دقي
العنود يالله تاخذ الجوال وتدق عليها ..
محمد: حطي على المايك
العنود: لا والله
محمد: عنووووود
العنود تاشر له باصبعها : اسكت هلا سلااااام
الهنوف هلا والله
محمد ياشر لها فتحي المايك
العنود تهز راسها وفتحت المايك
الهنوف: الوووو
العنود: أي معاج بس صوتج يقطع وفتحت المايك
الهنوف: شخبارج
العنود: تمام وانتي شخبارج
الهنوف : حمد لله ها شفتي الفلم
العنود: أي بس ما بعد اكمله وانتي شفتي الفلم الي شريتيه
الهنوف: هذاني قاعده اطالعه خلصي حقج اليوم ترى باخذه منج بكره
العنود: لا توصين حريص حتى انتي
محمد ياشر لها يلااااا .... العنود مطلعه لسانها وتضحك عليه
العنود: هنوف ابي اقولج شي وجاوبيني الحين الحين بصراحه
الهنوف قلبها قام يدق : هنود خوفتيني اشفيج
العنود: هههههههه الله هذا وانا ما بعد قلت خفتي شلون لو قلت
الهنوف: هنود شصاير فيه شي
العنود: أي فيه شي
الهنوف: وشو
العنود: محمد
الهنوف قلبها قام يدق أقوى :...........
العنود: شفيج سكتي
الهنوف وصوتها هادي : مافيني شي شفيه
العنود وهي تطالع محمد الي كان على اعصابه : بيخطبج وقالي اسالج قبل لا يكلم امي وابوي موافقه والا لا .؟؟؟
الهنوف انصدمت وكأن احد صاب عليها ماي باااااااااارد : ......................
العنود: الوو وينج
الهنوف: أي معاج
العنود: ها شقلتي
الهنوف : ماادري الصراحه صدمتيني
محمد علامات احباط على وجهه وقاعد على اعصابه .. والعنود تطالعه وهي تضحك

الهنوف: عنود شصاير فيه شي
العنود: أي فيه شي
الهنوف: وشو
العنود: محمد
الهنوف قلبها قام يدق أقوى :...........
العنود: شفيج سكتي
الهنوف وصوتها هادي : مافيني شي شفيه
العنود وهي تطالع محمد الي كان على اعصابه : بيخطبج وقالي اسالج قبل لا يكلم امي وابوي موافقه والا لا .؟؟؟
الهنوف انصدمت وكأن احد صاب عليها ماي باااااااااارد : ......................
العنود: الوو وينج
الهنوف: أي معاج
العنود: ها شقلتي
الهنوف : ماادري الصراحه صدمتيني
محمد علامات احباط على وجهه وقاعد على اعصابه .. والعنود تطالعه وهي تضحك
العنود: ماتوقعتيها الحين هاه
الهنوف: لا مو قصدي بس
العنود: بس وشو عاد الحين بيخطبج موافقه والا لا
الهنوف: ماادري
العنود: انزين لو اخطبج احمد ولد خالي توافقين
محمد عيونه بغت تطلع هاذي شفيها اقولها ساليها اا بتوافق علي تقولي احمد
الهنوف : نعم نعم نعم
العنود: الله ينعم عليج ها توافقين
الهنوف: لا طبعا
محمد استانس..
العنود: انزين ومحمد ؟؟
الهنوف رجعت اسكتت
العنود: احمد قلتي لا طبعا ومحمد سكتي يعني موافقه
الهنوف: امممممممم
العنود: موافقه ؟؟
الهنوف: أي
العنود : كلللللللللووووش مبرووك
الهنوف : هههههههه
العنود: شمعنه محمد ؟؟
الهنوف: بس
العنود: بس كذا بس
الهنوف: لا مو بس كذا
العنود أجل ؟؟
الهنوف: لانيييييي...
العنود مبتسمه وتطالع محمد : لانج شنو
الهنوف : أحبه
محمد طار من الوناسه : الحمد لله
واشر للعنود عطيني الجوال
العنود ابتسمت خذ
محمد: الو
الهنوف منصدمه :محمد؟؟
محمد: أي محمد .. بس حبيت اقولج انااموت فيج ومبرووك
الهنوف: ...................
محمد: بس خلاص هذا العنود معج
العنود: حرام عليك الحين بتطيح فيني تهزيئ
محمد: حبيبتي ماتهزء لاتخافين
الهنوف سمعت الي قاله محمد ومابقى فيها عقل راحت فيها
العنود: الو
الهنوف : هلا انا بسكر بعدين اكلمج باي
العنود: هههههههههههه يلا باي
محمد: مشكوره العنود
العنود: العفو ماسويت الا الواجب يلا انااستاذن اروح اكمل فلمي
محمد: روحي كمليه
العنود وهي طالعه :مبروووك والله يوفقكم
محمد والابتسامه مافارقت وجهه : اله يبارك فيج تسلمين عقبالج ان شاءالله
العنود جا على بالها فيصل واختفت الابتسامه وحست بغصه: لا انا تو الناس يلا سلام وطلعت راحت للصاله
العنود في قلبها ليش جا على بالي انا ما احبه طيب ليش فيني الصيحه لا ماراح اصيح الله يوفقه اكيد انه ملك او قريب بيملك خذت نفس وفتحت الفلم ..
اليوم الي بعده على الفطور محمد فاتح امه وابوه بالموضوع وطبعا الرد كان متوقع انهم وافقو وفرحو ..
الام ماقصرت بعد ماطلع الوالد للشغل ومحمد على جامعته <<هو ماخذ صيفي وكانت اخر سنه له >> دقت على اختها وقالت لها الموضوع ..

الظهر ... وندى وعبدالله يتغدون ...
عبدالله: تسلم يدج حبيبتي شهالشوربه
ندى: عجبتك ؟
عبدالله: مدام الي مسويتها حبيبتي ندى شلون ماتعجبني
ندى: تسلم ادري فيك تحب الشوربه
عقب ماخلصو غدا ..
ندى: يبيلي اليوم انزل السوق
عبدالله: ليه؟؟
ندى: ابس اشتري حق البنات هدايا حفلتهم مابقى عليها شي
عبدالله: ياحليلهم الله يوفقهم مااتخيل ان العنود اختي تروح كليه
ندى: هههههه ياحليلها كلنا كنا كذا
عبدالله: مااذكرج كنتي مرجوجه زيها
ندى: وانت شدراك عني لا يكون مراقبنب وانا ما ادري
عبدالله: موانا الي ارقبج واحد ثاني ويوصلني الأخبار
ندى استغربت : منو هذا ان شاء الله؟
عبدالله : لازم تعرفين منو ؟
ندى: أي لازم
عبدالله: قلبي ,,
ندى ابتسمت وانفعالها هدأ:.....
عبدالله: شفيج سكتي
ندى: ولا شي
عبدالله : حبي ممكن اسالج سؤال
ندى : امر
عبدالله: ما يامر عليج عدو بس ليش كنتي تكرهيني ..
ندى كان احد صاب عليها ماي باااارد : وش طرى عليك هالسؤال
عبدالله: بس كذا اول كنت اقوا اذا تزوجت وصار لي معج نصيب راح اسالج هالسؤال
ندى: اولا انا ماكنت اكرهك ..
عبدالله: كنتي تنفرين مني
ندى : كنت احس انك واحد مغرور ماتختلط مع احد مو أي احد يعجبك أحيانا لما اشوفك واشوف نظراتك احس كلها قساوه وحاده لدرجه اني احاول اتجنبها بس احيانا غصب تطيح

عيوني بعيونك أصنم في مكاني ويقعد قلبي يدق بقووه وتظل عيوني ثابته ماتتحرك هل هو خوف او شي ثاني ما ادري ..ويمكن من كثره ما العايلة تتكلم ندى لعبدالله وعبدالله لندى احس انهم زي الي يغصبوني عليك وانا هذا الشي الي ما احبه ان احد يغصبني على شي ..
عبدالله : وهم غصبوج على زواجك مني
ندى: لا ما انغصبت بس ابوي كان واثق اني ماراح ارفض مو بس ابوي الكل ..
عبدالله: يعني انتي وافقتي عشانهم
ندى وبكل غرور: لا طبعا انا كنت متاكده انك انت الوحيد الي تناسبني وبعدين مستحيل القى واحد يحبني كثرك
عبدالله: طيب شنو كان شعورج بعد ماعطيتج الكف ذاك اليوم
ندى ابتسمت: في البر
عبدالله: ايه
ندى: حقدت عليك وكانت مصره على الانتقام
عبدالله: طيب انتقمتي
ندى: يووووو انا اليوم على كرسي الأعتراف
عبدالله: ههههههههه
ندى: ان شاء الله دوووم الضحكه
عبدالله: تسلمين ياعمري ها لا تضيعين السالفه
ندى: ههههه لا تخاف ماراح أضيعها امممممم اتوقع اني انتقمت بحركه غرور مني بس بيني وبينك تحسفت اني سويتها
عبدالله فاهم الي تقصده ندى <<الي سوته يوم الملكه>> : ليه تحسفتي انا بالعكس كان عندي عادي الي سويتيه ويمكن كان من حقج ..
ندى: يمكن بس بعد ما ماعرفت منو عبدالله تحسفت على كل لحظه ما حبيت فيها هالشخص الي غمرني بحبه وحنانه وعطفه واسلوبه وكل شي

في الليل الخبر وصل للهنوف من امها جات وفاتحتها بالموضوع هنوف بدون تفكير ابتسمت وقالت الي تشوفونه ...

الساعه 12 ...
عبداللطيف قاعد على اعصابه له كم يوم ينتظر دلال على الماسنجر ومايشوفها خلاص هو يبي يقول لها من يكون والي يصير يصير ..
دلال توها فاتحه اللبتوب حقها فتحت الماسنجر ولقت عاشق بلادي اون لاين وعلى طول بدا وتكلم ..
عاشق بلادي : هلا والله نورتي لي مده استناج
دلال: هلا بك
عاشق: كيف الحال

دلال : تمام الحمد لله انت شخبارك
عاشق : مستانس
دلال: ان شاء الله دوم ونسنا معاك
عاشق : دلووول باركيلي
دلال : مبروووووووووووك بس على وشو
عاشق : خطبت
دلال حست زي الغصه وانصدمت : .............. <<ماردت بشي >>
عاشق: بنت عمي بس ادعي انها توافق
دلال: مبروووك
عاشق: تدرين شو اسمها
دلال : وانا شدراني ؟؟
عاشق: اسمها دلال
دلال : الله يوفقكم
عاشق: امين يارب تدرين دلول اتمنى انها توافق واخذها ونروح لندن بسرعه
دلال: ليه انت وينك الحين
عاشق: انا هنا في السعوديه
دلال عيونها غرقت : تجي السعوديه وما تقول لي للدرجه هاذي انا مو مهمه
عاشق : لا مو قصدي بس صار لي ظرف واضطريت اني اجي وقلت ماراح ارجع الا ومعي بنت عمي وحبيبتي
دلال قامت تصيح وبحرقه : انت تحبها
عاشق: مو بس احبهاالا امووت فيها
دلال: ليش ماقلت لي عنها
عاشق : ليش يهمك
دلال وهي تشهق من الصياح: اكيد يهمني
عاشق : مشكوره والله ماتوقعت نفسي غالي عندج للدرجه هاذي
دلال تقول في نفسها لانك سخيف وماتحس حرام عليك ..
عاشق : اوكي دلول انا مضطر اطلع الحين بس حبيت ابلغج بالخبر وابيج تدعين لي ..
دلال : الله يوفقك واتمنى تذكرني بالخير وماتنساني .....
عاشق : اكيد انتي الغاليه العزيزه وعقبالج ان شاء الله
دلال: شكرا يلا مع السلامه
عاشق: مع السلامه
عبداللطيف كان عارف ان دلال كانت تصيح لان يعرف شخصيتها وقلبها الطيب بس كان يبي فرحتها تكون اكثر لما تعرف ان الي خطبها هو نفسه الي تحبه ..
سكر النت وراح للهنوف وطق على باب غرفتها
الهنوف قامت فتحت الباب : هلا عبداللطيف
عبداللطيف : اهلين بالعروسه الجديده
الهنوف استحت وحمرت خدودها وسكتت :...
عبداللطيف : الله على الحيا .. المهم عطيني جوالج شوي
الهنوف: ليه
عبداللطيف : ابي اخذ رقم سلمان
الهنوف وهي مستغربه : ليش ما عنك رقمه
عبداللطيف : الا عندي رقمه الثاني بس قافل الجوال ابيه ضروري يلا عطيني الجوال بسرعه
الهنوف فتحت جوالها ونقلته الرقم
عبداللطيف : يوو خربطتيني اشوف عطيني الجوال انااخذه ماتعرفين حتى تملين رقم
الهنوف كانت مستغربه من تصرفات عبداللطيف مو من عوايده بس عطته الجوال ودخلت غرفتهااذا خلصت رجعه لوسمحت ..عبداللطيف خذ الجوال وراح لغرفته وهذا الي كان يبيه قام يدور اسم دلال لين شافه خذ نفس ودق ..
دلال كانت على سريرها وتصيح وسمعت جوالها يطق شافت الرقم واستغربت : الهنوف مو من عوايدها تدق الحين بعدين شلون اكلمها وصوتي كله صياح ..
مسحت دموعها وتنحنحت وردت بصوت مبحوح وواضح عليه الصياح: هلا
عبداللطيف ياقلبي خليتج تصيحين : اهلين
دلال استغربت من الصوت وقامت تطالع شاشة الجوال مكتوب الهنوف غريبه منو هذا
دلال: نعم
عبداللطيف: نعم الله عليج ماعرفتيني
دلال: لا منو معاي
عبداللطيف: انا عبداللطيف
دلال: استغربت وقلبها قام يدق بقوه : أي هلا عبداللطيف
عبداللطيف: هلابج شخبارج
دلال: الحمد لله امر بغيت شي
عبداللطيف: أي حبيت اسمع رايج بنفسي اذا انتي موافقه او لا
دلال زياده على الي كانت هي فيه عصبت اكثر وانحرجت : بتسمع الرد بس مو مني
عبداللطيف : اناابيه منج لو سمحتي
دلال: بس هاذي موطريقه انك تجي وتسالني اذا كانت لندن اثرت عليك ونستك عادتنا فانا احب اذكرك واقول الرد راح تسمعه بس مو مني ومع الس...
عبداللطيف يقاطعها : طيب طيب اعصابج علي بس يادلال ابي اقولج شي واتمنى ماتزعلين او تتضايقين مني
دلال وبنفاذ صبر: تفضل
عبداللطيف: انا نفسه عاشق بلادي
دلال وكان احد صاب عليها سطل ماي باااااارد عيونها انفتحت على الاخر وصنمت مكانها ماعرفت شترد او شتقول كل الي سوته انها قفلت في وجهه
عبداللطيف كان متوقع الحركه هاذي تصي فاخذ رقمها عقب رجع للهنوف الجوال ....
دلال حست بشعور غريب وخووف وانسدحت على سريرها وقامت تسترجع كل شي كان يقوله عبداللطيف معها ..شلون ما انتبهت حتى الغبي المجنون ينتبه للشي هذا كل شي كان يقوله كان منطبق عليه حتى يوم سافر وجا عندنا كل شي معقوله ياربي الدنيا شلون صغيره ... وهي غارقه بتفكيرها الاتسمع صوت نغمة رساله كانت متاكده انها من عبداللطيف فتحتها وشافت رقم غريب وقرات <<دلال سامحيني اني كذبت عليج طول هالمده بس كان غصب عني واتمنى هذا الشي ما يكون سبب في رفضج لي >>
قرات الرساله وحطت جوالها وقامت تفكر لين الفجر ولا قدرت تنام ...

قرب يوم الحفل وقبل يومين راحو للمشغل وقاسو الفساتين وكانت تمام عليهم ...
وهم راجعين في السياره ..
العنود: شفيج دلول شكلج متضايقه
دلال: لا ياقلبي مافيني الا سلامتج
الهنوف : عاد المفروض تكونين فرحانه الفستان ويهبل عليج والحفل ماباقي عليه الا يومين
دلال: لا والله مافيني شي بالعكس مستانسه بس أحس اني مصدعه شوي ..
العنود: ماتشوفين شر
دلال: تسلمين
العنود: طيب بنات ممكن ابي امر على سهى أودي لها البطاقه
الهنوف +دلال: أي عادي
العنود: مشكورين
الهنوف: الحين تقولين ان مافي احد في البيت
العنود: دقيت اليوم وردت علي الشغاله بس قامت تخربط وما فهمتها قلت ابودي البطاقه والله يعين يمكن حد من اهلها موجود في البيت
الهنوف: يمكن
دلال وبالها الى الان مشغول بالي صار لها ومو مصدقه ان عبداللطيف هو نفسه الي كانت تكلمه ...
بعد ماوصلو البطاقه لبيت سهى ..
العنود: يبيلي من الحين اقعد ادور موديلات
الهنوف: حق شنو
العنود: حق عرس عميمه وعمي وحقكم انتو الثنين
الهنوف : ...................
دلال: احنا ليش ؟؟
العنود: حق عروسكم ان شاء الله اذا وافقتو
الهنوف: الله يلحقنا خير
العنود: لا تخافين ها اذا ماجا حمود وقال بكره الملكه
الهنوف : لا والله
العنود : أي والله
الهنوف وهي تنزل من السياره : اوكي خلاص بكره اشوفكم عند جدتي يلا مع السلامه
دلال والعنود : مع السلامه
تحركت السياره ....
العنود: دلول ممكن اسالج سؤال وتجاوبيني
دلال: أي اكيد
العنود: انتي تبين عبد اللطيف والا لا
دلال اسكتت وكانت متوقعه السؤال : ماادري
العنود: شلون ماتدرين لج مده تفكرين الى الان ماخذتي قرار
دلال: ................وفي قلبها بلاك ماتدرين عن شي
العنود: دلول اقولج رايي
دلال: قولي
العنود: وافقي ترى عبداللطيف حبوب وماعليه ويستاهلج وصدقيني بيحطج في عيونه بتصيرين انتي وياه في لندن ومالكم الا بعض ..
دلال: هذا الي مخليني اتردد لندن
العنود لفت عليها : دلول بالعكس لا تخافين ولا شي كلها سنتين وبتمر بسرعه صدق بنشتاق لك واجد بس صدقيني ماراح تلقين مثل عبداللطيف وشخصياتكم متقاربه هذا رايي وانتي بكيفج ... وجدتي وجدي ماوافقو عليه الا وهم عارفين انه يناسب لك وانتي غاليه عليهم حيل ..
دلال : الله يكتب الي فيه الخير
العنود: امين
دلال : اوكي يلا نشوفك بكره
العنود: ان شاء الله يالله مع السلامه
دخلت العنود البيت ..
ابوها: هلا ببنتي
العنود: هلا والله يبى شخبارك وحبت راسه
الام : يلا ياعيل العشا جاهز
ريم : ها العنود شلون الفستان
العنود: تمام ضبط علي خليها مفاجأه ليوم الحفل
على طاولة الطعام ..
ريم: يمى متى ملكة خالي طلول
الم: والله ماادري هم قالو في نهاية الجازه خلاص مابقى شي
العنود: وناسه ماشاءالله عندنا عروس واجد
ريم: الا قولي الله يعين على التفصيل
الابو: وانت يامحمد متى تبي ملكتك
محمد: سبقتني يبى توني كنت بفتح الموضوع
العنود تطالعه وهي مبتسمه : أي كلن في قلبه شقا ليله
محمد مطنشها: يبى انا ودي نملك بعد بكره
الكل فتح عيونه
الام: تو الناس ياولدي خل البنت تتجهز
العنود: شدعوه حمود ماراح تطير
محمد: لا انا ودي بس نكتب الكتاب وبعدين سوو الي تبون حفلات وخرابيط
الابو:خير البر عاجله ولا يهمك اقول لعمك بكره ومايصير خاطرك الا طيب
العنود تطالع محمد وشوي وبتاكله .. وريم عندها الوضع عادي .. اما محمد طار من الوناسه على رد ابوه
بعد العشا قعدو يتقهون مع بعض عقب كلن طلع لغرفته ومحمد طلع بره البيت
العنود كانت قاعده تحوس في في غرفتها وكل شوي دقيت على بيت سهى .. وكله ما احد يرد

العنود: حتى الشغاله ملت مني من كثر ما اتصل وما قامت ترد ..
الساعه 12 .. في الليل
فيصل دخل البيت وهو توه راجع من السفر كان النور في الصاله مو مره عالي ... دخل للصاله وقعد فوق الكنب
فيصل : الله يكون في العون الاسبوع الجاي الملكه وانا ماني مستعد ابد خذ نفس وغمض عيونه ومرت على باله صورة العنود وقام يتذكر هبالها وتحديها له وابتسم الله يوفقج يالعنود ربي ماكتبج من نصيبي بس راح يظل قلبي يحبج طول ماهو حي ...
فتح عيونه الا يشوف كيس أسود وكان شكله يلفت وطالع منه ورقه بيضه خذ الكيس وجر الورقه وقرأ,,,, اتمنى توصل هالورقه الى سهى باسرع وقت ضروري .. العنود ..
فيصل اول ما قرا اسم العنود انقبض قلبه وطبعا الفضول شده انه يعرف وشو الي داخل الكيس خذ الورقه الي كانت من جلد ولفته شكلها وقرأ الي داخلها وعرف انه حفلة تخرج العنود ...
فيصل : يا حليلج يالعنود
وتو بيرجع البطاقه مكانها الا يشوف ورقه ثانيه خذها وفتحها ..

بسم الله ..
هلا سهى حبوبه ينج تعبت وانا ادق على البيت والجوال الحفله مابقى عليهاالا يومين وانتي الى الان ما بينتي
والله اذا ماجيتي ياويلج انتي وعدتيني ترجعون قبل شفيك طولتي والله خوفتيني عليج حتى اتصال ما تعطيني
خليتيني احاتي .. اول ما تقرين الرساله دقي علي حاولي تجين باي طريقه والي يعافيييييييج انتي وعدتيني تكونين معاي .... صديقتك ..<< العنود>>

فيصل ابتسم : والله مايصير خاطرج الا طيب يالغاليه ..

اليوم الي بعده الكل كان متجمع في بيت الجد وتفاهموا على سالفه المكله ... ابو الهنوف وافق على الي يبيه محمد وقالو بكره الصباح يروحون المحكمه عشان يملكون ..
كان الكل مستانس في الجمعه منى كانت موجوده وحتى ندى وعبدالله وكان الكل فرحان واغلب سوالفهم عن حفلة البنات وملكة بدور الي مابقى عليها شي .. حتى دلال كانت نفسيتها احسن وبدت تفكر بالموضوع من ناحيه ايجابيه ..

الليل الساعه 12 العنود قاعده فوق سريرها وتدق ولا من مجيب وكانت مره منقهره ان سهى ماترد ولا تدري عنها
العنود: ياربيييي انا عندي امل انها تجي يارب خل تجي ياربي
وماسكه جوالها وتدق الا تسمع صوت يقول الو ومن الخرعه سكرت في وجهه
العنود: يوووو انا شسويت واخيرا احد رد شكله ابوها مالي دخل بقوله بس فشله الساعه 12 اكيد ازعجته ..
مالي دخل المهم سهى تدري
دقت ورفع نفس الصوت مره ثانيه ..
العنود: الو
فيصل : نعم
العنود والى الان ما ركزت بالصوت : السلام عليكم
فيصل عرفها وارتسمت على وجهه ابتسامه وفرحه غابت من فتره : هلا والله وعليكم السلام
العنود قلبها بدا يدق ياربي هذا فيصل : سهى موجوده
فيصل : لا والله مسافره
العنود تحطمت وكل الامال الي كانت عندها راحت : طيب شكرا
فيصل حز بخاطره انها ماعرفته : العفو
العنود : مع السلامه وسكرت السماعه على طول ولا عطت فيصل فرصه يقول مع السلامه
فيصل معقوله ماعرفتني لا مستحيل نستني بس يمكن مستحيه عشان دقت في هالوقت يااربي حتى انا ماادري شفيني ابي اقولها انها بكره تجي عشان ماتحاتي ..
ويقطع تفكيره رنت التلفون وبسرعه يرفع : هلا
العنود: اهلين << وبتردد وخوف مبين على كلامها >> انت فيصل
فيصل وهو فرحان : زين تذكرتيني
العنود وقلبها كل ماله يزيد بقوته : فيصل اسفه بس سهى متى راح ترجع
فيصل : ماادري يمكن الاسبوع الجاي
العنود وعيونها بدت تغرق والصياح على صوتها بدا يبين : طيب هي مو المفروض تكون موجوده
فيصل: المفروض بس مالقو حجز
العنود: طيب ممكن تعطيني أي رقم اقدر اكلمها عليه هناك
فيصل : لا مو ممكن لانها راح تجي بكره الصباح
العنود والفرحه بدت ترجع على وجهها: صدق
فيصل : أي صدق وصلت لها رسالتج وان شاء الله بكره راح تكون هنا ..
العنود: مشكور فيصل والله كنت شايله هم هالسالفه
فيصل: لا تشيلين هم وانا موجود
العنود: اوكي سلم عليها وخلها اول ماتوصل تدق علي لو سمحت
فيصل: ان شاء الله
العنود: اوكي شكرا مع السلامه
فيصل: العنود
العنود وبدون شعور: لبييييه
وتمو الأثنين ساكتين
فيصل : لا ولا شي انتبهي لنفسج
العنود ونزلت دمعه حاااره من عيونها : ان شاء الله
فيصل: يالله فامان الكريم
العنود: مع السلامه سكرت العنود وكانت العبره واصله بس غصبت نفسها وقامت لهت روحها وعلى طول دقت على الهنوف تقول لها ان سهى ان شاء الله راح تجي بكره ...

جا بكره اليوم الموعود للكثير الكل كان فرحان وخاااصه محمد الي الدنيا ماكانت واسعته من الفرحه اليوم حبيبته الي طول عمره كان يتمناها له بتصير زوجته .. والهنوف بعد كانت مستانسه واخيرا راح تقدر تكلم محمد بعدي عن الكل وبراحتها بعد ...
والكل كان مستانس عشان حفلة البنات ..
بعد مارجعو من المحكمه وتم كل شي كانت الزغاريت ماليه البيت والكل يبارك للعنود من جهه .. دلال وهي تسلم على الهنوف تبارك لها
دلال: مبرووووك حركااات صرتي مره
الهنوف: هههه الله يبارك فيج يالله شدي حيلج وخلج معي عقبال ماتوافقين
دلال ابتسمت : وافقت تو الناس
الهنوف زادت فرحتها ثنتين : حلفييييي خلاص صرتي مرت اخوي
ادلال : هههههههههه أي
ولمو بعض
وأخيرا دلا ل وافقت بعد تفكير عمييييق حست ان شي داخلها يقول وافقي على عبد اللطيف ...
الظهر راحو للمشغل كلهم عشان يتجهزون << العنود ودلال والهنوف وريم ودانه وبدور >> ورجعو على نهاية العصر .. ولبسو الفساتين وبعد المغرب كلهم كانو في الصاله ..
دخلو الصاله الي كانت شكلها رهييب وكله من اخراج وتصميم البنات وخااصه العنود
عند المدخل كان فيه ثلاث اقسام واحد للهنوف الي كان لونه عنابي ومزين بورد جوري
والثاني لونه رملي برونزي وفيه خيش ورمل واحجار وفخار ومزين بورد بسيط لونه حليبي فيه لمعه ذهبيه
والأخير كان حق دلال الي كان لونه عودي وغالب عليه الطراز الطبيعي زي الشجره ونازله الجذوع منها وزي كذا ....كل واحد كان فيه دفتر كبير كل من دخل كتب لهم فيه ..
محمد وسلمان هم الي مرو على البنات وخذوهم من المشغل وودوهم للصاله ونزلو معهم يشوفونها قبل لا يجون المعزيم وكانت العنود تدور بالكاميرا وتصورهم وكانو جايبين مصوره وصورتهم كلهم ..
بعد العشا بدو المعازيم يجون العنود كان بالها مشغول بسهى تحاتيها وكله تدق على البيت ومااحد يرد ...
الساعه 10 وسهى الى الان ماجات ...
بدور: العنود شفيج
العنود: سهى الى الن ماجات والله ياخوفي ماتجي
بدور: لاتحاتين ان شاء الله تجي ..
العنود: ان شاء الله
كانت الصاله مليانه بالناس وكلن يجي يبارك للأمهات وللبنات وطبعا الرقص والوناسه ماخلو طول الحفله ..
العنود تدور بين المعازيم وعيونها كل دقيقه تطالع المدخل ...

