البارحـه يـوم الاوادم خواشـيـع
في نومها وناعلى الكـوع واعـي
هم(ن)يمزع سترة القلـب تمزيـع
تقول ينهش ثومة القلـب افاعـي
خذت القلم من بين روس الاصابيع
وحبيت اميز سيرتـي وانطباعـي
عزلت من صدقان عطلةالاسابيـع
وعزلت من ضحك الوجيه الصناعي
وعزلت من بنين بامالي مشاريـع
جميد برد ولانس الشمـس ماعـي
وعزلت من زرع الخلـي البلاقيـع
وعزلت من رفـع الثنيـه رباعـي
من نفعة اللـي ماطلبنـي منافيـع
جميلة(ن)في غير اهلهـا ضياعـي
في اسواقها ماعاد لشري ولابيـع
لخطيت من رفقة طويـل الذراعـي
اللي على الرفقه يسوقـه دوافيـع
هـذاك تشـرى رفقتـه ماتباعـي
امايشجعني على الطيـب تشجيـع
والايعلمنـي حمـيـد المسـاعـي
والا ليامنـه رمعـنـي روامـيـع
وضاقت على كل الفجوج الوساعي
جيته ويسرلي عسيـر المواضيـع
وخلاخفايا خاطـري لـه وساعـي
معرفتـه ماهـي معرفـة طماميـع
ماتنتـج الاالغطرسـه والضياعـي

يا زين المشي في الروض الأخضر لا شعشع المخضار =يازين الديرة اللي من حقوق الوسم ممطوره
يريح البال سج في الفياض الخضر والمسيار =سعادة للقلوب اللي من السلوان مسروره
متى عيني تشوف اللي على قلبي ربيع ودار =اشاهد للسعادة في حياة المجتمع صوره
لاهلت مزنتين فوقهن تنعومتين صغار= على ذيك اللباب اللي من الرضوان مغموره
لامنه اصحى سما غر المزون وشعشع النوار =ودجاه ادلى سدوله والقمر متجلي نوره
اشاهد لي بروق دونها ربانها تندار= تقول اكباس غاز من ورا شلال نافوره
سبح ماهر خيالي في الخباري والبرد والنار =واشوف الجمر فوقه دلة الرسلان منحوره
هذاك المنظر اللي ما تشوفه في الحياة امرار =على شوفه سبابيح الخيال تموت مقهوره
حرام اني ما اهني راع المليون.. والمليار =ولا اهني عربسات الفضا دوره ومقدوره
أعيـش بعالـم طـول المـدا يبقـى لهـا تـذكـار=عليّـه بالحـرام انهـا حـيـاةٍ مالـهـا جــوره
وذا وجه الصحيح ولا على وجـه الصحيـح غبـار=حقيقـة ويتمعنـهـا اللبـيـب بكـامـل شـعـوره

يا صاحبي كسر الخواطر من شهاويها حرام…. و الحب يحييه الوصل و الروح يحييها الغذا
كل الجوارح فيك تنطق لي من عيونك كلام…. يا حبذا لو من لسانك تنطقه يا حبذا
يا حبذا لو تتخذ وضعي بعين الاهتمام…. من كثر درهامي و را طرد الهوا حالي جذا
و اللي يخلي الحب و الغيرة تسبب الانتقام…. اليا خذا من لذته واحد و واحد ما خذا
واللي يصيح من الخطا المهدوف والله ما يلام…. آمر تدلل ما تبيه يصير قل أبغي هذا

حين أستقبل معك إشراقة الصباح
صباحك ياأنا جمالٌ يفوق الملاح

شفت الأصابع كيف ضمت بعضها
وتشابكت ود و غلا روح و إحساس
والا الدفا اللي بين كفين يدها
تفسير للي داخلي لكـ من إحساس

كل ( ذكرى ) ما تجيب إلا الحنين ،
شوق عيني قاع ،
والغايب سما ! وين دربه ؟ ...
يا دروب الغانمين ، السما ( تمطر ) ، وأنا فيني ظما !"

يا كبر قدرك يا رفيقي عن الناس
مـا يشبهك في طبعك ، الا المرايا

هي تعكس الاشيا بدقة ومقياس
وانت تعكس طيبك وبيض النوايا

مـدري وش الـلــي يجيـب الصـوت بغيابـه ..
وش ذكـر القلـب صـوتٍ مبطيٍ عنه ..

مـن كثـر مـا أغليـه شوق البعـد لـي جـابـه
وأبــكـى خيــالـه عـيـــونٍ مـا يــمـلـنــه

إشـتـقــت لمعــانده وإرضـــاه وإعـتـــابـه
حـتــى المشـاعر تعــانـدنـي ويـرضــــنـه

قلبـي هتـف لــه علـى الطـاري وهــــلابـه
واشلـون فرحـة عيــونـي لــو يشوفـنـه .. ؟

عودت نفسي للمتاهات ما انساق
ولا أسيل دمع عيني واعاني

وخل الحياة تروح والعمر ارزاق
يمكن مع الأيام يضحك زماني

اهدي لك الأشعار مني هديه
...............وابـيـك تـحفـظهـا على مر الأزمان
نظمتها من قلب بحروفن نديه
...............وراحـت على شـانـك يـاأعز انسان