شي مو سهل انك تتقبل وضع

يخليك تبكي ع طول

لما تكون مرتاح ماديا ونفسيا

وبعدها تطيح

طيحه تحس كل اللي حولك يتعاطفون معك

تشوف في عيونهم شفقه عليك
وانت خاطرك بس في لحظتها

دموع وقهر

الحمدلله

صحيح ان الايادي الرحيمه

ماراحت من حياتي

وانا اظل ممنوونه طول عمري لهم

بس يظل شيء

ترك جواتي اثر

اثر مجروح

مايتداوى مع الأيام

ابدا ابدا ...

الحياة لمن تتغير عليك

في غمضة عين

تحس ان الدنيا كلها

مو واسعتك

حتى لو ان الناس

كانو حواليك ومعك

في كل حالاتك

يظل شيء ناقص داخلك

وماتقدر تبوح ولا تقدر تظهر دموعك

بس تتأمل وتبتسم

وتمشي حياتك

بعد كل مامريت فيه
لقيت نفسي في شغله

ماكنت اتوقع يوم من الايام اني بكون محترفه فيها

وبدات فيها واعجب فيها الكثير
لكنها تلاشت

الان وللاسف ...

كانت هالشغله قريبه لقلبي

حتى نستني الألم

صحيح اني حساسه جدا

وماكنت اتحمل احد يخطي علي

لكن احمدلله

اني نجحت فيه

وكانت عونا لي بعد الله

والحياة تكون كريمه معك
اذا اعطيتها روحك وشغفك

عرفت شي واحد

ان اللي يصر عالشي

ويكون قريب من الله

باذن الله تتحقق له

كل أحلامه

انا اشكر في حياتي

كل الداعمين لي في وقت ازمتي
جد لاجعلني انسى

كيف فرحو قلبي وقلب صغاري وزوجي

احبهم بقدر السماء

وبكذا نخلص بوح الصباح

نلتقي غدا ببوح القلب

الذي تراكم

...

اتوق جدا لك ي عالمي

فانت العالم الذي ابوح فيه
ليرتاح القلب
فأنت بلسم لقلبي

ومابعد البوح الا الارتياح

لتعزف معزوفتي

ولتتجه حروفي بترتيب ذاتها

لتكون الكلمات

اما انا اليوم اتأمل جدا

ان يوم الثلاثاء يكون يوم تغيير لحياتي

للافضل اكيد

يارب يسرلي وقر عيني بما ترضاه ياالله

حينما يكمن مابالخاطر

فإنه لادنيا لا سماء لا ارض

تسعني

يارب كن معي ووفقني