في تمام الساعه 10 والنصف دخلت سهى وفصخت عبايتها وشافت الدفاتر وبدتتكتب لكل وحده وحطت لكل وحده هديتها فوق طاولتها عقب دخلت وهي تدور بعيونهاالعنود طبعا اول ما دخلت شافتهاالعنود وجاتها ركض ..وقفت قدامها وعيونها مغرقه دموع : كذا يالزفته تخليني احاتي ومهنا لي بال الناس يرقصون ويستهبلون وانا قاعده انتظرج ..
سهى: وانتي خبله والا مضروبه على راسج من صجك تبين حفلة تخرج العنود تمر وسهى ماتجي ودموعها على عيونها
العنود: مره ثانيه لاتعيدينها
سهى : ماراح اعيدها
وحضنو بعض بكامل قوتهم
جاتهم الهنوف : لا تخربون كشختكم ترى الحفله مابعد تنتهي
سهى: هههههههه هلا والله مبروك يالعروووس
الهنوف: ههههههه امدى قالت لج
العنود: على طول ما اصبر
تمت الفرحه وقامو البنات يرقصون ويسولفون وضحك << عاد انت اخبر >>قبل العشا طلعت العنود فوق مسرح ونادت الحاضرين والكل لف عليها وكانت على يمينها الهنوف وعلى شمالها دلال وبدور كانت قدامهم بالكاميرا ..

العنود قالت : في هالمكان وفي هالساعه وانا قدام الكل احب اقول وابين لكم الشعور الي مستحيل اقدر اوصفه مهما عبرت؛؛ فرحتي ما في كلام يقدر يعبر عنها بس يمكن تشوفونها بعيوني احمد ربي واشكره أولا انه وصلني لهالمكان وتخرجت والحين انا واقفه وبكل فخر اقول مشكوره يمى كل هذا بفضل الله ثم بفضلج انتي وابوي والله يخليكم لي ويحرمني اياكم

عقب تكلمت الهنوف : مااقدر ازيد شي عن الي قلته العنود غير اني اقول والله لو ادور الدنيا كلها ماالقى قلب يخاف علي كثرج يمى انتي وابوي ومشكورين على كل الي سويتوه لي عشان اوصل هالمكان ..

دلال وكانت عيونها مغرقه : يمى حبيبتي لو في كلمه اكثر من الشكر اقولها كان قلتها بس صدقيني مهما اقول ماراح اقدر اعبر لك عن الي في قلبي .. مشكوره الف شكر على كل الي سويتيه لي ادري تعبتي معي كثيير والله يجازيج الجنه يارب وفي هالمكان احب اشكر شخص مو موجود معنا بس اتمنى انه يسمعني الحين الي هو ابوي الله يرحمه كنت اتمنى انه يكون حي ويشوفتي متخرجه زي ماكان يتمنى بس الحمدلله على كل حال ..
كلن مسح دموعه من كلامهم الي كان طالع من قلب وخااصه دلال ...
عقب حطو موال الجسمي .. ياأمي ..

ونزلت كل وحده سلمت على امها وعطتها هديه ..
جا وقت العشا الكل قام يتعشى .. عقب الي طلع طلع والي بقى لين الفجر وراح .
مابقى الا الأهل يرتبون اغراضهم وكلن شال زحمته ورجع للبيت ..
العنود: حمد شعندك جاي ليه متعب روحك
محمد: صليت الفجر وقلت اجي اخذكم ماراح تكفيكم السيارات مع عفشكم ..
كانت سيارة محمد الي حطو فيها العفش <<اقصد الديكورات الي كانو في المدخل والسلل والخرابيط حق الحلاو>>
ركبت العنود والهنوف مع بعض في سيارة محمد وراحو على طول للبيت ونزلت العنود وتوها الهنوف بتنزل الا محمد يناديها : هنوف
الهنوف: هلا
محمد: تعالي قدام ابيج
الهنوف وهي خايفه فتحت الباب الي قدام : نعم
محمد: ممكن تركبين
الهنوف تطالعه وهي فاتحه عيونها على ان كل التعب مبين عليها
محمد: شفيج تراج زوجتي الحين
الهنوف: أي محمد بس
محمد: ماعليج بس بقولج شي
ركبت الهنوف واول ماسكرت الباب حرك محمد
الهنوف: على وين
محمد لف وجهه وهو مبتسم : لمكان مااحد يدري فيه
الهنوف قلبها بدا يطق اقوى واقوى : محمد لا من جد
محمد: أي والله امزح معج
وتمو طول الطريق ساكتين ...
لين ماوقف السياره عند البحر ونزل وراح لجه الهنوف وفتح لها الباب : تفضلي
الهنوف والخوف الى الان في قلبها نزلت وتقدمت ووقفت قدام البحر وهي تشوف الشمس تشرق كان الجو فيه نسمه هوا .. جا محمد ووقف قدامها وبيده كيس
محمد: ممكن تفتحين وجهك
الهنوف : قدام الناس
محمد ويتلفت يمين ويسار : مافي الا انا
الهنوف: مو لازم
محمد مد يده: خلاص مو لازم عندج بس انا لازم عندي
الهنوف: لا خلاص انا افتحه
وفتحت نقابها ونزلت عيونها للأرض ..
محمد مد يده ورفع راسها : طالعيني
صارت عيونهم ببعض .. ودقات قلب العنود مسرعه مليون .. ووجههااحمررر
محمد :كل مالج وتحلوين اكثر ترى انا ماقدر على الحلوين .. مبروك
الهنوف: الله يبارك فيك
محمد: مبروك
الهنوف : الله يبارك فيك
محمد: الاولى عشان تخرجك والثانيه عشان زواجنا
الهنوف يوم قال محمد كذا استحت ونزلت عيونها مره ثانيه
محمد مد لها الكيس : افتحيه
الهنوف خذت الكيس ولقت فيه علبه مغلفه بقماش احمر وعليها شريطه وقامت تفتح وما قدرت
محمد: شفيج عقدتيها ومد يده ةقام يساعها في الفتح ويده على يدها بعد مافتحوها لقت علبه مخمليه سودا فتحتها ولقت فيها خاتم ذهب ناعم وفيه الماسه ناعمه فوقه خذه محمد ومسك يد الهنوف ولبسها عقب باس يدها ..
محمد: الله يقدرني واسعدج ان شاء الله
الهنوف نزلت دموعها : شكرا
محمد : افاااااا انا جبتج مو عشان تصيحين مااقدر اشوف دموعج ومسح دموعها من على خدها يلا اشوف اضحكي ..
ابتسمت الهنوف ابتسامه خفيفه
محمد : أي كذ ابيج دوووم وياويلج اذا شفت دموع على خدج
الهنوف: ان شاء الله
محمد : اوكي حبيبتي يلا نروح
وقبل لا يوصولون للبيت
محمد: تبين شي
الهنوف: لا شكرا
محمد وهو يضحك : ولا حليب كاكاو
الهنوف: هههههه ولا حليب كاكاو
محمد راح وطلب اثنين كباتشينو وعطى الهنوف واحد وهو قام يشرب في واحد ...
بعد ماشربت الهنوف شوي من حقها قام محمد وخذ كوبها
الهنوف انتبهت بس قالت يمكن ملخبط ..
محمد: اممم حقج احلى
لفت الهنوف وقامت تطالعه : اثنينهم نفس الشي
محمد : لا هذا فيه سكر زياده
الهنوف: هههههههههه
محمد: الله لا يحرمني هالضحكه ... اذا تبين خوذي حقي خلاص انا خذت حقج
مدت الهنوف يدها وخذت كوب محمد واستانست من الحركه الي سواها ..
العنود اول مارجعت للبيت وحطت كل اغراضها في الغرفه قامت تصور غرفتها بالحوسه والهدايا عقب قامت وسبحت وجات وتربعت وقامت تفتح بالهدايا
الا تطق عليهاالهنوف
العنود: هلا والله شخبار روميو وجولييت
الهنوف: تمام
العنود: حركااات وين وداج قيس
الهنوف: هههههههههه البحر
العنود: اوب اوب على الرومنسيه ما اقدر اثر اخوي شاعري بزياده وانا ماادري
الهنوف: هههههههههههه شخبارك ؟؟
العنود: تمام تعالي لايكون سوى شي والا ماشيات
الهنوف: أقول استحي على وجهك
العنود: ههههههههه اعترفي هنوووووووووووف
الهنوف: عنووود ووجع
العنود: هههههههه اصلا عادي خل يسوي وماهو زوجك
الهنوف : ترى بسكر
العنود: هههههه لا لا خلاص
الهنوف: وانتي الى الأن مانمتي
العنود: لا بقعد افتح الهدايا بعدين بنام ..
الهنوف: والله رايقه
العنود: ايوه رايقه وش وراي
الهنوف : انا بروح انااااام
العنود: أي شعليك ياليلى ماخذك قيس ومودك البحر
الهنوف: عنووووووووووود
العنود: هههههههههه امزح يلا يلا روحي نامي
الهنوف: يلا مع السلامه
العنود: سلام
فتحت كل الهدايا ومابقى لها الا كيستين
العنود: تعبت بس مابقى الا هالثنين بفتحكم انتم مب احسن من الي قبلكم
وفتحت الاولى وكانت من سهى اول ماشافت الي فيها استااانست كان برواز كبير وفيه صورتهم الثنتين يوم كانو ضغر وكانت مسويه بالكميوتر كانهم طالعين من بيضه .. العنود انهبلت عليها واستانست وكان داخل الكيس فيه اشياء ثانيه ..
وراحت للكيس الي جنبه
العنود: هذا اخر كيس ياترى من منو ؟؟ وقامت تفكر كل الي جاو شفت هداياهم منو هاذي ..
وفتحت الكيس كان مرررره كبير وطلعت منه ساعه خشب من النوع القديم كان شكلها حلوو وغريب حطت الساعه قدامها وقامت تطالع بشكلها الغريب من فوق زي المثلث وكبيره شوي وفيها زي الباب تحت شوي الا ينط في وجهها عصفور .. العنوووووووود العنوووووووود ... ويطلع ويدخل
العنود: ههههههههههههههههههه ماتت من الضحك واستانست عليها وفي الأخير قال ..أحبك .. ودخل
العنود انهبلت على الساعه ومره عجبتها وراحت للكيس تبي تعرف منو الي معطتهااياها الا تشوف تحفه صغيره فيها بنت شعرها بني وملفلف كشه وماسكه قلب في يدها ووجهها حزين قامت تطالع فيها الا شافت زر مكتوب فيه ..on _off فتحتها الا تسمع صوت مو غريب عليها يقول ..
فقدتك ياأعز الناس ,,,
فقدت الحب والطيبه ،،
وانا من لي في هالدنيا ،،،
سواك انت لو طالت الغيبه ،،،،
رحلت ومن بقى وياي،،،
يحس بضحكتي وبكاي ،،
وحتى الجرح في بعدك يغزيني وأهلي به ،،،،
فقدتك ,,
العنود وعيونها ماقامت تشوف شي من كثرة الدموع وفمها مفتوح منصدمه : معقوله فيصل
وبسرعه تفتح الكيس وتشوف بطاقه مكتوب فيها ...

عذبيه...اسعديه...داوي قلبي وأجرحيه!!!
واللي مامثله ابد....مثلي ماحبك أحد...ولو رضي قلبي بغيرك...ماأبيه..ماأبيه!!
تملكيني لوبغيتي ...تملكيني لو رفضتي..تسحريني لو حكيتي..تسحريني لو سكتي..!!
انا نجمه في مدارك..ضي عيني من نهارك..وانتي قلبي والي فيه..لو رضي قلبي بغيرك
ماأبيه..انتي اغلي من هجرني...وانتي أجمل من يغيب..والله لو بعدك قهرني ماابي غيرك حبيب
سافري والقلب دارك...راضي بثلجك ونارك...حبي قلبي واكرهيه..لو رضي قلبي بغيرك
ماأبيه..............!!!
أنا احبك لاتخافي ..الاقلبك لو هواني..هذا ضعف وأعتراف..بس ماأرضي بهواني
أبعدي وهاذا قرارك.........ماني سجنك او حصارك..............!!
لو رضي قلبي بغيرك.......ماأبيه........ماأبيه........!!!

الف مبروووك التخرج أتمنى انك تقبلين مني هالهديه البسيطه وتتذكريني بها ...
وتاكدي انك دووووم على بالي ومستحيل انساك .. وراح تبقين العنود الي حبها قلبي وعرفها ...


.. محبك..


العنود خذت اللعبه الصغيره وشغلتها مره ثانيه وقامت تسمع صوته وتصيح .... حرام عليك ليش تسوي فيني كذا أحبك يافيصل وربي احبك ... حبيتك من زمان بس ماكنت ادري عن عمري كل الي اقدر أقوله ان الله يوفقك ويسعدك ..

اليوم الي بعد تجمعو كلهم في بيت الجده ... على العشا
دلال قامت الصباح متاخر على الساعه 10ونص وسبحت عقب قامت تشوف الأغراض الي جاتها هدايا وانتبهت لكيس صغير داخل كيس الهنوف خذته ولقت علبه فتحتها الا شافت سلسال ذهب وفيه قلاده على شكل قلب كانت ناعمه أطرافها كله فصوص وجنبه قلب صغير مدبدب ومحفور عليه أحبك فتحت القلب وشافت حرفين مقابلين بعض a d ابتسمت وخذت البطاقه الي كانت موجوده **الف مبرووووك** كنت ناوي اعطيك اياه اذا تزوجنا بس قلت الحين احسن عشان ماتقولين نساني ...
فرحت دلال وحست براااحه كبيره اتجاه عبداللطيف ...
كانو كلهم متجمعين في بيت الجد ومستانسين ملكة بدور الاسبوع الجاي هي كانت بتاجلها بس عشان دلال تحضرها فقدمتها ... والاسبوع الي بعده عرس دلال الي اصرت انه يكون في بيت جدتها وماكانت تبيه كبير بس عائلي وفي نفس اليوم راح تكون ملكة الهنوف يعني اثنينهم في يوم واحد ..
هالأسبوع كانو مرررررره منشغلين عشان ملكة بدور.. وخاصه بدور الي كانت مستانسه وفي نفس الوقت خايفه ..
الخميس ملكة بدور ...
واليوم الأربعاء الكل كان متجمع عندها ..
العنود: الله عميمه خلاص بتتزوجين بعني نودع الهبال
بدور: أي نودع الهبال هذا شي مني وفيني
دلال : ههههههههه حلوه ذي مني وفيني
الهنوف: الله والله بشتاق للقعده والجمعه هاذي
العنود: بناات شدعوه لا تسوون نفسكم حريم تراكم بنات واذا تزوجتو يعني
بدور: يالله عقبلج عشان تعرفين شلون لازم تركدين
العنود: لا ياعمري انا تو الناس علي ما افكر بالزواج خليني اعيش شبابي
الهنوف: امحق شباب
العنود: تدرون اصلا عميمه مستحيل تتغير
بدور: ليش
العنود: لان خالي نسخه منج هبااال
ريم: ماادري شلون بيطلعون عيالكم
بدور: اشوف من الحين قام الطناز عيالي احسن منكم كلكم
دانه: الله عميمه هذا وانتي مابعد تتزوجين
الكل : هههههههههههههههه
العنود: ياني بدلعهم دلع عاد هذولا عيال الغاليه
بدور: احم احم
الا يسمعون طق الجرس شوي الا تدخل منى : السلام عليكم
الكل : وعليكم السلا
والكل قام يسلم عليها
شوي وهم متجمعين الا ..
منى : يا جماعه عندي لكم خبر
الكل لف وجهه عليها
بدور: عسى خير
منى وهي مبتسمه : مفاجاه حللوه
العنود: وشوو
دلال: يلا حمستينا
منى : انا حامل
الكل : مبرووووووووووووووك
العنود وبدور: كلللللوووش
والكل قام وبارك لها وسلم عليها وهم فرحانين ...
رجع الكل لبيته العنود انسدحت على سريرها وغمضت عيونها شافت الساعه 2 اكيد الحين يكلمها او قاعد معها .. اليوم كانت ملكة فيصل العنود كان ضايق خلقها بس حاولت تخبي هذا عشان جو الفرحه الي في العائله
قامت تتذكر فيصل اول في البر ويوم كانت تسولف معه وهباله ونكته ويوم كان يغني لها وهي فاتحه الدميه وتدور وتسمع صوته ودموعهاتسيل بكل هدوء على خدودهاا
جا بكره الظهر قامت تالعنود من النوم على صوت طقة الجوال شافت رقم سهى توها بترد الا ينقطع قامت وراحت للحمام وسبحت وطلعت صلت عقب خذت الجوال ودقت عليها
العنود: الو
سهى : هلا
العنود: هلا والله شخبارك وشخبار الملكه امس
سهى قامت تصيح
العنود خافت : شفيج سهى
سهى : قامت تتمتم بفيصل ومي زوجته بس العنود مافهمت شي من كثر الصياح

العنود: سهى شفيج تكلمي فيصل فيه شي
سهى : لا
العنود : وكان قلبه ارتاح بعد ماكان بيطلع من مكانه:أجل شفيك
سهى :مي زوجته
العنود : شفيها
سهى : وهي راجعه من المشغل امس صارلها حادث وتوفت
العنود قعدت متجبسه مكانها معقوله لا ياربي ليش لاااااا مستحيل .... وقعدت سااكته ومصدومه بالي سمعته
العنود: عظم الله اجرك
سهى: اجرنا واجرك
العنود:<< كانت مصدومه بالفعل من الي سمعته ياترى ليش >>> اوكي حبوبه لا تصيحين هذا مكتوب
سهى : ونعم بالله
العنود : متى يدفنونها
سهى : ان شاء الله اليوم العصر والعزا راح يكون ببيتنا
العنود: يالله الله يرحمها ...
سهى: امين
العنود: اوكي حبيبتي انا اخليج الحين
سهى: اوكي مع السلامه ..
العنود سكرت منهنا ودموعها على خدها من هنا قامت تتذكر الي شافته قبل اسبوع والي صار اليوم ...
الكل المغرب كان بيت الجده وبعد العشا المعازيم جاو ...
طلع الكتاب لبدور فوق غرفتها مسكت القلم وهي ترجف
العنود: سمي بالله عميمه
بدور: بسم الله
الهنوف: لا تخافين عميمه
بدور: ههههههههه شفيكم
منى: تخيلي انج توقعين اخر اختبار للثانويه العامه
بدور: بسم الله وعلى بركة الله ووقعت والكل لولش وقامت وسلمت على امها ولمتها وكل الي حولها سلم عليها ...
جا وقت نزول بدور ...
بدور: بناااات خايفه
العنود : عميمه احبك
بدور: عنيده لا تصيحيني ووجع مكياجي لا يخترب
الهنوف : هههه هذا الي هامج
بدور : من عندها علك
العنود: لييه
بدور: عشان اطرد التوتر
العنود: لا والله الكاميرا قدامج وانتي تعلكين
خلود: بدور فكري بعالم ثاني انسي كل الي حولج ما كان جنبك احد
العنود :يالله انا بنزل
الهنوف : في احد عند المسجل
العنود: أي ريمو ودانوه
خلود: يلا خوذي نفس
الهنوف : دلال قومي ننزل خليها بروحها تنزل من الدرج
بدور: أخاف اطيح
خلود: ماراح تطيحين ان شاء الله
العنود تصارخ: حلاتج بروحج يلا
تسكرت كل الأنوار الا الثريا الي كانت في وسط الصاله والي على الدرج وصار النور كله مسلط على بدور
بدت الزفه والكل موجهه نظره وبكل تركيز جهه الدرج ويتكلمون ..
وأول مانزلت وبانت بدور,,,
وقفت كل العيون والحكي صابه سكون..... وقفت والكل يسأل ياترى من هي تكون
او هي قلوب العاشقين او شجون المغرمين ... قال من ناظر حلاها سبحان رب العالمين

والتكبير قايم .. الله اكبر والتلولش ...
وبدور في قلبها .. ياربي ساعدني اوصل بسلام ..
العنود ماعلمت احد بالخبر حتى الهنوف لان ماحبت تضيق خلقهم بالخبر وكانت كاتمه حزنها في قلبها وحاولت تخفيه بهبالها ورجتها عشان مااحد ينتبه لها ..

من قدنا يافرحنا من قدنا يابختنا
ليله خذتنا للياه فيها الحبايب عندنا
الى نهايه الأغنيه ..
ولين وصلت بدور عند الكرسي الي راح تقعد عليه ....
عقب حطو ردحه حقت رقص وقامو البنات يرقصون الا جا يسلم على بدور ..
تمو شوي الا جا وقت دخول المعرس ..
بدور كانت ترجف ولا رفعت عيونها كله في الارض ويوم دخل طلال وبدور تصوره وسلمان جنبه ومحمد والجد وابوها وعمها وجدها الثاني والعنود تصور لين ماوصل طلال لجنب بدور وسلم عليها ولبسها الشبكه ويوم مسك يدها عشان يلبسها الخاتم كانت ترجف ضغط عليها ... بدور قلبها قام يدق بالقوه لبسها الخاتم ويوم لبسها القلاده قرب جنب اذنها بشكل بسيط بحيث ان مااحد ينتبه له
طلال: شفيج ترجفين ماراح اكلج
بدور ابتسمت والعنود ست الحسن سجلت كل شي لانها كانت موجهه الكاميرا عليهم ...
عقب اكلها واكلته وشربها وشربته ..
عقب راحو للمجلس وقعدو مع بعض ...
طلال والابتسامه على وجهه : مبروووك
بدور: الله يبارك فيك
تمو ساكتييين
طلال : شفيج ساكته ؟؟
بدور: شقول ؟؟
طلال: أي شي خبري فيك رجه
بدور تفشلت ورفعت عيونها له وهي مستغربه وفي قلبها : الله يغربل بليسج يالعنود

طلال: وهذا الشي الي محببني فيج تراني زيج ويني ووين الهدوء
بدور: ههههههههه
طلال: ان شاء الله دوم هالضحكه
شوي وشوي وتمو يسولفون عادي
بعد العشا بدو يطلعون الناس
سلمان دق على رفعه وقال لها تجي له بره .. طلعت رفعه وبعيد عن عيون الكل وراحت له ورى الحديقه زي ماقال لها واول ما جات
سلمان: وينك سنه بغيت اموت
رفعه: اسم الله عليك ليش تموت
سلمان قرب جنبها ومسك يدها : من الشووق حبي متى نتزوج
رفعه وهي تفكر : امممممممممم الله يسلمك باقي شهرين
سلمان: مو كانه بعيد شرايك نقدم العرس
رفعه: لا لا تقدم شي زين
سلمان: حرام عليك الحين مرت 3 شهور شيصبرني 2 زياده
رفعه : الي صبرك 3 يصبرك 2
سلمان وهو فاقد الامل : يالله نصبر وش ورانا بس وش يفكك مني يوم العرس
رفعه ولعت نااار : سلماانوووووو
سلمان: عيووووووووونه
رفعه: ليش مناديني بغيت شي
سلمان: لا بس كنت مشتاق وابي اشوفك
رقعه: اوكي شفتني خلاص اروح
سلمان: لا باقي شي ثاني
رفعه : وشو
سلمان : توعديني تسوينه
رفعه: اذا اقدر عليه من عيوني
سلمان : اذا على سالفة تقدرين لا تخافين تقدرين عليه وعلى عشره زيه
رفعه : طيب امر
سلمان : أبي بوسه
رفعه فتحت عيونها : والله انك استجنيت ووخرت عنه ... ويسحبها لعنده وصارت لاصقه فيه تماما ووجهها بوجهه
رفعه خافت : سلمان لا يجي احد
سلمان وابتسامه تذبح على وجهه : ويعني انتي زوجتي
رفعه: حبيبي والي يعافيك اذا انت نسيت موقف مكه انا مانسيه
سلمان: اذا حبيبك جد عطيني بوسه واطلق سراحك
رفعه : سلمان وعد بس مو الحين
سلمان : لا الحين
الا يسمعون صوت
رفعه وهي تحاول تبعد عنه : سلمان لا يجي احد
سلمان: مالي دخل البوسه اول
رفعه من خوفها وبلا شعور باسته على خده : يلا
سلمان انصدم وماتوقع ان رفعه تسويها ووخر يده عنها وهو الى الان في صدمته ..
رفعه : يلا انا بروح
سلمان: من صدق عطيتيني بوسه
رفعه وهي تحاول تتجنب نظراته لانها مستحيه : باااي
سلمان نقز عندها ومسك اطرف اصابعها : احبك
رفعه لفت وجهها وابتسمت ونزلت راسها وراحت
سلمان : ياارب احفطها لي من كل شر ..
انتهى اليوم وكلن رجع لبيته بدور وطلال تاقلمو مع بعض على طول وكلمو بعض من نفس اليوم وقعدو لين الفجر ... وبعد الفجر رجعووقعدو يسولفون لين الصباح ...
رفعه رجعت للبيت ورمت نفسها على السرير وتمت نص ساعه على حالهاتفكر الا تدخل عليها جواهر
جواهر: الله الى الان ماغيرتي وش تنتظرين
رفعه قامت وجلست على السرير والابتسامه والفرحه مبينه في عيونها
جواهر : الله الله شهالفرحه شمسوي لج الأخ ..
رفعه : أحبه والله احبه
جواهر : تو الناس الحين عرفتي شنومعنى الحب
رفعه : ااااه أي والله توني اعرف ماألومج اول يوم كنتي تشكين لي من سامي
جواهر على طول قلبها نقزمن مكانه وجات صورته اخر مره يوم يودعها الي ماغابت اصلا عن بالها ..
رفعه: اسفه جواهر
جواهر : لا عادي الله يرجعه بالسلامه
رفعه: امييين يارب
العنود الي يوم ارجعت البيت وبدلت وانسدحت على السرير وقامت تصيح بكل قواها ليش ياربي لييش يارب والله انا ماكان قصدي كذا انا كنتادعيله بالتوفيق من قلبي وتشهق صياح .. لين سمعت دقه الجوال ورفعت بصياحها
الهنوف : الو العنود شفيج تصيحين
العنود: الهنوف مي ماااتت
الهنوف وعلامات تعجب على وجهها : منو مي ؟
العنود: زوجة فيصل أخو سهى
الهنوف: شلووووووون مو ملكتهم قبل امس ..
العنود: أي بس كلمتني سهى امس الظهر وقالت لي انها وهي راجعه من المشغل صدمتها سياره وماتت
الهنوف شهقت : الله يرحمها
العنود: هنوف احس اني انا السبب
الهنوف: استغفري انتي شدخلج
العنود: انا قبل اسبوع ونفس اليوم حلمت فيها ..
الهنوف: ويعني هذا ماله دخل حلم عادي
العنود: لا احس بسبتي لو مانمت كان ماحلمت ولا تحقق الحلم
الهنوف وبعصبيه : عنووود حرام عليج انتي شتقولين ..مالج دخل هذا حلم انتي مالج دخل والي صار مكتوب ومقدر ..
العنود ونبره صوتها بصيا واقوى : هنوف اقولج حلمت فيها انها لابسه فستانها وكانت فرحااانه وبكامل زينتها طالعه من المشغل والله شفت الفرحه بعيونها وفبل لا تطلع شافتني وجاتني وقالت : انتي العنود قلت لها : أي
قالت : هذا اليوم اسعد يوم عندي لان ربس راح يجمعني بشخص احبه بس عندي طلب
رديت عليها : امري
قالت : لا أوصيج على فيصل اسعديه قد ماتقدرين
اانصدمت يوم قالت كذا هي على طول لفت وطلعت حاولت اناديها لحقتها بس ماشفتها ..
الهنوف نفسها انصدمت من الي قالته العنود بس قلبها كان يعورها على حال حبيبتها وبنت عمها
الهنوف: ولو هذا حلم ماله دخل هنود حبيبتي يمكن هالموته خيره لها ارتاحت من الدنيا وعناها .. يمكن في زواجها من فيصل ماراح تستانس او حياتها ماراح تصير سعيده وبتتعذب فربي يبي يريحها وخذها لعنده خلاص هذا وقتها وكل شي مكتوب لاانتي ولا غيرج له السبب في وفاتها انتي ادعي لها بالرحمه هذا كل الي تقدرين عليه ..
العنود ارتاحت من الكلام الي قالته الهنوف : ان شاء الله الله يرحمها بس وش هالوصيه الي وصتني انا شدخلني
الهنوف: عنود الحلم انسيه خلاص هي الحين تطلبج تدعين لها بالرحمه
العنود: الله يرحمها
الهنوف: اوكي قومي غسلي وجهج ونامي انتي تعبتي اليوم
العنود: ان شاء الله يالله اخليج
الهنوف: طيب يلا سلام
العنود: لحظه
الهنوف: هلا
العنود: بكره نروح نعزي سهى طيب
الهنوف: اكيد بس العزى مو في بيت عمها
العنود: لا قالت انه في بيتهم
الهنوف : خلاص اجل بكره نروح
سكرت العنودمن الهنوف وحطت راسها على المخده وقامت تتذكر الحلم وعقب قامت تدعي لمي وتستغفر ربها لين نامت ...
الهنوف من جهه ثانيه كانت مستغربه منالي صار للعنود وقامت تدعي ربها انه يخفف على العنود شعورها بالذنب الي ماله وجود اصلا ؟...
من بكره العنود خبرت اهلها والكل راح حتى محمد وابوها وامها وام الهنوف وعزو اهلها حتى سلمان والجد راحو ...
اليوم الي بعده وكان اخر يوم للعزا .. راحت العنود لسى من بعد العشا عشان تواسيها وقعدت معها لين الساعه 11 وهي طالعه من باب الشارع الا في دخلة فيصل شافته يكلم راجو
فيصل: منو تبي انت ؟؟
راجوا: ماما العنود صديق سهى
فيصل : طيب
ولف وجهه الا يشوف العنود قدامه وعيونه بعيونها العنود تجبست مكانها وهو بعد وتمو يطالعون بعض ولا احد عارف شيقول او يتكلم العنود كانتتشوف الحزن الي واضح على وجه فيصل وفيصل كان يطالععيون العنود الذبلانه من كثر الصياح .. لين ما قطعت العنود السكوت بعد مانزلت عيونها
العنود: عظم الله اجرك
فيصل : اجرنا واجرك الله يجزيك خير
وكملت العنود طريقها وراحت للسياره
فيصل تم يراقب السياره لين ماطلعت من الشارع ..عقب دخل وعلى طول راح لغرفته ودخل خذ له دش وهو تحت الماي كانت في باله العنود ومي
فيصل : يااارب سامحني العنود في قلبي ماقدرت اشيلها منه ويمكن الي صار راحه لمي لان اخاف ما اريحها وانت خذتها عشان تخليها ترتاح يارب ارحمها ...

مااقدر اقولكم تفاصيل الاسبوع هذا لان البنات كانو في قمة شغلهم نزلو الامارات وقعدو 3 ايام عشان يقضون حق عرس دلال وملكة الهنوف ..وكانو بيسوون ليلة الحنا الي كانت قبل ليله العرس وكان الكل مستانس والاغلب لابسين جلابيات والكل يتحنى من جهه ...
العنود طول هالاسبوع صوره مي وفيصل ماغابت عن بالها والكل كان يسالها عن حزنها بس كانتتتعذر لهم باي شي والوحيده الي كانت عارفه هي الهنوف وكانت دووم سندها ومعها وتحاول تهديها
دلال خوفها كان اكثر من الهنوف لانها راح تتزوج عبداللطيف وهي ماكلمته ابد من اخر مره يوم يقوللها انه عاشق بلادي وكانت خايفه لانها اول مواجهه بينهم بعد ذيك المره ..
ليله الحنه ...
الاهل متجمعين في كل مكان من انحاء البيت وكانو يتحنون والكل مبسوط ومستانس والي يرقص من جهه والمسجل ما سكت طبعا من الطق .. وهم البنات ما قصرو ..
العنود بعد حنه وزنه من الهنوف حنت يدها بس من فوق من داخل لا وكانتتحاول بقدر ماتقدر انها تخفي الحزن الي فيها وتظهر الفرحه على وجهها عشان خاطر الهنوف ودلال ...
الساعه 1 كانو البنات متجمعين في الصاله ومعهم رفعه الا يدخل عليهم سلمان وماكان يدري بوجود رفعه ..
سلمان: السلام عليكم
رفعه اول ما سمعت صوته نقزت وتخبت
الكل : وعليكم السلام
سلمان : الله الله شهالحنه حركااااات يابختك يا عبد اللطيف بكره بتتزوج
دلال استحت وحمر وجهها
بدور: اقول استح على وجهك احرجت البنت
سلمان: بنات ادعو بسرعه يجي يوم عرسي
العنود: اميييييييين وتطالع رفعه وتضحك
رفعه كانت مستحيه من الي قاله سلمان
الهنوف: وانت حسبالك احنا زيكم مستعجلين وملهوفين على العرس
سلمان : لا ادري انكم مبرديين بس احنا الي اللهالعالم بنا
دانه: اللهعمي شكلك متعذب
رفعه كل مالها وتحمر وماسه ضحكتها
سلمان : وحد عنده زي الي عندي ولا يتعذب
بدور: والله ماتستحي وتقولها عيني عينك
سلمان: لا قومي طقيني احسن كلكم كبار وكل وحده فيكم وقريب تتزوج لاتقولون لي عيب بعد .. تراني اتكلم عن زوجتي حلاااااااال
الا يدخل محمد : احم السلام عليكم
بدور: ستوووووب
محمد: بسمالله مابعد دخلت
العنود: مااحد محرم لك البنات يتغطون بغيت شي ..
محمد: خوش طرده
سلمان: قالو لك البنات يتغطون مسكيييين والله فاتتك اشكالهم بجلابياتهم وكاشخين والحنه بيدهم
قامت العنود وطلعت :
محمد: الله الله
العنود: لا تخاف انا موكاشخه هاذي طبيعتي احم احم جمال من الله
محمد: ادري طالعه على اخوج
العنود: لا والله
محمد: انزين ممكن اخذ زوجتي
بدور : ههههههههه أي زوجه يلا رح بكره تشوفها
محمد: نعم ما سمعت وانتي وليه امرها وانا ماادري تراها زوجتي
سلمان : ندري بس حالك حالنا تصبر
ريم: والله لو تدري ياعمي كان ماقلت الي قلته
رفعه تاشر لها : اشششششششش
سلمان انتبه لنظرات البنات ودخل وشافها وابتسم رفعه حمر وجهها واستحت وردت الابتسامه
سلمان : هنوف ممكن تطلعين لزوجك يبي يكلمج شوي
الهنوف : نعم
محمد: يلا الي سمعتيه انا ماراح اكلج بس ابيك بكلمة راس
الهنوف رفضت تطلع ..
سلمان: طيب محمد الله لايهينك طريق عشان تطلع المره
محمد: هههههه طيب بس الي يتغطى مني يطلع لان برجع وبدخل عليكم
راح محمد وسلمان خذر رفعه وطلع معها بره
الهنوف بنات انتو قعدو انا بروح للمطبخ اتخبى واذا جا قولو في الحمام ..طلعت الهنوف وتوها بتدخل المطبخ الا في وجهها محمد
محمد: حلفي يعني بتتخبين مني
الهنوف استحت وتفشلللت
محمد قام يطالع يدها : الله كل هذا عشاني
الهنوف الله يرحم حالها راااحت فيها ...
اما رفعه وسلمان الي طلعها بره
رفعه: مو كانه حر
سلمان : تستاهيلن اجل تتخبين عني
رفعه: لا مو قصدي بس الحنه في يدي وحوسه عشان كذا
سلمان : حلاتج بحوستج
رفعه وهي تقشر الحنه من على يدها في الزرع ..
سلمان: شتسويين
رفعه: اشيل الحنه
سلمان: حلوه خليها
رفعه : ههههههههه خلاص صبغت
سلمان :طيب هاتي اساعدج ...وراح جنبها وقام يقشر الحنه معها
رفعه: انتبه لا يتوسخ ثوبك خلها عنك
سلمان وهو مندمج يشيل الحنه : ماعليك من ثوبي الا انتبه للخاتم الي في اصبعها
سلمان: ليش ما شلتيه شوفي مكانه ابيض مافيه حنه
رفعه: وليش اشيله خليتها تعدي مكانه هذا مستحيل ينشال من اصبعي لين اموت
سلمان : وياعل يومي قبل يومك
رفعه: لا تقول كذا
سلمان : الا بقول انا مااقوى اقعد بروحي تبيني انهبل تروحين وتخليني
رفعه فيهاالغصه من كلام سلمان وابتسامه خفيفه على وجهها : غير السالفه ....

خلص اليوم وجا بكره الي هو يوم العرس لدلال وملكة الهنوف ...

طبعا الكل كان في المشغل من الظهر باستثناء العروستين كانو في بيت الجد الي راح يقام فيه العرس ومعهم امهاتهم والجده .. العنود حبت انها تكون جنب الهنوف بطلب منها فخلت الكوافيرا تجي للبيت وسوتلها هي وامها وخالتها ..
دلال كانت تحاتي كثير والخوف مبين عليها والأرتباك من امس على انها حاولت انها تهدي نفسها ..
الهنوف كانت اهدا منها بكثير لانها خلال هالاسبوعين شافت محمد فيهم وكلمته بحم انهم ملكو من زمان فهذاالشي ريحها اكثر ..
بعد العشا على طول على الساعه 9 بعد ما اكتملو المعازيم وبعدماجات سهى خصوصي عشان خاطر البنات الي ماكانت تبي تكسر بخاطرهم كانت زفه الهنوف ..
كانت الزفه حللوه وطبعا ما تخلى متتعليقات البنات ورجاجتهم والعنود الي وكلت المصوره بالتصوير لان حبت تكون مع الهنوف وبعد ما قعدت نص ساعه ودخل محمد الي وسامته خلت الكل ينبهر فيها وكانو ثنائي ولا احلى هو والهنوف ...
الساعه 12 كانت زفة العروس دلال كانت عباره عن اصوات عصافير وزي موسيقى الكمان فيها بدون كلمات او شي لين ماوصلت لكوشتها الي كانت كلها ورد وفستانها السكري الناعم <<كانت كوشتهاتوحي الى ىالطبيعه >> بعد ما دخلت ووصلت بداالطق وصورتهاالمصوره طبعا عقب دخل عبداللطيف وتصور معها ..
تمو متجمعين لين الفجر بس عبداللطيف الساعه 1 اخذ دلال وراح للفندق ..
دخلو لغرفتهم ودلال كانت خااايفه والى الان ماحطت عيونها بعيونه ..
عبداللطيف قرب عندها ومسك يدها:مبروووك
دلال: الله يبارك فيك
عبداللطيف : شفيج
دلال وقلبها يدق بقووووه: ولاشي
عبداللطيف: للحين زعلانه علي
هنا رفعت دلال عيونها ...
عبداللطيف: واخيرا شفنا عيونك
دلال ابتسمت ..
عبداللطيف باس راسها : الله يقدرني ان شاءالله اريحج واسعدج قد مااقدر
دلال كانت ساكته ميته من الحيا
عبداللطيف بعد عنها : يلا ترى العشى جاهز ...
كانت ليلتهم هاديه ومافيهااشياء تذكر <<حلو التعبير هههههههه >>> لان كل واحد فيهم حيوي اكثر من الثاني بعد العشا قعدو شوي يسولفون سوالف بسيطه والتلفزيون شغال وعبداللطيف يفرر فيه ..
تم شوي عقب قام وانسدح على السرير ..
عبداللطيف: قومي نامي ترى بكره الطايره من الساعه 8 الصباح
دلال : ان شاء الله
عبداللطيف غمض عيونه ونام اما دلال تمت مكانها تراقبه وهو نايم وماحت بروحها الصبح ..
قام عبداللطيف وشافها على حالهانايمه على الكرسي .. قومها وهو معصب نوعا ما هذا الحيا وما يسوي

دلال قامت وقام يانبها ليش مانامت على السرير
دلال : ................. لا بس راحت علي نومه وما حسيت
عبداللطيف يطالعها بنظرات يعني أي صدقت : اوكي يلا تجهزي مابقى شي 7 لازم نكون في الطار ويالله يمدينا نمر نسلم على الاهل ...
قامت دلال وتجهزت وراحت سلمت على جدتها وجدها والدموع مافراقت عيونها
العنود: خلاص دلال ان شاء الله بتمر السنتين بسرعه لا تخافين
دلال: لا ان شاءالله بجي قبل في عرس هنوف وعميمه وهي تغمز للعنود وفي ملكتج
العنود والدموع تخالط بسمتها : ههههههههه
سلمت علىالكل امها وخواتها وعمامها وراحت للمطار بدموعها البنات ماحبو يروحون معها عشان ما يزيد صياحها ..
الي راح معها عمامها وجدها وبدور بس ..
وصلو واعلنو وقت الرحله وسلمو على الكل
ابو عبداللطيف : لااوصيك على دلال وياودي
عبداللطيف: لا توصي حريص يبى
الجده: هالله هالله فيها واياني واياك تزعلها
عبداللطيف مبتسم وهو يطالعها : دلال في عيوني لاتخاف عليها
بدور:دلول اذا سوالج شي بس عطيني رنه واجيك مثل السوبر مان
سلمان: وانا باتمان
الكل : ههههههههههههه
دلال: والله بشتاق لكم

بو عبدالله: خلا يمى اذا بغيتي أي شي لا تستحين الرقموتعرفينه مايردج الا لسانج
محمد: شدعوه يبى ان شاء الله عبد اللطيف ماراح يقصر
ابو عبدالله: أي بس تعرف البنات ودلعهم
دلال : هههههههههه
عبدالطيف : خلها تدلع ياعمي كم دلال عندي
خلاص اعلنو عن وقت لاقلاع سلم دلال على الكل بدور: ياعمري حتى احنا والله
وراحت مع عبد اللطيف وقلبها عند اهلها وفي بلادها
شلون راح تعيش دلال هناك هل راح تتقبل الحياه وشلون بتتاقلم مع عبد اللطيف بروحها وهي متعوده على ىالجو العائلي في البيت ...



ركبت دلال مع عبد اللطيف الطياره وطارت في السما ..
عبد اللطيف كان في قمه الفرحه لان تحقق له الي يبي والحمد لله رجع ودلال معه وكانت واضحه على وجهه الفرحه ..
دلال الي كانت سرحانه في أهلها والعبره خانقتها وماودها تصيح أكثر عشان ماتضايق عبداللطيف كانت تطالع من النافذه وسرحاانه وعبداللطيف كان يراقبها وهي مو حاسه لين بعد فتره لفت وشافته يطالعها وابتسمت
عبداللطيف: اللي شاغل بالج يتهنى به
دلال عيونها كانت تلمع من الدموع الي فيها ابتسمت وغمضت عيونها ونزلت دمعه وبسرعه امسحتها ..
عبداللطيف كان حاس فيها فما علق غير انه مسك يدها ..
دلال حست بالراحه وفي قلبها : ياربي عوضني عن غربتي من أهلي فيه مالي غيره
بعد ماكلو نامت دلال وماقامت الا على صوت عبداللطيف
عبداللطيف : دلال قومي وصلنا
دلال فتحت عيونها وشافت نفسها نايمه على كتف عبداللطيف استحت وبسرعه قامت عنه : اسفه ماحسيت
عبداللطيف وهو رافع حواجبه : ماله داعي الاسف
دلال: وصلنا
عبداللطيف : لا بس زهقت بروحي قلت اقومج تقعدين معي
دلال ضحكت بهدوء : طيب عن اذنك بروح الحمام
عبداللطيف : اكيد ..بس لاتطولين ترى امزح مابقى شي ونوصل
دلال هم رجعت وضحكت بهدوء : ان شاء الله

نرجع للسعوديه الي الكل كان نايم بعد أمس الي كان يوم متعب ..
الدوام خلاص مابقى عليه الا أسبوع ..
البنات طبعا كانو متحمسين <<اقصد الهنوف والعنود>> اول سنه لهم كليه كانو مختبصين بس مستانسين يازعم انهم كبرو سجلو في قسم انجليزي اثنينهم مع بعض ..
سهى راحت تدرس في الرياض عند أهل امها ....
ريم ودانه الله يعينهم هالسنه ثالث ثانوي ..
عبدالله وندى الاسبوع الجاي كانت سفرتهم للندن عشان عبدالله يتعالج ..
طلال وبدور علاقتهم كل مالها في تطور مستمر وبدور يوم عن الثاني تكتشف شي في طلال يحببها فيه اكثر وخاصه مزحه وتنكيته الي دووم يخليها تضحك...

نرجع للندن وصلو العروسين لشقتهم الصغيره الي عجبت دلال كثير بديكورها وأثاثهاالناعم << عبد اللطيف بعد ماوافقت دلال وصى واحد من أصدقائه انه يرتب له شقته ويزيد عليها بعض الاشياء >>
حتى عبداللطيف عجبه الديكور الجديد حق الشقه وعلى طول دق على أهله وطمنهم بوصوله ..
عبداللطيف : ها حبيبتي ان شاء الله عجبتج الشقه
دلال: أي مرره حلوه
عبداللطيف : اوكي قومي بدلي وارتاحي شكلج تعبانه
دلال : اوكي ..
دلال قامت ودخلت للغرفه فتحت شنطتها وقامت تطالع في ملابسها وتتذكر السعوديه ..شافت جلابيتها العنابيه الي عطتها اياها جدتها ختها ولمتها وشمت ريحة العود الي دووم تحطه جدتها : يابعد عمري ياجدتي والله بشتاق لج وللقعده معاج .. قامت ودخلت الحمام وخذت لها دش ولبست وطلعت وهي لافه الفوطه على شهرها
عبداللطيف: نعيما
دلال بابتسامه ناعمه : الله ينعم عليك
وقفت قدام التسريحه وطلعت شنطتها حق اغراضها الشخصيه و قامت تمشط شعرها
عبداللطيف دخل للحمام ..
دلال بعد مانشفت شعرها نص تنشيف رفعت نصه وخلت الباقي نازل على كتفها ... تعطرت وطلعت بره الغرفه
وراحت للمطبخ وسوت كوبين كوفي ..
عبداللطيف طلع كانت الغرفه مليانه بريحة عطر دلال لبس وطلع لها الصاله : ها شتسويين
دلال وهي تمد له الكوب : كوفي
عبداللطيف: كنج حاسه فيني ..
دلال راحت وقعدت على الكنب وجنبها عبداللطيف فتح التلفزيون وقام يقلب فيه ..
عبداللطيف: فيج حيل تتطلعين اليوم
دلال : عادي
عبداللطيف: اوكي خلاص جهزي نفسك على الساعه 9 ..
دلال: ان شاء الله
دلال قامت دخلت للغرفه وقامت ترتب اغراضها عبداللطيف انسدح على الكرسي ونام ..
وهي ترتب شنطتها شافت شريط مكتوب عليه ( اهداء الى دلول.. بنات عمك ) رفعت راسها تدور مسجل مالقت طلعت بره الغرفه الا تشوف عبداللطيف منسدح ونايم راحت جابت شرشف وغطته عن البرد وخذت المسجلالي في الصاله ودخلت الغرفه وحطته وسمعت أغنية الرساله حق الجسمي ..
قامت تضحك وتذكرت انهم كل مايتجمعون لازم يحطون هالأغنيه عشان العنود تحبها وهي تسمع كلمتها وعيوها غرقانه دموع ..
اشتكي من بعدهم قلبي متعلق بهم
حتى لو طال الزمان في فؤادي حبهم
هم على بالي اكييد لو عن عيوني بعيد
والله هذا الكون كله مايساوي شوفهم
الخ …..

عقب سمعت صوت العنود : اهلييين دلول ها تذكرتي هبال اول والله راح نشتاق لك الجمعه بتصير ناقصه من دونك ..
الهنوف: دلول ادري فيك بتصيحين الحين سمعي احنا ماسوينا هالشريط عشان تصيحين سويناه عشان لما تقعدين ماعنج لا شغل ولا مشغله تفتحينه وتتذكرينا حطينا لج فيه منوعات
بدور: والا اذا قعدتي تطبخين حطيه تسلي فيه
ريم: دلوول ان شاء الله تعجبك الاغاني ترى كلها هبال عاد العنود موجوده لازم
العنود: اي ترى انا صاحبة الفكره
بدور: احم احم بس كلنا موجودين
دانه: اكشخ دلول والله انج مهمه
العنود: يلا روحي سمعي الشريط
الهنوف: دقيقه دلول لا اوصيج بالرسايل
ريم: الناس تطورو تقولين رسايل
بدور: لا لا صدق ارسلي لنا نسوي زي الافلام المصريه
العنود: بنشتاقلج
بدور: ماادري شلون بشرب القهوه وانتي مو في الصاله يادليل بس يالله كلها كم شهر حتى انا بطلع
الهنوف: لا اوصيج نبج تجين والبيبي معاج
دانه: هههههه بصير خاله وناسه
…الخ
كانت سوالف لدلال وهي تسمع وتصيح ومستانسه عقب جات مجموعه من الاغاني والاشعار الي مسجلينها ..
استانست دلال على الشريط وعجبها كثير لان البنات جامعين فيه اغلب الأغاني الي تحبها ..
قامت تسمع وهي ترتب الأغراض تمت ساعه تقريبا ..
بعدين انتبهت للساعه وراحت تجهزت لبست تنوره قصيره مموجه بالبرونزي وسكري ولبست بلوزه شيفون كمها طويل وناعمه لونها برونزي وحطت مكياج خفيف ..
دلال: مابقى شي خل اروح اقعده
الا يدخل عليها عبداللطيف : السلام عليكم
دلال: هلا والله وعليكم السلام صحيت
عبداللطيف: اي صحيت وين الي بتقومني الحين الساعه 8 ونص
دلال: توني كنت بجي اقعدك
عبداللطيف: مانمتي
دلال: لا
عبداللطيف قام يطالعها بنظرات كلها حنيه ..
دلال استحت من نظراته وحست نار تولع بجسمها ابتسمت: ها ماراح تتجهز
قرب عبداللطيف عندها ودلال قلبها يدق بقوه ومرتبكه .. مسك يدها وكانت اطرافها بارده
عبداللطيف: شفيك بردانه
دلال : لا عادي
عبداللطيف: يدك مثلجه تقولين عادي .. البسي شي ثقيل ترى الجو بره بارد << الا انتبه للقلاده الي في عنقها شافها وابتسم : الله حلوه القلاده عليج عسى عجبتك
دلال : اكيد تعجبني دامها منك <<قالت وهي مو حاسه بعمرها
عبداللطيف وابتسامه على وجهه: ولو من غيري
دلال: هههههه هم بتعجبني
عبداللطيف: اشوه
قرب جنبها اكثر وباسها على راسها :أحبك
دلال حمممرت وماعرفت شترد: يلا قوم تجهز لانتاخر
عبداللطيف: ههههههههه
دلال: شفيك تضحك
عبداللطيف: على التصريفه
دلال تفشلت اكثر وتمت ساكته ..
عبداللطيف بعد عنها : يلا ربع ساعه واكون جاهز
دخل للحمام وخذ له شور.. دلال خذت عبايتها وشنطتها وطلعت للصاله قعدت على الكنب تقلب في التلفزيون
لين ماطلع عبداللطيف: يلا
دلال لفت وجهها وقامت تطالع فيه كان شكله حلو لابس بنطلون بيج وقميص زيتي وريحة عطره ماليه المكان
قامت دلال ولبست عبايتها ولفت حجابها وطلعو ..
راحو للمطعم تعشو وبعد ماخلصو عشى طلبو لهم حلى وهم ياكلون الا تجي وحده ..
البنت: hi lateef
عبداللطيف: هلا رشا
البنت : how are you??
عبداللطيف: Im fine,how about you?
البنت :Im fine too,<وتلف وجهها على دلال >>
عبداللطيف: هاذي زوجتي دلال
البنت : اوووووو مبرووك
مدت يدها لدلال ودلال صافحتها : الله يبارك فيج
عبداللطيف: هاذي زميلتي رشا تدرس معي بالجامعه
دلال: تشرفنا
رشا: ثانكس .. nice to meet you <<سعدت بلقائك >>

دلال: me too
رشا:when you will come back in college
عبداللطيف: قريب ان شاء الله
رشا : اوكي باي
عبداللطيف : باي
كملو اكلهم .. عقب طلعو يتمشون
عبداللطيف: مو بردانه
دلال: لا عادي الجو حلو
عبداللطيف : شرايج بلندن
دلال: تو الناس مااقدر احكم الحين
عبداللطيف: ان شاء الله بتعجبك فيها عرب كثييير ان شاء الله اعرفك عليهم صدقيني راح تستانسين
دلال: ان شاء الله
تمو شوي عقب رجعو للشقه ..
اول ما وصلو صلو العشا عقب بدلت دلال ملابسها عبداللطيف كان يكلم صديقه ناصر في الصاله ..
دلال توها بتطلع للصاله الا في دخله عبداللطيف : هذا نصور الي كنت اكلمه
دلال: شخباره
عبداللطيف : تمام بيمر علينا بكره
دلال: حياه الله
عبداللطيف: عرفتي من هو
دلال: أي مو هو الي كنت تقولي عنه
عبداللطيف ابتسم: أي هو زين ذاكره
دلال: امممم تبي اسوي لك شي
عبداللطيف : شي زي وشو مثلا
دلال: شاي عصير أي شي تشربه
عبداللطيف: نوو شكرا
سكر الباب وطفى النور... الابجوره كانت مفتوحه ,,
دلال : طيب انا بروح اشرب ماي
وهي طالعه مسك يدها وبصوت واطي :جيبيلي كاس معااك
دلال : ان شاء الله
راحت دلال جابت كاس ماي ولا شربت وكانت خايفه خذت نفس ودخلت الغرفه ومدت له الكاس : تفضل
عبداللطيف : شكرا ... شرب الماي الحمد لله
وراح انسدح على السرير
عبداللطيف: تصدقيتن على اني نايم اليوم بس احس بعد فيني نوم
دلال: تعب السفر
عبداللطيف: يمكن وانتي ماراح تنامين
دلال قلبها بدا يدق : الا
راحت عند التسريحه فتحت شعرها وقامت تمشطه وعبداللطيف يراقبها بكل هدوء هي كانت ملاحظه نظراته
قام عبداللطيف ووقف وراها ومسك شعرها ...
دلال وقفت ولفت عليه : شفيك
عبداللطيف: ولاشي
راح وفتح البلكونه : تدرين أول لا جيت اكلمج اقعد هنا في البلكونه
دلال تبسمت تذكرت أول وحست بالاحراج
عبداللطيف: الله ياحلوها من ايام بس كان شي واحد يعذبني
دلال ونظراته لعبداللطيف تقول وشو ..
عبداللطيف يكمل كلامه وعيونه بعيونها : الشوووق ،، كنت اتخيلج معاي والحمد لله ربي حقق لي الي ابيه احس الي انا فيه حلم
دلال قربت عنده ومسكت يده وقرصته ..
عبداللطيف: ااااي
دلال: ههههه تاكدت انك بعلم مو بحلم
عبداللطيف قرب جنبها اكثر : لا ماتاكدت للحين احس اني بحلم
دلال وابتسامه تبين انها مستحيه : امممممممم يعني اقرصك مره ثانيه
عبداللطيف: مايفيد القرص ما أحس
دلال : اعضك
عبداللطيف : على طاري العض تعالي ترى عليج دين لي
دلال : ديين ؟؟؟
عبداللطيف : أي دين تذكرين يوم تتاخرين علي نص ساعه قلت بعاقبج بعضه ،،،
دلال: هههههههههه خلاص توبه مااعيدها
عبداللطيف: لا تحاولين مافي امل كل واحد لازم ياخذ جزاه اجل ماخرتني نص ساعه وانا وراي دوام
دلال: ههههههههه
عبداللطيف : يلا استسلمي
دلال: ههههههه استسلمت ..أشهد ان لا اله الا الله وان محمد رسول الله اخذ احتياطي اخاف تكون سامه واموت
عبداللطيف : الله يرحمج وفتح فمه عشان يعضها ..
غمضت دلال عيونها: ااااي
عبداللطيف: هههههههههه
دلال: شفيك تضحك
عبداللطيف: ماسويت شي تقولين أي
دلال : هههههههه
عبداللطيف : يلا غمضي عيونج
غمضت دلال وماحست الابوسه على جبينها .. فتحت عيونها وهي مبتسمه
عبداللطيف غمزلها: ها شرايج بالعضه
دلال: تعوووووور
عبداللطيف + دلال : هههههههههههه
عبداللطيف : اجل جهزي روحج كل يوم بصبح وامسي عليج بوحده
اليوم الي بعده ..
نرجع للسعوديه في بيت الجد وبالتحديد في غرفه بدور...
بدور توها طالعه من الحمام وكانت تمشط شعرها .. الا يدق تلفونها شافت الرقم وارتسمت على وجهها ابتسامه وردت
بدور: هلا والله
طلال: هلا بج وينج سنه وانا ادق عليج
بدور: كنت في الحمام اسبح توني طالعه
طلال : الساعه 2 حد يسبح هالوقت
بدور: عادي كنت حاطه حنه في شعري وعشان ماتبهذلني مع الصلاه حطيتها بعد العشا وتوني غاسلتها
طلال: وك وك شف العجوز تحط حنه عشان تغطي الشيب
بدور: أي عجوز في عينك انت لو شفت شعري شلون صار لونه كان انهبلت عليه
طلال: هو بس شعرج الي انهبلت عليه انتي كلج مهبلتني
بدور استحت : .... ياما ناس انهبلو بسبتي بس شسوي ربي الي معطيني هالجمال بعد شوي
طلال: حتى انتي عندج نفس المشكله
بدور: أي مشكله
طلال: حتى انا نفس الحاله سبحان الله انا وياج بكل شي نتطابق
بدور: وشووو؟؟
طلال: اصلا انا احاول قد مااقدر اني مااطلع بره البيت والمجمعات بس عشان هالمشكله
بدور: أي مشكله
طلال: تخيلي بدوور ان جاتني شكوى من وزارة الداخليه
بدور بعد نفاذ صبر : طلوووول وشو ؟؟
طلال: كل ماشافتني بنت رجعت بيتها وهي مستخفه
بدور: ههههههههههههه
طلال: ترى اتكلم جد ... تخيلي ارجع البيت وافتح الكيس والقاه كله اوراق
بدور: اوراااق؟؟
طلال: أي من كثر مالبنات يرقموني
بدور: لاوالله لهالدرجه جذاب
طلال: والله مداح نفسه يبيله رفسه بس الجواب عندج
بدور: انااشوفك عادي حالك حال الباقي مو لدرجه ان الناس ينهبلون عليك
طلال: انتي روحي مستشفى المجانين وتشوفين اغلبهم دخلو بسبتي عاد يوم سوو احصائيه عن السبب تدرين وش طلع
بدور: وشو؟
طلال: سببين الاول : غمازاتي
بدور: اهاااااااا والثاني
طلال: الثاني الله يسلمك بسبب اسلوبي المرح
بدور: اجل ياحظي
طلال : ليش عشاني زوجك
بدور: لا .. عشان انا الوحيده الي طلعت سليمه ونجنيت من بين الكل
طلال : لااااا عاد انتي غير
بدور: ليه غير
طلال : لانج جننتيني قبل لا اجننج
بدور:.......................................
طلال: تخيلي نايم قاعد اركض امشي على كل احوالي كل شي فيني يقول بدور بدور بدور بدور
بدور: ههههههههههههه
طلال: انشاء الله دوم الضحكه
بدور: تسلم
بدور: اممممممممم تدري حاز في خاطري روحه ندى وعبدالله
طلال: يالله هم بيروحون عشان عبدالله يتعالج الله يرجعهم سالمين
بدور: يارب ان شاء الله مايطول معه العلاج
طلال: اميين
خلاص مابقى على روحه ندى وعبدالله الا كم يوم الكل كان زعلان على روحتهم ...
مر الاسبوع وجا وقت سفرهم وراحو والكل يدعي لهم يرجعون وعبدالله يمشي على رجوله ... الحلو في المر انهم بيروحون لندن عند دلال وعبداللطيف وعبداللطيف حاول يشوف لهم شقه قريبه منهم ولقى وهذا الشي خلى دلال والهنوف يستانسون ..
بدا الدوام وكالعاده اول يوم كلن قايم متاخر والي مواصل هنوف والعنود كانو متحمسين نوعا ما شافو بعض صديقاتهم الي كانو معهم ....
مرت الايام بسرعه وماحسو فيها .. بس كانت الجمعه يوم الجمعه ناقصه بدون دلال وندى وعبدالله وهذا الشي الي كان مغير جو الجمعه شوي ..

مرت تقريبا شهرين .. الحمدلله عبدالله حالته قامت تتحسن وتاقلمت دلال على الوضع هناك وتعرفت على جيران وناس عرب وغير عرب والحمدلله ارتاحت معهم وكانت ندى معها وهذا الشي الي ريحها اكثر وخلها تتاقلم اكثر
قرب رمضان والكل كان متحمس له عاد هذا رمضان شهر الرحمه والمغقره والخير ..
كان الجو حلوو مايل للبروده ..
كانو البنات كثير يتجمعون في بيت جدهم يعني تقريبا في الاسبوع 3 مرات قربت الاختبارت الشهريه
البنات التهو اخر اسبوعين في الاختبارات ...
جات اجازه العيد طبعا الكل استانس وارتاح
اليوم الجمعه تجمعو الاهل بعد فتره انقطاع اسبوعين عشان الاختبار وكانو مستانسين
بعد الفطور..
العنود: والله لكم وحشه يادلال وندى
بدور: الجمعه ناقصه من دونهم
الهنوف : أي والله يالله ان شاء الله يرجعون لنا سالمين يارب

الكل: اميين
العنود: الا شخبار منى مع الوحم
دانه: تمام توها مكلمه امي امس
الهنوف: ليش ماجات
دانه: فارس عنده دوام ومايقدر
بدور: شرايكم بعد العيد ننزل عندها
العنود: ماراح تجي ؟؟
دانه : الا بتجي وبتقعد اسبوعين ترتاح شوي
ريم: مسكين فارس بيقعد أسبوعين بروحه
الهنوف: والله الزم ماعليها راحتها
بدور: أي بس مسكين بيقعد بروحه
العنود: عادي يرجع عزوبي شوي
منيره+نوره: السلام عليكم
الكل : وعليكم السلام
دانه: هلا والله
منيره: قاعدين حش وسوالف ماتشبعون تعالو قعدومعنا
العنود: عميمه أي حش حرام عليج
الهنوف قامت وخت دحوم من نوره : فديته متبتب يازين الدبب والله
نوره: قولي ماشاء الله
الهنوف: لا تخافين عاد مالقيتي الا انا اعطي عين
العنود: اقول نوره انا ناويه اسوي رجيم خل دحوم يسوي معاي يضعف له كم كيلو
بدور: ههه حرام عليج
نوره: حلاة ولدي دبدوب أجل تبينه معصقل زيج
الهنوف: الله يالدنيا العنود صارت معصقله
العنود: شفتي هذا الجامعه وماتسوي
دانه: على طاري الجامعه ليش حولتي
العنود: بس ابي شي في حركه وماعجبني الانقلش
نوره : وانتي الهنوف: لا انا الى الان ماغيرت عاجبني قسمي
منيره: تعالو قضيتو للعيد ترى مابقى عليه الا خمس ايام
العنود: الحمد لله كلنا خلصنا
الهنوف: اصلا انشغلنا بالعرس اكثر من العيد
بدور: أي هذا عرس سلمانو الي مايعرف الشغل ينشغل
منيره: لا والاخ مسويه في مزرعه غريب هالولد ماادري وش ناوي عليه
العنود: بالعكس احلى تمييز
الهنوف: أي والله ترى الحركه حلوه تغيير والجو رووعه
بدور: اخوي عليه تفنتق مب صاحي
الا جات الجده: السلام عليكم
الكل /وعليكم السلام
الجده: ترى اذن الي بيروح يصلي لتراويح يتجهز ..

مرت الايام الخمس مثل البرق وسريعه واليوم هو ليله العيد التكبيرات في كل مكان والفرحه ماليه كل بيت الساعه 12 في الليل في بيت عبدالعزيز
محمد: يلا انا بروح اجيب ثيابي من الخياط
ام عبدالله : الله ياولدي توك تجيبهم
محمد: بعد شسوي يمى زحمه
العنود: بروح معك
محمد: يلا قومي
العنود: دقايق اجيب عباتي
راحت العنود جابت عبايتها ونزلت لبستها وطلعت هي ومحمد
وهم في السياره سوالف وهبال وصل ونزل محمد ياخذ ثيابه الا يدق جواله سمعت العنود النغمه وعرفت ان الي يدق امها رفعت ..
شوي الا يجي محمد : السلام عسى ماتاخرت عليج
العنود: لا شدعوه ترى امي داقه
محمد: شفيها : تقول مرو جيبو حلاو حق العيد لان نست توصي ابوي ..
محمد: اوكي
وصلو المحل نزلو وقعدت العنود تختار مع محمد ...
راحت العنود شوي بعيد عن محمد واختارت نوع ثاني من البسكوت والخرابيط وهي تاشر على الي تبيه الا يد رجال جنبها تاشر على نفس الي تبيه .. لفت العنود وجهها عليه وهو لف وجهه في نفس الوقت وقعدت مبلمه ومنصدمه وخرت يدها ونزلت عيونها بسرعه الا يجي محمد ها العنود اخترتي ويرفع راسه
محمد والابتسامه على وجهه: هلا والله

احمد: هلا بك
قام يسلم عليه ويسولف معه .. العنود تمت واقفه جنب محمد
الا احمد يرفع عيونه للعنود : هاذي العنود
محمد: ايه .. ها العنود عرفتيه هذا احمدو الي اول كله تلعبين وتتخانقين معه
العنود وهي مستحيه من الي قاله محمد: أي شدعوه انساه حسبالك ناسيه العضه
محمد+ احمد:ههههههههه
محمد: ترى اختي ماتنسى ماراح تخليها بتردها لك
احمد: شخبارج يالعنود
العنود: الحمد لله بخير
راح محمد يدفع وأحمد عيونه ماطاحت عن عيون العنود هي كانت ملاحظته بس حاولت تتجاهله وكانت مرتبكه من نظراته ..
من بكره كان العيد وهالمره العنود راحت صلت العيد واستانست حتى شافت كثير من صديقاتها الي من الثانوي وفرحت كثيير الصباح راحت بيت اهل ابوها عقب بيت اهل امها والظهر كان الغدى عند اهل امها والليل كانو متجمعين فيبيت اهل ابوها ..

ثاني يوم كانت ليله الحنه حق رفعه وكلهم كانو متجمعين بيت اهلها رفعه كان مار عليها اسبوع ماكلمت سلمان وهي متعمده تسوي كذا بس كان الي بينهم رسايل ..
لين جا يوم العرس وكان سلمان في قمه السعاده واخيراااا جايوم زواجه الي كان يستناه على احر من الجمر ..
العرس كانو مسوينه في مزرعه كبييييره وكان هذا تخطيطه مع حبيبة القلب ..
المزرعه كانت روعه بزينتها والديكور حقها كانت قسم حريم وقسم حق رجال كان الشجر يحوطها من كل جهه والجو كان حلو وكانت الارض خضراء .. كان الديكور لونه أخضر زيتي وبني رملي وكله شجر وطبيعه ..
فستان رفعه كان موديله ناعم وحلو ومناسب على جسمها وخصرها الطويل كان الفستان بدون أكمام ومن ورى ينربط بخيط <<نفس الموديلات الفرنسيه القديمه>>وكان مررره طويل يسحب وراها وظهرها كله كان مبين بس مغطيه شعرها الطويل الي كانت ملفلفته كله ومسويه فيه تسريحه بسيطه من قدام والطرحه ناعمه بس مو طويله كثير يدها كانت مغطيتها الحنه الي صايره روووعه رسمه هنديه
كانت رفعه في الغرفه الي في المزرعه وخايفه الكل طلع عنها كانت بروحها قامت تطالع نفسها بالمرايا..
رفعه: صايره اهبل وتذكرت قامت فتحت شنطتها وخذت الدفتر ومسكت القلم وبدت تكتب ..
شوي الا دخلو البنات عليها ..
العنود: هلا والله باعروسه
رفعه: بنات خايفه
جواهر : لاتخافين
العنود: يؤيؤ انتي خايفه وعمي ميت من الونااااسه
رفعه: ههههههه والله ماادري عنه لي اسبوع ماكلمته
بدور: وانا اقول ياعمري اخوي شفيه مستخف هاليومين ..
الا جات امها : يلا رفعه
جواهر : خذي نفس
طلعو كل البنات وبدت زفتها كان الي تمشي عليه خشب وحواليه كله زرع كانت زفتها قصيده ناصر القحطاني أبيها والي يلقيها سلمان طبعا هو الي مختارها وحفظها من كثر ماكان يرددها رفعه ماكانت تدري وش هي زفتها لان سلمان حب يسويها مفاجأه لها ويوم اسمعت القصيده ياهي ماتت حيا على جراته ..
كانت تتمشى بكل هدوء وقلبها يدق باقوى ماعندها والورد ماسكته بيدها وهي تتمشى كانت تتذكر سلمان وسوالفه وهباله وتضحك من داخل والبسمه مرسوومه على وجهها وفي النهايه بعد ماخلص سلمان من القاء القصيده قال اسمها وقام الكل يلوولش ويكبر وبدا الطق وصلت عند الكوشه الي كانت عباره عن شجره كبيره فروعها نازله ومنتشره في كل جهه ووسطها كرسيين خشب وملفوف حول الشجره كلها زرع أخضر ونازل لين وسط الجسر كان شكلها غريب وحلووو لفتت نظر الكل وصلت لعند الكرسي وقعدت وجا الكل يسلم ويبارك لها ..
دخل المزرعه كانت في شاشه كبيره تعرض العرضه الي كانت عند الرجال وطبعا البنات ما قصرو سنترو قدامه مثل الحرس ..
العنود والهنوف كانو شوي بعيدين عن الشاشه شوي الا يسمعون صراخ وتصفيق من البنات الي عند الشاشه
راحو لهم وقامو يطالعون معهم سلمان قام يرقص هو ومحمد والجد وعبدالعزيز وعبد الرحمن ومجموعه شباب معهم ورجال
سلمان كان شكله روعه ورقصه احلى واحلى والبنات منهبلين عليه ... العنود لفت وقامت تسولف مع وحده
شوي الا زاد صراخ البنات البنت الي كانت تتكلم معها قالت لها : شوفي
لفت العنود وعيونها بغت تطلع من الي شافته والابتسامه على وجهها وهي مصدووومه ..
البنت : رهييييب ماشاء الله عليه
الهنوف تطالع العنود وتضحك : يجنن ماشاء الله لا اله الاالله والله مالوم البنات على صراخهم
البنت: ماشاء الله بعد هو مملوح ماعليه وزياده رقصه
العنود بدون أي تعليق تمت تطالع فيه وبانبهار والابتسامه شاقه وجهها ...





تدرون من كان ,,,,,؟؟؟؟








؟؟






؟؟؟




؟
فيصل


جا وقت دخول سلمان .. الي كان عند الرجال ومحمد جنبه
سلمان: ماصارت ابي اروح انا جاي للمعازيم والا لعروستي
محمد: اقول استح على وجهك اصبر خلاص مابقى شي
سلمان: الساعه وحده الا ربع متى بدخل عليها يعني الفجر
محمد: ههههههههههه انا ماعمري شفت واحد مثلك
سلمان: أي نشوف في عرسك شبتسوي يالاخ

حمد جاه وقاله يلا يدخل ..
دخل سلمان وفي قلبه: مابقى شي يارب سهل والله اني مشتاق لج اسبوع يالظالمه مااسمع صوتج بس اوريج الليله ..
دخل وكانت قصيده ناصر القحطاني ابيها بس مغناه والي يغنيها خالد عبد الرحمن وسلمان يرد معاه بقلبه ويطالع رفعه دخل والابتسامه على وجهه والكل كان يطالعه سلمان جذاااب سماره وعيونه تخلي الواحد غصب يطالعه ..
الكل كان يطالعه يوم دخل باستثناء رفعه وهو كان مركز نظره عليها ومشتاق لها وكانت يطالعه وكل مايقرب عندها وتبين اكثر يقول : يااارب احفظلي قمرتي من الحساد ..
وصل عندها وقامو يصورونه باس راسها ويدها يوم قرب جنبها قال: ارحمي قلبي ياقمر صايره جناان
كان الشوق والحب مبين في عيونه تمو قاعدين شوي عقب طلعو ..
راحو للفندق أول ماوصلو ..
سلمان: مبروووك
رفعه: الله يبارك فيك
سلمان يطالعه وابتسامه على وجهه : ناويه على انتي اليوم اول ما شفتج بغى يغمى علي
رفعه استحت وتمت ساكته : ........
سلمان : أسبوع يالظالمه ... ؟؟
رفعه: هههههههههه
سلمان: وتضحك بعد أي شعليج انتي مستانسه وانا قاعد على نار
رفعه : ههههههههههه
سلمان ويحط يده عند لحيته ويغمز بعيونه: اوريك لارد لك الصاع صاعين بس بطريقتي الخاصه
رفعه ماتت من الحيا على اسلوبه الجرئ ..
بعد ماتعشو ..
سلمان دخل للحمام يغسل .. .. طلع وكانت رفعه قاعده فوق الكرسي
سلمان : شفيك مابدلتي
رفعه: هاااا الحين ببدل
سلمان : طيب يلا بدلي
رفعه : قامت تطالع فيه وهي رافعه حواجبها
سلمان: ههههههههههه حلوه النظره يلا بطلع عنج بس لا تخافين لا مفر
طلع سلمان ورفعه كانت في قمة الحيا على طول قامت وسكرت الباب : الله يعني عليك ياربي مدت يدها ورى ظهرها عشان تفتح الربطه ما قدرت
رفعه : ياربي وش هالورطه
وتمد يدهل اكثر وتحاول بس ماقدرت كانت الربطه شوي معقده : ياربي شسوي خذت جوالها الي كان مقفل فتحته وقامت تجيها هالرسايل حولته صامت ودقت على جواهر
جواهر يوم شافت رقم رفعه استغربت وخافت بعدت عن الناس ورفعت: هلا
رفعه: جواهر لحقي علي
جواهر بخوف : شفيج ؟
رفعه: الربطه حق الفستان موراضيه تفتح وماني قاده افتحها
جواهر: هههههههههههههههه وجع انا حسابلي صار شي خرعتيني
رفعه: وتضحكين انا اقولج الربطه مو راضيه تفتح
جواهر : نادي سلمان يفتحه
رفعه: لا والله
جواهر: لا يكون تبيني اجي افتحه لج
رفعه: جوااااهر
جواهر: عيوني انتي مالج الا هالحل وعاد بكره قولي لي التفاصيل يلا سلام
وعلى طول سكرت .. رفعه تورطت تمت ربع ساعه عقب طق الباب رفعه راحت وفتحت
سلمان وهو متفاجئ: مابدلتي ؟؟
رفعه ابتسامه وحيا على وجهها: وتهز راسه بعلامة لا
سلمان: ليييه؟؟
رفعه تمت ساكته وماعرفت شتقول
سلمان وهو يضحك : يعني كل هذا خايفه
رفعه: لاااااااااا مو قصدي
سلمان : ههههههههههه شفيج تقولينها كذا لاااااااااا
رفعه : نزلت راسه وهي صايره طمااااطه وعيونها دمعت ماكانت متوقعه ان زي هالموقف يصير لها وقامت تسب في الموديل الي سوته والي اخترع الموديل ..
قرب جنبها سلمان ومسك يدها بيد ورفع راسها بيد : طالعيني
رفعه مو قادره تحط عيونها بعيونه من الحيا قام نزل سلمان وطالع عيونها ابتسمت رفعه على الحركه الي سواها
سلمان: حبي اشفيج
رفعه: والله مافيني شي
سلمان وهو يطلع طرف لسانه ويغمز بعيونه : علييييييييييينا
رفعه: ههههههههههه لا بس
سلمان: بس وشووووووو
رفعه وهي مييته حيا ووجهها احمر : الفستان
سلمان وهو رافع حاجبه : أي فستااااان
رفعه: حقي ؛؛
سلمان: هذا الي عليج
رفعه: أي
سلمان: اشفيه ,, لا يكون انقطع ترى انا ناوي اخليج تلبسينه مره ثانيه عاجبني
رفعه: ههههههه لا مانقطع ماني قادره افتح الخيط
سلمان : ههههههه بس... انزين وين الخيط خل افتحه
رفعه وهي ميته حيا : ورى
سلمان لف وراها وهو يضحك : لا تستحين تراني زوجك
رفعه: ادري

*************

اليوم الي بعده الصباح الساعه 9 كانو في المطار وبعد نص ساعه طيارتهم كانت راح تطير ..
جا محمد وقام سلمان له ..
محمد وهو يسلم عليه : هلا أشوف الوجه شاقته الابتسامه
سلمان: يعني شراايك تبيني اصيح
محمد: ههههههه ان شاء الله دوم عقابلي
سلمان: ههههههههه نصيحتي وانا عمك عجل العرس
محمد: هههههههههه لو بيدي اليوم قبل بكره
سلمان : يلا زي ماصبرنا اصبر
محمد : ها متى بتقلعون
سلمان: بعد نص ساعه
الا يجي حمد ومعاه جواهر قعدو الشباب يسولفون وجواهرراحت عندرفعه
جواهر : ها شلون طلعتي من الورطه امس
رفعه: هههههههههه
جواهر : ادري انج مستحيه بس قولي هو الي فتحها
رفعه: أي
جواهر أكشخخخخ رفعوه على فكره ترى نوف والعنود والهنوف وبدور والبنات كلهم بدون استثناء يسلمون عليج
رفعه: الله يسلمهم ليش ما جاو
جواهر: لا والله المطار حق ابوج وانا ماادري تبين هالعفش كله يجي
تمو عشر دقايق وبعدين جا وقت اقلاع الطائره سلمو على الكل وركبو الطياره بسلام ..

كانو رايحين استراليا وراح يتمون اسبوعين ويرجعون عشان الدوامات ..

في الليل الاهل كانو متجمعين في بيت الجد وكانو يجون حريم يباركون لهم ..
بعد يومين سافرو عبدالعزيز وعبدالرحمن وعيالهم للأمارات ..وقعدو 3 ايام ورجعو عشان المدرسه

السبت أول يوم بعد اجازه عيد الفطر ..
بعد المغرب دق التلفون في بيت الجد ورفعت بدور
بدور: نعم
سلمان: نعم الله عليج هلا بدوور شخبارج
بدور: هلا وغلا بالقاطع وينك ما تسال شخبارك وشخبار رفعه
سلمان: الحمد لله بخير انتو شخباركم وشخبار امي وابوي
بدور: كلهم بخير وعافيه ها شخبار استراليا مستانس
سلمان: تهببببل دوم الزين معي شلون مااستانس
بدور: ههههههه اقول استح يلا هذا امي تبيك
الجده: هلا والله بوليدي شخبارك يمى
سلمان: هلا براعيه هالصوت انا دامني سمعت صوتج بعافيه انتي شخبارج وشخبار ابوي
الجده: الحمد لله بعافيه نستنى جيتك
سلمان: ههههههه ان شاء الله الاسبوع الجاي انا عندكم وبتشبعين مني
الجده: والله البيت مايسوى من دونك يالغالي شخبار رفعه
سلمان: وجودكم يكفي والله رفعه بخير هذاعي بتسلم عليج
كلمت رفعه الجده والجد وهم رجع سلمان وكلم أبووه ..

نروح للندن ..
كان عبدالله يوم عن الثاني يتحسن والحمد لله مابقى الا شهر ونص وينتهي العلاج ويرجع يتمشى طبيعي الحين هو يتمشى على عكازات بس مو دايم ..
دلال وعبد اللطيف حتى هم كانو تمام وعال العال بس كان شي بسيط يعكر الجو احيانا الي هو تصرفات بعض البنات الي مع عبداللطيف بالجامعه معه هم طبعا غربيات ومتعودين على كذا بس دلال كانت حساسه بس دلال ماكانت تهتم بحركاتهم وتحاول تتجاهلها بس عبداللطيف كان يحس فيها لان مهما تخبي راح يبين عليها ودايم يحاول يتجنب هالشي بس ....؟؟؟

دلال كانت تجهز العشا وعبداللطيف قاعد في الصاله ..
دلال : يلا حبيبي العشا جاهز
عبداللطيف: يلا قمنا وتوه بيقوم الا يطق التلفون رفع الو .. هلا رشا .. ام فاين هاو ار يو .. اووو ماشاء الله
بارتي ..واي ............
دلال كانت على اعصابها : وهاذي مابغت تدق الا الحين المشكله انها خليجيه وتتعالمل كانها من هالغربيات صدق الحيا انفصخ
جا عبداللطيف : امممممم شكله الاكل يجنن
دلال : بالعافيه ان شاء الله
شالت المريله الي كانت عليها وصبت العصير حق عبداللطيف وهي واقفه جنبه
عبداللطيف: ترى بكره معزومين على حفله
دلال وهي تحاول تمسك اعصابها : عند منو
عبداللطيف: عند رشا توها داقه وعازمتنا
دلال : حفله ايش
عبداللطيف: عازمه الشباب والبنات
دلال : أي
قعدت دلال وبدت تاكل
عبداللطيف لاحظ توترها لانها ماكلت الا قليل وقامت
عبداللطيف: ماكلتي
دلال: مامشتهيه منسده نفسي
عبداللطيف : انتي لك كم يوم ماتاكلين وكله منسده نفسك
دلال شالت صحنها وراحت للمطبخ بدون ماترد وقامت تغسل الصحون ... خلص عبداللطيف اكله وجات دلال وشالت الصحن خلصت ترتيب المطبخ عقب راحت خذت لها دش وسوت شاهي وجات قعدت مع عبداللطيف في الصاله

عبداللطيف: مشكوره
دلال: على وشو
عبداللطيف : على الشاهي .. بعدين ليه قاعده هناك تعالي قعدي جنبي ..
دلال ماكان لها خاطر ولا خلق بس غصبت روحها وقامت جنبه .. حط يده على كتفها
عبداللطيف: دلول حبيبتي شفيك ؟؟
دلال: مافيني الا سلامتك
عبداللطيف: اوكي اتمنى ..
اليوم الثاني تجهز عبداللطيف وطلع من الغرفه وشاف دلال قاعده في الصاله
عبداللطيف: دلول شفيج ماجهزتي
دلال: ماراح اروح
عبداللطيف عصب بس حاول يمسك روحه : وليش ؟
دلال: بس مالي خلق ..
قامت وتوها بتدخل الغرفه : روح ترى رشا توها داقه تسال عنك لا تتاخر عليهم <<قالتها بطريقه تنرفز >>
مسكها عبداللطيف من يدها : بروح بس رجلي على رجلج ويلا دخلي تجهزي
دلال : ماراح اروح
عبداللطيف طلع من طوره : بتروحين غصبن عنك وعدلي لهجتك معي
دلال حست بالغصه
عبداللطيف : لك ربع ساعه
دخلت دلال وخذت لها شور بسرعه وهي تصيح ولبست وحطت مكياج خفيف وطلعت : انا جاهزه
عبداللطيف لف عليها : يلا مشينا
وهم في السياره طول الطريق وهم ساكتين
ووصلو عند الباب
عبداللطيف: ممكن تشيلين هالعبوس الي مرسوم على وجهك
نزلو .. كان المكان مليان رجال وحريم عرب وغيرهم دلال زياده على انها مغصوبه ومالها خلق تجي كانت تحس انها تعبانه ...
هي كانت قاعده من جهه مع بعض البنات وتسولف معهم ..
شوي الا انتبهت لرشا تكلم عبداللطيف وتضحك معه ومعهم بنات وشباب لفت وجهها عنه : ياربي ساعدني ماني قادره استحمل يارب صبرني كانت عيونها مغرقه بس ماسوت شي قلبها ماطاوعها لفت عليهم مره ثانيه وشافت رشا تعانق عبداللطيف هنا ماقدرت تستحمل وعلى طول طلعت بره وقامت تصيح ..<< دلول مازالت صغيره وقلبها طري حتى العشرين ماعدتها وكانت على أي شي تتاثر وتزعل بس كله في قلبها ماكانت تبين أي شي >>
شوي الا طلع عبداللطيف يدور عليها وشافها ..
عبداللطيف: دلال شفيج ؟؟
دلال اول ماسمعت حسه رفعت عيونها عليه وهي مليااانه دمووع ..
عبداللطيف مسك يدها: شفيك ؟؟ وليش هالدموع ؟؟
دلال وخرت يدها عنه ولا ردت عليه
عبداللطيف : ممكن تمسحينهم لا احد يجي ويشوفج تصيحين
دلال : وليه خايف احد يشوفني ..
عبداللطيف خذها وركبها السياره : أنا بروح اعتذر لرشا واجي
نزل عبداللطيف ودلال قامت تصيح زياده وقلبها محترق
جا عبداللطيف وعلى طول راحو للبيت طبعا ماكلمها بشي ولا فتح معها الموضوع لان عارف انهم ماراح يوصلون لحل وكل واحد فيهم معصب .. دخل للحمام وخذ له دش طلع وصلى ونام
ودلال كانت منقهره : ولا حتى عبرني ولا قال اشوف وش فيها انا الغلطانه الي رضيت اني اجي معك هنا ااااااه ياجدتي وينج ابي احط راسي على حضنج واشكي لج وتمت في الصاله ماقدرت تنام طول الليل
الفجر قام عبداللطيف وشافها في الصاله منسدحه على الكنب راح وقرب جنبها مسك يدها لقاها مثلجه : دلال دلال حبيبتي قومي
دلال صحت وشافته
عبداللطيف: ليش نايمه هنا
دلال: راحت على نومه ماحسيت وقامت توضت وصلت الفجر وانسدحت على السرير وعطت عبداللطيف ظهرها .. عبداللطيف كان قاعد وحاط المخده وراه
عبداللطيف: دلال .... دلال
دلال: نعم
عبداللطيف: انا خليتج امس ولا كلمتك بالموضوع عشان نفسيتك كانت مررره موزينه ممكن الحين تقولين لي وش فيك ..
دلال:......................
عبداللطيف/ أنا اكلمك
دلال : خلها بكره اذا ممكن
عبداللطيف: براحتك ,,
قامو الصباح وكان دلال مبين عليها التعب سوت الفطور حق عبداللطيف وقبل لا يطلع ومثل عادته حب راسها وطلع بعد ماطلع ... حست دلال براااحه في قلبها من الي سواه .. ورجعت تصيح يوم تذكرت رشا
على التعب الي فيها حاولت تتثاقل نفسها وقامت ترتب البيت وسوت غدا حق عبداللطيف وقبل لا يجي دقت على اهلها وكلمت جدتها وامها وارتاحت شوي بعد ماكلمتهم وقررت انها في عيد الاضحى تروح لهم لانها مو قادره تصبر اكثر ..
جا عبد اللطيف وحطت له الغدا وقعدت معه على الطاوله بس ماكلت
عبدالطيف: وانا هذا حالي اكل بروحي ليش ماتاكلين
دلال: مو مشتهيه
عبداللطيف: وكله مومشتهيه شوفي وجهج شلون صاير اصفر ماتاكين شي
دلال : وجهي وعاجبني بعدين قلت لك ماني مشتهيه
عبداللطيف سكت وما كلمها ولا بكلمه خلص اكله وطلع بدون حتى مايقولها مع السلامه لانها نرفزته من جد

سلمان بعد ماوصلو باسبوع تجهز اغراضها لان بيروحون مكان ثاني .. رفعه جهزت كل شي .. واليوم الي بعده الاصباح تحركو والي وصلهم واحد ..
وصلو المكان يوم شافته رفعه استانست كان عباره عن مزرعه كبيره وفيها اسطبل خيول وفيها في الوسط زي الكوخ او بيت صغير على شجره وفيها بركه وكانت كلها خضره ومرره حلوه
رفعه استانست وعجبها المكان مره .. كانو كل يوم يقومون بدري ويطلعون على الخيول ويروحون للمناطق الي جنبهم ..

بعد اسبوع وشوي ,,
في السعوديه ,,,

اليوم كان هو يوم رجعه رفعه وسلمان .. مااحد يدري برجعتهم الا بدور ومحمد حبو يسونها مفاجأه
راح محمد يجيب سلمان ورفعه من المطار وكان وصولهم الساعه 1 في الليل ..
وصلهم للبيت وكانت بدور تنتظرهم وكانت مرتبه الشقه لهم بعذر انهم راح يجون هاليومين ودخلت في الليل وعطرتها وكل شي ..
طبعا بعد عنا السفر حتى هم كانو تعبانين دخلت رفعه شقتها الي مسوينها لها فوق واستانست لانها كانت حلوه وعلى قدها وحتى الاثاث عجبها دخل سلمان الغرفه ابتسم وفي قلبه : الله يخليج لي يا بدير يابعدهم انتي

سلمان قعد لين الفجر لان عرف اذا نام ماراح يقوم ... يوم اذن نزل تحت وشاف امه وابوه والجده استانست بس لامته لانه ماقاها
سلمان: يمى بغيتها مفاجأه وبعدين وصولي متاخر في الليل وما حبيت ازعجكم
الجده: لا ازعاج ولا شي انا متلهفه على شوفتك ..
الجده: يلا الحمد لله رجع لنا سالم يالله سلمان مابقى شي ويقيم
سلمان: يالله مشينا
قبل اذان الظهر قامت رفعه وسبحت ولبست وقومت سلمان وبالموت قام وقبل لا يدخل الحمام
رفعه: سلماني انا بنزل تحت عند خالتي وعمي بسلم عليهم
سلمان : اوكي
نزلت رفعه ولقتهم قاعدين بالصاله وسلمت عليهم وقعدت شوي الا تنزل بدور ودانه وقامو يسولفون
سلمان: السلام عليكم
الكل: وعليكم السلام
حب راس امه وابوه وقعد يتقوه ويسولف عقب قامو للصلاه وعلى الساعه وحده كانو في المطبخ يحطون الغدا
الجده: يارفعه انتي توج عروس روحي قعدي عن زوجج
رفعه: شدعوه ياخالتي موانا مثل بنتج
الجده: الله الشاهد انج مكانج بقلبي مثل منيروبدور
رفعه: اجل خلاص ترى انا احب المطبخ وسواليفه
بدور: اكشخخخخ رفعو يعني اتدلل
الجده: استحي على وجهج الحين المفروض هي الي تدلل
بدور : عكفت وجهها
الجده: لا تعكفين لي بوجهج
رفعه: ههههههه شدعوه خالتي بدور مثل اختي بعدين لاتنسين احنا نمون ولا يهمج بدور من بكره اعلمج الي تبين مكسيكي ايطالي هندي
بدور: يافرحتي وياحظي بمرت اخوي بصير طباااخه
دانه: شلون تعلمتي كل هالطبخات
رفعه: الله يخلي الكتب
بدور: أي والله صارت الي تطبخ والا ماتطبخ واحد المقادير قدامج وسوي
الجده: يقصون عليكم في هالاكلات الي ماادري شلون قايله
الكل: هههههههههه
بدور: هذا الي يبونه عيال اليوم
الجده: انزين يلا ودو الصحون على السفر ه
تغدو وعقب الغدا طلع سلمان ومرته فوق لشقتهم والكل راح ارتاح والعصر بتتجمع العائله كلها عشان يتحمدون سلامه العروسين ..
رفعه وهي عند التسريحه تمشط شعرها الطويل الي يوصل حد ركبتها : حبيبي عندي طلب
سلمان وهو متوسد على السرير : امري
رفعه: مايامر عليك عدو <<وهي تطلع لسانها ومتردده >> ابي اقص شعري وبسرعه قبللا يقول سلمان أي شي بس مو كثير
سلمان: طلبتي المستحيل
رفعه وهي زعلانه : لييييييه والي يعافيك امي كنت احن عليها تقول لاتزوجتي سوي الي تبين والحين انت تقول لا
سلمان: لا ياعمري شعرج حلووو حسافه تقصينه وش عيبه هاه يلا قولي
رفعه: طويل يتعبني
سلمان: بس عاجبني
رفعه تطالعه بنظرات ترجي
سلمان مبتسم: لا تطالعيني كذا لا تحاولين في هالمساله ماراح الين
رفعه وهي ترفع شعرها ودلت بوسطه عود ونازل منه خصل بسيطه : دامه عاجبك الشكوى لله نخليه
قام سلمان وراح عندها وشال العود ونزل شعرها بسرعه على ظهرها وقام يلعب فيه: لا وتقول ابي اقصه
رفعه: لا تخاف ماراح اقصه الا اذا قلت روحي قصيه
سلمان: اذا قلت وانطر ياغزال ... بعدين خليه ابي اتغطى فيه اذا بردت في الليل
ابتسمت رفعه ابتسامه حيا : بموتك
سلمان وهو ماسكها من خصرها هذا اذا لحقتي ...؟؟؟؟

العصر كان الكل مجتمع في بيت الجد ... رفعه مابقى احد مانسته كلن جابت له شي ناعم وحلو الصغار والكبار
والكل استانس على هداياها الي فرحتهم من جد ..
كان الجو فله ورهيب حتى اهل رفعه جاو .. وكانت عزيمه كبيره وحلوه الكل استانس

كان الجو فله ورهيب حتى اهل رفعه جاو .. وكانت عزيمه كبيره وحلوه الكل استانس فيها


طبعا الرجال كانو بره في الخيمه وكل شوي طلبو قهوه وشاهي ..
في المطبخ ..
الجده: يمى دانه وريم شيلو الصواني وودوها عند الرجال
ريم: جدتي دقي على واحد يجي ياخذهم
الجده: دقينا على عمج بس ماادري شكله انشغل انتو بس طلعوهم وهم بيشوقفون وياخذونهم والا اذا شفتي نواف والا نصور نادي واحد منهم
طلعت دانه ومعاها الصينيه وريم وراها معاها الصينيه الثانيه الا سلمان قدامهم
سلمان: زييين جبتوهم الله يعطيكم العافيه
مدت دانه الصينيه لسلمان
سلمان: دقيقه ابودي هاذي وابرجع
ريم: يووو عمي شكلك تعبت المفروض ترتاح العزيمه لك
سلمان: هههه مو مقصرين الي داخل بس عاد ولا بد
الا شهد تنادي ريم تقول ان نوره تبيها
ريم: دانوه هاج مسكي الصينيه بروح اشوف نوره شتبي
عطتها الصينيه وراحت ودانه تنتظر جا سلمان وهو ياخذ منها الصينيه لمحت واحد طلع من الخيمه بس مانتبه لها هي اول ماشافته ابتسمت رجع سلمان ....
دانه في قلبها : فديييته صاير يجنن ماراح اتحرك بشوفه يعني بشوفه تمت عشر دقايق تستنى لين مالمحته دخل من البوابه حقت الشارع وراحت تخبت داخل مخزن صغير فيه اغراض المطبخ الي نادر يستخدمونها وهي تحاول تطلع راسها تطل عشان تشوفه مانتبهت وطرااااااااااااااااااااااااااااااااااااااااااااااا ااااااااخ <<طاحت كل الصواني والقدور الي كانوا بره حق العزايم والبر والحوسه
حمد كان توه بيدخل سمع الصوت وتخرع بس قال هذا اكيد واحد من العيال الا يسمع صوت ثاني
حمد: لا السالفه فيها ان لا يكون قطو والا شي وراح للمخزن دانه انتبهت : ياربيي انا شسويت ويوم شافته جا عيونها دمعت الحين شنو بسوي ... شافت زباله كبيره فاضيه قلبتها ودخلت فيها
دخل حمد وفتح النور : بسسسس في احد بسسسس
دانه على اعصابها .. حمد سكر النور وراح
دانه تمت شوي وعقب شالت الزباله وطراااخ تطيح عليها صينيه كبيره
دانه: ااااااااااي
حمد رجع بسرعه وفتح النور ويوم شافها انصدم تم واقف مكانه وعقب قام يضحك على شكلها وهي تحك راسها من الالم ...
دانه منصدمه ويدها فوق راسها وعيونها مغرررقه بالدموع من الالم ومن الموقف الي هي فيه : أناااا
حمد: انتي شفيج وش جيبك هنا
دانه لا شعوري قامت تصيح
حمد سكر النور : اششششششششش لا يسمعج احد
دانه خافت يوم سكر النور
حمد: لا تخافين ماقاعد اشوفج بس انتي دانه مو
دانه بعد ثواني سكتت وترفع راسها ماتشوف شي : أي
حمد: شخبارج ؟؟
دانه منصدمه من جرائته هذا شلون يعرفني :............تمت ساكته
حمد وهو يبتسم بس طبعا مو مبين : ترى مانسيت جوالي الي كسرتيه علي وهو جديد يستناج في الدرج تصلحينه .. وقام يضحك ... ترى امزح انا بطلع ومره ثانيه حاسبي الناس يطلون من الباب من شباك مو من مخزن وطلع
دانه طول الوقت وهي منصدمه وتحس زي سطووول ماي بااارد على راسها فتح الباب لف وجهه غصب عنه وغمز لها وراح
دانه بغت تمووووت من حركته: اااااااااااه ياقلبي
وقت العشا للرجال دق جوال سلمان ومع الازعاج ماسمعه ..
بعد العشا وهم قاعدين طلع جواله الا يشوف3 مس كول ورساله شاف الرقم مو مسجل عنده
الرساله((سلمان ابيك ضروري ))
سلمان استغرب قال لمحمد تعرف هالرقم محمد قال انه مايعرفه ومو مسجل عنده
طلع سلمان بره ودق على الرقم واول مارفع الشخص وسمع الصوت انصدم سلمان
سلمان: ليلى ؟؟؟؟
ليلى : أي ليلى ليه مستغرب والا انمحيت حتى من الذكرى ..
سلمان: لا موقصدي بس ماتوقعت هلا هلا
ليلى: هلابك كيف الحال ؟؟
سلمان: يسرج الحال
ليلى : الحمد لله اهم شي مبسوط
سلمان على اعصابه اول مره يحس انه خايف ومرتبك وهو يكلم بنت : نحمد الله
ليلى بعد سكوت للحظات: شخبار زوجتك
سلمان : بخير وعافيه
ليلى والعبره خانقتها: تحبها؟؟
سلمان : ليلى مااقدر اكلمج الحين انا مشغول بعدين اكلمك
ليلى: ليش تهربت من السؤال
سلمان: ماتهربت ولاشي انا احبها واموت فيها بعد انا بسكر تامرين بشي
ليلى ودموعها على خدها والصياح واضح عليها : سلمان حبيبي اوعدني تكلمني بعدين بقولك شي مهم
سلمان: يصير خير مع السلامه وعلى طول سكر
خذ نفس الله يعين من وين طلعتلي هالبلوه بعد.. رجع للمجلس وهو منقلبه ملامحه شوي قعد وهو غارق في التفكير شوي ..
محمد: ياهوووو وين سرحت
سلمان: معاك
محمد: أي معاي شفيك من كلمت وانت منقلب ..
سلمان: تدري من طلع
محمد : مين
سلمان : ليلى
محمد: وهاذي شتبي بعد وماطلعت الا الحين وشقالت ؟؟
سلمان: سالت عني وعن رفعه
محمدك وش دراها عنها
سلمان: انا قلتلهااني راح اتزوج على اخر مره العام ومن بعدها مادقت بس ماادري وش الي رجعها
محمد: سلمان لاتتمادى معها ولا تعطيها وجه
سلمان: انت خبل افكر اغير الرقم
محمد: لا تغيره ولا شي حسافه الف يتمناه ماتشوف الشباب يبونه منك بالالاف
سلمان: يولي اهم شي راحتي ..
محمد: اذا طولتها معك قلي
سلمان: وانت وش بتسوي يعني
محمد: اذا تمادت قلي ولا عليك
سلمان: ان شاء الله
شوي الا الكل رجع لبيته ..

الساعه 1 في بيت عبدالعزيز الكل كان نايم في غرفته لان بكره دوامات ..
ريم كانت تكلم دانه وتاخذ منها التفاصيل لان ما مداها تقولها كل شي والعنود كانت منسدحه وتتذكر الموقف الي صار لها اليوم مع احمد ...
كانت جدتها ام امها جايه واول مادخلت قالت للعنود تروح تجيب الأغاض الي عند الباب طلعت العنود تجيبهم وكانت تتمشى ورافع راسها فووق تطالع النجوم الي في السما ... الا في دخلة احمد وهو يحط الاغراض عند الباب لان هو الي موصل جدته وحب يجي يتحمد لسلمان السلامه كان واقف عند الباب واول ماشافها تم يطالعها وهو مو عارف من هي والهوا كان يلعب في شعرها المفتوح الي واصل لنهايه ظهرها ..
نزلت راسها الاتشوف أحمد قدامها شهقت وعلى طول لفت ورجعت تركض
أحمد الى الان كان منصدم ويفكر بالي شافه ... حط الاغراض وكان واقف عندهم الا تجيه بنت صغيره الي هي شهد
شهد: عمي تقول العنود حط الاغراض وروح عشان تجي تشيلهم
احمد : هاذي العنود ؟؟
شهد: أي
احمد : طيب طيب قولي لها تجي
راح محمد وهو كل فكره مع العنود ..

العنود قامت تتذكر اول يومكانت تلعب معه وتتخانق وياه وقامت تضحك .. الا تسمع الساعه الي جابها لها فيصل تقول ؛؛ العنوود؛؛ لفت وشافت الساعه وحده ونص ابتسمت يوم تذكرت فيصل وغمضت عيونها وناامت

مر الأسبوع عادي وطبيعي على الجميع باستثناء سلمان الي كان متضايق من كثرة اتصالات ليلى الي ما ادري من وين طلعت له ...
لندن الي كانت الجواء فيها بارده نوعا ما ...
دلال وعبداللطيف تقريبا لهم اسبوع وهم مايكلمون بعض وكل واحد مطنش الثاني ودلال كانت منقهره من داخل بس تبين انها مو مهتمه وتحاول تشغل نفسها باي شغل في البيت عشان ماتقعد مع عبداللطيف
وهم قاعدين في الصاله دلال كانت تكوي الملابس وعبداللطيف قاعد يحوس بالكتب يجهز بحث لاحد المواد

طق التلفون ولااحد رد طق للمره الثانيه وقامت دلال رفعت وهي ماودها لان حاسه انها رشا ..
دلال" الووو
رشا: هاي دلال
دلال وعلامات احباط على وجهها : هلا هلا دلال
عبداللطيف رفع عيونه وتم يطالع دلال وهي تكلم وهو كان متعمد يسوي كذا ... دلال اول ماشافته رفع عيونه جاتها العبره بس سوت روحها مانتبهت وفي قلبها : أي يوم عرف انها هي رفع عيونه وطول الوقت مو معبرني ولا كاني موجوده ..
كملت كلامها وكان واضح انها تسال عنها لان عبداللطيف قايل لها ان دلال تعبانه عشان كذا ..
خلصت دلال الكوي وراحت سوت شاهي لعبداللطيف وحطته فوق الطاوله
دلال: تامرني بشي
عبداللطيف: ليه وين بتروحين ؟؟
دلال: بروح أنام ؟؟
عبداللطيف: بدري
دلال: معليه احس اني تعبانه
عبداللطيف: اوكي سلامتك تصبحين على خير
دلال: وانت من اهله ..
راحت دلال بدلت وانسدحت قامتت تتقلب ماجها نوم وسمعت صوت الباب ينفتح وغمضت عيونها ..
دخل عبداللطيف الابجوره كانت مفتوحه بس نورها واطي دخل الحمام توضا وطلع يصلي وعقب جا عند دلال وباسها على راسها
عبداللطيف: حتىوانتي زعلانه اموووت فيج بس هالغيره الي ذابحتج شوفي شسوت فيج
وقام وانسدح وعلى طول ناام من التعب
دلال بعد ماسمعت كلامه جاتها العبره بس حاولت انها ما تصيح ونامت ..
على نهايه الاسبوع ...
دلال زاد تعبها وصار يبين عليها لين مادخل مره عبداللطيف البيت ولقاها طايحه على الارض
بسررعه شالها وركبها السياره وودها المستشفى وهي داخل يكشوفن عليها ..
كان قاعد ويلوم نفسه: كله مني اذا صار لها شي ماراح اسامح نفسي انا السبب ليش صغرت عقلي هي توها يكفي اني اخذتها من بين اهلها وجبتها هنا معي بروحها تتحمل الغربه وهي صغيره هذا والكل موصيني عليها وتذكر جدته يوم تقول له :: هاذي دلال الغاليه بنت الغالي هالله هالله فيها :: حس بالذنب على الي سواه
وهو في افكاره جاه الدكتور وقاله انها حامل بالشهر الاول والتعب الي صار لها من سوء التغذيه ..
دخل عبداللطيف على دلال والابتساامه شاقه وجهه مسك يدها وباسها : مبروك
دلال مستغربه وتطالعه بنظرات غريبه ..
عبداللطيف: بتصيرين ماما وبصير بابا

دلال تفاجأت بس لحظات الا وابتسامه على وجهها : صدق
عبداللطيف: أي صدق ولو سمحتي لازم تاكلين 6 وجبات في اليوم ومو مشتهيه تشيلينها من القاموس حقج
دلال: هههههههههه الله 6 مره وحده
عبداللطيف ارتاح: واخيرا مابغيتي تضحكين والله اشتقت للضحكه هاذي
ابتسمت دلال عقب طلعو ومرو على الصيدليه خذو بعض الفيتامينات والحديد عشان الحمل ....
اول مارجعو دقو على الاهل وبشروهم بحمل دلال وندى وعبدالله على طول جاو عشان يباركون لهم ..
ندى وعبدالله ماكان باقي عليهم الا شهر ويرجعون ... دلال كانت متضايقه لان مااحد راح يكون معها فتره حملها بس رضت بالي كاتبه الله ..

اليوم الجمعه .. الاهل وكالعاده متجمعين
بعد صلاة المغرب كانو قاعدين بره بالخيمه لان الجو مرره حلو ..
في الصاله كان جوال محمد يطق ولااحد يرد عليه وكانت شهد ورزان يطالعون كرتون
شهد:قومي ردي
رزان/انتي ردي بيتكم
قامت شهد ترد
الهنوف نازله من الدرج ودخلت الصاله الا في دخلة محمد
شهدماعرفت ترد وحطت على المايك الاتسمع صوت بنت
شهد: الوو
ليلى : الو وين محمد
شهد: مين
ليلى : انتي مين
الهنوف واقفه مصدوومه من الي تسمعه ومحمد جا يركض الا يشوف الهنوف وشهد ماسكه جواله وليلى تتكلم ..
اليوم الجمعه .. الاهل وكالعاده متجمعين
بعد صلاة المغرب كانو قاعدين بره بالخيمه لان الجو مرره حلو ..
في الصاله كان جوال محمد يطق ولااحد يرد عليه وكانت شهد ورزان يطالعون كرتون
شهد:قومي ردي
رزان/انتي ردي بيتكم
قامت شهد ترد
الهنوف نازله من الدرج ودخلت الصاله الا في دخلة محمد
شهدماعرفت ترد وحطت على المايك الاتسمع صوت بنت
شهد: الوو
ليلى : الو وين محمد
شهد: مين
ليلى : انتي مين
الهنوف واقفه مصدوومه من الي تسمعه ومحمد جا يركض الا يشوف الهنوف وشهد ماسكه جواله وليلى تتكلم ..
ليلى: انتي مين
شهد: انا شهد
ليلى : اووووو انتي الي دوم يقولي عنج ...
وتقطع كلامها شهد يوم رفعت راسها : هذا محمد
محمد على طول جا وخذ الجوال وسكره في وجهها ...
شهد كانت تتكلم تشرح لمحمد ليش رفعت وهو قاعد يطالع الهنوف وهي واقفه مصدومه مومصدقه الي شافته وعيونها غراقااانه .. ..
محمد : الهنوف انتي فاهمه غلط
الهنوف على طول طلعت فوق تركض وهي تصيح .. محمد طلع وراها ويناديها وهي ماترد طلع فوق
دخلت غرفه عمتها منيره الي دوووم تنام فيها هي والعنود يطق عليها
محمد: الهنوف حبيبتي فتحي الباب خل افهمك الموضوع والله انتي فاهمه غلط
الهنوف ماكانت ترد ومحمد ماكان يسمع الا صياحها : الهنوف لا تسوين كذا والي يعافيك تكلمي قولي شي ردي علي افتحي خليني افهمك
الهنوف بصوت كله صياح: مابي افهم شي
محمد خذ نفس : حسبي الله على الي كان السبب
نزل محمد وهومعصب الا في دخله العنود
العنود وهي مستانسه وتضحك : هلا والله باخوي وينك الوناسه بره وانت قاعد هنا
محمد ولا حتى عبرها ولف عليها وعلى طول طلع بره
العنواستغربت : شفيه هذا
وراحت للصاله وشافت شهد ورزان : السلام عليكم
شهد ورزان: وعليكم السلام
العنود: وين الهنوف
شهد: طلعت فوق تصيح
العنود وهي متفاجأه : تصيييح ليييه
طلعت العنود فوق بسرعه قبل ماتاخذ أي معلومه من البنات من عذر محمد واصل حده اكيد صاير بينهم شي عرفت انها في غرفة منيره ..العنود طقت الباب ولا احد يرد
العنود: الهنوف فتحي الباب
الهنوف: .............
العنود: هنوف ممكن تفتحين شصاير وليش تصيحين
الهنوف: العنود والي يعافيج خليني بروحي
العنود من سمعت صوتها عرفت ان السالفه مو سهله نزلت تحت للبنات
العنود: شهد حبيبتي ليش الهنوف تصيح
رزان نقزت : لان وحده كلمت وردت عليها شهد وزعل محمد
شهد : لااااااا الجوال طق ورفعته وطلعت بنت تبي محمد
العنود منصدمه من الي تسمعه ومو عارفه اذا صدق او لا : شلون وش قالت
شهد: تقول تبي محمد
رزان: بعدين الهنوف طلعت فوق تصيح
العنود: طيب مو صح انتو شاطرين
شهد + رزان: أي
العنود: طيب الي ماتعلم احد بعطيها هديه
شهد ورزان يطالعون في بعض
العنود: وماراح ازعل عليها واوديها الملاهي
شهد ورزان: والله
العنود: أي والله
شهد: طيب الهنوف تصيح
العنود: انا بروح لها بس انتو لا تقولون لاحد عشان مايزعلون طيب
الثنتين: طيب
العنود: خلاص يلا روحو شوفو الكرتون
العنود طلعت فوق مره ثانيه تطق الباب على الهنوف وهالمره تمت تطق لين ما ملت الهنوف وفتحت لها ..
العنود اول ماشافتها بالشكل هذا تصيح انصدمت والهنوف اول مافتحت لمت العنود وهي تشهق من الصياح ..
العنود سكرت الباب وقامت تهدي الهنوف وتمو ساكتين خمس دقايق ..
عقب تكلمت الهنوف: محمد
العنود: والله كنت حاسه شفيه
الهنوف فهمتها السالفه من الى ....

العنود: معقوله لا لا مستحيل الهنوف يمكن في غلط في السالفه
الهنوف: اقولك طلبته بالاسم ويوم شهد قالت لها اسمها قالت اووووو هذا انتي الي دوم يقولي عنك ..
العنود حز في خاطرها الي سمعته وفي قلبها : معقوله حمود كان يكذب على الهنوف مستحيل اكيد في ان في السالفه لازم افهم الموضوع ..
الهنوف وهي تصيح : ماراح اكمل معه اذا من البدايه يخوني اجل وشو تاليتها
العنود انصدمت من الي قالته الهنوف : لا الهنوف ماتوصل كذا احنا نفهم السالفه بالاول
الهنوف رفعت عيونها للعنود : والله اني حبيته من صدق ليش كان يلعب في مشاعري ليش يكذب علي
العنود: لا صدقيني انا ادرى بمحمد والله مايكذب هو صدق يحبك أنا بروح اشوف شالسالفه واجي
طلعت العنود والهنوف كملت نوبه الصياح حقتها وقامت تتذكر محمد وتصرفاته وكلامه لها ومو متخيله انه كان يكذب عليها ..

من جهه ثانيه محمد طلع وقام يدور بالسياره لين هدا عقب دق على سلمان وقاله يطلع بره لان هو ينتظره بالسياره ..
سلمان استغرب بس من سمع صوت محمد وجديته عرف ان السالفه ما فيها لعب ولازم يطلع
نزلت العنود وتوها بتدخل الخيمه الي في طلعة سلمان
العنود: عمي محمد داخل
سلمان: لا ليه وش السالفه هو توه مناديني هو بره
العنود: اوكي انت شوف لي السالفه ورد على استناك الهنوف حالتها حاله
سلمان استغرب : اوكي يلا انا بروح اشوفه
طلع سلمان وركب السياره وشاف محمد وجهه منقلب : السلام عليكم
محمد: وعليكم السلام
وعلى طول تحرك سلمان تم ساااكت بعدين تكلم: محمد وش السالفه
محمد: ليلى
سلمان : حسبي الله عليها من بنت اوريك فيها هاذي ماتبي تخلص يعني لازم اسوي لها فضيحه عشان تتوب
محمد: ماعليك منها الله لا يوفقها من بنت ... دقت قبل شوي ورفعت عليها شهد والهنوف كانت موجوده وسمعتها تسال عني
سلمان انصدم لانه من جد حط محمد في موقف لا يحسد عليه : والهنوف
محمد: طلعت فوق وهي تصيح حاولت اكلمها بس مارضت
سلمان: العنود وانا طالع جاتني وقالت ان حالتها حاله
محمد :حاولت ادق عليها ترد
سلمان: اسمع محمد كل الي صار بسبتي وانا الي بحل كل شي
محمد: لا تقولي بسبتي الي صار مكتوب ولا تحمل نفسك الذنب بس انت الحين ساعدني شقول لها وشفهمها
سلمان : اسمع ..............
الكل طلع ورجع لبيته ...
الهنوف كانت حالتها حاله وقاعده تفكر بمحمد طول الليل حتى الكليه ماراحت لها بعذر انها تعبانه وصدق هي كانت تعبانه حيل...
باقي اسبوعين على الاختبارت النهائيه دانه وريم شادين حيلهم بقدر مايمكنون لان ثالث
العنود والهنوف اختباراتهم بتبدا بعد اسبوع ..

في الاسبوع هذا كان محمد يدق على الهنوف بس ماترد ويرسل لها بس مامن مجيب .. طبعا العنود تدري بالسافه لان الهنوف فهمتها كل شي ورجعت دقت على سلمان بس قالها ان كل شي بينحل ولا تحاتي والى الان مافهمت هل الي صار صدق والا لا بس مافتحت مع محمد الموضوع ...

بعد يومين وسلمان توه طالع من الدوام راح للبحر ودق على ليلى ...
ليلي اول ماشافت رقمه رفعت : الو
سلمان: السلام عليكم
ليلى: وعليكم السلام هلا سلمان
سلمان: شوفي يابنت الناس انا داق عليج ابي اقولج كلمتين اتمنى تكبرين عقلج شوي وتفهمين اني تزوجت والي بينا خلاص بح انسيييه انسييه تفهمين خليه ماضي وهذا الماضي راح انااحب زوجتي ومرتاح معها وماابيك تعكرين علي حياتي ... حولتك على محمد قلت عل وعسى تستحين بس مافي فايده الا سببتي له مشاكل .. الحين الي بقوله لك اني لوشفت رقمك على جوالي والا على جوال محمد والله والله والله العظيم حلفت 3 مرات يا ليلى اني بسويلك شي مايسرك انا احترمتك وصبرت عليك بما فيه الكفايه بس شكلك مو وجه احترام .. وهذا الي عندي وقد اعذر من انذر ..
ليلى ودموعها على خدها : قلت كل الي عندك
سلمان: تبين اكثر مستعد
ليلى : الي جا كفى ووفى المهم انا حبيت اعزمك على زواجي بس انت ماعطيتني فرصه واتمنى من قلبي انك تجي صدقني ياسلمان انا تغيرت كثييير بعد اخر مكالمه الي كانت العام يوم تقولي انك راح تتزوج صدق في البدايه زعلت وقمت اصيح وووو بس بعدين اقتنعت بالي قلته لي على كل حال اسف لازعاجك واني سببت لك مشاكل بس اتمنى تذكرني بالخير وتدعيلي بالتوفيق .. ومن قلبي اتمنى اشوفك انت وزوجتك من الحاظرين في زواجي ...
سلمان: مشكوره .... بس ماله داعي خلاص ابي انهي كل شي عشان ارتاح وترى الي تسوينه عيب ياليلى وانتي الحين على ذمه واحد ..
ليلى: ادري
سلمان: الله يوفقج .. تامريني بشي
ليلى :سلامتك
سكر سلمان وهو مرتاح انه افتك منها بس باقي له المشكله الي مع محمد وشلون راح يقنعون الهنوف ..
الهنوف هالاسبوع تحاول تذاكر بس كل ماتتذكر السالفه الي صارت تقعد تبكي ..
مر الاسبوع واليوم الجمعه الكل مجتمع الا ريم ودانه سلمو على جدتهم وجدهم والكل وعقب راحو لغرفه دانه يذاكرون ...
بما ان الجو حلو الرجال مع الشباب كانو فارشين بره بالحوش ويتقهون وسوالف وضحك والجده معهم اما الحريم والبنات فكانو قاعدين داخل الخيام ..

شوي الا بدور تطلع مع العنود ويقعدون بره العنود انتبهت ان محمد موموجود فنادت الهنوف
الهنوف وهي واقفه: السلام عليكم
الكل : وعليكم السلام
الجده: الله يالهنوف شفيج يابنتي وجهج منسفط وعيونج سود تعبانه
الهنوف ارتبكت : لااا بس تعرفين الاختبارت قربت واسهر اذاكر
سلمان : هنوف قلبي ولا عليج امر وانتي واقفه ممكن كاس ماي
الهنوف: انت تامر دقيقه واكون هنا
واول مالفت دق على محمد دقه محمد استغرب يوم دق له سلمان وتوه بيطلع الا الهنوف في وجهه اول ماشافو بعض انصدمو محمد انصدم من شكلها صايره حيييل تعبانه وجهها اصفر وعيونها ذبلانه...
تمو لحظات يطالعون بعض وكل واحد مو مصدق عيونه ..
محمد: هنوفتي شفيج تعبانه
الهنوف عيونها غرقت وحاولت تعدي من عنده : لا مافيني شي
محمد مد يده وماقدرت تعدي .. قامت تطالع في يده عقب لف وجهها عليه : شفيك
محمد تنفر من اسلوبها: ولاشي انتي الي اشفيك
الهنوف من داخلها مكسوره بس ماتبي تبين هالشي لمحمد : انا الحمد لله زينه
محمد: شكلج تعبانه
الهنوف: يمكن من السهر تعرف الاختبارات على الابواب عن اذنك وتمسك يده وتوخرها وتدخل محمد يجرها من يدها وقربها عنده وصارت وجيههم مقابله بعض تماما
محمد: مو علي عشان تتعذرين لي بالاختبارات ليش ماتردين علي لما ادق عليج
الهنوف عيونها غرقانه دموع :...........................
محمد: هنوف حبيبتي شفيك..ليش هالدموع
الهنوف تجر يدها منه بقوه: اسال نفسك الجواب مو عندي
دخلت المطبخ وخذت كاس الماي وهي واصله حدها تبي تصييح وخايفه في نفس الوقت من نظراته ومن الي سوته .. وهو تم يطالعها وهي طالعه مرت من جنبه
محمد: ردي علي اليوم ابي اكلمك والي يعافيك الي فيني كافيني لا تعذبيني اكثر
الهنوف ولا لفت وجهها خلص كلامه من هنا وكملت طريقها من هنا وتحس زي السكاكين تطعن بقلبها من كلامه كسر خاطرها بس ماراح اضعف قدامه ابي اعلمه منو الهنوف مو انا الي ينقص علي ..
راحت وعطت سلمان الماي سلمان توقع انهم راح يجون مع بعض وتامل انها تجي مبسوطه بس شكله ماصار شي بعد لحظات جا محمد وكان الامر طبيعي وعلى الساعه 9 الكل رجع لبيته
الساعه 12 في الليل ...
الهنوف قاعده على سريرها تفكر بالي صار والي راح يصير الا يطق تلفونها وبدون ماتشوف الرقم قلبها قام يدق لان النغمه حقت محمد قامت ترجف وعيونها دمعت : لا ليش اخاف المفروض اكون اقوى من كذا
سمت بالله وردت : .......
محمد: وأخيرا
الهنوف: .....................
محمد: السلام عليكم
الهنوف: وعليكم السلام
محمد: شخبارك
الهنوف: الحمد لله
محمد: الهنوف انا بفتح معك الموضوع على طول ... الي صار ذاك اليوم صدقيني سوء فهم وانتي فاهمه السالفه كلها غلط
الهنوف: ................................
محمد: ماتردين
الهنوف: شقول انا اسمع تبريرك
محمد وزادت نبره صوته شوي : أنا ماابرر انا اقول الصدق والي صار .. الي دقت ذاك اليوم وحده من خويات صديقي وهو الي محولها لي لانه توه متزوج قريب وسوت له مشكله
الهنوف: طيب
محمد كان متضايق ومتنرفز من بروود الهنوف : شنو طيب هو فتح معي الموضوع وانا الي قايل له يحولها لي اتفاهم معها وهو غالي علي ويعز على ان حياته تنهدم بسبب وحده ماتسوى
الهنوف: وماتعز عليك حياتك تنهدم
محمد وبسرعه يقاطعها: فال الله ولا فالك ان شاء الله ماراح يصير شي بينا
الهنوف: انت الي تقول
محمد عصب مررره من اسلوبها : والي اقوله هو الي بيتنفذ لاتفكرين ولا حتى واحد بالميه اني راح اتركج الا على جثتي
الهنوف خلاص ماقدرت تستحمل اكثر من كذاوبصراخ قالت : دام انا غاليه عليك كذا وماتقدر تتخلى عني بالسهوله هاذي ليش كذبت علي وليش سويت الي سويته يعني انت حسبلك بصدق العذر الي قلته انا مو مغفله والا غبيه للدرجه هاذي عشان ماافهم
محمد يقاطعها : الهنوف انا ماكذبت عليك واحلف لك بالله ان كل كلمه قلتها صدق وانتي تعرفيت شقد احبك ومستحييل ابدي عليك ولا وحده في الدنيا
الهنوف تبدا بنوبه صياحها :..............................
محمد : هنوف ياقلبي انا مستحييل احب او أكلم أو افكر اني ارتبط او أي شي مع مخلوقه غيرك انتي حبيبتي الي حبيتها من قلبي اول وحده دخلته ومستحيل تطلع منه مستحيل ابدلك بايا كان
الهنوف: والي سمعته باذني
محمد: قلت لك السبب والله انها خويه صديقي
الهنوف: شلون تعرف اسمك دامه محولها لك وشلون تقول لشهد انك انتي الي دوم يقولي عنك محمد لا تحاول تكذب علي انا سمعت كل شي باذني ومستحيل اسامحك وخلاص خل الايام تحكم بينا
محمد: براحتك انا قلت الي عندي بس اعرفي وتاكدي اني ماراح اتخلى عنك مهما يكون عشان سبب تافه زي كذا ..
الهنوف وطبعا وهي تصيح: اوكي تامرني بشي
محمد: سلامتك وشدي حيلك بالاختبارات وطمنيني عنك
الهنوف في قلبها والله لو وشو مايصير ما دقيت عليك : محمد خلنا بعديدين عن بعض فتره يمكن النفوس تطيب على بعض على اني مااتوقع ..
محمد: الي تشوفينه يالغاليه بس مايمنع انك تطمنيني عنك
الهنوف: اوكي مع السلامه
محمد وزي السكين الي طعن قلبه: مع السلامه
سكرو من هنا الهنوف رجعت لنوبه الصياح ومحمد حط راسه على المخده وهموم الدنيا كلها عليه ..

مر الاسبوع الي قبل الاختبارت الهنوف والعنود بدو اختباراتهم والحمد لله كانو ماشيين عدل بس الهنوف طبعا الي كان محم 24 ساعه على بالها على انها دوووم تحاول تتناساه بس شلون وهو محفور في قلبها ومامر يوم الا ويرسل يسال عنها
ريم ودانه بدت اختباراتهم والحمد لله كانو مذاكرين من قبل وحاطين كل جهدهم بالدراسه وكان تقديمهم زين
محمد حاله زي ماهي والى الاسوء لان الهنوف الى الان ماتكلمه على انه يرسلها بس ماترد عليه ولا برساله حتى ... سلمان ورفعه الى الافضل دوما والحمد لله بس سلمان كان متضايق من الموضوع الي مكدر محمد وكان دوم يقوله خليني اتصرف بس محمد يرفض وبشده ماوده انه يضر سلمان بشي ..

اليوم اخر يوم للاختابارات واخيرا جت الاجازه الكل كان مستانس وفرحان خاصه ريمووو ودانه ...
اما الباقي فكانومعطلين من قبل لانهم جامعه وكليه ومخلصيين

يوم السبت راح يوصلون ندى وعبدالله ةمعهم دلال وعبداللطيف لانهم راح يقضون اجازه العيد معهم

الجمعه الكل كان مختبص لوصولهم كانو متجمعين في بيت الجد كالعاده وهالمره كانت الجمعه حلوه لانها في اجازه باستثناء الهنوف ومحمد الي كان حزنهم وااضح بس يحاولون يخفونها عن اعين الكل ويتصرفون بشكل طبيعي .. الهنوف كانت تحاتي اكثر ومتضايقه اكثر لان محمد له أسبوع مارسل لها ولا سال عنها زكانت متضايقه من هالشي ...

السبت كان وصولهم الصباح الساعه 9 راح محمد وسلمان والبنات يستقبلونهم في المطار وودوهم على بيت الجد والكل كان مجتمع هناك للغدا
عند الحريم ...
العنود: ايوا دلول مااقدر انا على البيبي
الهنوف: ياناس يازين البطون المنتفخه
دلال: ههههههههههههه والله وحشتوني
دانه: والله يادليل اشتقت لك حتى خناق ماعندي احد اتخانق معه
ريم: والله ونورت السعوديه فيج وندوشه
بدور: أي والله يالله منى ودلال بيجيبون لنا قريب بيبي عاد شدو الهمه يا صبايا الباقي عليكم
العنود: انتي اولهم
الهنوف: لاباقي ندوش قبل
بدور: وانتي ياماما والا نسيتي روحك
الهنوف تذكرت محمد وحز في خاطرها ياترى بنكمل والا لا : وابتسمت ابتسامه تخفي الحزن الي داخلها
كان الكل مبسوط لاعند الحريم ولا الرجال وخاصه لان عبدالله والحمد لله رجع لهم سالم يمشي على رجوله
كان ماباقي على العيد الا كم يوم ..
مر العيد عليهم ولا احلى مبسوطين ومستنانسين لانهم مجتمعين كلهم مع بعض عقب العيد بيومين طلعو للبر لان الجو كان ولا اروع والعشب طالع الارض كانت خضرا وتهبل ..
السعاده والفرحه والبسمه مافارقت ولا واحد منهم حتى ان اهل ام العنود والهنوف جاو للبر يوم وزاروهم وطبها كان طلال موجود وبدور استانست بس الهنوف ومحمد الى الان على ما هم عليه ...سلمان ماصبر يوم شاف محمد في الحاله هاذي وراح للهنوف وقالها السالفه ومن تكون البنت وكل شي الهنوف انصدمت في البدايه بس سلمان اقنعها وقالها انه عمها ومستحيل يكذب عليها وانه يخاف عليها زي ما ابوها يخاف عليها وقالها ان محمد ماكان يبي يحط سلمان في هالموقف بس سلمان تصرف لان شاف ان حاله محمد تسوء وبسبته واكد لها ان محمد مستحيييل يفكر بوحده غيرها طبعا الهنوف فرحت من كلام سلمان بس قالت لين يجي الوقت المناسب واتكلم مع محمد لان سلمان جاها ثاني العيد وقالها وعقب انشغلت بالطلعات والبر والحوسه مع البنات ولا سيما ان دلال وندى هنا بس طبعا محمد ماغاب عن بالها بس ماكانت تلاقي الوقت او الفرصه المناسبه

في يوم من الايام وهم في البر الهنوف جاها مسج من محمد الساعه 1ونص في الليل (( اشتقتلك ..))
الهنوف فرحت ودمعت عيونها كان المفروض هي الي تبادر بس جات منه وارسلت له على طول (( وانا اكثر )
محمد ماصدق عيونهاان الهنوف واخيرا تنزلت وارسلت له كان يدري ان الكل نايم جنبها فرسل (( اطلعي الحين وبسررعه استناك بره))
الهنوف قامت وخذت الدقله لان الجو كان بارد لان ليل وطلعت وشافت محمد واقف بعيد شوي عن الخيام وراحت له وكانت متلثمه بالشال عن البرد أول ماشافو بعض كل واحد ابتسم للثاني
محمد: اشتقتلج والله اشتقتلج
الهنوف : حتى انا والله انااسفه يامحمد على الي سويته لك ادري اني كنت فاهمه الموضوع غلط بس
محمد: خلاص والي يعافيك لاتفتحين الموضوع مره ثانيه الي راح راح بس اوعديني انك ماتزعلين مني يوم واحد ولا تخليني كذا احتاتي وحالتي حاله
الهنوف : اوعدك
محمد قرب جنبها : ممكن تنزلين اللثمه
الهنوف: لا مو ممكن
محمد: بلييييز لاتحرميني من شوف القمر
الهنوف: امممممم مو وقتها
محمد: الا وقتها ونص
وطلع يده وشال اللثمه وكانت تبي توخر وجر اللثمه ومسكها بيده وقام يطالعها كان شعرها مفتوح ويتطاير مع الهوا وشاف ابتسامتها
الهنوف: اوريك
محمد وابتسامه على فمه: أحبك أحبك أحبك أحبك لين امووووت
الهنوف: وانا امووووت فيك

بعد كم يوم ارجعو لبيوتهم والحمد لله عدت سحابه الزعل الي بين محمد والهنوف على خير ورجعومثل اول واحسن ...
عبداللطيف رجع بس دلال قعدت عشان كانت في بدايه اشهر الحمل والوحم والتعب ففضلت انها تكون مع اهلها وبعدين كان ودها تحظر عرس بدور عبداللطيف رضى طبعا فراح تقعد شهر وعقب راح يجي يحضر عرس بدور وياخذها ويرجعون ..
بعد الدوام بشهر تقريبا كان عرس بدور وطلال وكان يوم الخميس ...
صدق انه كان ايام دراسه بس كان ولا اروع كانت الصاله مليااانه من صديقات بدور ومعارف الجده وكانت الزفه ولا اروع والديكور وكل شي لان كله من ذوق الغاليه بدور ...
البنات كل وحده تتحدى الثانيه بجمالها وكشختها دلال ومنى مع بطونهم وكان شكلهم حلووو وكيوت محلوييين اكثر مع الحمل منى كان باقي لها شهرين وتولد اما دلال فكانت في الشهر الرابع

بعد ما انزفت بدور الكل كان متجمع حواليها وطبعا هذا كان طلبها تبي تحس ان الكل حولها ..
العنود: عميمه صايره تهبلييين تاخذين العقل
بدور: احم احم ادري
الكل ضحك على اسلوبها ورزانتها حتى وهي في يوم عرسها بدور كانت خايفه من داخل بس تبي تهدي من روعها فتحاول انها تكون طبيعيه
الهنوف : اكشخ يا حظ خالي فيج ياعميمه
بدور: عاد خلاص ترى بذوب مافي فريزر يكفيني انا وفستاني
الكل رجع وضحك على بدور واسلوبها
على الساعه 1 ونص تقريبا جا طلال وخذ بدور وراحو لشقتهم المتواضعه الي كانت من ذوق بدور ...
وقف طلال قدام بدور :مبروك عليج انا
بدور والابتسامه مافارقت وجهها : الله يبارك فيك وانت بعد مبروك عليك انا
طلال: ههههههه مو بس مبروم الا ياحظي فيج
بدور: ههههههه
قرب طلال وحط اذنه على صدرها جهه اليسار
طلال: الله الله حشى قلبج اليوم منقلب طقاقه مو قلب ماشاء الله كل هذا خوف ترى مااكل ..
بدور ميته من الضحك على اسلوبه الحلو الي خفف من خوها وارتباكها ..
في صباحيه بدور اليوم الثاني راحت بيت اهل طلال وسلمت على اهله وكان الغدا عندهم .... وفي الليل كان التجمع في بيت الجد فهد على العشا ..
اليوم الي بعد الاغلبيه ماداومت لان مالها خلق مدرسه بعد هالعرس الحلو ..
بدور الصباح قبل لا تسافر_ لمكه ومن مكه راح تروح تركيا اسبوعين وبترجع _ مرت على ام زوجها وابوه سلمت عليهم ..
ام جاسم : لا اوصيج يابنتي على طلال تره غالي حييل صدقيني ماراح يرد لج أي طلب بالي تامرين عليه تراه طيب بس انت لا تعاندينه اذا قالج شي سويه وترى الزم ما على المره طاعه زوجها أنا اقولج هالكلام واعتبريني امج مو ام زوجك
بدور: انتي امي يالغاليه والي تقولينه على راسي ولا تخافين طلال في عيوني واحاول اسعده بالي ربي يقدرني بس انتي لا تحاتين
ام جاسم: انا واثقه بالي اخترتها لولدي وام عياله ان شاء الله الحين ارتحت اني خليته عنج والحين مالي في الدنيا الا رضا ربي واشوفكم مبسوطين
بدور حست بقلبها يعورها من كلام ام زوجها : ان شاء الله تشيلين عيال طلال وتفرحين بشوفتهم يارب
ام جاسم: كنت اتمنى يوم زواجه والحمد لله ربي عطاني عمر وشفته مع الحسن واحلى عروس في الدنيا وان ربج كتب وعطاني عمر ان شاء الله راح اشوف عياله ,,
بدور: امييين

قامت بدور وسلم عليها وجا طلال وسلم على امه وقامت تبكي
طلال: يمى شفيج تصيحين يالغاليه ان شاء الله كلها اسبوعين وانا عندج يالله والا ترى ببطل السفره خلاص
ام جاسم: لا ياولدي روح والقلب داعيلك استانس انت وزوجتك الله يحفظك يارب
بدور كان قلبها ناغزها وهي تشوف ام جاسم وهي تلم ولدها وتصيح كانها اخر مرره راح تشوفه وقبل لا تطلع رجعت وحبت راسها ..
ام جاسم والدموع في عيونها : الله يحفظكم
بدور: ويحفظ الجميع ان شاء الله ..
مرت بدور على امها وسلمت عليها وعلى اهلها كلهم الي كانو مجتمعين هناك عقب راحت للمطار على مكه

اول ماوصلو مكه اعتمرو وقعدو يومين فيها واليوم الثاني في الليل راحو جده عشان طيارتهم االصباح لتركيا بدور ماكانت مرتاحه للروحه وودها ترجع بس كانت خايفه تقول لطلال ويزعل ضغطت على روحها وتعوذت من بليس وقالت اكيد هذا بس وسواس ...
الصباح قامو بدري عشان موعد الطياره وبدور الى الان تحاتي وكان واضح عليها ,,
بدور: طلول
طلال: عيونه
بدور: قلبي مومرتاح للسفره هاذي خايفه ماادري ليش
طلال: تعوذي من بليس ان شاء الله ماراح يصير الا كل خير
بدور: ان شاء الله
كلمو الاهل وتطمنو عليهم وعقب طلعو للمطار بدور زاد خوفها وقامت تصيح طلال استغرب منها حاول يهديها بس كانت مصره انها ماتسافر
فقرر طلال انهم يقعدون في جده كم يوم لين ترتاح نفسيه بدور ودقت بدور على اهلها وقالت انها ماسافرت وماحبت تخوفهم عليها فحطت العيب ان الطياره تاخرت وتاجلت الرحله ..
العصر جاهم اتصال ان ام جاسم تعبانه حيل فاصرت بدور انهم يرجعون للشرقيه والسفر لاحقين عليه واهم شي صحه ام جاسم طلال وافقهاالراي ورجعو والساعه 9 كانو عندها في المستشفى دخل عليها طلال ومعه بدور ...
طلال: ماتشوفين شر يالغاليه
بدور: قلنا مانسافر الا وانتي بخير ان شاء الله تقومين بالسلامه
ام جاسم ابتسمت : الحمد لله ان ربي عطاني عمر وشفتكم قبل لا اموت
طلال وبدور : بعد عمر طويل
غمضت عيونها وابتسمت ورفعت الابهام : أشهد ان لا اله الا الله ان محمد عبده ورسوله
واسلمت روحها للباري عزو جل ..
صخ الهدوء في انحاء الغرفه وماكان يقطع الهدوء الا صوت الجهاز حق القلب
توووووووووووووووووووووووت والخط مبين على شاشه الجهاز الي يعني ان القلب توقف عن النبض
بدور مو مصدقه تمت ساكته وتطالع اول مره شخص يموت قدام عيونها ...
طلال ينادي: امي امي ويطلع يركض بره ينادي الدكاتره والممرضات .. حاولو يعطونها اكشجين يرجعون نبضات القلب لكن لافائده وصدق من قال(( فاذا جاء اجلهم لا يستاخرون ساعه ولا يستقدمون ))
طبعا كل من كان في المستشفى من اهل الجده قام يصيح وبلغو الخبر للكل ..
طبعا كان العزا في بيتها للرجال والحريم مرت ثلاث ايام عليهم حزيييينه وخاصه على بدور الي شافتها تموت قدام عيونها واحساسها الي كانت تحسه انها ماتبي تسافر لانه راح يصير شي ..
بدور كانت قاعده في بيت اهل طلال عشان تقدر تقوم بالواجب وتستقبل الحريم مع ان ام العنود والهنوف مو مقصرات يجون من الصباح وما يطلعون الا نهايه الليل .. بس بدور كانت تنام هناك ومعها طلال طبعا
اليوم الثالث وطلال وبدور الصباح رايحين للشقه عشان يجيبون بعض اغراض تبيهم بدور...
طلال: بدور سامحيني على
وقبل لا يكمل كلامه بدور قاطعته: افا يا طلال هذا كلام ينقال كذا تزعلني منك الي صار مكتوب واحنا مالنا دخل
طلال: بس انتي عروس والظروف الي مريتي فيها بدايه زواجك
بدور ترجع تقاطعه: طلال لا تزعلني عليك ترى هالكلام يعور قلبي بعدين انا ماان خاطري بالسفه هاذي ماادري ليه قلبي كان حاس انه راح يصير شي
طلال: يلا الحمد لله على كل حال وان شاء الله ربي بعوضنا في الايام الجايه
تمو ساكتين والراديو يشتغل على الاخبار الا يسمعون حدوث زلوال في تركيا وفي المنطقه الي كانو بيروحون لها بس الزلزال مو قوي كثير بس كان فيه خساره ارواح ومباني ..
لفو وجيهم وتمو يطالعون في بعض وبدور في قلبها : سبحان الله هذا الي كان مضايقني وغرقت عيونها بالدموع
طلال: سبحان الله يمكن الي كان مضايقك تنبيه من الله
بدور ودموعها على خدها : أي والله ..يالله الحمد لله
شوي الا دق سلمان على بدور وقالها عن الخبر ,,
مرت الأيام عاديه بدور كانت تزور لابو جاسم مرتين في الاسبوع واحيانا توصل للثلاث كانت دووم تطبخ له الغدا وتوصله له والا تناديه يتغدى او يتعشى معها ومع طلال وابو جاسم حب بدووور كثير واعتبرها مثل بنته واكثر ..
مرت الايام وجات الاختبارات الشهريه وخلصت والحمد لله عدت هالايام على خير ..
في يوم من الايام كان يوم خميس في الليل طلعو رفعه وسلمان يتعشون بره وبعد ماخلصو عشى كانت رفعه مشتهيه اسكريم من باسكن مرو وخذ لها سلمان عقب رجعو للبيت
سلمان: ماشاء الله عليج شلون بتاكلينه انا انفقع بطني من الاكل
رفعه: قول ماشاء الله واله عاد متوحمه فيه بعد بتقول لا

سلمان ك انا ماقلت لا بس ...... بعدين انتبه لكلمه بدور متوحمه فيه ولف عليها وهو عيونه شوي وتطلع
سلمان: وش قلتي ؟؟
رفعه وابتسامه على وجهها : متوحمه
سلمان: يعني ؟؟
رفعه: يعني هاذي طلبات ولدك الي جاي بالطريق
سلمان وابتسامه شاقه وجهه : حاااااااامل
رفعه: ههههههههه أي حامل
سلمان: يعني بصير ابوي
رفعه: انت اشفيك هههههههههه أي بتصير ابوي
سلمان : واااااااااي من قدي بصير ابو.. وشلون عرفتي ومنو قالج وشلون
رفعه: ههههههههههه انت شفيك والله حسيت بدوخه اليوم قالت لي خالتي روحي المستشفى قلت لها ماله داعي بس صداع بسيط بس قالت لي اني من كم يوم تدوخين روحي وماراح تخسرين شي دقيت على بدور ورحت معها وقالت لي الدكتوره اني حامل في الشهر الثاني ...
سلمان: الثاني ولا درينا
رفعه: شفت
سلمان على طول خذ جواله ودق على محمد واول مارد
سلمان: حمووووووووووووود باركلي
محمد: على وشو
سلمان: بصير ابوووو
محمد: لا لا الف مبروووووووووووك واخيرا بيصير لجدي حفيد جديد
سلمان: ههههههههه
محمد: محمد عاد لا اوصيك اذا ولد سمه علي
سلمان : انت تامر خلاص من اليوم انا بو محمد
محمد: ههههههههههههه
سلمان كانت فرحته مالها وصف .. الكل استانس يوم عرف وخاصه بدور والعنود لانهم قريبين منه كثييير بدور كانت اول من عرف بالخبر لانها راحت مع رفعه وكانت فرحانه له من القلب ... وحتى العنود الي اول ما عرفت بالخبر دقيت عليه وعلى رفعه وباركت لهم ...


مرت الايام ....
اليوم رفعه رايحه عند جواهر وكانو قاعدين في الملحق ..
جواهر: هههههههه انتي وهالبطن الله يعينا اذا جا بيحوس الدنيا عاد هذا ولد رفعو
رفعه: خليه ان شاء الله يكسر الدنيا حلاله هذا ولد سلمان ورفعه
جواهر : عاد في خاطرج بنت والا ولد
رفعه: والله الي يجي من الله حياه الله
جواهر : شوفي عاد جيبيه وبعد سنه جيبي وراه الثاني يسليه
ؤفعه: قطوه بصبر شوي عاد
جواهر : هههههههههه والله انج انتي وسلمان نكته
الا يطق سلمان
رفعه فديته حبيبي عمره طويل ورفعت : هلا والله
سلمان: هلا بقلبي وعمري وحياتي كلها هلا بغزالتي
رفعه: ترى مااقدرانا على هالكلام اذوب
سلمان: هههههه شخبار قلبي اليوم
رفعه: تمام وانت شخبارك ياعمري
سلمان: مشتاااااااق واقولج يلا تجهزي بمر عليج الحين
رفعه:أ نا بجي ماله داعي تمر علي بتحرك شوي من بعد البيت تراني متنانه هاليومين
سلمان: حلاتج متينه وبعدين لا تعبين نفسج لازم ترتاحين والا نسيتي كلام الدكتوره
رفعه: لا مانسيت يلا اذا وصلت عند الباب عطني دقه
سلمان: انا عند الباب
رفعه: هههههههههههههه والله انك نكته يلا البس عباتي واطلع
سلمان: ههههه يلا استانج
قامت رفع دخلت سلمت على امها والاهل وطلعت وعند الباب
جواهر : انتبهي لا تطيحين ويذبحنا سلمان
رفعه: هههههههه لا تخافين علي
جواهر: الله يهنيكم
رفعه: تسلمين عقبال مااشوف فرحتج برجعة الغالي
جواهر : امين يلا يلا فقع اذونا بالهرن
رفعه: يلا سلام
راحت رفعه ودخلت جواهر داخل ... الساعه 1ونص في الليل توها بتحط راسها على المخده وتبي تحط منبه الجوال عشان الفجر : يوووو اكيد في الملحق ياربي مالي خلق اجيبه وببدل يووو الكل نايم بروج اجيبه بسرعه واجي الدنيا ليل مين بيشوفني ..
نزلت ببيجامتها وكانت رافعه شعرها لبست الشبشب وطلعت للملحق لقت النور مفتوح توقعت انها هي الي نست النور دخلت وخذت جوالها الي كان وق الطاوله استغربت لانها شافت بوك وجوال وبسرعه جات بتطلع لانها لابسه بيجامتها ومو مغطيه شعرها .. الا تشوف باب الحمام ينفتح رفعت راسها واشهقت


منتو تتوقعون شافت ؟؟؟؟؟؟






؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟
؟؟؟؟؟؟؟؟
؟؟؟؟؟؟
؟؟؟
؟؟
؟
























سااااااااااااااااااااااااامي

تمت تطالعه وهي مو مصدقه عيونها تحس انها بحلم وااااقفه متجبسه في مكانها ومو قادره تتحرك
شوي الا تقدم لها
سامي وهو مبتسم : من قدي اول شخص أشوفه انتي ..
جواهر والى الان مو مستوعبه الي يصير : سامي
سامي: ايه انا سامي شفيج منصدمه ...
جواهر : لا بس ... الحمد لله على السلامه
سامي : الله يسلمج
جواهر انتبهت لنفسها وعلى طول نزلت راسها وطلعت
سامي مسك يدها ..: ابي اكلمج
جواهر: سامي لا احد يجي خلني اروح وخل الكلام وقت ثاني
سامي: ابي اكلمج الحين مااقدر اصبر اكثر كافي اللي فات
جواهر سحبت يدها وطلعت وهي تركض راحت غرفتها وسكرت الباب عليها وقعدت على السرير ودموعها تسيل على خدودها بكل هدوء : معقوله رجع ماني مصدقه ياربي شلون تغير ماكأنه هو قامت تطالع اطراف اصابعها الي مسكها قلبها نبضاته الى الان ما هدت قامت للحمام غسلت وجهها وصلت ركعتين وهدت شوي ..
حاولت تنام بس ماقدرت قلبها مشتاق لحبيبها الي رجع واخيرا تمت رايحه راجعه في الغرفه لين الفجر عقب صلت وطلعت تقعد بره مع جدها وجدتها تتقهوى كعادتهم وكانت سرحانه ..
الجده: يمى جواهر شفيج صاحيه اليوم بدري اليوم خميس عوايدج تنامين
جواهر: نمت البارحه بدري وشبعت نوم
شوي الا جا اخو الجد مريع الي هو سلطان مع زوجته ايمان هم عادتهم كل فجريه يقعدون في الخيمه لين وقت شروق الشمس ... دخلو ومعهم مبارك ولدهم الكبير وزوجته وولدهم سامي ونايف ..
جواهر كانت متوقعه عشان كذا جات وقعدت مع جدتها وجدها واول ما دخلو كانت عيونها معلقه عليهم ويوم دخل سامي وطاحت عيونهم ببعض على طول نزلت عيونها وقلبها يدق بس حاولت انها تتصرف طبيعيه ..
قامت وسلمت على جدها سلطان وزوجته وعمها مبارك وزوجته ..
طبعا جدتها وجدها كانو فرحانين برجعه سامي ويرحبون فيه سلمت على نايف ويوم جات تسلم على سامي هو الي مد يده رفعت عيونها في عيونه ومدت يدها : الحمدلله على سلامتك
سامي وابتسامه على وجهه وهو يضغط على يدها : الله يسلمج
قلبها قام يدق ووجهها حمر بس مااحد انتبه الا نايف لان هو الوحيد الي عارف الي بينهم تمت جواهر شوي عقب طلعت لانها حست انها مالها داعي بينهم .. وهي طالعه عيون سامي كانت معلقه عليها ولا نزلها طول ماهي كانت قاعده معهم ..
شوي وقام سامي ارتاح والظهر كانت العايله كلها مجتمعه عشان رجعه سامي ... وجواهر فرحتها ماليه قلبها وطبعا دقت على رفعه وقالت لها وطبعا رفعه جات عشان العزيمه ..وكانت كل دقيقه والثانيه تعلق على جواهر الي الابتسامهمافارقت وجهها من رجع سامي
__________________

اليوم الي بعده ..
سلمان توه داخل للغرفه وقعد على الكرسي الا ينتبه لبطاقه خذها وفتحها وقرأ وانصدم ...
شوي الا رفعه طلعت من الحمام : هلا حبيبي متى جيت
سلمان: توني لي خمس دقايق
رفعه: شخبارك اليوم
سلمان: تمام بشوفتج
انتبهت رفعه ان سلمان ماسك البطاقه بيده : شفت البطاقه هاذي وحده صديقتي عازمتنا على عرسها
سلمان: عازمتنا ؟؟ وانا وش دخلني
رفعه: زوجي شلون وش دخلك ياحليلها ليلى تصدق عاد من زمان عنها لي تقريبا اكثر من سنتين ما شايفتها
سلمان: وبتروحين ؟؟
رفعه تلف عليه وهي تمشط شعرها : اذا حبيبي ماعنده مانع بروح
سلمان في قلبه : حتى انتي طلعتي تعرفينها اااااخ من هالليلى لو اعرف بس شنو تفكر فيه بس والله ماراح اخليها تحقق ولا شي من اللي تتمناه
رفعه وهي واقفه قدام سلمان : حبيبي وين رحت
سلمان وقف: معاج ياعمري يعني وين بروح
رفعه: لا بس شفتك سرحان
سلمان: حد يشوف القمر قدامه ويقوم يسرح بشي ثاني ..
رفعه: هههههههه

مرت الايام عاديه بس سلمان كان باله مشغول باللي صار محمد قاله لا تخليها تروح وخلاص بس رفعه كان واضح عليها انها مصره تروح ولا سيما ان امها بتروح لان لها معرفه بام ليلى وسلمان ماوده يرفض لرفعه روحتها بدون سبب وفي نفس الوقف كان خايف ان ليلى تقول او تسوي شي لرفعه ..

جواهر كانت قاعده تتجهز الا تدخل عليها امها : يلا يمى ترى احنا طالعين اذا رحتى عن رفعه عطيني خبر
جواهر: شدعوه يمى من بعد البيت تراه في نفس الحاره
الام: وانا قلت شي اذا وصلتي طمنيني عنك
جواهر : ان شاء الله انتي تامرين امر
بعد ربع دقت رفعه على جواهر تستعجلها جواهر خذت شنطتها ولبست عبايتها وهي تتمشى طلعت للحوش وهي عند الباب الي في دخله سامي ارتبكت ولفت وجهها عنه
سامي مد يده بسرعه ومسكها من كتوفها : جواهر لحظه
جواهر وقفت منصدمه : وخر يدك
سامي بسرعه نزل يده: اسف ما قصدت شي
جواهر: لا عادي هلا امر
سامي : ابي اكلمج في موضوع
جواهر لفت عليه: هلا تفضل
سامي: هنا
جواهر: أي هنا
سامي : مانقدر ندخل داخل ؟؟
جواهر اوريك ياسامي بطلع فيك كل حرتي وهي ترفع حاجبها: مانقدر نأجله وقت ثاني ؟؟
سامي وهو يهز راسه بالنفي : تو مانقدر نأجله تدرين ليه؟؟
جواهر : لييييه؟
سامي : لانه يتعلق فيني وفيج
جواهر قلبها قام يدق بقوه : الي هو ؟؟
سامي: ماتبين تعرفين ليش غبت هالمده
جواهر في قلبها ميته تبي تعرف بس قالت ياخبر اليوم بقلوس بكره ببلاش : لا مو مهم
سامي وهو مستغرب من ردها وبكل حنيه : يعني انا الحين مو مهم؟؟؟
جواهر قلبها قام يدق سامي ركز نظره في عيونها وتمو يطالعون بعض ...
جواهر نزلت عيونها سامي قرب لعندها ورفع راسه باصبعه وشاف عيونها مغرقه : اذا مو مهم الدموع هاذي ليش ؟؟
جواهر غمضت عيونها وطاحت دمعه على يد سامي
سامي : جعلني أموت ولا أشوف دموعج
جواهر رفعت راسها : اسم الله عليك
سامي ابتسم : تخافين علي .. يعني مهم ليش تكابرين هااه ؟؟؟
جواهر: لانك قهرتني بغيابك رحت بدون سبب او مبرر كافي علي السنيين الي راحت تجي وتزيد الطين بله
سامي : طيب اذا قلت لج السبب بتعذريني ؟؟
جواهر: وشو؟
سامي :أيا كان ما تزعلين
جواهر وجا على بالها الموقف يوم تشوف بنت تركب معه وارتسمت علامه حزن على وجهها : لا ماراح ازعل
سامي: طيب قبل لا اقولج بسالج تتزوجيني ؟؟
جواهر استحت ونزلت راسها ....
سامي : لا تسكتين انا اسالج ؟؟
الا يطق جوال جواهر الا رفعه حطت لها صامت : يلا انا بروح رفعه تنتظرني

سامي: طيب اوصلج ؟؟
جواهر: اعرف الطريق
سامي: انزين تعالي ما جاوبتي ..
جواهر ابتسمت : كل شي في وقته حلو خلك على اعصابك
سامي وهو يعلي صوته : جهزي القهوه اليوم بعد العشا انا عندكم
جواهر استانست ومن فرحتها نست السبب الي كان سامي بيقوله ؟؟

سلمان ورفعه توهم داخلين للشقه
ترن ترن ترن ترن ...<<< تلفون
سلمان: بسم الله كانهم حاسين ... ( ويرفع التلفون ) نعم
ليلى: السلام عليكم
سلمان عرف الصوت وحس انه متجبس في مكانه وبتردد: وعليكم السلام
ليلى: رفعه موجوده .
سلمان: وبكل جرائه ووقاحه تطلبها : من أقولها ؟؟
ليلى تمت ساكته معقوله ماعرفني : ليلى
سلمان: والله مشغوله دقي عليها بعدين
وعلى طول سكر السماعه ..
رفعه: مين
سلمان ماكان وده يقولها بس قال في نفسه ليش أسوي كذا معقوله ليلى في بالها شي تسويه لي ..
رفعه: سلماااني
سلمان: هلا حبي
رفعه: وينك وين سرحت منو الي داق
سلمان: وحده اسمها ليلى
رفعه: يووووو ليش ماعطيتني اياها تدري منو هاذي
سلمان وكانه مايدري عن شي : منو
رفعه: هاذي الي عازمتنا على زواجها عقب يومين
سلمان: ايييي طيب ليش داقه مو رسلت خلاص
رفعه: هاو اشفيك اكيد تبي تاكد علي الروحه فديت عمرها ( وراحت لعند التلفون تدق عليها )
سلمان هذا الي ناقص تتفدى ليلى : لا تفدين احد غيري
رفعه وهي تطالعه باستغراب : هلا السلام عليكم
وكلمتها رفعه وكانت ليلى تاكد على رفعه الجيه مثل ماقالت رفعه لسلمان ...
سكرت رفعه وهي مستانسه سلمان قاعد على الكرسي وتم يطالعها وهي تبدل وترتب ومتحمسه في السوالف عن ليلى
سلمان: الله للدرجه هاذي غاليه عليج
رفعه: تقريبا كانت وحده من بنات الشله في الثانوي
سلمان: ومصره تروحين العرس
رفعه: أكيييييد ليه ماتبيني اروح؟؟؟
سلمان: انا اقول ماله داعي عشان صحتج وصحة الي في بطنج وبعدين أخاف عليج يحسدونج عاد وين الاقي غيرج
رفعه: ياقلبي انت الي في بطني ماراح يصيبه شي وانا الحمد لله مثل الحصان ماني تعبانه ولاشي وان شاء الله ماراح يصيبني شي وبقرا المعوذات على نفسي
سمان: حتى ولو ما خاطري تروحين
رفعه مستغربه من كلام سلمان فتوقعته هبال : سلمان تتكلم جد
سلمان حس انه مصخها على شي مايسوى : لا أمزح معج شدعوه هذا خالتي بتروح بس انا اعفيني من الروحه
رفعه: براحتك على انها لزمت علي انك تكون من الحاظرين
سلمان: انا ماراح ازيد ولا انقص شي وعندي اشغال اهم من العرس
رفعه : قلبي انته انزين لا تعصب خلا ص مو لازم تروح

اليوم الي بعد رفعه كانت منسدحه في الصاله وقاعده تسولف مع دانه ...
رفعه: والله ماادري شفيني اليوم احس بتعب وخموول
دانه: يمكن مو نايمه زين
رفعه: الله يسلمج أي مو نايمه انا وحامي كله نوم
دانه: عادي كل الحوامل كذا
رفعه : هههههههه حلوه هاذي الحوامل
شوي الا يدق جوال رفعه وكانت جواهر بعد ماسكرت
رفعه : حبوبه انا بروح بيت اهلي شرايج تجين معي البنات كلهم متجمعات
دانه: لا خير فشله
رفعه: أي فشله قومي بس الحين انتي مثل اختي
دانه: تسلمين ياعمري بس ....
رفعه: شنو بس احسن لج من القعده بروحج وانا بدق على امج وأقولها
دانه : اوكي
رفعه: يلا روحي تجهزي انا بطلع ابدل واجي
دانه : اوكي ..

العنود وأمها والهنوف كانو رايحين لعند جدهم جاسم يسلمون عليه طبعا الجد فرح بجيتهم خاصه البنات لانها على غير عادتهم العاده يجون الاربعاء أو الخميس بس هالمره العنود ماكان عندها شي وقالت تبي تروح مع امها الي تقريبا كل يومين كانت تروح له ومرت على الهنوف وراحو ..
قعدو سوالف وضحك شوي الا يسمعون طقه الباب وتنحنح رجال
الجد جاسم : من ؟؟
أحمد : هذا انا أحمد .. ويدخل الا في وجهه العنود ويرجع على ورى
الهنوف والعنود خذو عباياتهم ولبسوها عقب دخل احمد وسلم على خالته وعلى جده وتم يسولف والبنات كانو قاعدين في جهه صاده عنه بس حاطين الغطا على وجيههم ..
بعد ماطلعو العنود وامها والهنوف جاسم كان قاعد يسولف مع جده
الجد: ها ياولدي للحين مانويت تتزوج
أحمد: والله يابوي جاسم أكذب عليك اذا قلت لك ماأفكر بالموضوع
الجد: زيين وقلت لامك تخطبلك
أحمد: لا والله ياجدي مابعد افتح معها الموضوع بس ان شاء الله ابقولها والله يكتب الي فيه الخير
الجد: انت حاط في بالك وحده معينه والا الي بتخطبها الوالده
أحمد ابتسم وطبعا هو حاط في باله العنود : بيني وبينك في بالي وحده واتوقع ان الكل بيستانس عليها
الجد: ومن هي سعيد الحظ هاذي
أحمد: العنود بنت خالتي
الجد: والله وعرفت تختار مابتلقى احسن من العنود
احمد: ان شاء الله ربي يكتب الي فيه الخير ..
احمد من أول ماشاف العنود ذاك اليوم وصورتها ما فارقت باله وكان عازم انه يكلم أمه في الموضوع عشان تخطبها له لانها عجبته وهو أصلا من كانو صغار كان يميلها ويفضلها على الكل ..

في بيت أهل رفعه ..
دانه كانت مستانسه وداخله جو مع البنات تمت شوي عقب طلعت مع نوف فوق لغرفتها لانها هي تعرف نوف واكثر وحده تمون عليها ..
وهم قاعدين الا يطق باب الغرفه
نوف: منوووو
حمد: انا ادخل
نوف: لاااا دقيقه
وقامت فتحت له الباب : هلا امر
حمد: مايامر عليج عدو وين الاستشوار
نوف: وانت ماتتوب ياخي اشتر لك استشوار وفكنا
حمد: ماله داعي شعري ناعم وبعدين اخاف اشتريه وتستولون عليه اني واختج
نوف: لا والله دام شعرك ناعم دور غيري يعطيك الاستشوار
حمد: نوووووفه يلا عاد وراي طلعه مب فاضيلج
نوف: حتى انا مب فاضيه عندي صديقتي
حمد: صديقتج...؟ وينها؟؟؟
نوف :داخل الغرفه
دانه كانت تضحك على اسلوب حمد ومستانسه في نفس الوقت
حمد يقصر صوته شوي : الله يفشلج ولا تقولين لي انا ماخذ راحتي بالكلام
نوف: عادي هاذي دانه مب غريبه منا وفينا دقايق اجيب لك الاستشوار
حمد من سمع اسم دانه كان وده يطير من الفرحه ومتحقرص وده يدخل يشوفها بس طبعا ولافي الاحلام
تم واقف الا تطلع نوف : تفضل
حمد: مشكور .. الا اقول نوف تبون اجيبلكم خرابيط شي ماشيات انا حاظر ترى عندنا ضيفه ومو أي ضيفه
نوف رافعه حواجبها وتطالعه مستغربه : الله الله شطاري عليك اليوم هذا صديقاتي كل مره يجون اترجاك تجيب لي الاغراض بطلعه الروح والحين انت بنفسك تعرض علي
حمد: خلاص بطلت سويتي لي قضيه انا قلت بضيف صديقتج كيفج انتي الخسرانه
نوف: مشكور وماتقصر
دخلت نوف وهي تعلق على حمد ودانه ميته من الضحك عليه شوي الا نزلو تحت عشان رفعه بتروح في طلعة رفعه ودانه كان حمد طالع ..
رفعه: هلا حمد
حمد: هلا بالغاليه افا يالقاطعه كذا سلمان نساج اخوج حمد الي اول مايمر يوم الا لازم تشوفينه
رفعه: هههههههههه للحين عزيز وغالي بس تعرف والله عاد الحين مع الحمل كله خامده
حمد: الله يارفعو من كان يتصور انج تصيرين ام
رفعه: هاو وش ناقصني
حمد: ماناقصج شي بس الي يشوف هبالج اول يقول هاذي وينها وين الامومه
رفعه: اقول بس اسكت فشلتني قدام دانوه
حمد رفع عيونه ورى رفعه وشاف دانه ابتسم لها وغمز : عادي تمون دانه
دانه هي من اول ماشافته وقلبها يدق وقاعده على اعصابها وبعد الغمزه حست جسمها كله حريقه
رفعه: استح على وجهك يلا دانه وطلعو وراهم حمد وهم عند الباب في الشارع ..
حمد: أقول تراني ابيج في موضوع خاص ابي اكلمج فيه هاليومين
رفعه: ان شاء الله
حمد: سلامي لحبيب القلب
رفعه: يوصل
وراحو وكانت دانه منهبله ومستانسه على هبال حمد وطول الطريق تمت رفعه تسولف لها عن هبالها اول وياحمد ..

اليوم الخميس جات منى عند أهلها لان وقت ولادتها قرب خلاااص على وشك رفعه كانت فوق تتزين وادنه كانت معها تسوي لها شعرها ..
دانه: الله رفعه صايره جنان مع هالدبه الصغيره
رفعه: هههههههه صدق والله والا بس عشان لابسه احمر محليني
دانه: لا والله ماشاء الله قمر والله وعرفت تختار ياعمي
رفعه: تسلمين ياقلبي عيونج الحلوه
دانه: الله يسلمك يالله تامرين بشي انا بنزل لعند منى تحت
رفعه: لا مشكوره خلاص مابقى الا المكياج وانا بسويه
دانه : اوكي يلا سلام لاتنسين تقرين على عمرك
رفعه: ان شاء الله
طلعت دانه من هنا ودق جوال رفعه من هنا
رفعه: هلا يمى
امها: هلا بج شخبارج
رفعه: الحمد لله بخير ها جهزتي
امها: أي انا طالعه الحين امر عليج

رفعه : لا يمى مشكوره باقي لي المكياج انا بجي مع سلمان
امها: خلاص يمى براحتج بس لا تصيفين
رفعه: ان شاء الله يلا مع السلامه
الام: في حفظ الكريم
حطت رفعه المكياج وتعطرت .. كانت لابسه جلابيه فخمه لونها احمر وكلها شك وتطريز وجايه مخصره على جسمها وصاير بطنها واضح فيها وشعرها خذت خصل بسيطه من الاطراف وشاتها وحطت ورده جوري طبيعي ومن تحت مرول بالفير وخصل قذلتها على عيونها طايحه ...
بعد ماخلصت توها قايمه من على التسريحه الا يدخل سلمان اول ما شافها تم واقف ويطالعها وهو منبهر
رفعه تضحك : شفيك شايف جني
سلمان: .............................
رفعه قربت لعنده وتحرك يدها قدام عيونه : يااااهوو
سلمان: الا قولي ملاااااااك ... استني خل اجمع قواي
رفعه: ههههههههههه الله يقطع بليسك انت وسوالفك وليش تجمع قواك
سلمان: الي يشوفج مو بس يفقد قواه الا كل شي يملكه يروح ياارب احفظ لي حبيبتي من الحساد وحط يده على راسها وقام يقرا عليها وعقب باسها على راسها ..
رفعه: تسلم
سلمان: الله يسلمج شخبارج اليوم_ وهو يحط يده على بطنها_ وشخبار الأخ
رفعه: تمام عال العال بعدين تعال يمكن اخت مو اخ
سلمان : أخ أخت المهم انها منج
رفعه ابتسمت وحست بحيا : انزين يلا ترى تاخرت
سلمان تذكر انها بتروح عرس ليلى: يعني الا تروحين قعدي معي
رفعه: ردينا لطير يلي ماراح اطول كلها ساعه ساعتين بالكثير
سلمان: الله وااااجد سلمي عليها وباركي واطلعي
رفعه تطالعه وهي رافعه حواجبها : لا والله انت احلف
سلمان : والله والي يعافيج حبيبتي لا تروحين انا قلبي مو مرتاح لروحتج هاذي
رفعه : لا تفاول ان شاء الله مابيصير الا كل خير
خذت شنطتها الا يطق جوالها شافت الا رقم غريب وماردت
سلمان: ردي شفيج
رفعه: ماعرف الرقم كيفه يلا خل نطلع
طلعو وهم بالسياره سلمان مافي ابطأ منه وطبعا متعمد وطول الطريق لاهين بالسوالف وطق الرقم الي قبل شوي وردت رفعه ..
رفعه: نعم
الطرف الثاني : الاخت رفعه
رفعه: أي من معي
الطرف الثاني : مو مهم انا مين ... بس حبيت أقولك ... توت توت تو ت<< ينقطع الخط
رفعه: فضاوه
سلمان: شفيك
رفعه : ماادري وحده داقه قالت انتي رفعه قلت لها من معي قالت مو مهم بس حبيت اقولك وانقطع الخط
سلمان : لا تردين عليها شكلها ماعندها سالفه
رفعه: وهذا الي بيصير
وصلو ..
سلمان: يعني مصره
رفعه: اكيد وتراني وصلت عند باب الصاله يلا ابدق عليك اذا خلصت
سلمان: تراج قلتي ساعتين بالكثير
رفعه: ههههههه ان شاؤالله يلا مع السلامه
نزلت وسلمان يدعي ان ربي يحفظها له ويردها سالمه
دقت رفعه على امها واول مادخلت ماشاء الله الكل جا يسلم عليها من صديقاتها الي بالثانوي والي بالجامعه والي لها معهم معرفه قديمه واستانست يوم شافتهم تمت شوي الا زفو العروس عقب طلع البعض فوق المسرح يسلم عليها ويبارك لها رفعه انتظرت لين خفو العالم عقب راحت لها ليلى يوم شافتها ماعرفتها بسيوم تكلمت رفعه ..
رفعه : هلا بالعروس مبروووك
ليلى تمت تطالع رفعه ومر ببالها سلمان : هلابك الله يبارك فيك رفعه صح ؟؟
رفعه : أي رفعه .. شخبارج والله تغيرتي ياليلى ماشاء الله صايره قمر
ليلى : تسلمين ياقلبي انتي الي قمر ماشاء الله وفي قلبها مالوم سلمان فيج وانتبهت لبطنها الله يسعدكم ويوفقكم ....
صديقاتها كانو حولها متجمعين وخواتها وحده من خواتها كانت تطالع رفعه بنظرات غريبه رفعه لاحظت بس طنشتها ...
رفعه وهي نازله من على المسرح كانت وراها اخت ليلى وهي تنزل من الدرج توها بتحط رجلها على الجلابيه من ورى عشان تطيح رفعه الا تصرخ وحده : انتبهي انتبهي لا تدوسين على الفستان
لفت رفعه وشافت اخت ليلى وراها جرت جلابيتها
اخت ليلى: اسفه ماكنت منتبهه
البنت: زين انج مادستيها المره حامل كان طاحت على وجهها
اخت ليلى في قلبها ليتها طايحه
قالت رفعه للبنت شكرا وراحت قعدت على الطاوله مع صديقاتها ومعارفها
على الساعه وحده وشوي طلعت رفه وقبل لا تطلع جاتها اخت ليلى وقالت لها ابي اقولج شي سلمان كان يدق على رفعه وهي كانت مستعجله فعطتها رقمها وقالت لها تدق لها بعدين ..
رجعت أخت ليلى للكوشه جنب اختها ..
ليلى : لولو شنو تتمنين لي في هاليوم
لولوه: ان ربي يسعدج طول حياتج ويوفقج
ليلى: وانا اتمنى لرفعه نفس الي انتي تتمنينه لي
لولوه استغربت من الكلام الي قالته اختها : وش دخلها بالموضوع
ليلى: لولو حبيبتي اذا تحبيني جد خلي المره في حالها خلاص .
لولوه ابتسمت : ان شاء الله

في نفس اليوم بعد صلا الفجر منى زاد عليها الالم فراحت لامها وقالت لها وعلى طول ودوها للمستشفى وطبعها دقو على فارس وجا على طول وكان وقت الطلق الي كان معها امها وجدها وزوجها كانت الولاده شوي عسره لانها اول ولاده لها بس الحمد لله كانت طبيعيه والطفل سليم وكان ولد الكل فرح وطبعا دقو على الجده وقالو لها والصباح دقو على الاهل وخبروهم ...
اليوم الجمعه الكل كان مجتمع في بيت الجده والكل فرحان بولاده منى والعصر راحو يتحمدون لها السلامه البنات عن الزحمه راحو بعد المغرب بس هم كان زحمه والغرفه ماخلت من الحريم ماشاء الله ..
قعدو شوي عقب طلعو
العنود: حشى مووت زحمه بدق على راجو يرجعنا للبيت
دانه : والله تسوين فينا خير
ريم: لحظه شرايكم نروح نشوف البيبي اول بعدين نروح
الهنوف: يلا قومو
ونزلو تحت وين يحطون الاطفال ولقو هناك محمد وسلمان وطبعا قام الهبال
العنود: فدييييته يزنن
سلمان: ولدي احلى
ريم: انزين خل يطلع اول
سلمان: بيطلع ويقص عينج بعد
دانه : والله فله يصير عندنا بزر في البيت احسن من هالشويهد
العنود: أي والله ياحظكم
محمد: ليه حتى احنا ان شاء الله بيصير عندنا في البيت
الكل لف لى محمد يطالعه
العنود: منو .؟؟
ريم: لا يكون امي حامل وانا ماادري
محمد: ههههههه لا شنو حامل تخيلو امي بكرشتها
العنود: اقول عن الطناز لا اعلم
محمد : ان شاء الله ولدي((( ويغمز للهنوف ))
الهنوف انحرجت وحمدت ربها ان النقاب على وجهها لانه صار طماطه
ريم: أي والله صدق وناااسه مو بس انتي يادانوه الي عندكم بزر
الكل قام يضحك عقب طلعو البنات ومحمد بوصلهم اما دانه فراحت مع سلمان
عند السياره قام الخناق بين الهنوف والعنود كل وحده تقول للثانيه انتي اركبي قدام قامت ريم نزلت من ورى وقالت انا بركب قدام وانتو اذلفو ورى
محمد: زين سويتي
وهم عند الاشاره كان هندي يبيع ورد جوري احمر
محمد: ها مين يبي ورده
ريم: من زينها
العنود: مالت عليج جوري
محمد: تعال صديق عطني وحده
خذ محمد وحده وعطاه الفلوس
العنود: حق منو بعدين ليه وحده احنا ثلاث
محمد : ومن قال انا ماخذها لكم انتو انا ماخذها لقلبي ويطالع الهنوف من المرايا
ريم: اكشخخخخخ اخوي عاد المفروض تعطيني اياها انا قاعده قدام لازم ترزني
العنود: هههههه <<< بطناز قلو يعطيج اياها حبيبته وراه وتبينه يعطيج اياها
وماتحس الا طقه على راسها من الهنوف
والكل قام يضحك عليها .. طبعا وصلو الهنوف أول وهم عند الباب
الهنوف: يعطيكم العافيه
محمد: ترى انا الي سقت مب هم
الهنوف: يعطيك العافيه
محمد : ههههههه
نزلت الهنوف ونزل وراها محمد وخذ الورده معاه : دقايق بنات
واول ما سكر الباب قامت تعليقات ريم والعنود
محمد من وراها يناديها : شدعوه يعني عشانك قمر تتكبر
الهنوف : الحين ممكن اعرف ليش تنزل
محمد: ابي اعطيج الورده
دخلوا للحوش لفت الهنوف : شكرا ومدت يدها عشان تاخذها
محمد باس الورده وقبل لا يعطيها قال : ياورده وصلي لها البوسه لان في الوقت لحالي ماقدر اوصلها بنفسي وعطاها اياها : يلا ياقلبي سلام بدق عليج الليله
الهنوف طبعا مييييييته من الحيا : مع السلامه
واول ماطلع نقزت وراحت للبيت تركض وهي طايره من الفرح

في الليل طق جوال جواهر شافت رقم سامي ولا ردت وتم يدق ويدق لين ما ردت
جواهر : نعم
سامي : سنه مابغيتي
جواهر : حد يدق هالوقت
سامي: أي انا يلا انزلي استناج في الملحق
جواهر: نعم نعم نعم
سامي: نعم الله عليج يلا بسرعه
جواهر: امي انت من صجك تبيني انزل لك في هالوقت لو شافنا احد شنو بيقول
سامي: يقول الي يقوله عقب كم يوم بنملك
جواهر: لا والله ... بعدين ليش تبيني انزل
سامي: ابي اكلمج في موضوع ضروري
جواهر : يتأجل
سامي : لا ما يتاجل لازم أقولج اياه قاعد مكبوت على قلبي وعليه راح تقررين اذا يتم زواجنا او لا
جواهر وبدا الشك والخوف يراودها : سامي انت شتخربط

سامي: جواهر بتنزلين والا شلون
جواهر : ماراح انزل واذا مهم للدرجه هاذي قوله الحين
سامي : كيفج ذنبج على جنبج
جواهر: شنو تهديد
سامي: لا بس انتي تبطين الكبد الموضوع مررره مهم ..
جواهر: يتعلق فيني والا فيك
سامي: فيني
جواهر قلبها يدق : سامي فيك شي
سامي: ايه ياجواهر فيني
جواهر: شنو ؟؟؟
سامي: شوفي كل مره ابي افتح معج الموضوع وتضيعينه او يجي احد ومااقدر اكمل وكان ودي اقولج اياه وانتي قدامي ماابي بالتلفون .. شوفي تذكرين هذيك الليله يوم دخلتي الملحق وشفتيني قاعد بروحي وتساليني شنو فيك قبل لا اسافر
جواهر: أي
سامي: في ذاك اليوم واحد من أعز اخوياي الي كنت دوم معه طلعاتنا وجياتنا وكل شي مع بعض ... << وتم ساكت شوي وكمل >> كان هو تعبان من فتره ويوم رحت له قالي انه اصيب بمرض الايد...
جواهر وقبل لا يكمل شهقت وحطت يدها على فمها : مستحيل
سامي: خليني أكمل
جواهر تمت متجبسه مو عرفه شتقول او وش تسوي ودموعها تنزل
سامي: شوفي ياقلبي انتي وافقتي علي الا وانتي عارفه الماضي حقي ومو لازم ارجع انبش فيه وأقول الي مضى بس الي صاب خويي كان بسبب جمعتنا مع شلة بنات وشباب وانا ....
جواهر وهي تصيح بشهاق : خلاص لا تكمل حرام عليك شلون يقوى قلبك تقول زي كذا
سامي : جواهر اسمعيني انا ماكملت كلامي
جواهر: ولا ابيك تكمل ولا ابي اسمع شنو بتقول بعد اكثر من الي قلته ... حرام عليك ليش سويت كذا
سامي يقاطعها: جواهر اسمعي انا ماسافرت الا عشان هالشي رحت بره وسويت تحاليل والحمد لله طلعت سليم من هالمرض بس ....
جواهر سكتت وقبل لا تكتمل فرحتها الي كانت بتدخل لقلبها لولا بس : سامي انا بنزل الحين
سكرت الجوال وخذت جلالها ونزلت تحت وهي خايفه من ان احد راح يشوفها بس الي قاله سامي خلها تتشع وتنزل لان ماقدرت تكمل كلامها بالتلفون ..
دخلت للملحق وكان سامي قاعد ومسند راسه على الكنب ومغمض عيونه وفاتح ابجوره واطيه فتحت النور
فتح عينه : سكري النور لا احد ينتبه الابجور تكفي
جواهر سكرت النور تقدمت شوي وتمت واقفه تطالع فيه وفي قلبها انا الحين ليش جيت ليش نزلت وش بقول المفروض اني مااخليه يشوف وجهي مااكلمه بعد الي قاله ...
سامي قطع افكارها : وش اللي يدور في بالج
جواهر: ولا شي
سامي: طيب ليش هالدموع
جواهر : لا تخاف مو عليك ابكي على قلبي المسكين الي حب واحد مايستاهل الحب شوف ياسامي اقولك اياها وبالفم المليان على كثر ما حبيتك بحاول اكرهك وانساك واشيلك من قلبي الي سويته لي مو هين جرحتني بما فيه الكفايه انا حبيتك بكل عيوبك بس ماتوقعت توصل لدرجه انك << ودخلت في نوبه بكاء >>
سامي خذ نفس : قلتي كل الي في قلبج ارتحتي
رفعت عيونها له وهي حممره من الصياح ودموعها ماوقفت
تم سامي يطالعها وقلبه متقطع على الدموع الي يشوفها على وجه حبيبته قام وقف قدامها وصارو مقابلين بعض
سامي: جواهر انا احبج ولو أي مخلوق في الدنيا خذج مني راح اموت بس عشان مااكون اناني وظالم ابي اقولج أنا ...
جواهر منزله راسها وتحاول انها تتمالك نفسها لانها حاسه ان الخبر راح ينهيها
سامي: انا عقيم
رفعت جواهر عيونها المندهشه وتمت تطالع سامي الي كانت عيونه غرقااانه ونزلت دمعه حاره غصب عنه على خده ..
سامي: رحت لاكثر من طبيب داخل البلاد وبره بس الكل قالي اني مافي امل انجب الا بعد مشيئه الله وانا هذا الشي الي كان ودي اقولج اياه قبل لا نرتبط وماحبيت اعلم أي احد عشان يكون القرار منج انتي وباقتاعج مابيهم هم الي يرفضوني عشان بنتهم ابيج انتي الي تقررين اذا موافقه او لا وصدقيني حتى لو رفضتي بالعكس راح اكون مقدر لشعورج انا رجال اشيل عمري بعمري بس انتي مره ومابي احرمج من احساس الام

جواهر قاطعته: اششششش خلاص وحطت راسها على صدره وتمت تصيح وتشاهق لين حس سامي ان احد صاب عليه كوب ماي من كثر الصياح خلاها تصيييح لين ماسكتت
سامي: ما ابيج توافقين علي رحمه والا عشان تحبيني فكري بعمرج .......
جواهر: ياخي انت ماتحس أي حب هذا الي في قلبك وتتكلم عنه لو تعرف معناه ماقلت هالكلام تعرف شنو معنى احبك تعرف شنو يعني انت الدم الي بعروقي تعرف شنو يعني مااقدر اعيش بدونك تعرف انك انت عمري وحياتي وامي وابوي وعيالي واهلي كلهم ..
قامت تتكلم وتطلع كل الي في قلبها وسامي يصيح من الفرح ويمسح دموعها ..
سامي : بسج دموع شخليتيس ليوم عزاي
جواهر: فال الله ولا فالك لا تقول كذا جعل يومي قبل يومك
سامي : ابتسم وباس راسها
جواهر ردت لابتسامه ووخرت عنه: خلاص ترى مصخناها
وطلعت من الملحق وهي مرتاحه لان سامي قال لها وما خبى عليها ... وهو بعد كان كرتاح من الكلام الي قالته صدق بعضه عور قلبه بس كان اكبر دليل على حبها له وانها ما تقدر تتخلى عنه ...

بعد اسبوع كانت ملكة جواهر وسامي كل واحد فيهم الدنيا ماكانت واسعته من الفرحه ...

دلال في ثاني اسبوع من شهرها التاسع جات للسعوديه عشان تولد جنب امها واهلها ..
وفعلا جابت لهم دلول بنوته ولا احلى سمتها ** ليان **
عبداللطيف خذ له شقه عشان يسكن فيها هو وزوجته وبنته الي ملت عليه الدنيا من جات ورجع لندن بروحه وتم فيها شهرين تقريبا عشان نهايه دراسته ورجع لهم للابد ....

رفعه ولدت وجابت لهم محمد الصغير وطبعا هذا كان الكل بالكل هذا ولد سلمان المدلل ...

عرس أحلى ثنائي الهنوف ومحمد كان في الصيفيه طبعا الكل كان مستانس وفرحان لهم كانت الهنوف ولا اروع جميله جميله بمعنى الكلمه الكل انهبل عليها وعلى نعومتها وطبعا محمد كانت الدنيا مو واسعته من الفرحه واخيرا بيلتقي بحبيبته الي ياما وياماانتظرها على احر من الجمر..
سلمان وكان معه ولده حمود الصغير ومكشخه بثوب وبشت وشماغ وعقال على قده صاير شكله جنان
محمد: اكشخ طالع علي عاد لا أوصيك حتى عروسك اختارها مثل عروسي
سلمان: افا عليك وهو ولد سلمان هذا اذا ماكانت احلى من عروسك
محمد: يهبى وين يلقى مثلها اصلا
سلمان: هههههههههههه ها محمد ماودك يقضي العرس
محمد: الا والله بس وش نسوي نصبر كلها ساعتين
سلمان: ذوووق تذكر بيوم عرسي وش قلت
محمد: توني احس فيك الصراحه
عند البنات
العنود: الهنوف يالله مابقى شي الحين بزفونج
الهنوف : هاااا لا انتظرو شوي
سهى: أي ننتظر الساعه 12 وشوي متى تبين تدخلين ان شاء الله الفجر
الهنوف: لا مو الفجر بس استنو شوي
العنود: ياعمري اخوي ذبحني بهالاتصالات والانسه تبي تاخر الزفه
بدور: وي مسكييين ولد أخوي يلله الهنوف اجهزي
الهنوف : بسم الله الله يكون في عوني والله ياخوفي اطيح وانا على الجسر
بدور: لا تخافين كلنا قلنا مثلج ولا صار شي ..(( وتقعد على الكرس )) ااااه تعبت

رفعه : ما احد قالج تحركي ارتاحي ترى مو زين لج الوقفه وانتي حامل
العنود: أي والله انتي تشيلين روحج والا تشيلين الي في بطنج

العنود كانت اسعد انسانه في العرس لانها شافت الفرحه في عيون حبيبتها وصديقه عمرها الهنوف وأخوها الغالي محمد وبدور الي كان شكلها ولا اروع مع بطنها الي كان في الشهر الخامس وصايره جنان لان الحمل مناسبها ومخليها تحلو أكثر ...

رفعه بعد تخرج دانه ودخولها الجامعه فاتحتها بموضوع خطبه حمد لها وللعلاقه الي بينهم الي مثل الخوات قالت لها دانه خل تخلص السنتين الاولى من الجامعه عقب خل يتقدم لها لانها حاليا ماتفكر بالزواج على قولتها تبي تعيش شبابها شوي<<ماثره عليها الاخت ريم >> حمد مازعل بالعكس كانت له فرصه عشان يكون نفسه ويستعد أكثر للزواج بس تطمن ان دانه باذن الله راح تكون له ...

ريم كانت رافضه تماما فكره انها تتزوج الا بعد ماتخلص جامعتها ..










هاااااااااااا بقى احد نسيته ؟؟؟؟؟

ادري بقى اهم شي في القصه كلها



,,,, بعد سته شهور ,,,


العايله كانو مقررين انهم يروحون للشاليهات ويقعدون فيها كم يوم بما ان الجو حلو ..
العصر في بيت عبد العزيز ....
ام عبدالله كانت قاعده في الصاله الا يطق التلفون وترفع
ام عبدالله: نعم
المتصله : السلام عليكم
ام عبدالله: هلا وعليكم السلام
المتصله : شخبارج ام عبدالله
ام عبدالله : بخير الله يسلمج انتو شخباركم وش مسويين
المتصله: والله الحمد لله شخبار العنود وريم
ام عبدالله: والله بخير يسالون عنج شخبار سهى واخوانها
المتصله <<الي هي مرت ابو سهى>: والله ان شاء الله بكره بترجع من الرياض

العنود والهنوف نازلين من الدرج وكانو يتكلمون عن الروحه بكره للشاليهات ..
العنود وهي تصب شاهي : ها يمى من تكلمين
امها: اكلم ام سهى
العنود: ياحليلها وش الطاري داقه عليج شخبارها
امها : بخير تسال عنج
العنود: سالت عنها العافيه خير شفيها تسال عني
امها: ناويه القرب تبي تخطبج
الهنوف رفعت عيونها للعنود
العنود وهي مستغربه : تخطبني ؟؟
العنود تمد الشاهي للهنوف وامها تكمل كلامها : أي تخطبج حق ولدهم فيصل
العنود فتحت عيونها وتجبست مكانها الهنوف تبسمت وغمزت لها
قعدت العنود وهي الى الان مو مستوعبه الموضوع وامها تكمل كلامها : والله هي فاتحتني بالموضوع من فتره يوم اشوفها في عزيمه ام خالد وقلت لابوج وما عارض وفي نفس الوقت كان خاطبج ولد خالج وانتي قلتي ماتفكرين بالزواج عاد ولا رديتلها خبر ورجعت الحين دقت والصراحه ولدهم ما ينعاب أخوج وبوج والكل يمدح فيه عاد غريبه سهى ما قالت لج انتو يالبنات تخططون واحنا اخر من يعلم
العنود مانتبهت الا لاخر جمله : أي تخطيط يمى الله يسلمج انا ماادري عن السالفه شي وسهى ولا حتى لمحت لي .
ام عبدالله : عاد هذا انا قلت لج وفكري والمره تنتظر الرد
العنود تمت ساكته ولا ردت الا في نزله ريم
ريم: السلام عليكم
الكل الا العنود : وعليكم السلام
ريم: شخبار مرت أخوي وبيبيها
الهنوف: الحمد لله زينين بس ولد اخوج هاليومين ماادري شفيه مشتهي منجا
ريم: والله انه كشخه يعرف وش يشتهي بس عسى حمود جاب لج المنجى
الا في دخله محمد وابوه : السلام عليكم
الكل وعليكم السلام
ريم: عمرك طويل عسى جبت المنجى لولدك
محمد: بس منجى الا قولي كرتونين منجى
ريم: حشى بيصير فيل اذا بياكل الكرتونين
الهنوف: هههههههه
بوعبدالله: يام عبدالله خلي الشغاله تدخل الفواكه
قامو البنات يسلمون على ابوهم والهنوف تحب راس عمها
ابوعبدالله : حبتج العافيه يابني ها شخبارج مع الحمل
الهنوف: الحمد لله بخير
ابوعبدالله : عاد جبنالج كل الفواكه اكلي زين عشان صحتج وصحة الي في بطنج
الهنوف: جعل خيرك دايم ماتقصر ياعمي
ريم: يبىىىى ترى نغااار
محمد: واللهعاد غرتي والا ماغرتي هذا ولدي لازم يتدلع حتى وهو في بطن أمه
الكل قام يضحك ...
في الليل العنود والهنوف ومحمد كانو قاعدين في الصاله وريم كانت بعيده عنهم شوي تكلم دانه في التلفون وام عبدالله وبو عبدالله طلعو من نص ساعه ينامون
محمد انتبه ان العنود مو معهم بالسوالف
محمد : العنود
العنود: هلا
محمد : شفيج ساكته مو من عوايدج وش الي شاغل بالج
العنود: ها لا ولا شي
الهنوف: أي ولا شي انتي حتى العشا عقلج كان مو معنا كل هذا من الي قالته لج خالتي
العنود تخز الهنوف: هنووووووف
محمد: وشووووووووو؟؟
العنود: ولا شي بس الهنوف تبي تهبل فيني
الهنوف : أي أي اهبل فيج
العنود تمد لسانها للهنوف وهي قايمه : قومي نامي ترى السهر مب زين لج ولال للي في بطنج بعدين بكره وراج قومه من الصبح
الهنوف تضحك على تصريفة العنود : ههههههههههه
العنود: أي ضحكي شعليج يلا تصبحين على خير
عقب كلهم قامو ينامون وفي غرفة محمد والهنوف
محمد: أقول عمري شفيها العنود صدق امي قايله لها شي مزعلها
الهنوف: الله للدرجه هاذي واضح عليها
محمد: لا بس انا اعرف العنود اذا كان شاغلها موضوع
الهنوف: عاد هذا مو أي موضوع
محمد: ليه وش صاير
الهنوف: انخطبت
محمد: اييي السالفه فيها خطبه ومن سعيد الحظ
الهنوف : فيصل اخو صديقتها سهى
محمد: اووو فيصل ماغيره
الهنوف: ايه ماغيره
محمد: والله وخوش رجال حرام لو ارفضته شكلي بكلمها انا بنفسي
الهنوف: للدرجه هاذي ماشاء الله عليه
محمد: والله انا هذا الي اشوفه ومااسمع عنه الا كل خير عاد توني قبل اسبوع شايفه ولا جاب لي طاري بس شدعوه العنود تحاتي كذا ياكثر الي خطبوها قبل وردتهم بدون هالسرحان
الهنوف: وانتو وش دراكم يالرجال ماعليكم الا تخطبون وبس بعدين رجال عن الثاني يفرق
محمد وقف وقام لها: يعني يوم خطبتج سويتي زيها
الهنوف: لا والله انت نسيت وشلون فاتحتوني بالموضوع انت والعنود
محمد: ههههههه لا مانسيت
الهنوف: أي من قدك تسمع الرد بنفسك
محمد: أي والله من قدي اصلا انا الكل حاسدني عليج
الهنوف : اسم الله علينا من الحسد
محمد: امييييييين يارب ويالله قومي ننام بكره ورانا قعده من الصبح
الهنوف: لا تخاف عندك من الساعه 12 لين الساعه 8 الصباح يعني 8 ساعات
محمد : ومن قالج ابي انام
الهنوف : انت قل ... وسكتت وتمت تطالعه وهي تضحك ومنحرجه
محمد: ههههههههههه فديت الي يستحون تراني زوجك
الهنوف تمد لسانها : ادري ومن قال اني مستحيه
محمد راح لها ولمها وهو يضحك : مااحد قال ياربي ودي اكلج من حلاتج
الهنوف: عيب ترى في واحد يسمعنا
محمد : خل يسمع عشان يعرف شكثر امه حلوه امه الي دوختني وماخلت فيني عقل <<وهو يسوي روحه يكلم البيبي >> شوف ترى امك الليل ماخلتني انامه تعبتني وعذبتني بحبها بس احبها واموووووت فيها ورجع يطالع الهنوف تدرين حبيبتي انج من اول ماقلتيلي انا حامل وانا ادعي ربي انها تكون بنوته حلوه على امها
الهنوف : واناادعي ربي اذا ولد يكون مثل حلاتك عشان يخبل البنات مثل مابوه خبلهم وانا اولهم ..

اليوم الي بعده الصباح الكل كان صاحي من بدري وطلعو للشاليهات وكانو ناويين يقعدون 3 أو 4 ايام وطلعت العائله كلها حتى الجد والجده معهم ..

كانو مررره مستانسين اليوم الثاني في الشاليهات قامو يلعبون في الدبابات وطبعا العنود اول من ركب ورفعه معها وريم ودانه حاطه ليان بنت دلال وتلعب فيها وسلمان حاط ولده فوق الدباب ويلعب معاه وبدور عن خاطرها لفت دوره ..
الهنوف كانت تحن على محمد بس مارضى لها بعذر انه خايف عليها
هنوف : حبيبي الله يخليك بس دوره
محمد: احنا في الليل واذا ماانتبهتي لشي وطحتي وذيك الساعه وش يفيد
الهنوف: الي يشوف انا اول مره اركب دباب هذا في البر ماتقول شي
الا تجي من عندهم العنود : محمد يلا عاد خل الهنوف تلعب عن خاطرها مسكينه كل الناس يلعبون عيالهم الا انت يالله خل ولدك يتعلم على الدباب من الحين
محمد: لا ياعيوني ناويه على ولدي

العنود: انزين اركب معها
محمد: اوكي مدام انا راكب معها عادي
الهنوف تطالعه وهي مبوزه
محمد: ماتبيني اركب معاج
العنود: يالله المهم تركبين الدباب عاد بيضر انتي الي سوقي وخليه وراج
محمد: هاه
الهنوف: مو فشله قدام الناس
العنود: أي ناس الدنيا ليل ماحد شايفج
محمد: انا الرجال ماقلت شي وانتي تقولين فشله هذا جزاتي بركب معاج عشان خاطرج اذا ماتبين كيفج ..
الهنوف: لا لا خلاص العوض ولا القطيعه
وركبت وركب معاها محمد وكان ماسكها من خصرها ..
الهنوف: الحين وش له هالمسكه خايف اطيحك
محمد: والله انتي كل شي تسوينه عشان لو فكرتي تطيحيني اطيحج معاي
الهنوف :" اوريك
وبدت تسوقه وبردت كل الي في خاطرها

اليوم الي بعده حجزو ثلاث جتسكي وكل شوي اركبو عليه اثنين يدورون ويرجعون ...
ركب سلمان ورفعه مع بعض ومحمد والهنوف مع بعض وبدور وطلال مع بعض وتمو يتسابقون ويستهبلون وباقي العيال والبنات واقفين ينظرنونهم ..
الهنوف كانت متوعده لمحمد في البدايه كان هو يسوق عقب هي صارت تسوق وبعدت شوي
محمد: ياهوووو مسويه فيها تعرفين الطريق اقول ارجعي لا نضيع
الهنوف: هههههههه اوريك الحين اذا ماني الهنوف ما طيحتك وتلف وبقووووه
محمد : هنووووووووف مليتيني ماي
الهنوف: عادي حلاتها بالماي ورجعت لفت بقووووووووه وطشر ماي على محمد
محمد : اوريج يالدبه ويقوم ويعضها برقبتها وقبل لا يكمل عضته تصرخ الهنوف وتدفه على ورى وتطيحه وبسرعه وقفت وهي ميته عليه من الضحك : حبيبي صار لك شي
محمد: لا والله طيحتيني وتقولين صار لك شي
الهنوف: هههههههههه عادي حلاتها بالطيحه
محمد: حلاتها بالطيحه هاه ويجرها من يدها ويطيحها معاه
الهنوف : ليييييييييييييه
محمد: بس حلاتها بالطيحه
الهنوف: انا غير انت رجال عادي بس انا بنت
محمد: قصدج حرمه
الهنوف : وتطنز بعد وقامت تصيح
محمد ميت عليها من الضحك مر سلمان من جنبهم وهو فاقع من الضحك هو ورفعه
سلمان: وش سويتو ليش طحتو بالماي
الهنوف وهي تصيح: عمي والي يعافيك ساعدني ابي اطلع
محمد: سلمان ماعليك منها رح
سلمان: سلاااااااااااام
الهنوف عصبت أكثر : ليش سويت كذا الحين شلون بطلع قدام الناس وكلي ماي
محمد: تراني وياج وطلع فوق المركب ومد يده لها
الهنوف مامدت يدها
محمد: يعني شلون اروح واخليج
الهنوف: احسن روح
محمد: ههههههههههه يالصيوحه انتي اخلي روحي ولا اخليج وجرها وركبت وراه .. امسكيني زين يلا بنرجع عشان مايصيبج برد

العنود طبعا عرفت انهم رايحين لجهه المراكب ودقت على نصور يرجع لها بس مارضى وراحت بروحها وهي تتلحطم عليهم لان الوقت قرب يظلم وهي ودها تركبه والشمس موجوده وهي في الطريق رايحه لهم مشي لا ن المكان بعيد بس تقدر تروح له برجولها جاها تلفون من سهى اول ماشافتها هي المتصله على طول ردت وتمت تسولف معها وهي تتمشى وتحمست بالسوالف ومانتبهت ان مجموعه شباب كانو مارين من جمبها قصرت حسها وكملت طريقها الشباب غيرو اتجاههم عنها بس واحد منهم كمل طريقه ولحقها وكان وراها تماما وهي مانتبهت له وكانت تسولف مع سهى
العنود: أي حماتج يالزفته ولا تقولين لي قبل ولا تهياين الموضوع لي ’’
سهى: بغيت اخليها مفاجأه كنت متوقعه انج بتهزئيني بس يالله الحين انتي موافقه والا لا
العنود: وش دخلج اذا موافقه بعدين تعرفين بعدين توني مافكرت امي امس قالت لي
سهى: شتفكرين فيه فيصل وطالبج للزواج توافقين والا لا حرام عليج تراه مييييت عليج
العنود: ميييت علي وانتي وش دراج
سهى: أخوي بعد شلون وش دراني ؟..
العنود : انزين
سهى: شنو انزين موافقه كلللللوووش مع السلامه بروح ابشره
العنود: لااااااااااا وجع تراني في الشارع كلهم سمعو صرختي .. لا تقولين له شي
سهى: عنود فكرتي في الموضوع وربي فيصل شاريج الا قولي يموت فيج
العنود : بيبني وبينج أصلا مايبيله تفكير بس السالفه ومافيها اني انصدمت لان توقعت تعطيني خبر قبل
سهى: يعني ان شاء الله موافقه
العنود: ان شاء الله بس بصلي قبل واستخير وان شاء الله تعرفين الرد من امج بعدين انا وين بلاقي مثل فيصل
سهى: ان شاء الله اوكي ياقلبي اناالحين اخليج والمره الجايه بدق ان شاء الله عشان اقول مبروك وسلامي للبنات
العنود: ان شاء الله يالله مع السلامه
سكرت العنود وهي تحس ان الدنيا مو واسعتها من الفرحه وقامت تسرع شوي لانها قربت وتوها بتوصل لهم
الا يدق جوالها نغمه رساله فتحتها الا رساله وسائط والرقم كان غريب فتحتها الا تسمع صوت تعرفه زين يقول
فقدتك ياأعز الناس فقدت الحب والطيبه
وانا من لي في هالدنيا سوالك انت لو طالت الغيبه
على طول سكرتها لان الصوت كان عالي
الا تسمع صوت من وراها : العنود
العنود لا شعوريا لفت عليه : لبيه
تمت واقفه منصدمه من الي شافته وماعرفت شتسوي
فيصل وهو مبتسم :** يالبى قلبك **.. سامحيني ترى كنت وراج من اول مادق تلفونج وسمعت كل الي صار بينج وبين سهى اذا ماكنت غلطان واسفه بس خفت لااحد يضايقج قلت اصير وراج لين ماتوصلين مكانج وعشان اتاكد اذا انتي العنود رسلت الرساله ..
العنود والى الان تحس انها في حلم : فيصل
فيصل والابتسامه على وجهه : أي فيصل لا يكون انتي مو العنود .
العنود: ههههههههههههه قامت تضحك عليه شلون مو العنود ويوم ناديتني لفيت عليك
فيصل : هههههههههههههههههههههه ههههههههه
عقب لفت العنود وجهها وهي مازالت تضحك عليه وكملت طريقها وتحمد ربها انه جمعها مع الي قلبها حبه وهي ماتدري وعلى هالمعجزه الي نزلت لها من السما وماكانت ابد متوقعتها ولا في احلامها .. وفيصل تم واقف مكانه ميت من الفرحه ويحمد ربه ويدعيه ان يجمع مابينه وبين العنود ....

*** النهااااااااااااااااايه***

200 مشاركه

حضور طاغي من الفراشه
يشد انتباه الجميع من روعته

احترامي

مشكوره يالغلا على روعة اختيارك
ما ننحرم من جديدك ياعسسسل
مودتي
.. جنوووووووو ..~

شاكره مروركم العطر

100



قصه روعه
طرح نال الاستحسان وراقي

هكذا تعودت منك شخصك الكريم

يعطيك العافيه

يعطيـــــ100ــــــك

عــــافــــــــيــــه

طرح في قمه الروووعهـ

تسلم الايادي يارب

ااختكم

فداك روحي

http://www.syriaroses.com/forum/uplo..._1_4_23458.jpg